เพรโด่แนพู๊ เต๊เห่ 27:1 - ลีเทส่อพ๊าอาเซ เร๊อ เห่ขุทวาลู๊

¹ เบ๊อะอู เฮ๊ปลื๊อเฮ๊โท เฮ๊อ โหง่ เด๊อ เป เบ่ แถ่แด๊หนิ ส่อเกลอดุ เร๊อ เบ่ เถ่จว๊า เด๊อ อิตาลีเก่ เบ๊อะเนอ, คูเปาโล เร๊อ แกแย อาโร เด๊อ อู ด๊อตา เหย่ซี เด๊อ ทอกู เต๊เห่เนอ, อู เด๊อะตาแก เหย่ซี เด๊อ คูยูเลียส อา กู๊ยากู. คูยูเลียส หม่า เกลอฮู๊เตเย อากู่กล๊อ เตเพร. อา หม่า อา โอ่ ป่าโนเต่อ เกอ เด๊อ โรมัน เกลอฮู๊ เด๊อ อา โอ่ อาเพร ตีรี๊ ตู๊หมู่, เร๊อ อู เอ๊ เร๊อ “ออกัสตัส อาเกลอฮู๊ เบ๊หมู่ดุ.”

Eastern Kayah Shadaw Dialect

¹ ꤙꤣꤧ ꤢꤨ꤭ ꤟꤢꤩꤕꤜꤢꤦꤟꤢꤩꤓꤥ꤭ ꤟꤣꤧ ꤍ꤫ꤥ꤬ ꤘꤣ ꤕꤢꤩ꤬ ꤙꤢꤩ꤬ ꤘꤢꤧꤔ꤫ꤤ꤬ ꤞꤢꤪ꤬ꤊꤜꤣꤧ꤭ꤘꤢꤨ꤬ ꤚꤣꤧ꤬ ꤙꤢꤩ꤬ ꤓꤢꤩ꤬ꤡꤝꤢ ꤘꤣ ꤤ꤬ꤒꤢ꤬ꤜꤤ꤬ꤊ꤫ꤢꤩ꤬ ꤢ꤬ꤋꤢꤩ꤭, ꤋꤢꤨ꤭ꤕꤢꤪꤜꤢꤨ ꤔꤢꤧ ꤊꤣꤧ꤬ꤛꤢꤧ꤭ ꤢ꤬ꤚꤥ꤬ ꤘꤣ ꤢꤨ꤭ ꤘꤢꤪꤒꤢ꤭ ꤛꤢꤩ꤬ꤞꤤ꤭ ꤘꤣ ꤢ꤬ꤕꤥ꤬ꤊꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢꤨ꤭ ꤘꤣꤧꤒꤢ꤭ꤊꤢꤧ꤭ ꤛꤢꤩ꤬ꤞꤤ꤭ ꤘꤣ ꤋꤢꤨ꤭ꤡꤛꤢꤨꤜꤤ꤬ꤛꤢ꤬ꤎꤣ꤬ ꤢ꤬ ꤊꤢꤨꤛꤢ꤭ꤊꤢꤨ꤭꤯ ꤋꤢꤨ꤭ꤡꤛꤢꤨꤜꤤ꤬ꤛꤢ꤬ꤎꤣ꤬ ꤗꤢ꤬ ꤊꤜꤣꤧ꤭ꤒꤣ꤬ꤛꤢꤩ꤬ ꤢ꤬ꤊꤢꤨ꤬ꤊꤜꤢꤪ ꤒꤣ꤬ꤖꤚꤢꤩ꤬꤯ ꤢ꤬ ꤗꤢ꤬ ꤢ꤬ ꤥ꤬ ꤕ꤫ꤢ꤬ꤔꤥ꤭ꤒ꤫ꤣ꤬ ꤊꤣꤧ꤭ ꤘꤣ ꤚꤥꤗꤢꤩ꤬ ꤊꤜꤣꤧ꤭ꤟꤢꤨ ꤘꤣ ꤢ꤬ ꤥ꤬ ꤢ꤬ꤖꤚꤢꤩ꤬ ꤒꤣ꤬ꤚꤤ ꤒꤣ꤬ꤗꤢꤨ꤬, ꤚꤣꤧ꤬ ꤢꤨ꤭ ꤢꤩ ꤔꤢꤧ “ꤢꤪꤊꤢ꤬ꤎꤢ꤬ꤒꤢ꤬ ꤢ꤬ꤊꤜꤣꤧ꤭ ꤙꤢꤩꤗꤢꤨ꤬ꤘꤢꤨ꤬꤯”

