เพรโด่แนพู๊ เต๊เห่ 26:11 - ลีเทส่อพ๊าอาเซ เร๊อ เห่ขุทวาลู๊

¹¹ แวมือแวปอ, เมจาเมจือ น๊อ เอ๊ลา เหย่ซี เด๊อ เตจ๊อเบโฮ เต๊เห่ อากู, เร๊อ แว เฮ๊ชอ เหย่ซี เร๊อ แว นอเฮ๊ เหย่ซี เน๊อ, ‘แว หยื่อเอ่ ปา เหย่ซู่ โต่’ ฮู๊เนอ, เร๊อ แว ซิปล่อดุ โกโน๋ เหย่ซี โต่. โต่ เจ๊อ เด๊อ แว เก่ เถ่จว๊า เด๊อ เมวเจอะโรพู๊ โอ่ เกอเร๊อ วีเต๊เห่ อากู เร๊อ, แว เก่ จว๊า เมจาเมจือ เจ๊อ เหย่ซี เจ๊อ.”

Eastern Kayah Shadaw Dialect

¹¹ ꤠꤢꤧ꤭ꤗꤢꤦ꤭ꤠꤢꤧ꤭ꤕꤢꤪ꤬, ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤔꤢꤪ ꤢꤩꤜꤥ꤬ ꤛꤢꤩ꤬ꤞꤤ꤭ ꤘꤣ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭, ꤚꤣꤧ꤬ ꤠꤢꤧ꤭ ꤟꤢꤩꤏꤢꤪ꤭ ꤛꤢꤩ꤬ꤞꤤ꤭ ꤚꤣꤧ꤬ ꤠꤢꤧ꤭ ꤔꤢꤪ꤭ꤟꤢꤩ ꤛꤢꤩ꤬ꤞꤤ꤭ ꤔꤢꤧ, ‘ꤠꤢꤧ꤭ ꤛ꤫ꤢꤦ꤬ꤢꤩ꤬ ꤕꤢ꤬ ꤛꤢꤩ꤬ꤏꤛꤢꤨ ꤒꤥ꤬’ ꤟꤢꤨꤔꤣꤧ꤬, ꤚꤣꤧ꤬ ꤠꤢꤧ꤭ ꤞꤤꤕꤜꤢꤪ꤬ꤘꤢꤨ꤬ ꤊꤣꤧ꤬ꤔꤥ꤮ ꤛꤢꤩ꤬ꤞꤤ꤭ ꤒꤥ꤬꤯ ꤒ꤫ꤥ꤬ ꤡꤣꤧ ꤘꤣ ꤠꤢꤧ꤭ ꤊ꤫ꤢꤦ꤬ ꤓꤢꤩ꤬ꤡꤝꤢ ꤘꤣ ꤗꤤ꤭ꤡꤣ꤬ꤚꤥ꤬ꤖꤢꤨ ꤥ꤬ ꤚꤣꤧꤘꤢꤦ꤬ ꤠꤤ꤭ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭ ꤚꤣꤧ꤬, ꤠꤢꤧ꤭ ꤊ꤫ꤢꤦ꤬ ꤡꤝꤢ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤡꤣꤧ ꤛꤢꤩ꤬ꤞꤤ꤭ ꤡꤣꤧ꤯”

เพรโด่แนพู๊ เต๊เห่ 26:11 ပူးပေါင်းရင်းမြစ်များ

เพรโด่แนพู๊ เต๊เห่ 22:19

“แว เฮ๊ฉื่อ อา เน๊อ, ‘แบ่เจ๋, เหย่ซี ซิเง ตาเต เจ๊อเฮ๊อ เร๊อ แว จว๊า เด๊อ เตจ๊อเบโฮกู เตเม โท เตเม เร๊อ แกแย เด๊อ อา หยื่อเอ่แหน่ เน เต๊เห่เนอ, เต๊เห่เร๊อ แวมือแวปอ เหย่ซี, เต๊เห่เรอ แว ด๊อตา เหย่ซี เด๊อ ทอกู เฮ๊อ.

เพรโด่แนพู๊ เต๊เห่ 13:45

เบ๊อะแกแยยิวพู๊ เต๊เห่ แม๊เถอะ แกแย แฮโหร่แฮเอ๊ เบ๊อะเนอ, เหย่ซี ซิเคว๊ หนิเกอ แหน่เจ๊อ คูเปาโล เร๊อ อา เคร๊ฉื่อ เป๊อเจ่ออิแช๊แก คูเปาโล อา เตเฮ๊เบ่อี๊โช เต๊เห่.

