เพรโด่แนพู๊ เต๊เห่ 24:25 - ลีเทส่อพ๊าอาเซ เร๊อ เห่ขุทวาลู๊

²⁵ เร๊อ เบ๊อะคูเปาโล เฮ๊เบ่ เป่ โป่ ลู เร๊อ เตจ๊อเต, เตเป๊อแลหนิ เหน่ เร๊อ เตเมจากาคยาม๊อเนอ เด๊อ อา เก่ แฮ ปา อาหรี่อาแก เออ เบ๊อะเนอ, คุ๊ยดุ เฟลิกส์ ซิอิเช เร๊อ อา เฮ๊ ลู เน๊อ, “เออตื๊อหื่อ เร๊อ เน กาหนิ เฮ๊อ. แว ค๊าขิ เก่ โอ่ ปา เฮ๊เรอ, แว เก่ เอ๊แฮโป่ คยา เน ปา.”

Eastern Kayah Shadaw Dialect

²⁵ ꤚꤣꤧ꤬ ꤙꤣꤧ ꤋꤢꤨ꤭ꤕꤢꤪꤜꤢꤨ ꤟꤢꤩꤙꤢꤩ꤬ ꤕ꤫ꤢꤩ꤬ ꤕ꤫ꤥ꤬ ꤜꤢꤨ꤭ ꤔꤢꤧ ꤒꤢꤩ꤬ꤡꤢꤪꤒꤢꤩ꤬, ꤒꤢꤩ꤬ꤕꤣꤜꤢꤧ꤬ꤚꤣꤧ ꤔ꤫ꤢꤩ꤬ ꤔꤢꤧ ꤒꤢꤩ꤬ꤘꤣꤧꤡꤢ꤭ ꤗ꤫ꤢꤪ꤬ꤔꤣꤧ꤭ ꤘꤣ ꤢ꤬ ꤊ꤫ꤢꤦ꤬ ꤟꤢꤧ꤭ ꤕꤢ꤭ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ ꤢ꤬ꤋꤢꤩ꤭ꤔꤣꤧ꤬, ꤋꤝꤤꤘꤢꤨ꤬ ꤠꤢꤩꤜꤤ꤬ ꤞꤤꤤ꤬ꤏꤢꤩ꤭ ꤚꤣꤧ꤬ ꤢ꤬ ꤟꤢꤩ ꤜꤢꤨ꤭ ꤔꤢꤧ, “ꤣꤧ꤭ꤒꤣ꤬ꤟꤢꤦ꤬ ꤚꤣꤧ꤬ ꤔꤢꤧ꤬ ꤊꤢ꤬ꤔ꤫ꤤ꤬ ꤟꤣꤧ꤯ ꤠꤢꤧ꤭ ꤒꤢꤩ꤬ꤏꤣꤧꤒꤢꤩ꤬ꤋꤢꤩ꤭ ꤊꤢꤩ꤬ ꤥ꤬ ꤕꤢ꤭ ꤟꤢꤩꤚꤣꤧ꤬, ꤠꤢꤧ꤭ ꤊ꤫ꤢꤦ꤬ ꤢꤩꤟꤢꤧ꤭ꤕ꤫ꤥ꤬ ꤋꤛꤢ꤭ ꤔꤢꤧ꤬ ꤕꤢ꤭꤯”

เพรโด่แนพู๊ เต๊เห่ 24:25 ပူးပေါင်းရင်းမြစ်များ

ꤛꤥ꤭ꤟꤢ꤬ 16:8

เบ๊อะแหย่โยบูโพ๊แบ่เจ่ แฮโต่เฮ๊อ ปา เบ๊อะเนอ, อา เก่ เด๊อซิเง เป่ แกแย เห่ขุพู๊ เต๊เห่ เร๊อ เหย่ซี เม เตซื๊อ ปา, โทเรอ อา เก่ เด๊อซิเง เป่ โป่ เหย่ซี เร๊อ เตจ๊อเตเต อาแกล๊ ปา. โท๊โต่, อา เก่ เด๊อซิเง เป่เกอโป่ เหย่ซี เร๊อ จอแปแหร่ เก่ เมจากาคยา เหย่ซี ปา.