เพรโด่แนพู๊ เต๊เห่ 27:1 ပူးပေါင်းရင်းမြစ်များ

เพรโด่แนพู๊ เต๊เห่ 25:25

หม่าแน๊เรอ, อา เม เตซื๊อ เด๊อ โตเบ่ เมจากาคยา เซอแก อาเนอ, แว แม๊เถอะ เตอเจ๋อ โต่. อาแหน่แบ่เจ่ เร๊อดื่อ กุยดื่อ เนอ อา ซิหยื่อนอ เมจากาคยา เร๊อดื่อ เร๊อ คุ๊ยดุ ซีซาร์ อาขว่าอาคยา, แว แด่แลเฮ๊อ แว ซิปล่อ เด๊อ แว เก่ ซูแล อา แพ๊.

เพรโด่แนพู๊ เต๊เห่ 25:12

คุ๊ยดุ คูเฟสทัส เร๊อ แกแย ลีแมลีเพ๊ เต๊เห่ เฮ๊เบ่ ฉู่โนกู โหร่แคลู เร๊อ อา เฮ๊ฉื่อ คูเปาโล เน๊อ, “เน กุย อู เด๊อ อู เก่ ซูจว๊า เน เด๊อ คุ๊ยดุ ซีซาร์ โอ่เฮ๊อ อาขว่าอาคยา, เน เก่ จว๊าน๊อ เด๊อ ลูโอ่ ปา.”

เพรโด่แนพู๊ เต๊เห่ 10:1

เบ๊อะวีเก่ซารียา อากู เนอ, เกลอฮู๊ ทวาดุ เด๊อ อามุย เร๊อ เพโครเนลิอัส โอ่เตเพร. อา หม่า โรมัน เกลอฮู๊ เตเย อากู่กล๊อ เด๊อ อู เฮ๊ เร๊อ อิตาเลีย เกลอฮู๊โกล.

เพรโด่แนพู๊ เต๊เห่ 27:11

หม่าแน๊เรอ เกลอฮู๊เตเย อากู่กล๊อ เออเตเพรเนอ, อา หนิดา เกอ คูเปาโล อาโหง่ โต่. อา หนิดา แพ๊ตื๊อ ส่อเกลอดุ อา กู่กล๊อดุ เออเตเพร เน๊อ ส่อเกลอดุ อาแบ่เจ่ อาโหง่ แพ๊.

เพรโด่แนพู๊ เต๊เห่ 18:2

เร๊อ อา จว๊า แม๊เถอะ ตาฉื่อ เร๊อ แกแยยิวพู๊ เตเพร เด๊อ อามุย เร๊อ เพอาควิลลา เออ เบ๊อะเนอ โต๊โผ่. เพอาควิลลา เออเนอ, อา โอ่ เป๊เจ่เค เด๊อ วีปอนทัส เร๊อ อา เร๊อ อาเม โหมะปริสสิลลา แฮโต่เซ แลแค ปาแพ๊ เบ๊อะเนอ แพ๊. คุ๊ยดุ คูครวาดิอัส เฮ๊ตาอาโหง่ เน๊อ ล๋อ แกแยยิวพู๊ เต๊เห่เนอ, เบ่ เถ่จว๊าแก ลอปลี เบ๊อะวีโรม อากูเออ. เด๊อ คุ๊ย เฮ๊ตา อาโหง่ ฮู๊เออ อาขว่าอาคยา, เร๊อ คูอาควิลลา เออ เร๊อ อาเม โหมะปลิสสิสลา เถ่จว๊าแก เด๊อ อิตาลี เก่กู เร๊อ แฮโต่ แลแค เบ๊อะเออ แพ๊. เร๊อ คูเปาโล จว๊า แม๊เถอะ ตาฉื่อ เร๊อ เหย่ซี.

