เพรโด่แนพู๊ เต๊เห่ 26:17 - ลีเทส่อพ๊าอาเซ เร๊อ เห่ขุทวาลู๊

¹⁷ แว เก่ นอซูจว๊า เน เด๊อ เน เมวเจอะเกอดื่อ เต๊เห่ เร๊อ แกแยยิวพู๊ หม่าโต่ เต๊เห่ อาเกล ปา. เร๊อ แว เก่ เมแลเปล๊เถ่ เน เด๊อ เหย่ซี เนอเต๊เห่ อา กู๊ยากู ปา.

Eastern Kayah Shadaw Dialect

¹⁷ ꤠꤢꤧ꤭ ꤊ꤫ꤢꤦ꤬ ꤔꤢꤪ꤭ꤞꤢꤨ꤭ꤡꤝꤢ ꤔꤢꤧ꤬ ꤘꤣ ꤔꤢꤧ꤬ ꤗꤤ꤭ꤡꤣ꤬ꤚꤣꤧꤘꤢꤦ꤬ ꤒꤣꤧ꤬ꤟꤢꤩ꤬ ꤔꤢꤧ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ ꤕꤢ꤭꤯ ꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤗꤢꤩ꤬ꤜꤣꤧ꤬ꤕꤜꤢꤩꤓꤢꤩ꤬ ꤔꤢꤧ꤬ ꤘꤣ ꤛꤢꤩ꤬ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ ꤊꤢꤨꤛꤢ꤭ꤊꤢꤨ꤭ ꤕꤢ꤭꤯

เพรโด่แนพู๊ เต๊เห่ 26:17 ပူးပေါင်းရင်းမြစ်များ

เพรโด่แนพู๊ เต๊เห่ 9:15

หม่าแน๊เรอ แบ่เจ่ เฮ๊ ลู เน๊อ, “จว๊ามอ, เมเตเฮ๊เรอ แว นว๊าแถ่ เฮ๊อ อา เด๊อ อา เก่ แด๊โฉ่โด่แน เป่ แกแยยิวพู๊ หม่าโต่ เต๊เห่ เร๊อ คุ๊ยจ๊อแผ่ เต๊เห่, เร๊อ อิสราเอลพู๊ เต๊เห่ เร๊อ แวหรี่แวแก ปา.

ทิโมธี อาเหร่อเล๊อ ต๊าบ่า 2:7

เด๊อ เตหรี่เตแก เออ อาเง, อู นอทวาเฮ๊อ แว ฮู๊ เพรเฮ๊โฉ่ โด่แนเต เตเพร เร๊อ เพรโด่แน เตเพร เน๊อ ซ๊าร๊า เด๊อ อา เก่ อิซว๊าเป่ แกแยยิวพู๊ หม่าโต่ เต๊เห่ เน๊อ เตหยื่อเตแหน่ เด๊อ อา หม่าแหน่เออ อาหรี่อาแก เตเพรเฮ๊อ. แว เฮ๊ แลโฮแลแห่โต่. แว เฮ๊จ๊อ แพ๊.

ꤚꤥꤗꤢꤩ꤬ 11:13

กู๊แหน่เออ, แว เฮ๊เบ่ เร๊อ ซี แกแยยิวพู๊ หม่าโต่ เต๊เห่. จอแปแหร่ นอ แว ฮู๊ เพรโด่แนพู๊ เต๊เห่ เตเพร เด๊อ แกแยยิวพู๊ หม่าโต่ เต๊เห่ อาเง อาขว่าอาคยา, เตเม เด๊อ จอแปแหร่ เด๊อ แว เออ แว เตเนดุ เกอ เร๊อ แหน่เจ๊อ อา.