เปโตร อาเหร่อเล๊อ ต๊าบ่า 3:15

หม่าแน๊เรอ, แด่หยื่อแด่แหน่ แลแค ครี๊ เด๊อ ซี ซิปล่อกู ฮู๊ ซี แบ่เจ่ เตเพรเนอ นี๋. อูเป เตเพร เบ่เบ่, อา เก่ แด๊เฮอ ซี เร๊อ ซี เตแม๊ชือ อาหรี่อาแก เฮ๊เนอ, แซ่ฮู๊ ซี เก่ เฮ๊ฉื่อแจ่ เป่ เกออู เร๊อ โอ่ตี๊หรี่แตแร หนื่ออื่อ แลแค ซีเหน่ ปว๋า โตโพ๊ นี๋. หม่าแน๊เรอ ตูรู๊ เฮ๊เบ่ ซิโดซิงา ฉื่อ เหย่ซี เร๊อ แด่ซิแหน่ซิเตเร เหย่ซี นี๋.

เปโตร เนอบ่า ต๊าบ่า 1:6

เด๊อ เตซิคว๊าซิเง อาขุเนอ, แด่ปล๊อ เอ๊แถ่โป่ เตค๊อเป่ เกอเร๊อ เหน่, เด๊อ เตค๊อเป่ เกอเร๊อ เหน่ อาขุเนอ, แด่ปล๊อ เอ๊แถ่โป่ เตแด่ทูซิปล่อ, เด๊อ เตแด่ทูซิปล่อ อาขุเนอ, แด่ปล๊อ เอ๊แถ่โป่ เตโอ่เซอเพร โตเบ่ เร๊อ จอแปแหร่,

ꤊꤢ꤬ꤜꤢ꤬ꤒꤤ 5:23

เตซิโดซิงา เร๊อ เตค๊อเป่เร๊อ ซิปล่อ ซี เต๊เห่เนอ เฮ๊อ. ซี เก่ เมฮู๊เออ เฮ๊เนอหม่า, อาซื๊อ เฮ๊อ เตซว๊าเตแส่ เฮ๊น๊อ ฮู๊เนอ ตาม๋า โต่.

เพรโด่แนพู๊ เต๊เห่ 10:42

เร๊อ อา เฮ๊แก โป่ เป เร๊อ เป เก่ จว๊า แด๊โฉ่โด่แน เป่ อู เร๊อ เตซิครือซิลอมีลา, โทเรอ เป เก่ จว๊า ข่าเฮ๊โล เป่ อู เร๊อ อา หม่า แกแย เตเพร เด๊อ จอแปแหร่ นว๊าแถ่ ลู เร๊อ อา หม่า อา เก่ ทวา เป่แกแย เซอเพร เต๊เห่ เร๊อ แกแยเซอ เต๊เห่ อา เพร เมจากาคยา ปา.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:7

พู๊เลอซี๋, นออี๊หล่าแลโฮ จว๊า แต่ อู เร๊อ ซีเหน่ เตเพร่ว แต่เหม่ นี๋. แกแย เตเพรเพร เด๊อ อา เม เตจ๊อเตเต เนอหม่า หม่าเฮ๊อ แกแย เด๊อ อาจ๊ออาเต แซ่เฮ๊อเร๊อ เหย่ซู่ครี๊ จ๊อเต เออเนอ เฮ๊อ.

ꤡꤛꤢꤩ꤭ꤗꤢ꤬ꤎꤣ꤬ 2:19

เน หยื่อเอ่ เน๊อ แบ่เจ่ จอแปแหร่ โอ่ตื๊อ เตเพรเพร่ว แพ๊. อาแร๊เฮ๊อ. โลเน๊มู๊แหม่รีแจ่ เต๊เห่ เจ๊อเนอ อา หยื่อเอ่ แซ่เกอ ดื่อ ฮู๊เนอเนอ, โท๊โต่ เหย่ซี หยื่อเอ่ เร๊อ อา ซิอิเช แตแนตากยา เจ๊อ.