ꤟꤤꤙꤚꤢꤨ 13:24

แด๊โฉ่ โลจว๊า หนิเป่เกอ เป เตเฮ๊โมเฮ๊แร๊ เออเต๊เห่เนอ เน๊อ ซี ทวาดุทวาเต ล๋อ ปลี เน๊อ ล๋อ จอแปแหร่ อาแกแย เนอเต๊เห่ นี๋. โทเรอ เป โป่แหว่ ครี๊พู๊ เด๊อ อิตาลีเก่ เนอเต๊เห่ ซูแฮ เป่เกอ ซี อาเตเฮ๊โมเฮ๊แร๊ เต๊เห่.

เพรโด่แนพู๊ เต๊เห่ 28:16

เบ๊อะเป จว๊าโต่ เด๊อ วีโรม อากู เบ๊อะเนอ, อู นอโอ่ หนิเร๊อดื่อ คูเปาโล เร๊อ อู จว๊าแคโอ่ เป่ ลู หี่เตเม เร๊อ เกลอฮู๊ เตเพร โอ่ป่อ เกอเร๊อ ลู.

เพรโด่แนพู๊ เต๊เห่ 27:43

หม่าแน๊เรอ เกลอฮู๊เตเย อา กู่กล๊อเออ อา ซิหยื่อ เมแลเปล๊ คูเปาโล อาขว่าอาคยา, เฮ๊ ดี๊แดตาตือ เกลอฮู๊ เต๊เห่ เร๊อ อา เก่ เมเซอ แต่ เหย่ซี เตเพร่ว แต่เหม่. ฮู๊เนอ อาขว่าอาคยา, อา เฮ๊ตา อาโหง่ เร๊อ แกแย เด๊อ อา เป๊เหย่แจ่ เทอ เต๊เห่เนอ อี๊ฉ่าตา เหร่อเล๊อมอ เด๊อ เทอกูเนอ เร๊อ เป๊เหย่เถ่เหร่อมอ เด๊อ โคขุ เนอ.

เพรโด่แนพู๊ เต๊เห่ 27:6

เบ๊อะเนอเค เกลอฮู๊เตเย อากู่กล๊อ เนอเตเพร แม๊เถอะ ส่อเกลอดุ โอ่ เด๊อ วีอเล็กซานเดรีย แฮ เร๊อ อา เตเร จว๊า เด๊อ อิตาลีเก่ เต๊เบ่, เร๊อ อา นอแถ่แด๊ จว๊าเกอ เป เน๊อ ส่อเกลอดุ เออเต๊เบ่.

เพรโด่แนพู๊ เต๊เห่ 24:23

เร๊อ อา เฮ๊เบ่ อาโหง่ เด๊อ เกลอฮู๊เตเย กู่กล๊อ เออเนอ เตเพร อา โอ่ เน๊อ, โอ่ป่อหนิแร๊ คูเปาโลเออ นี๋, หม่าแน๊เรอ อาปลวาเปอเลอ จว๊าโทจว๊าแล เป่เกอ ช๊าเหล่ดื่อ อา จู๋ อาซิปล่อ ซิหยื่อเมเนอ เต๊เห่เห่ นี๋. อาซว๊าอาโค เต๊เห่ เก่ แฮแม๊แฮเด๊อะ ลู เต เด๊อ อา โหล่ เต๊เห่ เก่เฮ๊เรอ ปลวาแม๊ เป่ ลู นี๋.

