เพรโด่แนพู๊ เต๊เห่ 27:24 - ลีเทส่อพ๊าอาเซ เร๊อ เห่ขุทวาลู๊

²⁴ เร๊อ อา เฮ๊ แว เน๊อ, ‘คูเปาโล๋, ซิอิเช แต่เหม่. เน เบ่ แฮ ก๊อถ่อโอ่ โต่เบ่ เร๊อดื่อ เด๊อ คุ๊ยดุ ซีซาร์ อา เป๊เส่เง ปา. เร๊อ อา เก่ แด๊เฮอเจแม๊ ดื่อ เน ปา. จอแปแหร่ ย๊อ แม๊ เนเป๊เส่ เร๊อ อา เมบุ๊ยเมเตอเรอ เร๊อดื่อ เน อาขว่าอาคยา, อา เก่ เมแลเปล๊ เน เร๊อ แกแย เด๊อ อา แถ่แด๊ เต่อเกอ ส่อเกลอดุ เร๊อ เน เออเต๊เห่ ล๋อ ปลี ปา.’

Eastern Kayah Shadaw Dialect

²⁴ ꤚꤣꤧ꤬ ꤢ꤬ ꤟꤢꤩ ꤠꤢꤧ꤭ ꤔꤢꤧ, ‘ꤋꤢꤨ꤭ꤕꤢꤪꤜꤢꤨ꤮, ꤞꤤꤤ꤬ꤏꤢꤩ꤭ ꤒ꤫ꤢꤧ꤬ꤗꤢꤩ꤬ ꤔꤢꤧ꤬ ꤙꤢꤩ꤬ ꤟꤢꤧ꤭ ꤊꤣꤧ꤬ꤓꤢꤪ꤬ꤥ꤬ ꤒ꤫ꤥ꤬ꤙꤢꤩ ꤚꤣꤧꤘꤢꤦ꤬ ꤘꤣ ꤋꤝꤤꤘꤢꤨ꤬ ꤊꤢꤧꤎꤢ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭ ꤕꤢ꤭, ꤚꤣꤧ꤬ ꤢ꤬ ꤊ꤫ꤢꤦ꤬ ꤡꤢꤧ꤬ꤒꤥ꤭ꤙꤢꤩ꤬ ꤘꤣꤧꤟꤣꤧ꤭ꤡꤢꤩ꤭ꤗꤢꤧ ꤘꤢꤦ꤬ ꤔꤢꤧ꤬ ꤕꤢ꤭꤯ ꤡꤢꤪꤗꤣꤧ꤬ꤚꤢꤧ꤬ ꤜꤢ꤭ ꤗꤢꤧ ꤔꤢꤧ꤬ꤕꤣꤧꤞꤢꤩ꤬ ꤚꤣꤧ꤬ ꤢ꤬ ꤗꤢꤩ꤬ꤙꤝꤤꤗꤢꤩ꤬ꤒꤣꤧ꤬ꤚꤣꤧ꤭ ꤚꤣꤧꤘꤢꤦ꤬ ꤔꤢꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤊ꤫ꤢꤦ꤬ ꤗꤢꤩ꤬ꤜꤣꤧ꤬ꤕꤜꤢꤩ ꤔꤢꤧ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤘꤢꤧ ꤒ꤫ꤣ꤬ꤊꤣꤧ꤭ ꤞꤢꤪ꤬ꤊꤜꤣꤧ꤭ꤘꤢꤨ꤬ ꤔꤢꤧ ꤔꤢꤧ꤬ ꤣꤧ꤭ꤒꤣꤧ꤬ꤟꤢꤩ꤬ ꤜꤢꤪ꤭꤮ ꤕꤜꤤ꤭ ꤕꤢ꤭꤯’

เพรโด่แนพู๊ เต๊เห่ 27:24 ပူးပေါင်းရင်းမြစ်များ

เพรโด่แนพู๊ เต๊เห่ 23:11

เบ๊อะเนอเตเซ, แบ่เจ่ แฮ ก๊อถ่อโอ่ เด๊อ คูเปาโล อาช๊า เร๊อ อา เฮ๊ ลู เน๊อ, “แด่ฉว่าแด่ชอ เน ซิปล่อ นี๋. ฮู๊ เน ข่าจา โทเฮ๊อ เนเหน่ เนอ แวหรี่แวแก เบ๊อะวีเยรูซาเล็ม อากู เออเนอ, เน เก่ ข่าหนิเกอ โป่ดื่อ เตหรี่เตแก เออเนอ เด๊อ วีโรม อากู น๊อปา.”

