เพรโด่แนพู๊ เต๊เห่ 27:2 - ลีเทส่อพ๊าอาเซ เร๊อ เห่ขุทวาลู๊

² ส่อเกลอดุ เต๊เบ่ อา โอ่ เด๊อ วีอาดรามิททิยุม เร๊อ อา แฮ เร๊อ อา เตเร เถ่จว๊า เด๊อ วี เด๊อ อา โอ่รว๊า เทอดุซาวาทือ เด๊อ เอเชียเก่ เต๊เห่ เร๊อ เป แถ่ แถ่แด๊หนิ ลู. แกแย มุย เร๊อ คูอาริสทารคัส เด๊อ อา โอ่ เด๊อ วีเธสะโลนิกา, เด๊อ มาซิโดเนียเก่ อา เตเป๊ออาเล โอ่เตเพร เร๊อ อา จว๊า เต่อเกอ เร๊อ เป.

Eastern Kayah Shadaw Dialect

² ꤞꤢꤪ꤬ꤊꤜꤣꤧ꤭ꤘꤢꤨ꤬ ꤒꤣ꤬ꤙꤢꤩ꤬ ꤢ꤬ ꤥ꤬ ꤘꤣ ꤠꤤ꤭ꤢ꤬ꤘꤚꤢꤧꤗꤢꤨꤒꤢꤩ꤬ ꤚꤣꤧ꤬ ꤢ꤬ ꤟꤢꤧ꤭꤯ ꤚꤣꤧ꤬ ꤢ꤬ ꤊ꤫ꤢꤦ꤬ꤚꤢꤩ꤭ ꤓꤢꤩ꤬ꤡꤝꤢ ꤘꤣ ꤠꤤ꤭ ꤘꤣ ꤢ꤬ ꤥ꤬ꤚꤝꤢ ꤓꤣꤧ꤭ꤘꤢꤨ꤬ꤒꤣꤧ꤬ꤠꤢ꤬ꤓꤢꤦ꤭ ꤘꤣ ꤢ꤬ꤏꤛꤢꤊ꤫ꤢꤩ꤬ꤊꤢꤨ꤭ ꤒꤣꤧ꤬ꤟꤢꤩ꤬ ꤚꤣꤧ꤬ ꤕꤢꤩ꤬ ꤓꤢꤧ꤬ ꤘꤢꤧꤔ꤫ꤤ꤬ ꤜꤢꤨ꤭꤯ ꤊꤣꤧ꤬ꤛꤢꤧ꤭ ꤗꤝꤤ꤭ ꤔꤢꤧ ꤋꤢꤨ꤭ꤢ꤬ꤚꤤꤎꤢ꤬ꤒꤢ꤬ꤊꤢꤨ ꤘꤣ ꤢ꤬ ꤥ꤬ ꤘꤣ ꤠꤤ꤭ꤞꤢꤩ꤬ꤎꤢ꤬ꤜꤢ꤬ꤔꤤ, ꤘꤣ ꤗꤢꤧ꤬ꤎꤤ꤬ꤘꤥꤔꤤ꤬ꤛꤢ꤬ꤊ꤫ꤢꤩ꤬ ꤢ꤬ ꤒꤢꤩ꤬ꤕꤣꤢ꤬ꤜꤢꤩ꤭ ꤥ꤬ꤒꤣ꤬ꤖꤚꤢꤩ꤬ ꤚꤣꤧ꤬ ꤢ꤬ ꤡꤝꤢ ꤒ꤫ꤣ꤬ꤊꤣꤧ꤭ ꤔꤢꤧ ꤕꤢꤩ꤬꤯

เพรโด่แนพู๊ เต๊เห่ 27:2 ပူးပေါင်းရင်းမြစ်များ

เพรโด่แนพู๊ เต๊เห่ 19:29

เตตอปลอตือซือ โอ่ทวาแถ่ เร๊อ อา จว๊าปีชี ลอ เจ๊อ ตีวีลอ เจ๊อ. แกแย เบ๊หมู่ ปื่อหม่า มาซิโดเนียพู๊ คูกายอัส เร๊อ คูอาริสทารคัส เด๊อ อา จว๊า หนิซว๊าหนิโค เกอแน๊ คูเปาโล เออซิเนอ. เร๊อ อู จุ่ยจว๊า เหย่ซี เด๊อ อู เหล่เด๊อะโล เตแลหวิแลวอ อาเหล่โอ่ เบ๊อะวีกูเนอ.

ฟีเลโมน 1:24

ฮู๊เนอเฮ๊อ เพรเมเต่อเต เร๊อ แว คูมาระโก, คูอาริสทารคัส, คูเดมาส เร๊อ คูลูกา ซีเต๊เห่ ซูแฮ เกอช๊าเหล่ อา เตเฮ๊โมเฮ๊แร๊ เต๊เห่ เด๊อ ซีโอ่.

โคโลสี 4:10

คูอาริสทารคัส เด๊อ อู ด๊อตา เต่อเกอ อา เร๊อ แว เออเตเพร ซูแฮ เป่เกอ ซี อาเตเฮ๊โมเฮ๊แร๊, โทเรอ คูบารนาบัส โต๊โป่บู คูมาระโก ซูแฮ เป่เกอ ซี อาเตเฮ๊โมเฮ๊แร๊ เด๊อ ซี โอ่โอ๋. (ซี พย๊าหนิ โทเฮ๊อ ลี เด๊อ อู ราโล เป่ ซี เน๊อ คูมาระโก อาหรี่อาแก เออเนอเฮ๊อ. อา เก่ แฮโตเกอ เด๊อ ซี โอ่ ปา เร๊อ เอ๊โมฉื่อแร๊ ลู นี๋.)