เพรโด่แนพู๊ เต๊เห่ 23:17

เออโตโพ๊เรอ คูเปาโล เอ๊ เกลอฮู๊เตเย อา กู่กล๊อดุ เต๊เห่ อาเกล เตเพร เร๊อ อา เฮ๊ ลู เน๊อ, “ซูจว๊า เป๊เจ่ เพรคูพู๊ เออเตเพร เด๊อ เกลอฮู๊ตีรี๊ กู่กล๊อ เนอเตเพร อา โอ่ เนอ. เร๊อ เตหรี่เตตแก เด๊อ อา ซิหยื่อ แด๊โฉ่โล เป่ ลู เนอ, อา โอ่ เตอ เจ่อ.”

เพรโด่แนพู๊ เต๊เห่ 23:11

เบ๊อะเนอเตเซ, แบ่เจ่ แฮ ก๊อถ่อโอ่ เด๊อ คูเปาโล อาช๊า เร๊อ อา เฮ๊ ลู เน๊อ, “แด่ฉว่าแด่ชอ เน ซิปล่อ นี๋. ฮู๊ เน ข่าจา โทเฮ๊อ เนเหน่ เนอ แวหรี่แวแก เบ๊อะวีเยรูซาเล็ม อากู เออเนอ, เน เก่ ข่าหนิเกอ โป่ดื่อ เตหรี่เตแก เออเนอ เด๊อ วีโรม อากู น๊อปา.”

เพรโด่แนพู๊ เต๊เห่ 22:26

เบ๊อะเกลอฮู๊เตเย อากู่กล๊อ เออเตเพร หนิโฮ เตเออ เบ๊อะเนอ, อา จว๊า แด๊โฉ่ แฮเง เป่ เร๊อ เกลอฮู๊ตีรี๊ อากู่กล๊อ เร๊อ อา จว๊าแด๊เฮอ เกลอฮู๊ตีรี๊ อากู่กล๊อ เออ เน๊อ, “เน เตเร เม อา ฮู๊เต ปา? อา หม่า โรมัน เทอพู๊เก่พู๊ เตเพร ว๊า!”

เพรโด่แนพู๊ เต๊เห่ 21:32

โตโพ๊โต เกลอฮู๊ตีรี๊ อากู่กล๊อ เออเตเพร เอ๊หนิ เกลอฮู๊เตเย อากู่กล๊อ เต๊เห่ เน๊อ เกลอฮู๊ เต๊เห่ เร๊อ อา แกล่โน แลแค เด๊อ แกแย เบ๊หมู่ เต๊เห่ อากู, เร๊อ เบ๊อะแกแย เบ๊หมู่ เต๊เห่ แม๊เถอะ เน๊อเกลอฮู๊ กู่กล๊อ เน๊อ เกลอฮู๊ เต๊เห่เบ๊อะเนอ, เหย่ซี อามืออาปอ ปา คูเปาโลโต่.

เพรโด่แนพู๊ เต๊เห่ 19:21

เตเมอาเหน่ ฮู๊เออเต๊เห่ โทเรอ คูเปาโล แด่แล อาซิปล่อ เร๊อ อา เก่ เลจว๊ารว๊า มาซิโดเนียเก่ เร๊อ อาเคยาเก่ เร๊อ อา เก่ จว๊าตาลว๊า เด๊อ วีเยรูซาเล็ม ปา. โทเร๊อ อา เฮ๊ เน๊อ, “แว จว๊าโท เด๊อ วีเยรูซาเล็ม เร๊อ แว เบ่ จว๊า เป่แฮ โป่ เด๊อ วีโรม ปา.”

เพรโด่แนพู๊ เต๊เห่ 16:10

คูเปาโล แม๊เถอะลว๊า โทเตเออเออ เน๊อ, เป โอ่ตี๊หรี่แแตแร เปเหน่ เน๊อ เป เก่ เถ่จว๊า เด๊อ มาซีโดเนีย เก่, เมเตเฮ๊เร๊อ เป หยื่อเอ่ เร๊อ จอแปแหร่ เอ๊ เป เร๊อ เป เก่ จว๊า แด๊โฉ่โด่แน เป่เกอ มาซิโดเนีย เก่พู๊ เต๊เห่ เร๊อ เตซิครือมีลา อาหรี่อาแก.

