เพรโด่แนพู๊ เต๊เห่ 26:20 - ลีเทส่อพ๊าอาเซ เร๊อ เห่ขุทวาลู๊

²⁰ แว จว๊าเล แด๊โฉ่โด่แน เหร่อเล๊อ เป่ อู เด๊อ วีดามัสกัส โทเร๊อ เด๊อ วีเยรูซาเล็ม อากู, เด๊อคยาเร๊อ แว จว๊า เด๊อ ยูดาห์เก่ ปว๋า โต๊โผ่, โท๊โต่ แว จว๊า เกอดื่อ เด๊อ แกแยยิวพู๊ หม่าโต่ เต๊เห่ อาเกลเกล. เร๊อ แซ่ฮู๊ เหย่ซี เก่ ถู่แหล่แต๊แกละกาคยา เกอเร๊อ แลแค อา เตซื๊อเตปล๊าเต๊เห่, โทเร๊อ แซ่ฮู๊ เหย่ซี เก่ ตีรี๊ กาคยาโต คยาแซ๊ อาเหน่ เด๊อ จอแปแหร่ อา โอ่, โท๊โต่ แซ่ฮู๊ อา เก่ เด๊อะโลแถ่แลแค อาเตเม เด๊อ อาแร๊ เต๊เห่ เน๊อ อา ถู่แหล่แต๊แกละ กาโทเฮ๊อ อาซิปล่อ เฮ๊อ อาเงเนอ, แว แด๊โฉ่โด่แน เป่เฮ๊อ เหย่ซี เฮ๊อ.

Eastern Kayah Shadaw Dialect

²⁰ ꤠꤢꤧ꤭ ꤡꤝꤢꤜꤢꤩ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤚ꤫ꤣꤧ꤬ꤜꤣ ꤕ꤫ꤢꤩ꤬ ꤢꤨ꤭ ꤘꤣ ꤠꤤ꤭ꤘꤢ꤬ꤗꤢ꤬ꤎꤢꤩ꤬ ꤓꤥ꤭ꤚꤣꤧ꤬ ꤘꤣ ꤠꤤ꤭ꤛꤢ꤬ꤚꤢꤨꤏꤛꤢ꤬ꤜꤢꤩ꤬ ꤢ꤬ꤊꤢꤨ꤭, ꤘꤣꤋꤛꤢ꤭ꤚꤣꤧ꤬ ꤠꤢꤧ꤭ ꤡꤝꤢ ꤘꤣ ꤛꤢꤨ꤬ꤘꤢ꤬ꤊ꤫ꤢꤩ꤬ ꤕꤝꤢ꤭꤮ ꤒꤣ꤬ꤖꤥ꤬, ꤓꤥ꤭ꤒꤥ꤬ ꤠꤢꤧ꤭ ꤡꤝꤢ ꤊꤣꤧ꤭ꤘꤢꤦ꤬ ꤘꤣ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ꤊꤜꤢꤩ꤭꤯ ꤚꤣꤧ꤬ ꤞꤢꤧꤟꤢꤨ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤛꤢꤧ꤬ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤢ꤬ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬ ꤒꤣꤧ꤬ꤟꤢꤩ꤬, ꤓꤥ꤭ꤚꤣꤧ꤬ ꤞꤢꤧꤟꤢꤨ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤒꤣꤧ꤬ꤚꤤ ꤊꤢ꤬ꤋꤛꤢ꤭ꤒꤥ꤭ ꤋꤛꤢ꤭ꤞꤢꤧ ꤢ꤬ꤔ꤫ꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬, ꤓꤥ꤭ꤒꤥ꤬ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤘꤣꤧꤜꤥ꤭ꤓꤢꤧ꤬ ꤜꤢ꤭ꤋꤢꤧ꤭ ꤢ꤬ꤒꤢꤩ꤬ꤗꤢꤩ꤬ ꤘꤣ ꤢ꤬ꤚꤢꤧ ꤒꤣꤧ꤬ꤟꤢꤩ꤬ ꤔꤢꤧ ꤢ꤬ ꤛꤢꤧ꤬ ꤚꤣꤧ ꤓꤥ꤭ꤟꤣꤧ ꤢ꤬ꤔ꤫ꤢꤩ꤬ ꤟꤣꤧ ꤢ꤬ꤑꤢꤩ꤭ꤔꤣꤧ꤬, ꤠꤢꤧ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ꤟꤣꤧ ꤛꤢꤩ꤬ꤞꤤ꤭ ꤟꤣꤧ꤯