ꤟꤤꤙꤚꤢꤨ 9:27

แกแย ปว๋า เตเพร เบ่ เซอ แพ๊ โตโพ๊แพ๊. เร๊อ อา เซอโท ปาเนอ, จอแปแหร่ เก่ เมจากาคยา เหย่ซี ปา.

ꤟꤤꤙꤚꤢꤨ 4:1

จอแปแหร่ อ๊อแล ตื๊อดื่อปา เป โต่กู๊แหน่ เน๊อ เป เก่ โนหนิ เด๊อ เหล่โอ่โก๊ เตเบ๊ซิพร๊า อาเหล่โอ่ เออเนอปา. แซ่ฮู๊ ซี ปว๋า เตเพร เก่ โนหนิ เกอ เด๊อ เหล่โอ่โก๊ เตเบ๊ซิพร๊า เด๊อ จอแปแหร่ อ๊อแล เออ อาเงเนอ, เป เบ่รอเร๊อ แลแค เปเหน่.

ꤟꤤꤙꤚꤢꤨ 3:13

โทโต่, กู๊แหน่เออ เตเมแลเปล๊กา เด๊อ จอแปแหร่ เด๊อะ เป เออ แซ่ฮู๊ เตซื๊อ เก่ อิลอแลโฮ แต่ ซี เตเพร๊ แต่เหม่, แซ่ฮู๊ ซี เก่ กู่กล๊อเพรอ แต่ แลแค เตเพร๊ แต่เหม่ อาเงเนอ, ปวาเนอเน๋อ เด๊อะอ๊าเด๊อะเหร่ เมจว่า คยาลู เตเพร เร๊อ เตเพร นี๋.

ꤊꤢ꤬ꤜꤢ꤬ꤒꤤ 3:22

หม่าแน๊เรอ ลีเทส่อพ๊ากู เฮ๊ เนอ, เห่ขุ เออต๊าบ่า ลอเนอ, อา โอ่ ลอ เด๊อ เตซื๊อเตปล๊า อา เตเป๊ออาเล แพ๊. ฮู๊เนอ อาขว่าอาคยา, จอแปแหร่ อา เตเด๊อะบุ๊ยเด๊อะเตอเรอ เออเนอ อา อ๊อแล เน๊อ เป เก่ หยื่อเอ่ เหย่ซู่ ตื๊อหม่า อา เด๊อ เป ปา แพ๊. ซิปล่อเซอเพร ตูจูเพร เออเนอ อา เด๊อะตื๊อแพ๊ แกแย เด๊อ อา หยื่อเอ่ เหย่ซู่ครี๊ เนอเต๊เห่ แพ๊.

โครินธ์ เนอบ่า ต๊าบ่า 5:10

เมเตเฮ๊เรอ, ช๋า โหน่ปาหม่า เป ปว๋า เตเพร เบ่แฮ โอ่ ลอ เด๊อ ครี๊ เหล่เมจากาคยา กู่แกล๊เท แถ่โล อาเป๊เส่เง ปา. เบ๊อะเป โอ่ เด๊อ เห่ขุเออ อาเค, ล๋อ เป เมโทเฮ๊อ เต เด๊อ อาแร๊ เต๊เห่เนอ เบ่เบ่, เต เด๊อ อาซื๊อ เต๊เห่เนอ เบ่เบ่, เป เก่ พย๊าหนิ เด๊อคยา เตเมหนิคว๊าเก่ ปา แอ, หม่า เป พย๊าหนิ โต่ แอ? เนอ, อา เก่ เจแม๊ ลอ เป ปว๋า เตเพร ปา.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:10

จอแปแหร่ อาพู๊อาเลอ เต๊เห่ เร๊อ โลเน๊มู๊แหม่รีแจ่ กู่กล๊อ อาพู๊อาเลอ เต๊เห่เนอ, เป ซิเง ตาเต แจ่ อา ฮู๊เออ เฮ๊เรอ, อูเปเป๋ เบ่เบ่ อา เก่ เม แฮเง ตื๊อดื่อปา เต เด๊อ อา โตโต่ เต๊เห่, โต่หม่าแน๊ อา โม เกอเร๊อ เกอ อาโป่อาแหม่ ครี๊พู๊ เต๊เห่ โต่ เฮ๊เนอหม่า จอแปแหร่ อาพู๊อาเลอ หม่าโต่.

