เพรโด่แนพู๊ เต๊เห่ 26:9 - ลีเทส่อพ๊าอาเซ เร๊อ เห่ขุทวาลู๊

⁹ “แว เหน่แบ่แจ่ เร๊อดื่อ เจ๊อ, เด๊อ เนอเค แว เตเนแต่ โทเฮ๊อ เบ๊อะแว เมเบ๊ ตื๊อดื่อเนอ, ฮู๊เตเต๋ เบ่เบ่ แว เบ่ แม๊ปู เคร๊ฉื่อเมฉื่อ เร๊อ แกแย เด๊อ อา หยื่อเอ่ วีนาซาเร็ธพู๊ เหย่ซู่ อามุย เออเนอเต๊เห่, แว เตเน โทเฮ๊อ ฮู๊เนอ.

Eastern Kayah Shadaw Dialect

⁹ “ꤠꤢꤧ꤭ ꤔ꤫ꤢꤩ꤬ꤙꤢꤧ꤬ꤡꤢꤩ꤬ ꤚꤣꤧꤘꤢꤦ꤬ ꤡꤣꤧ, ꤘꤣ ꤔꤣꤧ꤬ꤋꤢꤩ꤭ ꤠꤢꤧ꤭ ꤒꤣꤧ꤬ꤔꤢꤩ꤬ꤒ꤫ꤢꤧ꤬ ꤓꤥ꤭ꤟꤣꤧ ꤙꤣꤧ ꤠꤢꤧ꤭ ꤗꤢꤩ꤬ꤙꤢꤩ ꤒꤣꤧ꤬ꤘꤢꤦ꤬ꤔꤣꤧ꤬, ꤟꤢꤨꤒꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬ ꤠꤢꤧ꤭ ꤙꤢꤩ꤬ ꤗꤢꤧꤕꤢꤨ꤭ ꤓꤢꤩꤏꤢꤦ꤬ꤗꤢꤩ꤬ꤏꤢꤦ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤠꤤ꤭ꤔꤢ꤬ꤎꤢ꤬ꤚꤢꤧꤖꤢꤨ ꤛꤢꤩ꤬ꤏꤛꤢꤨ ꤢ꤬ꤗꤝꤤ꤭ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬, ꤠꤢꤧ꤭ ꤒꤣꤧ꤬ꤔꤢꤩ꤬ ꤓꤥ꤭ꤟꤣꤧ ꤟꤢꤨꤔꤣꤧ꤬꤯

เพรโด่แนพู๊ เต๊เห่ 26:9 ပူးပေါင်းရင်းမြစ်များ

ทิโมธี อาเหร่อเล๊อ ต๊าบ่า 1:13

เด๋อ อาเหร่อเค เนอหม่า, แว เฮ๊ มู๊แหม่รีแจ่ เหย่ซู่ครี๊, แว เมจาเมจือ อา, แว เป๊อเจ่ออิแช๊ อา หม่าแน๊เรอ แบ่เจ่ ซิยอเกอเร๊อ แว, เมเตเฮ๊เรอ แว ย๋อ หยื่อเอ่แหน่ แต่เกอล๋ายโต่, เร๊อ แว เมเต เออเต๊เห่เนอ, แว ย๋อ ซิเง ล๋ายโต่ อาขว่าอาคยา, อา ซิยอเกอเร๊อ แว แพ๊.

เพรโด่แนพู๊ เต๊เห่ 22:8

“เร๊อ แว แด๊เฮอฉื่อ อา เน๊อ, ‘แบ่เจ่, เน หม่า อูเป?’ “เร๊อ อา เฮ๊ฉื่อ แว เน๊อ, ‘แว หม่า วีนาซาเร็ธอาพู๊ เหย่ซู่ เด๊อ เน เมจาเมจือ เหย่ ซีเนอ เตเพร เฮ๊อ’

ฟีลิปปี 3:6

เมเตเฮ๊เร๊อ แว ซิปล่อฉว่า แด่ดุแด่ทู แหน่เจ๊อ จอแปแหร่ อาเตเม อาขว่าอาคยา, แว เมจาเมจือ แกแย เด๊อ อา หยื่อเอ่ ครี๊ เต๊เห่. เก่ เฮ๊ เร๊อ จูเอ่ เตซว๊าเตแส่ อาโหง่เฮ๊แก เต๊เห่ ตื๊อเร๊อ ทวาแถ่ เบ๊แพ๊ แกแยจ๊อแกแยเต แพ๊ เก่เฮ๊เรอ, แว ทวา โทเฮ๊อ แกแย เตเพร เด๊อ อู แม๊ปู แด่เจ๊อ แว เตซื๊อ เนอ, อา โอ่เจ๊อโต่ เตเพร เฮ๊อ.

ꤚꤥꤗꤢꤩ꤬ 10:2

แว ซิเง ตาเต ลอ เหย่ซี อาหรี่อาแก อาขว่าอาคยา, แว เก่ แด๊โฉ่โล เป่ ซี เน๊อ เหย่ซี อาหรี่อาแก เฮ๊เนอหม่า อาหนิ แพ๊. เหย่ซี ซิปล่อฉว่า แม๊ปู ลือครวา เมโต แหน่เจ๊อ จอแปแหร่ ซิปล่อ หม่าแน๊เรอ เบ่โต ลือครวา เม ฮู๊เตเนอ, เหย่ซี ซิเง แลแค โต่.