มัทธิว 10:28

แกแย เด๊อ อา เมเซอ แจ่ ซี เหน่กล่อ ตื๊อดื่อเรอ อา เมเซอ แจ่ ซี แหย่โยบูโพ๊ โต่ เต๊เห่เนอ, ซิอิเช แต่ อาเหล่ แต่เหม่. ซิอิเช แลแค จอแปแหร่ เด๊อ อา เมเซอ แจ่ ซี เหน่กล่อ เร๊อ ซี แหย่โยบูโพ๊ เนอเจ่อลอ เออเนอ เด๊อ หง่าหร่าปอรากยากู เนอเตเพร นี๋.

ꤡꤛꤢꤩ꤭ꤗꤢ꤬ꤎꤣ꤬ 5:16

ฮู๊เนอเนอ, อ๊อแล แลแค ซี เตซื๊อ เต๊เห่ เตเพร เร๊อ เตเพร, เร๊อ แซ่ฮู๊ ซี เก่ โอ่ฉว่าโอ่แพร กาคยา อาเงเนอ, กุยจ๊อเบ เป่ ลู เตเพร เร๊อ เตเพร นี๋. แกแยจ๊อแกแยเต เตเพร อา เตกุยจ๊อเบ เนอ อาโอ่ เน๊อ อา เตอเรอฉว่าชอ เร๊อ อา เมจว่าเบ๊ เอ๋ แหน่เจ๊อ เตเต๊เห่ เจ๊อ.

เพรโด่แนพู๊ เต๊เห่ 9:15

หม่าแน๊เรอ แบ่เจ่ เฮ๊ ลู เน๊อ, “จว๊ามอ, เมเตเฮ๊เรอ แว นว๊าแถ่ เฮ๊อ อา เด๊อ อา เก่ แด๊โฉ่โด่แน เป่ แกแยยิวพู๊ หม่าโต่ เต๊เห่ เร๊อ คุ๊ยจ๊อแผ่ เต๊เห่, เร๊อ อิสราเอลพู๊ เต๊เห่ เร๊อ แวหรี่แวแก ปา.

เห่ขุทวาลู่ 19:29

ฮู๊เนอเร๊อ เบ๊อะ จอแปแหร่ดุ เมจากาคยา เมปย๊าแกลอ เฮ๊อ วี โอ่ เด๊อ เก่รือดือขุ เนอเนอวี เบ๊อะเนอ, อา ซิเหน่แถ่เบ่โต่ เพอับราฮัม กุย ลู เนอ. เบ๊อะ อา เมจากาคยา ปย๊าแก วี เด๊อ เพโลท โอ่ เกอเร๊อ เออเนอ อาเค, อา เอ๊เถ่แลเปล๊แก เพโลท เด๊อ อาเตเมจากาคยา อากู.

เตเด๊อะโลแถ่ 1:17

เบ๊อะแว แม๊เถอะ อา เบ๊อะเนอ, แว แลคื๊อตา เซอโง แซ่เจ๊อเร๊อ แกแยเซอ เตเพร เด๊อ อา กู๊โด่ซ๊า เนอ, โทเรอ อา แด่แถ่ อากู๊ขุ จ๊อทว๊า เด๊อ แวเหน่ลู เร๊อ อา เฮ๊ เน๊อ, “ซิอิเช แต่เหม่, แว หม่า เตอาแก่ซ๊า เร๊อ เตอาตื๊อดื่อ เตเพรเฮ๊อ.

เพรโด่แนพู๊ เต๊เห่ 27:37

แกแย โอ่ เด๊อ ส่อเกลอดุ อากู ล๋อ ปลี เนอหม่า อา โอ่ เนอเย เร๊อ โซซว๊าเตอเชอ เร๊อ เพร โซซว๊า.

เห่ขุทวาลู่ 15:1

เบ๊อะ คูอับราม เมแลเปล๊ หนิแก คูโลท โทเนอ, อา แม๊เถอะลว๊า เต เต๊อเจ่อ เร๊อ จอแปแหร่ ตูจูเพร เฮ๊เบ่ตา ลู เน๊อ, “เก๋อ คูอับราม, ซิอิเช แต่ เตอเจ๋อ แต่เหม่ นี๋. แว เก่ ตอกอเตเก เร๊อดื่อ เน ปา, โท๊โต่ แว เก่ เด๊อะโป่ เน เตเมหนิ คว๊าเก่ เด๊อ อาแร๊ดุเล๊อ เออเนอ ปา.”