ทิโมธี เนอบ่า ต๊าบ่า 4:1

ช๋า เหย่ซู่ครี๊ แฮเป๊อเฮ๊อ ฮู๊ คุ๊ยจ๊อแผ่ เตเพร เบ๊อะเนอปาเนอ, อา เก่ แฮ เมจากาคยา แกแย เซอเพร เต๊เห่ เน๊อ แกแยเซอ เต๊เห่ เนอเจ่อลอ ปา. ฮู๊เนอเรอ เด๊อ จอแปแหร่ เน๊อ เหย่ซู่ครี๊ อา เป๊เส่เง เนอ, แว ซิหยื่อ เฮ๊หม่า เฮ๊กลอแก แวโหง่ เน๊อ เน ฮู๊เออ,

โครินธ์ เนอบ่า ต๊าบ่า 6:2

เมเตเฮ๊เรอ จอแปแหร่ เฮ๊ เน๊อ, “เบ๊อะ ม๊อเนอ แฮโต่เฮ๊อ เด๊อ แว โตเบ่ แม๊ดุ ซี เนอเตอเนอเนอ, แว หนิดา เฮ๊อ ซี เตกุยจ๊อเบ เฮ๊อ, เบ๊อะม๊อเนอ แฮโต่เฮ๊อ เด๊อ แว โตเบ่ เมแลเปล๊กา ซี เนอเตอเนอเนอ, แว เมจว่า เฮ๊อ ซี เฮ๊อ” ฮู๊เนอเรอ, แว เฮ๊ ซี, หนิดา แลแค, เออเตอเนอ หม่า ม๊อเนอ เด๊อ จอแปแหร่ แม๊ดุเร๊อ ซี อาม๊อเนอ เฮ๊อ. เออเตอเนอ หม่า เมแลเปล๊กา ซี อาม๊อเนอ เฮ๊อ.

โครินธ์ อาเหร่อเล๊อ ต๊าบ่า 4:5

ฮู๊เนอเรอ เตเมจากาคยา เบ๊อะแฮเบ่ แต่ล๋ายโต่ เนอ, จว๊า เมจากาคยา แต่ อู เตเพร๊ แต่เหม่. โอ่ป่อ โต่ แลแค เด๊อ แบ่เจ่ แฮ เมจากาคยา อู ปา โตโพ๊ เนอ. เตโอ่โอ๊โอ่บี๊ เด๊อ เตคี๊ อากู เต๊เห่เนอ, อา เก่ เด๊อะแถ่โล ปา. เร๊อ แกแย อา เตเตเน ด๊อโอ๊ด๊อบี๊ เด๊อ อา นอเม โค๊ลู เต๊เห่เนอ, จอแปแหร่ เก่ เด๊อะโล ซิเง ปา. เบ๊อะเนอเค ปา เนอ, ฮู๊ แกแย เตเพร เร๊อ เตเพร เม เต เนอ, จอแปแหร่ เก่ ถู่เซ๊หนิ เหย่ซี ปา.

เพรโด่แนพู๊ เต๊เห่ 24:15

แว เตแม๊ชือ เด๊อ จอแปแหร่ อากู เนอหม่า อาแซ่เน๊อ เหย่ซี เนอแพ๊แพ๊. แว หยื่อเอ่ แม๊ชือ เร๊อ แกแยแร๊ เบ่เบ่, แกแยจา เบ่เบ่, อา เก่ ก๊อถ่อ เซอเพร กาคยา แลแค ปา.