เพรโด่แนพู๊ เต๊เห่ 26:20 ပူးပေါင်းရင်းမြစ်များ

เพรโด่แนพู๊ เต๊เห่ 3:19

แซ่ฮู๊ จอแปแหร่ เก่ ปลวาแก ซีเตซื๊อ เนอเร๊อ, ถู่แหล่แต๊แกละกา แลแค ซี ซิปล่อ เร๊อ กี่กย๊า กาคยา คยาแซ๊ แลแค เด๊อ จอแปแหร่ อา โอ่. ซี เก่ เมฮู๊เนอ เฮ๊เรอ ช๋า ม๊อเนอโตม๊อเนอเบ่ เฮ๊อ ปาเนอ แบ่เจ่ จอแปแหร่ อา เด๊อะอ๊าเด๊อะเหร่ คยา ซี ปา.

มัทธิว 3:8

ซี เก่ ถู่แหล่แต๊แกละ หม่าแหน่ เฮ๊อ ซี ซิปล่อเฮ๊อ เก่เฮ๊เรอ เด๊อะโล แลแค ซี เตโอ่เซอเพร เต๊เห่ เนอ ซี เตแด่ ซี ซิปล่อสู่เทอ เต๊เห่.

เพรโด่แนพู๊ เต๊เห่ 2:38

คูเปโตร เฮ๊ เป่ เหย่ซี เน๊อ, “แซ่ฮู๊ จอแปแหร่ เก่ ปลวาแก ซี เตซื๊อ เต๊เห่เนอ, ถู่แหล่แต๊แกละกา แลแค ซิปล่อ ปว๋า เตเพร เร๊อ เจ แลแค ซีเหน่ เร๊อ เทอ เด๊อ เหย่ซู่ครี๊ อามุย อากูเนอ, ตื๊อหม่า จอแปแหร่ เก่ เด๊อะ ซี เชหยู่ หม่าเฮ๊อ แหย่โยบูโพ๊แบ่เจ่ เออเนอ ปา.

เตเด๊อะโลแถ่ 2:5

เน จว๊า ตาพายาแก เจ๊อ เร๊อ เน เตโม เด๊อ กูลู่เคเนอ บ๋า เต เจ๊อเนอ เตเน แม๊มอ. ถู่แหล่แต๊แกละ กาคยา เนซิปล่อ เร๊อ เมคยา แซ่ฮู๊ เน เม เด๊อ กูลู่เคเนอ. เน เก่ ถู่แหล่แต๊แกละ กาคยา เนซิปล่อ โต่ เฮ๊เนอหม่า แว เก่ แฮ เด๊อ เนโอ่ เร๊อ แว เก่ แฮพย๊า ตาพาแก เน หมิกอเนอ เด๊อ อาเหล่โอ่ เออเนอ ปา.

มัทธิว 9:13

หม่าแน๊เรอ แม๊ปูซิเง แลแค จอแปแหร่ ซิหยื่อ เฮ๊ อาโหง่แลช๊า เต๊เห่ เด๊อ อา เฮ๊ เน๊อ, ‘แว ซิหยื่อ เตหลู่เตแต โต่, แว ซิหยื่อแพ๊ เตซิยอกล่าเบ่ เกอเร๊อ ลู เตเพร เน๊อ เตเพร เนอแพ๊.’ เมเตเฮ๊เรอ, แว แฮ เอ๊ กา แกแย เด๊อ อาจ๊ออาเต เนอเต๊เห่ หม่าโต่. แว แฮ เอ๊ กา แพ๊ แกแย เด๊อ อา เตซื๊อเตปล๊าโอ่ดื่อ เง เนอเต๊เห่ แพ๊.”

เตเด๊อะโลแถ่ 3:3

เมฮู๊เนอเรอ เตเนแถ่เบ่ หนิคยา เตเด๊อ อู อิซว๊า โทเฮ๊อ เนเนอ เต๊เห่ เร๊อ เตเด๊อ เน หนิโฮ โทเฮ๊อ เนอเต๊เห่. จูเอ่ เตเออเต๊เห่ เร๊อ ถู่แหล่แต๊แกละ เนซิปล่อ เนอ. เก่ เน โอ่เมอ ตื๊อดื่อปา เฮ๊เนอหม่า แว เก่ แฮ เด๊อ เนโอ่ ฮู๊ เพรเอ่โห่ เตเพร เนอ ปา. แว แฮ เบ๊อะเกเต ปาเนอ เน ซิเงโต่.