ทิโมธี เนอบ่า ต๊าบ่า 3:11

โทเรอ แว ข่าเบ่น๊อ อู เมจาเมจือ แว เออเนอ, เร๊อ แว ป่อชิเต่อเบ่ เน๊อ เตแป่เตเช เออเต๊เห่ เด๊อ วีอันทิโอก, วีอิกานีเร๊อ วีอิโคเนยูม เน๊อ วีลิสตรา อากู เนอหม่า, อา เมแคร๊ อาเหน่ เร๊อ แว ฮู๊เตเนอ เน ซิเง โทดื่อเฮ๊อ. แว ข่าเบ่ อู เมจาเมจือ แว หม่าแน๊เรอ ล๋อ เต เออเต๊เห่ เนอหม่า, แบ่เจ่ เมแลเปล๊กา เป่ ลอปลี แว แพ๊.

ทิโมธี เนอบ่า ต๊าบ่า 1:11

จอแปแหร่ นว๊าแถ่เฮ๊อ แว ฮู๊ เพรแด๊โฉ่โด่แน เป่ อู เต เตเพร เนอเฮ๊อ, โทเรอ อา นว๊าแถ่เฮ๊อ แว ฮู๊ เพรโด่แนพู๊ เต๊เห่ เตเพร เน๊อ ซ๊าร๊า เด๊อ อา อิซว๊า เตซิครือมีลา เตเพร เนอเฮ๊อ.

ꤊꤢ꤬ꤜꤢ꤬ꤒꤤ 2:9

คูยากอบ เร๊อ คูเปโตร เร๊อ คูยอห์น เด๊อ อู แด่ เฮ๊อ เหย่ซี เร๊อ ทวาดุทวาเต เออเต๊เห่เนอ, อา ซิเงโปล แลแค เร๊อ เตบุ๊ยเตเตอเรอ เออเนอหมา จอแปแหร่ เด๊อะ แว แพ๊, อา แม๊เถอะ แลแค ฮู๊เนอ. เด๊อ เตเออ อาขว่าอาคยา, เหย่ซี แม๊เถอะ เร๊อ คูบารนาบัส เน๊อ แว เนอหม่า เพรเมโหร่ลูเต เร๊อ เหย่ซี ฮู๊เนอ แพ๊. เหย่ซี ซิปล่อฉู่โต ฉู่เทอฉู่เบ่ เฮ๊อ เร๊อ เป่ เก่ แรเต เด๊อ แกแยยิวพู๊ หม่าโต่ เต๊เห่ อาเกลเฮ๊อ. เหย่ซี เร๊อ อา เก่ เม เกอลาติ เด๊อ แกแยยิวพู๊ เต๊เห่ อาเกล ฮู๊เนอ แพ๊.

เพรโด่แนพู๊ เต๊เห่ 28:28

คูเปาโล เฮ๊ โป่ เน๊อ, ฮู๊เนอ อาขว่าอาคยา, ซี โตเบ่ ซิเง แลแค เน๊อ, จอแปแหร่ อา เตเมแลเปล๊แก อาหรี่อาแก เนอ, อู เก่ ซูจว๊าเฮ๊อ ลู เด๊อ แกแยยิวพู๊ หม่าโต่ เต๊เห่ อา โอ่ เฮ๊อ, เร๊อ แกแยยิวพู๊ หม่าโต่ เต๊เห่ เก่ หนิดา ลู ปา.”

ꤚꤥꤗꤢꤩ꤬ 15:16

จอแปแหร่ อาบุ๊ยอาเตอเรอ อาขว่าอาคยา, อา เด๊อะ แว เตเม เด๊อ แว เก่ เม เหย่ซู่ครี๊ อาเตเม เด๊อ แกแยยิวพู๊ หม่าโต่ เต๊เห่ อาเกล. แซ่ฮู๊ แกแยยิวพู๊ หม่าโต่ เต๊เห่ เก่ ทวาแถ่ เตหลู่ เต๊อเจ่อ เด๊อ จอแปแหร่ เก่ พย๊าฉื่อ อา, โทเรอ เตหลู่ เต๊อเจ่อ เด๊อ แหย่โยบูโพ๊ แบ่เจ่ เมบูโพ๊ โทเฮ๊อ ลู เร๊อ, จอแปแหร่ นว๊าแถ่ โค๊ดื่อเฮ๊อ แว เร๊อ แว เก่ เมเต ฮู๊ เพรหลู่แตเต เด๊อ อา แด๊โฉ่โด่แน โลเป่ อู เร๊อ จอแปแหร่ อา เตซิครือมีลา เนอเตเพร เฮ๊อ.

