เพรโด่แนพู๊ เต๊เห่ 24:27 - ลีเทส่อพ๊าอาเซ เร๊อ เห่ขุทวาลู๊

²⁷ อา ตาลว๊า แฮเฮ๊อ เนอหน่า โทเนอ, คูปอรสิอัสเฟสทัส ทวาแถ่ คุ๊ยดุ เด๊อ เฟลิกส์ อาเหล่โกล, เร๊อ คุ๊ยดุ เฟลิกส์ ซิหยื่อ เป๊เส่โอ่เกอ เด๊อ แกแยยิวพู๊ เต๊เห่ อา เป๊เส่เง อาขว่าอาคยา, อา ด๊อตา ตื๊อดื่อปา คูเปาโล เด๊อ ทอกู.

Eastern Kayah Shadaw Dialect

²⁷ ꤢ꤬ ꤒꤣꤧ꤬ꤜꤝꤢ ꤟꤢꤧ꤭ꤟꤣꤧ ꤔꤣꤧ꤭ꤔꤢ꤬ ꤓꤥ꤭ꤚꤣꤧ꤬, ꤋꤢꤨ꤭ꤕꤢꤪ꤬ꤊꤤ꤬ꤠꤢꤩ꤬ꤎꤢ꤬ꤒꤢꤨ ꤓꤝꤢ꤭ꤓꤢꤧ꤬ ꤋꤝꤤꤘꤢꤨ꤬ ꤘꤣ ꤠꤢꤩꤜꤤ꤬ ꤢ꤬ꤜ꤫ꤢꤩ꤬ꤊꤜꤥ꤭, ꤚꤣꤧ꤬ ꤋꤝꤤꤘꤢꤨ꤬ ꤠꤢꤩꤜꤤ꤬ ꤞꤤꤛ꤫ꤢꤦ꤬ ꤕꤣꤧꤞꤢꤩ꤬ꤥ꤬ꤊꤣꤧ꤭ ꤘꤣ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤘꤢꤪꤒꤢ꤭ ꤒꤣꤧ꤬ꤘꤢꤦ꤬ꤕꤢ꤭ ꤋꤢꤨ꤭ꤕꤢꤪꤜꤢꤨ ꤘꤣ ꤢ꤬ꤕꤥ꤬ꤊꤢꤨ꤭꤯

เพรโด่แนพู๊ เต๊เห่ 24:27 ပူးပေါင်းရင်းမြစ်များ

เพรโด่แนพู๊ เต๊เห่ 25:9

คุ๊ยดุ คูเฟสทัส ซิหยื่อ เป๊เส่โอ่ เด๊อ แกแยยิวพู๊ เต๊เห่ อา เป๊เส่เง อาขว่าอาคยาเรอ, อา แด๊เฮอ คูเปาโล เน๊อ, “เก่ จว๊า เมจากาคยา เป่ เน เตหรี่เตแก เออ เด๊อ เยรูซาเล็ม เด๊อ แว เป๊เส่เง เฮ๊เนอหม่า, เน ซิปล่อโอ่ จว๊า ช๊าเหล่ แอ?”

เพรโด่แนพู๊ เต๊เห่ 25:14

เหย่ซี จว๊าโอ่ ม๊อเนอม๊อเซ งยาหร่าเหร่ กู๋ ลา เบ๊อะเนอ เร๊อ คุ๊ยดุ คูเฟสทัส แด๊โฉ่โล เป่ คุ๊ยดุ อากริปปา เร๊อ คูเปาโล อาหรี่อาแก. เร๊อ อา เฮ๊ เน๊อ, “คุ๊ยดุ เพลิกส์ ด๊อตาแก แกแย เด๊อ ทอกู เตเพร.

เพรโด่แนพู๊ เต๊เห่ 12:3

อา แม๊เถอะ เร๊อ อา เมเต ฮู๊เออเนอ, อาโต เน๊อ แกแยยิวพู๊ เต๊เห่ อาซิ ปล่อ อาขว่าอาคยา, อา เฮ๊ ตาโป่ อาโหง่ เร๊อ เบ่ ปื่อ โป่ คูเปโตร. เตเม เออเนอ อา ทวาแถ่ เบ๊อะป่วยค๊อมู โชโด โฮหมื่อโต๊โผ่ เบ๊อะเนอ.