เพรโด่แนพู๊ เต๊เห่ 10:22

เร๊อ เหย่ซี เฮ๊ฉื่อ เน๊อ, “เกลอฮู๊ทวาดุ เพโครเนลิอัส นอแฮ เป. อา หม่า แกแยจ๊อแกแยเต เตเพร, โท๊โต่ แกแย เด๊อ อา เบ่หยื่อเบ่แหน่เกอ จอแปแหร่ เตเพร. แกแยยิวพู๊ เต๊เห่ เบ่หยื่อแหน่หนิ ลอปลี เจ๊อ ลู ปว๋า เตเพร เจ๊อ. แซ่ฮู๊ อา เก่ หนิโฮน๊อ เกอ เน เตเฮ๊เบ่อี๊โช เต๊เห่เนอ เร๊อ, จอแปแหร่ อา เตเน่วม๊อขุพู๊ แฮ เฮ๊ ลู เร๊อ เบ่ จว๊า เอ๊แฮ เน เด๊อ อาหี่.”

ꤜꤢꤨꤊꤢ꤬ 23:47

โรมัน เกลอฮู๊เตเย กู่กล๊อ เออเตเพร แม๊เถอะ เตเมอาเหน่ เออเต๊เห่ เร๊อ อา ถู่เซ๊แถ่ จอแปแหร่ เร๊อ อา เฮ๊ เน๊อ, “แกแย เออเตเพร หม่า แกแยจ๊อ แกแยเต หม่าแหน่ เจ๊อ แหน่ เฮ๊อ!”

ꤜꤢꤨꤊꤢ꤬ 7:2

เบ๊อะวีกูเนอ โรมัน เกลอฮู๊กู่กล๊อ โอ่ เตเพร, เร๊อ อาหลู่ เด๊อ อา โมเกอเร๊อ แหน่เจ๊อ ลู เออเตเพรเนอ, อา ชุ๊ย เร๊อ อา ผื่อ เซเร เซอตีลี๊ ลา เจ๊อ เฮ๊อ.

มัทธิว 27:54

เบ๊อะโรมัน เกลอฮู๊เตเย กู่กล๊อ เออเตเพร เร๊อ แกแย เด๊อ อา โอ่ป่อแม๊เร๊อ เหย่ซู่โล เออเต๊เห่ แม๊เถอะ เตเน่วท๊อดี เร๊อ ล๋อ เตทวาแถ่ อาเหน่ เออเต๊เห่ เบ๊อะเนอ, เหย่ซี ซิอิเช เร๊อ อา เฮ๊ แลแค เน๊อ, “อา หม่า จอแปแหร่ อาพู๊ หม่าแหน่ แหน่ เฮ๊อ.”

เห่ขุทวาลู่ 50:20

ซี เตเน เน๊อ ซี เมหน่าเมจา แว ตื๊อดื่อเร๊อ ฮู๊ซี แม๊เถอะดื่อ กู๊แหน่เออ เนอเฮ๊อ, แซ่ฮู๊ แกแย อาซิปล่อเซอเพร เก่ แลเปล๊ โอ่โหร่ โอ่เอ๊ อาเงเนอเร๊อ, จอแปแหร่ดุ เมเต๊เปล่แก เด๊อ เตแร๊ ตากยา เฮ๊อ.

เพรโด่แนพู๊ เต๊เห่ 28:1

เบ๊อะเป แถ่โต่ แร๊แร๊โมโมโทเฮ๊อ เด๊อ โคขุ เบ๊อะเนอ, อู แด๊โฉ่โล เป่ เป เร๊อ กลื๊อ เนอตือกลื๊อ หม่า อู เฮ๊ เร๊อ มอลตากลื๊อ.