เพรโด่แนพู๊ เต๊เห่ 17:32

เบ๊อะเหย่ซี หนิโฮ คูเปาโล แด๊โฉ่โด่แน เป่ เหย่ซี เร๊อ เตเซอ ก๊อถ่อกาคยา อาคยา เบ๊อะเนอ, เต๊เห่เรอ อา งยาโคร ลู, เต๊เห่เห่ ลาติเร๊อ อา เฮ๊ เน๊อ, “เป ซิหยื่อ หนิโฮ คยาแซ๊โป่ เน เฮ๊ เป่ เป เตหรี่เตแก เออเนอ.”

เพรโด่แนพู๊ เต๊เห่ 17:2

ฮู๊ คูเปาโล เหล่โกล เม เกอ เร๊อ เนอ, อา จว๊าโน เด๊อ เตจ๊อเบโฮกู แกแยยิวพู๊ อา ม๊อเนอโด่ โซโพ๊ ลอเนอ อา จว๊า เฮ๊เบ่โด่แน เคร๊แขระ เร๊อ แกแย เบ๊หมู่ เบ๊อะเนอ เต๊เห่ เร๊อ อา แด๊โฉ่โล เป่ อู เร๊อ ลีเทส่อพ๊า อาหรี่อาแก.

เพรโด่แนพู๊ เต๊เห่ 2:37

เบ๊อะแกแย เออเต๊เห่ หนิโฮ คูเปโตร แด๊โฉ่ เป่ เหย่ซี ฮู๊เออ เบ๊อะเนอ, เหย่ซี ซิปล่อเช แหน่เจ๊อ เร๊อ อา เฮ๊กาคยาฉื่อ คูเปโตร เน๊อ เพรโด่แนพู๊ เต๊เห่ เด๊อ อาโรเต๊เห่ เน๊อ, “โป่แหว่ ซี๋, เก่เฮ๊ฮู๊เนอเร๊อ เป โตเบ่ เมฮู๊เต?”

ꤟꤤꤙꤚꤢꤨ 6:2

เตเจเทอ อาหรี่อาแก, แด่แถ่ กู๊ขุ เด๊อ อูลู เต๊เห่, เตเซอ ก๊อถ่อกาคยา, เตเมจากาคยา ตูจูเพร อาหรี่อาแก เออเต๊เห่เนอ, เป โหล่ อิซว๊า ซิเง ตื๊อดื่อ ปา เปเหน่ โต่.

ꤟꤤꤙꤚꤢꤨ 12:21

เหย่ซี แม๊เถอะ แลแค เต ทวาแถ่ ฮู๊เออ เด๊อ เหย่ซี เป๊เส่เง เร๊อ, เหย่ซี ซิอิเช แหน่เจ๊อ อาขว่าอาคยา, “แว ซิอิเชแตแนตากยา เจ๊อ” คูโมเสส เฮ๊ ฮู๊เนอ.

ꤚꤥꤗꤢꤩ꤬ 14:12

ฮู๊เนอเรอ, เป เมโท แคร๋ เฮ๊อ อิเตเนอ เป เบ่ เฮ๊โฉ่แถ่โล ลอ จอแปแหร่ ปว๋า เพร ปา.

ꤚꤥꤗꤢꤩ꤬ 12:1

ฮู๊เนอเรอ, โป่แหว่ ซี๋, จอแปแหร่ อา เตซิยอ เป เนอ, อาดุอาแย ตาลว๊าซิลือ เจ๊อ เด๊อ เปเง อาขว่าอาคยา, แว กุยซิยอ ซี เร๊อ ซี เก่ เด๊อะแล ซี เหน่กล่อ เออ เด๊อ จอแปแหร่ อา โอ่ ฮู๊ เตหลู่ เด๊อ อา เซอเพร, ฮู๊ เตหลู่ เด๊อ อา บูโพ๊ เร๊อ ฮู๊ เตหลู่ เด๊อ อาโต ลูซิปล่อ อา เตซิหยื่อ เนอ นี๋. ซี โต จ๊อเบแถ่ จอแปแหร่ ฮู๊เออเนอหม่า หม่าเฮ๊อ แกล๊ เด๊อ อาโตอาเบ่ โตโบ เฮ๊อ.