เอเฟซัส 4:17

ฮู๊เนอเรอ, เด๊อ ครี๊ อามุย อากู เร๊อ แว เบ่ เฮ๊ชอชอ แหน่ ซี เร๊อ โอ่เซอเพร แลแค แต่ ฮู๊ แกแย เด๊อ อา ซิเง จอแปแหร่ โต่ เนอเต๊เห่ โอ่เซอเพร เนอ แต่เหม่. เหย่ซี อาเหล่เตเน เต๊เห่ เนอหม่า อาบุ๊ยอาเตอเรอ โอ่ เตอเจ๋อ โต่.

โครินธ์ เนอบ่า ต๊าบ่า 7:10

เมเตเฮ๊เรอ, เตซิเปลซิหย่อ เด๊อ จอแปแหร่ เด๊อะทวาแถ่ เออเนอหมา, อา นอ ถู่แหล่ เต๊เปล่แก เป ซิปล่อ เด๊อ เป เก่ พย๊าหนิ เมแลเปล๊กา อาเง แพ๊ อาขว่าอาคยา, เป โหล่ เตเนกู่ เปเน๊อ เตซิเปลซิหย่อ เด๊อ จอแปแหร่ เด๊อะทวาแถ่ เออเนอเต๊เห่ โต่. หม่าแน๊เรอ แกแย อาเหล่โกล ซิเปลซิหย่อ เต๊เห่เนอ, อา เด๊อะโอ่แถ่ แพ๊ เตเซอ แพ๊.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:9

เบ๊อะเป แฮ โอ่เล เกอ ซี เบ๊อะเนอ, ซี เอ๊โมฉื่อ แลแค เป ฮู๊เตเนอ, ล๋อ แกแย โอ่ เบ๊อะเนอ เต๊เห่ โด่แน เป่ ลอปลี เฮ๊อ เป. อา โด่แน เป่ เป เร๊อ แซ่ฮู๊ ซี เก่ เมเกอ จอแปแหร่ เด๊อ อา เซอเพร เร๊อ อาจ๊ออาเต หม่าแหน่ เออเตเพร อา เตเมเนอ, ซี วี๊แก แก ลอ เจ๊อ ซี เตจ๊อเบ เตแหย่โย เต๊เห่ เจ๊อ.

โครินธ์ เนอบ่า ต๊าบ่า 3:16

หม่าแน๊เรอ, เบ๊อะแกแย เด๊อ อาซิปล่อ บี๊ตาปา เออเตเพร หยื่อเอ่แหน่ กา เฮ๊อ แบ่เจ่ เบ๊อะเนอ, เต เด๊อ อา เมบี๊เมตาปา ลูซิปล่อ เต๊เห่เนอ อู เก่ พย๊าโมแก ปา.

ꤚꤥꤗꤢꤩ꤬ 2:4

จอแปแหร่ แร๊ เด๊อ เนขุ บ๋า เต, อา แด่ทูซิปล่อ เป่ เน บ๋า เต, แด่ทูซิปล่อ เป่ เน บ๋า เต เนอ, เน แด่หยื่อโต่ แอ? แซ่ฮู๊ เน เก่ ถู่แหล่เต๊เปล่กา คยา เนซิปล่อ อาเงเนอเรอ, จอแปแหร่ แอ๊จื๊อ เด๊อะโล เป่ เน อาเตโม เตแร๊ เต๊เห่ เด๊อ เนขุ เนอหม่า, เน ซิเง ตาเต โต่ แอ?

เพรโด่แนพู๊ เต๊เห่ 26:17

แว เก่ นอซูจว๊า เน เด๊อ เน เมวเจอะเกอดื่อ เต๊เห่ เร๊อ แกแยยิวพู๊ หม่าโต่ เต๊เห่ อาเกล ปา. เร๊อ แว เก่ เมแลเปล๊เถ่ เน เด๊อ เหย่ซี เนอเต๊เห่ อา กู๊ยากู ปา.

