เพรโด่แนพู๊ เต๊เห่ 26:24 - ลีเทส่อพ๊าอาเซ เร๊อ เห่ขุทวาลู๊

²⁴ เบ๊อะคูเปาโล เฮ๊เบ่แลเปล๊ อาเหน่ ฮู๊เออ เบ๊อะเนอ, คุ๊ยดุ เฟสทัส จ่าเพรอ เอ๊โท ลู เน๊อ, “คูเปาโล๋, เน ตีมุย แพ๊. เน เตลีแมลีเพ๊ เด๊อ อาดุอาแย เต๊เห่ เมตีมุย ลอ เน เฮ๊อ.”

Eastern Kayah Shadaw Dialect

²⁴ ꤙꤣꤧ ꤋꤢꤨ꤭ꤕꤢꤪꤜꤢꤨ ꤟꤢꤩꤙꤢꤩ꤬ꤜꤣꤧ꤬ꤕꤜꤢꤩ ꤢ꤬ꤔ꤫ꤢꤩ꤬ ꤟꤢꤨꤣꤧ꤭ ꤢ꤬ꤋꤢꤩ꤭ꤔꤣꤧ꤬, ꤋꤝꤤꤘꤢꤨ꤬ ꤠꤢꤩ꤬ꤎꤢ꤬ꤒꤢꤨ ꤡ꤫ꤢ꤬ꤖꤚꤣꤧ꤭ ꤢꤩꤓꤥ꤭ ꤜꤢꤨ꤭ ꤔꤢꤧ, “ꤋꤢꤨ꤭ꤕꤢꤪꤜꤢꤨ꤮, ꤔꤢꤧ꤬ ꤒꤣꤧ꤬ꤗꤝꤤ꤭ ꤖꤢꤧ꤯ ꤔꤢꤧ꤬ ꤒꤢꤩ꤬ꤞꤤꤋꤝꤢꤞꤤꤑꤢꤩ꤭ ꤘꤣ ꤢ꤬ꤘꤢꤨ꤬ꤢ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤗꤢꤩ꤬ꤒꤣꤧ꤬ꤗꤝꤤ꤭ ꤜꤢꤪ꤭ ꤔꤢꤧ꤬ ꤟꤣꤧ꤯”

เพรโด่แนพู๊ เต๊เห่ 26:24 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 1:23

ฮู๊เนอเรอ เบ๊อะเป แด๊โฉ่โด่แน ครี๊ เซอ เด๊อ อี๊ถื่อดีเต่ลู เบ๊อะเนอ, แกแยยิวพู๊ เต๊เห่ เตเน ซิปล่อเช แหน่เจ๊อ. แกแยยิวพู๊ หม่าโต่ เต๊เห่ ลาติ เร๊อ อา เฮ๊ เน๊อ อาโหง่แลช๊า โอ่ เด๊อ เหย่ซี อาเง เตอเจ๋อ โต่.

โครินธ์ เนอบ่า ต๊าบ่า 5:13

อู เก่ เฮ๊ เป เร๊อ แกแย ตีมุย เก่เฮ๊เรอ, เหล่เฮ๊โอ่ เน๊อ โต่, ล๋อ เป เม เออเต๊เห่ เนอหม่า จอแปแหร่ อาเง แพ๊. อู เก่ เฮ๊ เป เร๊อ เป เมเต โต เก่เฮ๊เรอ, อา หม่าเฮ๊อ, เป เม ม๊า เป่ แหน่ เด๊อ อา เก่ หนิบุ๊ยหนิเตอเรอ เด๊อ ซีเงเนอ.

โครินธ์ อาเหร่อเล๊อ ต๊าบ่า 4:10

เมเตเฮ๊เรอ เด๊อ เป ครวา ครี๊ อาคยา อาขว่าอาคยาเร๊อ, อู เฮ๊ เป เร๊อ แกแย ตีมุย. หม่าแน๊เรอ ซี เกอลาติ เนอ, ซี ทวาแถ่ เฮ๊อ เต เตอเจ๊อ โต เน๊อ ครี๊ เฮ๊อ อาขว่าอาคยา, ซี เตเน เกอเร๊อ เจ๊อ แลแค ซีเหน่ เร๊อ เพรแจ่เพรลีแมพู๊ เต๊เห่ เฮ๊อ. เป เร๊อ เป อ๊าเจ่เหร่เจ่ ดื่อ เปเง แพ๊, ซี เร๊อ ซี อ๊าฉว่าเหร่ชอ แหน่เจ๊อ หนิ. อู เตเน ปีตี๊ ดื่อเง เป แพ๊. ซี เร๊อ อู เมลีเมเตเค แหน่ เจ๊อดื๋อ ซี หนิ.

ꤗꤢ꤬ꤊꤢꤨ 3:21

เบ๊อะอา โป่แหว่โหมะเพ หนิโฮ เฮ๊อ เตเมอาเหน่ ฮู๊เออ เบ๊อะเนอ, เหย่ซี เถ่จว๊า เร๊อ อา เก่ จว๊า จุ่ยกา ลู เมเตเฮ๊เรอ เหย่ซี เฮ๊ ลูแหย่โหย่ เน๊อ, “อา แซ่ เร๊อ อา ตีมุย,” เหย่ซี เฮ๊ ลู ฮู๊เนอ.