มัทธิว 10:17

รอ หนิ แลแค ซีเหน่, เมเตเฮ๊เรอ อู เก่ ปื่อ ซูจว๊า ซี เด๊อ เตจ๊อเบโฮ กู่กล๊อ เต๊เห่ เหล่โอ่กู๊ แม๊เถอะ ตาฉื่อ ลู อาหี่กู ปา, เร๊อ อา เก่มือเก่ปอ ซี เด๊อ เตจ๊อเบโฮ เต๊เห่ อากู ปา.

เพรโด่แนพู๊ เต๊เห่ 22:5

แว เฮ๊เบ่จ๊อเฮ๊เบ่เต แพ๊ เนอหม่า, เพรหลู่แต กู่กล๊อดุเล๊อ เออเนอ เด๊อ แกแยยิวพู๊ เน๊อ อา ทวา ทวาดุทวาเต ล๋อ ปลี เต๊เห่ เย๊อเบ๊ อาซิปล่อสู่เทอ เด๊อ แวเง แพ๊. เมเตเฮ๊เรอ, แซ่ฮู๊ แว เก่ จว๊าปื่อ แกแย เด๊อ อา โครครวา เกอ เหย่ซู่ครี๊ อาคยา เนอเต๊เห่ เร๊อ แว เก่ จอกลอ เหย่ซี เร๊อ สู่เปลอต่อเท๊, โทปาเรอ แว เก่ เอ๊กาแด๊เฮอ เจแม๊ เหย่ซี เด๊อ วีเยรูซาเล็ม ปา เนอเรอ, เหย่ซี ทวา ทวาดุทวาเต เนอเต๊เห่ ราจว๊าหนิ ลีเต๊เห่ เร๊อ อา เด๊อะจว๊า เร๊อ แว. ลี เออเต๊เห่เนอ, อา ราจว๊า เป่ อาโป่แหว่ แกแยยิวพู๊ เด๊อ อา ทวา ทวาดุทวาเต เร๊อ อา โอ่ แลแค เด๊อ วีดามัสกัส เด๊อ แว เตเร จว๊า วีเออ ตีวี อากู เนอเต๊เห่ อา โอ่.”

เพรโด่แนพู๊ เต๊เห่ 9:1

เบ๊อะเนอโตโพ๊ คูเซาโล เฮ๊ ซิอิเช แบ่เจ่ อา โคเจ่ เต๊เห่ เด๊อ อา เก่ เมเซอ เหย่ซี. อา จว๊า เด๊อ เพรหลู่แต กู่กล๊อดุเล๊อ เตเพร อา โอ่.

เปโตร เนอบ่า ต๊าบ่า 2:16

หม่าแน๊เรอ ตีซิ แมอ๊อแล โตโด อิซว๊า กาคยา คยาแซ๊ดื่อ เพรโพร บาลาอัม เมหนิ เตซื๊อ เออเนอ. ตีซิ แมอ๊อแล เออโตโด เฮ๊เบ่ แจ่โต่ หม่าแน๊เรอ อา เฮ๊เบ่เถ่ ลู เร๊อ แกแย อา โหง่ เร๊อ อา นอ โอ่โก๊แก เพรโพร เด๊อ อา เม เตตีมุยเซเร เออเตเพร.

ꤡꤛꤢꤩ꤭ꤗꤢ꤬ꤎꤣ꤬ 2:7

แกแย เด๊อ อา เป๊อเจ่ออิแช๊ ปย๊าลอ ครี๊ มุยตว่ามุยแร๊ เด๊อ อู เด๊อ โทเฮ๊อ ซี เออเนอหมา หม่า เหย่ซี เนอเต๊เห่ เฮ๊อ.