เพรโด่แนพู๊ เต๊เห่ 28:16

เบ๊อะเป จว๊าโต่ เด๊อ วีโรม อากู เบ๊อะเนอ, อู นอโอ่ หนิเร๊อดื่อ คูเปาโล เร๊อ อู จว๊าแคโอ่ เป่ ลู หี่เตเม เร๊อ เกลอฮู๊ เตเพร โอ่ป่อ เกอเร๊อ ลู.

เพรโด่แนพู๊ เต๊เห่ 28:12

เป จว๊าโต่ เด๊อ วีไซราคิ้วส์ เร๊อ เป จว๊าโอ่ เบ๊อะเนอ โซเนอ.

เพรโด่แนพู๊ เต๊เห่ 28:10

เหย่ซี เด๊อะปลูเด๊อะเผ่ เจ๊อ เป เชหยู่ เต๊เห่, เร๊อ เบ๊อะเป แถ่แด๊แถ่ ส่อเกลอดุ เบ๊อะเนอ, เหย่ซี แด่จว๊าหนิ เป่ เป เหล่เอ่เหล่โอ เด๊อ แกล๊ลู อาเง เต๊เห่.

เพรโด่แนพู๊ เต๊เห่ 28:2

แกแย โอ่ เบ๊อะกลื๊อลู เต๊เห่เนอ, อา เมแร๊ แหน่เจ๊อ เป. เก๊จือ แฮ เร๊อ เก๊โหร่แหน่เจ๊อ เป อาขว่าอาคยา, เหย่ซี โอ๊แกหมิ เร๊อ อา เอ๊ อิชุ๊ย แลแค เป หมิ.

เพรโด่แนพู๊ เต๊เห่ 21:5

หม่าแน๊เรอ โซซว๊าเตอเนอ โทเร๊อ เป เถ่จว๊า คยาแซ๊ แกล๊. ล๋อ เพร หยื่อเอ่ เบ๊อะเนอ เต๊เห่ เร๊อ อาพู๊อาเม เต๊เห่ ซูเถ่ เป เด๊อ วีกลอ เร๊อ ซูจว๊าเต่อ เป เด๊อ เทอดุซาวาทือ. เร๊อ เหย่ซี แด๊งือแล ลอปลี เบ๊อะเนอ ปว๋า เตเพร เร๊อ กุยจ๊อเบ แลแค เต.

เพรโด่แนพู๊ เต๊เห่ 19:19

แกแย เออเต๊เห่ อาเกลเนอ, เต๊เห่เห่เรอ อา ทวา โลเน๊โลหน่า ซ๊าร๊า เร๊อ อา พย๊าแฮหนิ แลแค อาลี เด๊อ อา จว๊าอิซว๊าหนิ เกอ เตเมเออ เด๊อ อูลู อาหรี่อาแก เนอเต๊เห่ เร๊อ อา แฮ ซื๊ออือแก เร๊อ หมิ เด๊อ แกแย ตูปลูเต๊เผ่ อา เป๊เส่เง. เหย่ซี แด๊แม๊ ล๋อ ลี เออเต๊เห่ อางูเนอ, อา ตา รือเบ่ แงซ๊อ เบ๊อะเนอเจ๊อ.

เพรโด่แนพู๊ เต๊เห่ 17:1

เหย่ซี จว๊าตาลว๊าแก วีอัมฟีบุรี เร๊อ วีคูอปอลโลเนีย เร๊อ อา จว๊าโต่ แลแค เด๊อ วีเธสะโลนิกา. เบ๊อะวีเนอ ตีวี อากูเนอ, แกแยยิวพู๊ เตจ๊อเบโฮ โอ่ เตเม.

เพรโด่แนพู๊ เต๊เห่ 16:17

อา ครวาจว๊าเกอ คูเปาโล เร๊อ เป เต๊เห่ เด๊อคยา เร๊อ, อา เอ๊โทแถ่ เน๊อ, “เพรคู เออเต๊เห่ หม่า จอแปแหร่ เด๊อ อาดุอาทู ตื๊อดื่อ เออเตเพร อาหลู่ เต๊เห่ เฮ๊อ. อา แด๊โฉ่โด่แน โล เป่ ซี เน๊อ จอแปแหร่ เมแลเปล๊ กา ซี อาหรี่อาแก เฮ๊อ.”

เพรโด่แนพู๊ เต๊เห่ 2:9

เป เออเต๊เห่เนอ, เต๊เห่เห่ หม่า ปารเธียพู๊, มีเดียพู๊, เอลามพู๊, เมโสโปเตเมียพู๊, แกแยยิวพู๊, ดัปปาโดเซียพู๊, ปอนทัสพู๊ เน๊อ เอเชียพู๊,

ꤜꤢꤨꤊꤢ꤬ 8:22

เตอเนอเนอ เหย่ซู่ เร๊อ อา โคเจ่ เต๊เห่ จว๊าโน เด๊อ ส่อเกลอ เต๊เบ่ อากู เร๊อ อา เฮ๊ เหย่ซี เน๊อ, “เป เถ่จว๊า เด๊อ เทออ่อแบ๊เร เนอตากยา โป๋” เร๊อ เหย่ซี เถ่จว๊า แลแค.