เพรโด่แนพู๊ เต๊เห่ 25:3

เหย่ซี กุยซิยอ คุ๊ยดุ คูเฟสทัส เร๊อ อา เก่ เมบุ๊ยเมเตอเรอ เป่เกอ เหย่ซี เร๊อ เหย่ซี ซิหยื่อ เด๊อ คุ๊ยดุ คูเฟสทัส เก่ นอซูแฮ อู เน๊อ คูเปาโล เร๊อ อา เก่ ซูแฮ เป่ เหย่ซี เด๊อ วีเยรูซาเล็ม, เมเตเฮ๊เรอ เหย่ซี เตเร เครเมเซอ คูเปาโล เด๊อ แกล๊ลู ปา.

เพรโด่แนพู๊ เต๊เห่ 18:10

เมเตเฮ๊เรอ เด๊อแว โอ่เกอดื่อ เร๊อ เน, เร๊อ อู เมแป่เมเช แจ่ เน เตเพร่ว โต่, เมเตเฮ๊เรอ แกแย โอ่เบ๊อะวี ตีวี อากู เนอเต๊เห่หม่า เพร เด๊อ อา หยื่อเอ่แหน่ แว เนอหม่า อา โอ่โหร่โอ่เอ๊ ลาเฮ๊อ.”

เพรโด่แนพู๊ เต๊เห่ 17:14

เพรหยื่อเอ่ เต๊เห่ ซูจว๊า โตโพ๊ ซูจว๊าแก คูเปาโล เด๊อ เทอดุซาวาทือ, หม่าแน๊เรอ คูสิลาส เร๊อ คูทิโมธี ซิเนอลอ โอ่แกปา เบ๊อะวีเบโรอา อากู เนอแพ๊.

เพรโด่แนพู๊ เต๊เห่ 17:10

เหมาะคี๊เฮ๊อ เบ๊อะเนอ, เพรหยื่อเอ่ เต๊เห่ ซูจว๊าแก คูเปาโล เร๊อ คูสิลาส เด๊อ วีเบโรอา. เบ๊อะอา จว๊าโต่ เด๊อ วีกู เบ๊อะเนอ, อา จว๊าโน จ๊อจื้อ เจ๊อ เด๊อ แกแยยิวพู๊ อา เตจ๊อเบโฮ อากู เจ๊อ.

เพรโด่แนพู๊ เต๊เห่ 16:39

ฮู๊เนอ อาขว่าอาคยา, โรมัน เพรเมโตเต เต๊เห่ แฮ กุยซิยอ คูเปาโล เร๊อ คูสิลาส เร๊อ เหย่ซี ซูเถ่ ลู เด๊อ ทอกลอ เร๊อ อา กุยซิยอ เหย่ซี เนอ อา เก่ เถ่จว๊าตาพา เด๊อ วี กูเออ.

เพรโด่แนพู๊ เต๊เห่ 13:50

หม่าแน๊เรอ แซ่ฮู๊ อู เก่ เมจาเมจือ คูเปาโล เร๊อ คูบารนาบัส เออเนอเร๊อ แกแยยิวพู๊ ซี เต๊เห่เนอ, อา นอฉว่า เฮ๊ชอ เพรเหมาะ เด๊อ อา จ๊อเบ จอแปแหร่ เร๊อ อา ทวา กู่กล๊อ เต๊เห่, เน๊อ เพรคู เด๊อ อา ทวา กู่กล๊อ เด๊อ วีกู เนอเต๊เห่, เร๊อ อา จว๊า เฮ๊ แฉ่ครวา โป่ ลอเหย่ซี. เร๊อ เหย่ซี เหว่เถ่แก คูเปาโล เร๊อ คูบารนาบัส เด๊อ เหย่ซี เก่กู.