เห่ขุทวาลู่ 12:2

แว เก่ นอ ทวาแถ่ เน เน๊อ เมวเจ่อดู๋ เต๊อเจ่อ ปา, เร๊อ แว เก่ เมบุ๊ยเมเตอเรอ เน ปา, แว เก่ นอ โลเทอโลเก่ เนมุย ปา เร๊อ เน เก่ ทวา เป่ เตบุ๊ยเตเตอเรอ เต๊อเจ่อ เด๊อ อูเง ปา.

เพรโด่แนพู๊ เต๊เห่ 27:44

แกแย เด๊อ อา โอ่แก เต๊เห่เนอ, แถ่แด๊หนิ ส่อบย่า เต๊เห่, หม่าโต่เรอ แถ่แด๊หนิ แลแค ส่อเกลอดุ เพ๊ ก๊ากีก๊ากว่า เออเต๊เห่ เร๊อ ครวา เป๊เหย่เถ่ เกอ แลแค. เร๊อ เหย่ซี เม ลอ แลแค พู๊ อา เฮ๊ เนอเรอ เหย่ซี เถ่โต่ แร๊แร๊โมโม ลอปลี เด๊อ โคขุ ปว๋า เตเพร.

เพรโด่แนพู๊ เต๊เห่ 25:11

เก่ แว เมซื๊อ ตาลว๊าตาแก เฮ๊อ แกแยยิวพู๊ เต๊เห่ อา เตซว๊าเตแส่ เด๊อ อา โตเบ่ เร๊อ เตเมจากาคยา เซอ แว เต๊อเจ่อเจ่อ เฮ๊เรอ, แว กุยซิยอ ปา เร๊อ ซี เด๊อ ซี เก่ ปลวาเซอเพร โป่ แว เนอโต่. หม่าแน๊เรอ เหย่ซี อาเตแด่แถ่โลแว แว เตซื๊อ เออเต๊เห่ เนอ, เก่ อา โตโต่ เฮ๊เรอ อู เด๊อะตาแจ่ แว เด๊อ แกแยยิวพู๊ เต๊เห่ อา กู๊ยากู เตเพร่ว โต่. แซ่ฮู๊ อู เก่ เมจากาคยา แว เร๊อ แว กุยจว๊า อู เด๊อ อู เก่ ซูจว๊า แว เด๊อ โรมัน คุ๊ยดุ อา โอ่.”

เพรโด่แนพู๊ เต๊เห่ 19:21

เตเมอาเหน่ ฮู๊เออเต๊เห่ โทเรอ คูเปาโล แด่แล อาซิปล่อ เร๊อ อา เก่ เลจว๊ารว๊า มาซิโดเนียเก่ เร๊อ อาเคยาเก่ เร๊อ อา เก่ จว๊าตาลว๊า เด๊อ วีเยรูซาเล็ม ปา. โทเร๊อ อา เฮ๊ เน๊อ, “แว จว๊าโท เด๊อ วีเยรูซาเล็ม เร๊อ แว เบ่ จว๊า เป่แฮ โป่ เด๊อ วีโรม ปา.”

ꤛꤥ꤭ꤟꤢ꤬ 11:9

เหย่ซู่ เฮ๊ฉื่อ เหย่ซี เน๊อ, “เตอเนอ หม่า อา โอ่ เช๊อเนอมือ แต? แกแย เตเพรเพร เด๊อ อา จว๊าแกล๊ เด๊อ เหมาะเชเกล เออเนอ, อา ตอพอ แลคื๊อเนอ, เมเตเฮ๊เรอ อา ย๋อ แม๊เถอะ ต๊อเหมาะ อาเตลี เนอ.

มัทธิว 10:18

เด๊อ แวขว่าแวคยา เร๊อ อู เก่ จุ่ยตู๊หรู่ แฮ ซี เด๊อ เพรเป๊อเต เด๊อ อา ทวา กู่กล๊อ เต๊เห่ เน๊อ คุ๊ยเต๊เห่ อา โอ่ ปา. ซี เบ่ แด๊โฉ่โด่แน เด๊อะ โล หนิเป่ เหย่ซี เร๊อ แกแยยิวพู๊ หม่าโต่ เต๊เห่ เน๊อ แวหรี่แวแก ปา.