เพรโด่แนพู๊ เต๊เห่ 20:21

แกแยยิวพู๊ เต๊เห่ เบ่เบ่, แกแยยิวพู๊ หม่าโต่ เต๊เห่ เบ่เบ่, แว เฮ๊ตาชอ แหน่เจ๊อ เหย่ซี เนอหมู่ลอ เน๊อ, ถู่แหล่ เต๊เปล่ แลแค ซี ซิปล่อ เร๊อ หยื่อเอ่แหน่ เกอ แลแค แบ่เจ่ เหย่ซู่, แว เฮ๊ เป่ เหย่ซี ฮู๊เนอ เนอ.

เพรโด่แนพู๊ เต๊เห่ 17:30

เบ๊อะอู ซิเง แล๋ จอแปแหร่ โต่ เบ๊อะเนอ, อา แม๊ เบ๊ขุตาโผ่แก แกแย เห่ขุพู๊ อาเตซื๊อ ฮู๊เนอ เต๊อเจ่อ แพ๊. หม่าแน๊เรอ กู๊แหน่เออเนอ, อา เฮ๊ตาเฮ๊อ อาโหง่ เร๊อ แกแย ปว๋า เตเพร เด๊อ อา โอ่ เด๊อ เหล่โอ่ เบ๊อะเต๋ โต๊โผ่เบ่เบ่ อา โตเบ่ ถู่แหล่เต๊เปล่กา แลแค อาซิปล่อ เร๊อ อา โตเบ่ ตีรี๊แม๊ กาคยาโต คยาแซ๊ เด๊อ จอแปแหร่ อา โอ่ ปว๋า เตเพร อา เฮ๊โท ฮู๊เนอ เฮ๊อ.

เพรโด่แนพู๊ เต๊เห่ 15:19

ฮู๊เนอ อาขว่าอาคยา, คูยากอบ เฮ๊เกอ โป่ เน๊อ, “แว เตแม๊เถอะ โอ่ เด๊อ แกแยยิวพู๊ หม่าโต่ เด๊อ อา ตีรี๊ กาคยาโต เด๊อ จอแปแหร่ อา โอ่ เต๊เห่เนอ, เป โตเบ่ เมดี๊แดหนิ เหย่ซี โต่.

เพรโด่แนพู๊ เต๊เห่ 11:18

เบ๊อะเหย่ซี หนิโฮ เตหรี่เตแก เออ เบ๊อะเนอ, เหย่ซี เป๊อเจ่ออิแช๊ ปา คูเปโตรโต่, เร๊อ อา ถู่เซ๊แถ่ แลแค จอแปแหร่ เน๊อ, “เก่ อา หม่าแหน่ ฮู๊เนอเฮ๊เรอ จอแปแหร่ เด๊อะเป่เกอเฮ๊อ แกแยยิวพู๊ หม่าโต่ เต๊เห่ เตค๊าขิโตแร๊ เด๊อ อา เก่ ถู่แหล่ เต๊เปล่กา แลแค อาซิปล่อ เร๊อ อา เก่ พย๊าหนิ เกอ แลแค แหย่โยบูโพ๊เซอเพร เฮ๊อ.”

เพรโด่แนพู๊ เต๊เห่ 9:35

ล๋อ แกแย โอ่ เด๊อ วีลิดดา อากู เน๊อ ชาโรน เก่รือดือ เต๊เห่เนอ, อา แม๊เถอะ เตเมทวาแถ่ ฮู๊เออ อาขว่าอาคยา, อา หยื่อเอ่แลแค เกอ ลอปลี แบ่เจ่.

เพรโด่แนพู๊ เต๊เห่ 9:15

หม่าแน๊เรอ แบ่เจ่ เฮ๊ ลู เน๊อ, “จว๊ามอ, เมเตเฮ๊เรอ แว นว๊าแถ่ เฮ๊อ อา เด๊อ อา เก่ แด๊โฉ่โด่แน เป่ แกแยยิวพู๊ หม่าโต่ เต๊เห่ เร๊อ คุ๊ยจ๊อแผ่ เต๊เห่, เร๊อ อิสราเอลพู๊ เต๊เห่ เร๊อ แวหรี่แวแก ปา.

ꤜꤢꤨꤊꤢ꤬ 15:10

ฮู๊เนอเฮ๊อ, แว เฮ๊ ซี๋, เพรเตเหล่ซื๊อโอ่ เตเพร ถู่แหล่แต๊แกละกาคยาแซ๊ อาซิปล่อ อาขว่าอาคยา, จอแปแหร่ อา เตเน่วม๊อขุพู๊ เต๊เห่ ซิครือซิลอ แหน่เจ๊อ.”