เพรโด่แนพู๊ เต๊เห่ 26:11

แวมือแวปอ, เมจาเมจือ น๊อ เอ๊ลา เหย่ซี เด๊อ เตจ๊อเบโฮ เต๊เห่ อากู, เร๊อ แว เฮ๊ชอ เหย่ซี เร๊อ แว นอเฮ๊ เหย่ซี เน๊อ, ‘แว หยื่อเอ่ ปา เหย่ซู่ โต่’ ฮู๊เนอ, เร๊อ แว ซิปล่อดุ โกโน๋ เหย่ซี โต่. โต่ เจ๊อ เด๊อ แว เก่ เถ่จว๊า เด๊อ เมวเจอะโรพู๊ โอ่ เกอเร๊อ วีเต๊เห่ อากู เร๊อ, แว เก่ จว๊า เมจาเมจือ เจ๊อ เหย่ซี เจ๊อ.”

เพรโด่แนพู๊ เต๊เห่ 17:32

เบ๊อะเหย่ซี หนิโฮ คูเปาโล แด๊โฉ่โด่แน เป่ เหย่ซี เร๊อ เตเซอ ก๊อถ่อกาคยา อาคยา เบ๊อะเนอ, เต๊เห่เรอ อา งยาโคร ลู, เต๊เห่เห่ ลาติเร๊อ อา เฮ๊ เน๊อ, “เป ซิหยื่อ หนิโฮ คยาแซ๊โป่ เน เฮ๊ เป่ เป เตหรี่เตแก เออเนอ.”

เพรโด่แนพู๊ เต๊เห่ 24:25

เร๊อ เบ๊อะคูเปาโล เฮ๊เบ่ เป่ โป่ ลู เร๊อ เตจ๊อเต, เตเป๊อแลหนิ เหน่ เร๊อ เตเมจากาคยาม๊อเนอ เด๊อ อา เก่ แฮ ปา อาหรี่อาแก เออ เบ๊อะเนอ, คุ๊ยดุ เฟลิกส์ ซิอิเช เร๊อ อา เฮ๊ ลู เน๊อ, “เออตื๊อหื่อ เร๊อ เน กาหนิ เฮ๊อ. แว ค๊าขิ เก่ โอ่ ปา เฮ๊เรอ, แว เก่ เอ๊แฮโป่ คยา เน ปา.”

เพรโด่แนพู๊ เต๊เห่ 22:1

เร๊อ คูเปาโล เฮ๊ เป่ เหย่ซี เน๊อ, “โป่แหว่ โหมะเพ ซี๋, หนิดา แลแค แว เตเฮ๊เบ่แลเปล๊ แวเหน่ เด๊อ ซี เป๊เส่เง เออ.”

ꤛꤥ꤭ꤟꤢ꤬ 8:52

แกแยยิวพู๊ เต๊เห่ เฮ๊ ลู เน๊อ, “กู๊แหน่เร๊อ เป ซิเง ตาเตเฮ๊อ เร๊อ โลเน๊ เมเบ่ เน เฮ๊อ. เพอับราฮัม เซอโทเฮ๊อ, เพรโพร เต๊เห่ หม่า อา เซอ โทเฮ๊อเฮ๊อ หม่าแน๊เรอ เน จว๊าเฮ๊โต่ เร๊อ แกแย เตเพรเพร เก่ จูเอ่ หนิดา แวโหง่ เฮ๊เนอ, อา เซอปา แตแค๋ โต่, เน เฮ๊ ฮู๊เนอ.

ꤛꤥ꤭ꤟꤢ꤬ 8:48

ฮู๊เนอเรอ แกแยยิวพู๊ เต๊เห่ เฮ๊ แบ่เจ่ เหย่ซู่ เน๊อ, “เป เฮ๊ เน เนอ, เน หม่า สะมาเรียพู๊ เตเพร, โทเร๊อ โลเน๊ เมเบ่ เน, เป เฮ๊ฮู๊เนอ หม่า อาหม่าแหน่โต่ แอ?”

ꤛꤥ꤭ꤟꤢ꤬ 7:15

แกแยยิวพู๊ ทวาดุทวาเต เต๊เห่ อาคย๊าอายื๊อ เร๊อ อา เฮ๊ แลแค เน๊อ, “อา แถ่แด๊น๊อ เกออู เด๊อ แกแยยิวพู๊ อิซว๊าโฮ๊เฮ๊กู อา ซ๊าร๊าดุ เต๊เห่ อา กู๊ยากู โต่. ตื๊อดื่อเรอ อา จว๊า ซิเง เอ๊แหน่เจ๊อ บ๊าเออ เนอหม่า อา จว๊า อิซว๊าหนิโต เบ๊อะเตเต?”

เพรโด่แนพู๊ เต๊เห่ 24:27

อา ตาลว๊า แฮเฮ๊อ เนอหน่า โทเนอ, คูปอรสิอัสเฟสทัส ทวาแถ่ คุ๊ยดุ เด๊อ เฟลิกส์ อาเหล่โกล, เร๊อ คุ๊ยดุ เฟลิกส์ ซิหยื่อ เป๊เส่โอ่เกอ เด๊อ แกแยยิวพู๊ เต๊เห่ อา เป๊เส่เง อาขว่าอาคยา, อา ด๊อตา ตื๊อดื่อปา คูเปาโล เด๊อ ทอกู.

ทิโมธี เนอบ่า ต๊าบ่า 3:15

เด๊อ เน เป๊เจ่เค เนอ, อู อิซว๊า โทเฮ๊อ เน เน๊อ ลีเทส่อพ๊า เออเนอ เฮ๊อ. แซ่ฮู๊ เน เก่ หยื่อเอ่ แบ่เจ่ เหย่ซู่ครี๊ เร๊อ เน เก่ พย๊าหนิ จอแปแหร่ อา เมแลเปล๊กา เน อาเงเนอ, ลีเทส่อพ๊าเออ เด๊อะโทเฮ๊อ เน เตลีแมลีเพ๊ เฮ๊อ.