ꤚꤥꤗꤢꤩ꤬ 2:16

เบ๊อะจอแปแหร่ เด๊อะตา อา เตโพรเตเตอเรอ ฉว่าชอ เด๊อ เหย่ซู่ครี๊ เก่ เมจากาคยา อู ล๋อ ปลี ปา เตอเนอเนอ, อา เก่ แซ่ เกอดื่อ ฮู๊เนอ ปา. เบ๊อะเนออาเคปา, ล๋อ แกแย อา เหล่เตเน ด๊อโอ๊ด๊อบี๊ เต๊เห่เนอ, จอแปแหร่ เก่ เมจากาคยา ลอ เหย่ซี อาเตด๊อโอ๊ด๊อบี๊ เนอเต๊เห่ ปา. เออ หม่า เตซิครือมีลา เด๊อ แว โด่แน เป่ อู เออเนอเฮ๊อ.

เพรโด่แนพู๊ เต๊เห่ 26:28

คุ๊ยดุ อากริปปา เฮ๊ฉื่อ คูเปาโล เน๊อ, “เด๊อ ค๊าขิ แตแปล๊เตอเปลอฮู๊ อากู เออเนอ, เน เตเน เร๊อ เน เก่ อิลอหนิ แว เด๊อ แว เก่ ทวาแถ่เกอ ครี๊พู๊ ปา เตเพรเนอ แอ?”

เพรโด่แนพู๊ เต๊เห่ 17:13

เร๊อ เบ๊อะแกแยยิวพู๊ เด๊อ วีเธสะโลนิกา เต๊เห่ หนิโฮเฮ๊อ เร๊อ คูเปาโล แด๊โฉ่โด่แน เป่ โป่ อู เร๊อ จอแปแหร่ อาลาอาโหง่ เด๊อ วีเบโรอา อากู เบ๊อะเนอ, เหย่ซี นอฉว่านอชอ แกแย เบ๊หมู่ เออเต๊เห่ เร๊อ อา นอ เมตอปลอตือซือ อู.

เพรโด่แนพู๊ เต๊เห่ 9:6

หม่าแน๊เรอ ก๊อถ่อมอ เร๊อ จว๊าโน เด๊อ วีกู เนอ. เน โต เมแคร๋ ฮู๊เตเนอ, อู เก่ เฮ๊โฉ่ดื่อ เน ปา.”

มัทธิว 22:5

“หม่าแน๊เรอ แกแย เด๊อ คุ๊ย เอ๊แฮ ลู เต๊เห่เนอ อา เบ่หยื่อเบ่ แหน่ เตอเจ๋อ โต่. อา เถ่จว๊า โค๊แก ลอ. เตเพรเร๊อ อา แฮ เด๊อ เพร๊ขุ, เตเพรเร๊อ อา จว๊า เมเก่เมค๊า เต.

เพรโด่แนพู๊ เต๊เห่ 24:26

ฮู๊เนอ อาขว่าอาคยา, อา เอ๊แฮ โตโมโตโม คูเปาโล เด๊อ อา เก่ แฮเฮ๊เบ่ เร๊อ ลู, เมเตเฮ๊เรอ อา แม๊ชือเกอ เร๊อ เตอเนอเนอ ปาเนอ, คูเปาโล เก่ เด๊อ ลู รือ ปา อา เตเน ฮู๊เนอ.

ꤒꤤꤒꤢꤨ 1:8

หม่าแน๊เรอ, อา โตเบ่ ทวา แกแย เด๊อ อา เอ๊โมฉื่อ ซิเผระซิแหม่, อา โตเบ่ ทวา แกแย เด๊อ อา โม เต เด๊อ อาแร๊, อา โตเบ่ ค๊อเบ๊แจ่ อาซิปล่อ, อา โตเบ่ โอ่จ๊อโอ่เต เร๊อ บูโพ๊ เร๊อ อารอ เบ๊หนิ อาเหน่,