เพรโด่แนพู๊ เต๊เห่ 24:5

“เป ซิเง เร๊อ แกแย เออเตเพร หม่า แกแย เด๊อ อา แม๊ปู เมดี๊แด อู. แกแย เด๊อ อา เมโอ่แถ่ลอ เตตอปลอตือซือ เด๊อ แกแยยิวพู๊ เต๊เห่ อาเกล จว๊าโต่ลอ เด๊อ เห่ขุต๊าบ่า เออเนอหมา อาเฮ๊อ. อา หม่า นาซาเร็ธพู๊ อาตู๊หมู่ตอกล๊อ อากู่กล๊อ เตเพร.

เพรโด่แนพู๊ เต๊เห่ 21:13

หม่าแน๊เรอ คูเปาโล เฮ๊ฉื่อ เป เน๊อ, “ซีโหง่ซีเห่ เร๊อ ซี เม ซิเปลซิหย่อ แว เมเต? แว โอ่ตี๊หรี่แตแร หนื่ออื่อ เฮ๊อ แวเหน่ เด๊อ อู เก่ปื่อเก่จอ แว เบ๊อะวีเยรูซาเล็ม เออเนอ ปา ตื๊อดื่อ หม่าโต่, แว ตี๊หรี่แตแร หนื่ออื่อ โป่ เจ๊อเฮ๊อ เด๊อ แว เก่ เซอ เด๊อ แบ่เจ่ เหย่ซู่ อาเง เจ๊อ.”

เพรโด่แนพู๊ เต๊เห่ 9:16

ล๋อ เตจาเตจือ เด๊อ อา โตเบ่ ข่าจา เด๊อ แวขว่าแวคยา เต๊เห่เนอ, แว เก่ เด๊อะโล ซิเง เจ๊อดื่อ ลู เร๊อ แวเหน่ ปา.”

เพรโด่แนพู๊ เต๊เห่ 3:6

หม่าแน๊เรอ คูเปโตร เฮ๊ ลู เน๊อ, “แวรือแวเท โอ่ เตเป๊ โต่, หม่าแน๊เรอเตเด๊อ อา โอ่ เร๊อ แว เออเนอ, แว เก่ เด๊อะ เน. เด๊อ วีนาซาเร็ธพู๊ เหย่ซู่ครี๊ เด๊อ อามุย โอ่ เร๊อ เตอเรอ ฉว่าชอ เออเตเพร ขว่าคยาเร๊อ แว เฮ๊ เน, ก๊อถ่อ จว๊ามอ!”

ꤛꤥ꤭ꤟꤢ꤬ 15:21

ซี ทวา แว โคเจ่ อาขว่าอาคยา แกแย เห่ขุพู๊ เต๊เห่ เก่ เมจาเมจือ ซี ปา, เมเตเฮ๊เรอ เหย่ซี ซิเง แลแค เพ เด๊อ อา นอแฮ แว เออเนอ เตเพร่ว โต่.

เพรโด่แนพู๊ เต๊เห่ 3:17

“โป่แหว่ ซี๋, กู๊แหน่เร๊อ, ซี เร๊อ ซี ทวาดุทวาเต เมเซอ เหย่ซู่ เนอหม่า, ซี ย๊อ ซิเง อาโหง่แลช๊า โต่ อาขว่าอาคยาเร๊อ ซี เม อา แพ๊.

เพรโด่แนพู๊ เต๊เห่ 9:1

เบ๊อะเนอโตโพ๊ คูเซาโล เฮ๊ ซิอิเช แบ่เจ่ อา โคเจ่ เต๊เห่ เด๊อ อา เก่ เมเซอ เหย่ซี. อา จว๊า เด๊อ เพรหลู่แต กู่กล๊อดุเล๊อ เตเพร อา โอ่.

เพรโด่แนพู๊ เต๊เห่ 22:3

“แว หม่า แกแยยิวพู๊ เตเพร, แว กาโอ่เป๊เจ่แล เด๊อ วีทาร์ชัส, เด๊อ ชิลีเซียเก่ อา เตเป๊ออาเล, หม่าแน๊เรอ แว ดุแถ่ เด๊อ วีเยรูซาเล็ม. คูกามาลิเอล หม่า แว ซ๊าร๊า เร๊อ อา อิซว๊า ตาเต แหน่เจ๊อ แว เร๊อ เตซว๊าเตแส่ เด๊อ โหมะเพเพอโพ เด๋อ งย๊าเค เต๊เห่ ครวาเมเกอ โทเฮ๊อ เนอเต๊เห่. แว ซิปล่อฉว่า เมลอซิปล่อชีเม แหน่ ลอ เจ๊อ จอแปแหร่ อา เตเอ่เตแร แซ่เน๊อ ซี เด๊อ อา โอ่ เบ๊อะเออ เต๊เห่ ปวาเพร ซิปล่อฉว่า แหน่เจ๊อ กู๊แหน่ เออเนอเฮ๊อ.

เพรโด่แนพู๊ เต๊เห่ 22:4

แกแย เด๊อ อา โครครวา แกล๊ เด๊อ เหย่ซู่ครี๊ เด๊อะโล เออเนอ, แว เมจาเมจือ เจ๊อ เหย่ซี บ๋า เต เฮ๊เนอ, แว เมจาเมจือ โต่ เจ๊อ เหย่ซี เด๊อ อา อาเซอ เจ๊อ. โทเร๊อ แว ปื่อ ลอ เพรเหมาะเพรคู เต๊เห่ เร๊อ แว ด๊อตาลอ เหย่ซี เด๊อ ทอกู.