ꤜꤢꤨꤊꤢ꤬ 15:7

อา แซ่ เกอดื่อ ฮู๊เนอเฮ๊อ, แว เฮ๊ ซี, เพรเตซื๊อพู๊ เตเพร ถู่แหล่เต๊เปล่กา คยาแซ๊ อาซิปล่อ อาขว่าอาคยา, เด๊อ ม๊อขุเนอ อู เก่ ซิครือซิลอ เล๊อเล๊อ ปา เจ๊อ เร๊อ แกแยจ๊อ แกแยเต่ ลุยซว๊าเตอเชอ เร๊อ ลุยซว๊าเตเพร เด๊อ อา โหล่ ถู่แหล่เต๊เปล่กาเกอ อาซิปล่อ โต่ เออเนอ เต๊เห่ เจ๊อ.

ꤜꤢꤨꤊꤢ꤬ 13:5

อาหม่าโต่, แว เฮ๊ ซี, ซี เออเต๊เห่ เบ่เบ่, ซี เก่ ถู่แหล่แต๊แกละแลแค ซีซิปล่อ โต่ เฮ๊เนอหม่า, ซี เก่ เซอเกอ ลอ ปว๋า เตเพร ปา.”

ꤜꤢꤨꤊꤢ꤬ 13:3

แว เฮ๊ ซี, เหย่ซี เตซื๊อเตปล๊าโอ่เอ๊เล๊อ เร๊อ ซี หม่าโต่. ซี เบ่เบ่, ซี เก่ ถู่แหล่เต๊เปล่กาคยา เกอ แลแค ซี ซิปล่อ โต่ เฮ๊เนอหม่า, ซี เก่ อาเซอ เกอ ลอ ปว๋า เตเพร ปา.

ꤜꤢꤨꤊꤢ꤬ 1:16

เร๊อ อา เก่ ซู กาคยา โหร่แหน่เจ๊อ อิสราเอล เต๊เห่ เด๊อ เหย่ซี แบ่เจ่ จอแปแหร่ อา โอ่ ปา.

ꤗꤢ꤬ꤊꤢꤨ 6:12

อา โคเจ่ เต๊เห่ เถ่จว๊าเล แด๊โฉ่โด่แน เป่ แกแย เต๊เห่ เร๊อ อา โตเบ่ เมเต๊เปล่ แลแค อาซิปล่อ, อา เหล่ แด๊โฉ่ เป่ อู ฮู๊เนอ.

มัทธิว 4:17

ตาเป่แฮ เบ๊อะเนอเรอ เหย่ซู่ เป๊อแถ่ แด๊โฉ่โด่แน เป่ อู เน๊อ, “ถู่แหล่แต๊แกละ แลแค ซีซิปล่อ, เมเตเฮ๊เรอ ม๊อขุ อาเทอ อาเก่ ผื่อแถ่เฮ๊อ.”

มัทธิว 3:2

เร๊อ อา เฮ๊ เน๊อ, “ถู่แหล่แต๊แกละ แลแค ซีซิปล่อ, เมเตเฮ๊เรอ ม๊อขุ อาเทออาเก่ ผื่อแถ่เฮ๊อ.”

เตเด๊อะโลแถ่ 16:11

เด๊อ เหย่ซี เถ่ซิเถ่วา เร๊อ อาเช แร ลู เต๊เห่ อาขว่าอาคยา, อา อิชออี๊บ่า ลอ แลแค ม๊อขุ อา จอแปแหร่ เออเตเพร. อา ข่าเบ่ เจ๊อ ฮู๊เนอ หม่าแน๊เรอ อา ถู่แหล่แต๊แกละกา แลแค อาซิปล่อ โต่.

เตเด๊อะโลแถ่ 2:21

แว โอ่ป่อ เฮ๊อ อา เด๊อ อา เก่ ถู่แหล่แต๊แกละ คยาแซ๊ อาซิปล่อ อา เตจว๊าซื๊อ เพรเหมาะเพรคู เนอเต๊เห่ หม่าแน๊เรอ อา ซิหยื่อ วีแก โต่.

เพรโด่แนพู๊ เต๊เห่ 26:19

“คุ๊ยดุ อากริปป๋า ฮู๊เนอ อาขว่าอาคยา, แว ครวาเมเกอ ฮู๊ เตแม๊เถอะลว๊า เด๊อ อา โอ่ เด๊อ ม๊อขุ แฮ เออเนอแพ๊.