เพรโด่แนพู๊ เต๊เห่ 27:21 - ลีเทส่อพ๊าอาเซ เร๊อ เห่ขุทวาลู๊

²¹ เบ๊อะแกแย เออเต๊เห่ เอ่น๊อโอน๊อ ปาโต่ อางยาลาเฮ๊อ เบ๊อะเนอ, คูเปาโล ก๊อถ่อ เด๊อ เหย่ซี เบ๊เง เร๊อ อา เฮ๊ เหย่ซี เน๊อ, “โคแบ๊ซว๊า ซี๋ เบ๊อะเป โอ่ เด๊อ ครีตกลื๊อ เบ๊อะเนอ, ซี โตเบ่ เถ่จว๊า โต่ แว เฮ๊ ซี เบ๊อะเนอ, ซี โตเบ่ หนิดา ช๊าเหล่ แวโหง่. ซี เก่ หนิดา แวโหง่ เฮ๊เนอหม่า, ซี เตเรปย๊าเตเรแก, เตเร แลจู่แลพรอ ลอแก ฮู๊เออ โต่.

Eastern Kayah Shadaw Dialect

²¹ ꤙꤣꤧ ꤊꤣꤧ꤬ꤛꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤢꤩ꤬ꤔꤢꤪꤥ꤭ꤔꤢꤪ ꤕꤢ꤬ꤒꤥ꤬ ꤑꤢ꤭ꤜꤥ꤬ꤟꤣꤧ ꤢ꤬ꤋꤢꤩ꤭ꤔꤣꤧ꤬, ꤋꤢꤨ꤭ꤕꤢꤪꤜꤢꤨ ꤊꤣꤧ꤬ꤓꤢꤪ꤬ ꤘꤣ ꤛꤢꤩ꤬ꤞꤤ꤭ ꤕꤣꤧꤞꤢꤩ꤬ꤑꤢꤩ꤭ ꤚꤣꤧ꤬ ꤢ꤬ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤋꤥ꤭ꤙꤢꤧꤞꤝꤢ ꤞꤤ꤭꤮ ꤙꤣꤧ ꤕꤢꤩ꤬ ꤥ꤬ ꤘꤣ ꤊꤚꤢꤩ꤬ꤒꤢꤩ꤬ꤊꤜꤢꤦ ꤢ꤬ꤋꤢꤩ꤭ꤔꤣꤧ꤬, ꤞꤤ꤭ ꤒꤥ꤭ꤙꤢꤩ꤬ ꤓꤢꤩ꤬ꤡꤝꤢ ꤒꤥ꤬ ꤠꤢꤧ꤭ ꤟꤢꤩ ꤞꤤ꤭ ꤢ꤬ꤋꤢꤩ꤭ꤔꤣꤧ꤬, ꤞꤤ꤭ ꤒꤥ꤭ꤙꤢꤩ꤬ ꤔ꤫ꤤ꤬ꤘꤢ꤭ ꤏꤢꤜ꤫ꤢꤩ꤬ ꤠꤢꤧ꤭ꤍ꤫ꤥ꤬꤯ ꤞꤤ꤭ ꤊꤢꤩ꤬ ꤔ꤫ꤤ꤬ꤘꤢ꤭ ꤠꤢꤧ꤭ꤍ꤫ꤥ꤬ ꤟꤢꤩꤔꤣꤧ꤬ꤗꤢ꤬, ꤞꤤ꤭ ꤊ꤫ꤢꤦ꤬ꤚꤢꤩ꤭ꤕꤛꤢꤊ꤫ꤢꤦ꤬ꤚꤢꤩ꤭ꤜ꤫ꤢꤨ꤬, ꤊ꤫ꤢꤦ꤬ꤚꤢꤩ꤭ ꤜꤣꤧ꤬ꤡ꤫ꤢꤨ꤬ꤜꤣꤧ꤬ꤖꤚꤢꤪ꤬ ꤜꤢꤪ꤭ꤊꤢꤧ꤭ ꤟꤢꤨꤣꤧ꤭ ꤒꤥ꤬꤯