เห่ขุทวาลู่ 46:3

เร๊อ จอแปแหร่ดุ เฮ๊ ลู เน๊อ, “แว หม่า จอแปแหร่ดุ, เนเพ อาจอแปแหร่ดุ, ซีอิเชจว๊า แต่ เด๊อ อียิปต์เก่ แต่เหม่. แว นอทวาแถ่ เน เน๊อ เมวเจ่อดู๋ เต๊อเจ่อ เบ๊อะเนอ ปา.

เห่ขุทวาลู่ 39:23

จอแปแหร่ ตูจูเพร โอ่เกอ เน๊อ คูโยเซฟ เร๊อ อา เม เต อิเตเต๋ เบ่เบ่เนอ, อาทวาอาเถ่ ลอปลี เจ๊อ อาขว่าอาคยา, เพรโอ่ป่อ ทอ กู่กล๊อ เนอเตเพร นอเป๊อตี๊หรี่ ลอปลี เน๊อ คูโยเซฟ เร๊อ อา โหล่ แม๊กาคยา ปา เจ๊อ เตอเจ๋อ โต่ เฮ๊อ.

เห่ขุทวาลู่ 39:5

เป๊อแถ่ เบ๊อะ เกลอกู่กล๊อดุ โปทิฟาร์ นอ เป๊อตี๊หรี่ แม๊ตู่หนิลอ ลู ตี๊หี่แตแพลอ เน๊อ อาตาเต ล๋อ ปลี เบ๊อะเนอ, เด๊อ คูโยเซฟ อาขว่าอาคยา, จอแปแหร่ ตูจูเพร เด๊อะบุ๊ยเด๊อะเตอเรอ ลูหี่ด๊อหี่แพกู. จอแปแหร่ ตูจูเพร เด๊อะบุ๊ยเด๊อะเตอเรอ โปทิฟาร์ อาหี่อาแพ เน๊อ อาเพร๊ซี อาแหล่ซี เต๊เห่.

เห่ขุทวาลู่ 30:27

หม่าแน๊เรอ เพลาบัน เฮ๊ ลู เน๊อ, “อา เก่ โต เน๊อ เนซิปล่อ เฮ๊เร๊อ, แด่ทูซิปล่อ เร๊อโอ่เกอโป่ เหร่อ แว เบ๊อะเออ. เด๊อ เนขุเนคยาเร๊อ จอแปแหร่ ตูจูเพร เด๊อะบุ๊ยเด๊อะเตอเรอ เฮ๊อ แว. เร๊อ แว ดุแหย่แถ่เซ เฮ๊อ.”

เพรโด่แนพู๊ เต๊เห่ 27:31

เร๊อ คูเปาโล เฮ๊ เกลอฮู๊เตเย อากู่กล๊อ เออเตเพร เร๊อ เกลอฮู๊ เต๊เห่ เร๊อ เพรเมเออเนอ เด๊อ ส่อเกลอดุกู เออเต๊เห่ เน๊อ, “ซี เก่ โอ่ แลแค เด๊อ ส่อเกลอดุ อากู โต่ เฮ๊เนอหม่า ซี แลเปล๊แจ่ เตเพร่ว โต่.”

เพรโด่แนพู๊ เต๊เห่ 27:42

ปาหม่า ล๋อ แกแย เด๊อ อู ด๊อตา เหย่ซี เด๊อ ทอกู เออเต๊เห่ เป๊เหย่เถ่ ลอ เด๊อ โคขุ เร๊อ เถ่แกล่ เปล๊จว๊าแก ลอ เห่, เกลอฮู๊ เต๊เห่ อา เตเน เร๊อ, เหย่ซี แด่แล แลแค เฮ๊อ อาซิปล่อ เด๊อ อา เก่ เมเซอแก ลอ เหย่ซี.

ฟีเลโมน 1:22

เร๊อ อา โอ่ปา เต๊อเจ่อแด่ทูซิปล่อ เร๊อ ตี๊หรี่แตแร หนื่ออื่อ เหร่อเป่ แวเง หี่ด๊อกู โต๊โต่ นี๋, เมเตเฮ๊เรอ แว แม๊ชือ เด๊อ จอแปแหร่ อา หนิดา ซี เตกุยจ๊อเบ เร๊อ อา เก่ ซูกาคยา แว เด๊อ ซี โอ่ ปา.