เพรโด่แนพู๊ เต๊เห่ 18:6

หม่าแน๊เรอ แกแยยิวพู๊ เต๊เห่ เคร๊ฉื่อ เป๊อเจ่ออิแช๊ คูเปาโล อาขว่าอาคยา, คูเปาโล ท๊อโพร๊ ตาแก เห่หมื่อ เด๊อ อา เห่อจาลู. อา ท๊อโพร๊ ตาแก เห่หมื่อ ฮู๊เออเนอหม่า อา เด๊อะโลเฮ๊อ เตม๊าเตแด เต๊อเจ่อ เด๊อ อู เคร๊ฉื่อ เหย่ซี ฮู๊เนอ. โทเร๊อ อา เฮ๊ฉื่อ เหย่ซี เน๊อ, “ซี เก่ โต่เด๊อ เตปย๊าเตหลู่ เฮ๊เนอหม่า ซีเร๊อซี หนิดื่อเฮ๊อ เตซื๊อเตปล๊า โอ่ปา เด๊อ แวลู โต่ เฮ๊อ. เป๊อแถ่ กู๊แหน่เออ ตาเป่แฮ เนอ, แว เก่ จว๊า แด๊โฉ่โด่แน เป่ดื่อเฮ๊อ เด๊อ แกแยยิวพู๊ หม่าโต่ เต๊เห่ อาเกลเฮ๊อ.”

ꤜꤢꤨꤊꤢ꤬ 21:12

“หม่าแน๊เรอ เบ๊อะเตเออเต๊เห่ ทวาแถ่ แต่ล๋ายโต่ เบ๊อะเนอ, เด๊อ แวมุย อาขว่าอาคยาเร๊อ, อู เก่ ปื่อ ซี อู เก่ เมจาเมจือ ซี ปา. อู เก่ ซูจว๊า ซี เด๊อ เตจ๊อเบโฮกู ปา เร๊อ อู เก่ เจแม๊ ซี ปา, อู เก่ ด๊อตา ซี เด๊อ ทอกู ปา. โทเรอ อู เก่ ซูจว๊า ซี เด๊อ คุ๊ย เร๊อ จ๊อแผ่ เต๊เห่ อา เป๊เส่เง ปา.

ꤜꤢꤨꤊꤢ꤬ 15:17

“เด๊อคยาเนอ, อา ซิเงแลคยาแซ๊ เกอเร๊อ อาเหน่ เร๊อ อา เฮ๊ เน๊อ, ‘ล๋อ เพรแรเต เออเนอ เด๊อ แวเพ อาหี่ เนอเต๊เห่หม่า, อา เอ่ก๊อโอบา ลอ แลแค, โท๊โต่ อา โอ่เล๊อแก ปลูเผ่ เจ๊อ แหน่ เฮ๊อ, แว เร๊อ แว เตเร จว๊า โอ่วีโอ่กอ เซอ เจ๊อ เบ๊อะเออ เจ๊อ เฮ๊อ.

ꤜꤢꤨꤊꤢ꤬ 6:11

หม่าแน๊เรอ เพรอิซว๊า เตซว๊าเตแส่ อาซ๊าร๊า เต๊เห่ เร๊อ ฟาริสี เต๊เห่ ซิปล่อดุ แหน่เจ๊อ แบ่เจ่ เร๊อ เหย่ซี โตเบ่ เม แบ่เจ่เหย่ซู่ ฮู๊เตเนอ, เหย่ซี จว๊า โอ่กู๊ เฮ๊เบ่ เกอเร๊อ ลู.

ꤗꤢ꤬ꤊꤢꤨ 13:9

“ซี เบ่ รอหนิ แลแค ซีเหน่. เด๊อ แวขว่าแวคยา เร๊อ อู อา ปื่อ ซี ปา, เร๊อ อู เก่ ซูแถ่ ซี เด๊อ เพรเฮ๊เบ่เมโตเต เด๊อ ทวาดุทวาเต เต๊เห่ อา เป๊เส่เง ปา. อู เก่ มือปอ ซี เด๊อ เตจ๊อเบโฮกู ปา. ซี เบ่ ก๊อถ่อโอ่ เด๊อ เพรเป๊อเต เต๊เห่ เร๊อ จ๊อแผ่ เต๊เห่ อาเป๊เส่เง ปา. เร๊อ อา เก่ แด๊เฮอ เจแม๊ ซี ปา เร๊อ ซี เก่ ข่าเฮ๊โล หนิเป่ เหย่ซี เร๊อ เตซิครือมีลา อาหรี่อาแก ปา.

ꤗꤢ꤬ꤊꤢꤨ 3:28

แว เฮ๊จ๊อจ๋อ ซี, ล๋อ แกแยเห่ขุพู๊ อา เตซื๊อ เต๊เห่ เร๊อ ล๋อ อา เฮ๊เบ่ มู๊แหม่รีแจ่ จอแปแหร่ เต๊เห่เนอ จอแปแหร่ เก่ ปลวาแก ลอ เหย่ซี เตซื๊อ ปาแพ๊.