เพรโด่แนพู๊ เต๊เห่ 27:21 ပူးပေါင်းရင်းမြစ်များ

เห่ขุทวาลู่ 42:22

คูรูเบน เฮ๊ฉื่อ เหย่ซี เน๊อ, “เมแป่เมเชแต่ อา แต่เหม่ นี๋ แว เฮ๊ซี ว๊า เฮ๊แต. ซี หนิดา แหน่ โต่ เนอ! กู๊แหน่เร๊อ เด๊อ เป เมเซอ อา อาขว่าอาคยา, เด๊อ เป เมซื๊อ ลู เออ อาขว่าอาคยา, เป เบ่ ข่าเบ่ แกเฮ๊อ.”

เพรโด่แนพู๊ เต๊เห่ 27:7

อา จว๊ายอ เป่ ซื๊อลือ เป เร๊อ ม๊อเนอม๊อเซ งยาแฮเฮ๊อ เร๊อ เด๊อคยาเนอ เป จว๊าโต่ แหย่แหน่เจ๊อ เด๊อ เหล่โอ่ โต๊โผ่, เบ๊อะอาผื่อ เร๊อ วีคนีดัส เนอ. เก่แลเซ๊ ย๋อ พอฉื่อ เป เร๊อ เป จว๊า เป่แฮ แจ่ปาโต่ อาขว่าอาคยา, เป จว๊า ตาดวาเฮ๊อ เด๊อ ครีตกลื๊อ ซิแล ตากยา. ครีตกลื๊อ เออเนอ อา โอ่ จว๊าโต เด๊อ สัลโมเน กลื๊อ ตอนอ เนอตือกลื๊อ.

เพรโด่แนพู๊ เต๊เห่ 27:12

ช๊า เก๊โหร่เค แฮโต่ปาเนอ, แลบ๊าโอ่โก๊ ส่อเกลอดุ เหล่โอ่ เบ๊อะเนอ เนอหม่า อา ตาโตตาเบ่ โต่. เหย่ซี ซิปล่อโต เอ๊เล๊อ เน๊อ เก่ เถ่จว๊าแก เบ๊อะเนอ, เร๊อ เก่ แอ๊จื๊อ จว๊าโต่เบ๊ เด๊อ วีฟีนิกส์ เฮ๊เนอ, ช๋า เก๊โหร่เค ปาเรอ เก่ จว๊าโอ่โก๊เหร่อ เบ๊อะเนอ ปา. วีฟีนิกส์ หม่า หม่าดื่อ ส่อเกลอดุ เบ๊อะครีตกลื๊อ เนอเต๊เห่ แลบ๊าจว๊าโอ่โก๊ ตาดวาแร๊ อาเหล่โอ่. วีเออเนอ, อา โอ่ โตเด จว๊า ซิโน ซิแล เน๊อ ซิโน ซิแถ่ ตากยา.

เพรโด่แนพู๊ เต๊เห่ 27:13

เก่ เป๊อแถ่ แลเซ๊ ซิโดซิโด แฮ เด๊อ แบ๊แล ตากยา เร๊อ แกแย เต๊เห่ เตเน แลแค เร๊อ เออโตโพ๊เนอ, เก่ เถ่จว๊า หม่า อาหนิ เฮ๊อ อา เตเน แลแค ฮู๊เนอ. เร๊อ เหย่ซี จุ่ยแถ่เถ่แก ลอ เด๊อ อู เหล่จุ่ย โอ่โก๊หม่า เน๊อ ส่อเกลอดุเออ เร๊อ อา ปลวาโกจว๊าแก ส่อเกลอดุเออ จว๊ารว๊า ครีตกลื๊อทือ เนอตากยา.

เพรโด่แนพู๊ เต๊เห่ 27:20

ต๊อเหมาะ เบ่เบ่, เฉ่ เบ่เบ่, เป แม๊เถอะน๊อ ปา โต่ เนอ, ม๊อเนอม๊อเซ อางยาลาเฮ๊อ, เก่แลเซ๊ แลแล แฮชอปา แหน่เจ๊อ เร๊อ เป แม๊ชือ เด๊อ เป เหล่แลเปล๊ เร๊อ อา โอ่ ปาโต่.