เพรโด่แนพู๊ เต๊เห่ 25:1

คุ๊ยดุ คูเฟสทัส แฮโต่ เบ๊อะเก่ เนอต๊าบ่า อากู เร๊อ อา บาเฮ๊อ โซเนอ โทเนอ, อา โอ่ เบ๊อะวีซารียา เนอ เร๊อ อา จว๊า เด๊อ วีเยรูซาเล็ม.

ꤗꤢ꤬ꤊꤢꤨ 15:15

เร๊อ คุ๊ยปีลาต ซิหยื่อ ครวาเมเกอ ฮู๊ แกแย ตู๊หมู่ดุ อา เตซิหยื่อ เนอ เร๊อ อา ปลวาเถ่แก เป เหย่ซี คูบารับบัส, เร๊อ คุ๊ยปีลาต นอ เกลอฮู๊ เต๊เห่ จ่าเพรอปลี๊ แลแค เหย่ซู่ เร๊อ สู่เปล่ออิปลี๊, โทเรอ อา เด๊อะตาแก เหย่ซู่ เด๊อ เกลอฮู๊ เต๊เห่ อา กู่ยากู เด๊อ เหย่ซี เก่ จว๊า มือเซอแถ่แก ลู เด๊อ อี๊ถื่อลู.

ꤊꤢ꤬ꤜꤢ꤬ꤒꤤ 1:10

แว เฮ๊ ฮู๊เออ เนอหม่า อาแซ่เน๊อ แว แอ๊จื๊อ ครวาลือ เกอ แกแยเห่ขุพู๊ อาซิปล่อ ฮู๊เนอ แอ? แว ซิหยื่อ ครวาลือ เกอ แกแยเห่ขุพู๊ อาซิปล่อ ฮู๊เนอ หม่าโต่. แว ซิหยื่อ ครวาลือเกอ ฮู๊ จอแปแหร่ อาซิปล่อ เนอแพ๊. แว เก่ แอ๊จื๊อ ครวาลือ เมโม ตื๊อดื่อปา แพ๊ แกแยเห่ขุพู๊ เต๊เห่ อาซิปล่อ แพ๊ เฮ๊เนอหม่า, แว หม่า ครี๊ อาหลู่ เตเพร หม่าโต่.

เพรโด่แนพู๊ เต๊เห่ 26:32

เร๊อ คุ๊ยดุ อากริปปา แด๊โฉ่ คุ๊ยดุ เฟสทัส เน๊อ, “แกแย เออเตเพร เก่ กุยซิยอ นอ เมจากาคยา อาเหน่ เร๊อ คุ๊ยดุ ซีซาร์ โต่ เฮ๊หม่า, โตเบ่ ปลวาเถ่แก ลู เฮ๊อ.”

เพรโด่แนพู๊ เต๊เห่ 28:30

คูเปาโล โอ่ เบ๊อะหี่ เด๊อ อา จว๊า คยา โอ่โก๊หนิ เออเนอ เนอหน่า เร๊อ อา เอ๊โหมะฉื่อ ล๋อ แกแย เด๊อ อา จว๊า โอ่เล เกอ ลู เนอเต๊เห่.

เพรโด่แนพู๊ เต๊เห่ 25:4

คุ๊ยดุ คูเฟสทัส เฮ๊ฉื่อ เน๊อ, “อู ด๊อโอ คูเปาโล เด๊อ วีซีซารียา, เร๊อ งยาแต๋โต่ ปาเนอ, แว เก่ จว๊า เบ๊อะเนอ ปา.

เพรโด่แนพู๊ เต๊เห่ 23:35

เร๊อ อา เฮ๊ ลู เน๊อ, “ช๋า แกแย เด๊อ อา แด่ เตซื๊อ เน เนอเต๊เห่ เก่ แฮโต่เฮ๊อ ปา เร๊อ แว โอ่ หนิดา แม๊แม๊ เน เตเฮ๊เบ่ ปา.” โทเนอ, อา เฮ๊เตา อาโหง่ เด๊อ เกลอฮู๊ เต๊เห่ อาโอ่ เร๊อ จว๊าแด่ คูเปาโล เด๊อ คุ๊ยเฮโรด เมแถ่ เกอเร๊อ อาโฮ เนอเตเม อากูเนอ, เร๊อ โอ่ปอหม่าแร๊หนิ อา นี๋.