เพรโด่แนพู๊ เต๊เห่ 24:11 - ลีเทส่อพ๊าอาเซ เร๊อ เห่ขุทวาลู๊

¹¹ แว จว๊าจ๊อเบ เด๊อ วีเยรูซาเล็ม เนอหม่า อางยาเล๊อ เร๊อ เช๊อเนอเซ ล๋ายโต่. เน เก่ แม๊ปูซิเง เร๊อ เนเหน่ เฮ๊เนอหม่า อาหนิ แพ๊.

Eastern Kayah Shadaw Dialect

¹¹ ꤠꤢꤧ꤭ ꤡꤝꤢꤡꤢꤪꤙꤢꤩ꤭ ꤘꤣ ꤠꤤ꤭ꤛꤢ꤬ꤚꤢꤨꤏꤛꤢ꤬ꤜꤢꤩ꤬ ꤔꤣꤧ꤬ꤗꤢ꤬ ꤢ꤬ꤑꤢ꤭ꤜꤣ ꤔꤢꤧ ꤏꤣꤧꤔꤣꤧ꤭ꤞꤢꤩ꤭ ꤜꤢ꤭ꤟꤤꤒꤥ꤬꤯ ꤔꤢꤧ꤬ ꤊꤢꤩ꤬ ꤗꤢꤧꤕꤢꤨ꤭ꤞꤤꤑꤢꤩ꤭ ꤔꤢꤧ ꤔꤢꤧ꤬ꤔ꤫ꤢꤩ꤬ ꤟꤢꤩꤔꤣꤧ꤬ꤗꤢ꤬ ꤢ꤬ꤔ꤫ꤤ꤬ ꤖꤢꤧ꤯

เพรโด่แนพู๊ เต๊เห่ 24:11 ပူးပေါင်းရင်းမြစ်များ

เพรโด่แนพู๊ เต๊เห่ 24:1

เร๊อ โอ่โป่ แงเนอ เนอ, เพร หลู่แต กู่กล๊อดุเล๊อ คูอานาเนีย เร๊อ แกแยยิวพู๊ โหมะพรูโหมะเผร่ กู่กล๊อดุกู๊ฉู่ทู เต๊เห่ เอ๊แฮโอ่เต่อหนิ เร๊อ แกแย เฮ๊เบ่แจ่ เทอ เก่ อา เตซว๊าเตแส่ เตเพร เด๊อ อามุย เร๊อ คูเทอร์ทูลลัส, เร๊อ อา แฮแล แลแค เด๊อ วีซีซารียา. เหย่ซี แฮโน เด๊อ คุ๊ยดุ เฟลิกส์ อาเป๊เส่เง เร๊อ อา แฮแด่แถ่ คูเปาโล เตซื๊อ.

เพรโด่แนพู๊ เต๊เห่ 21:18

เตอเนอเนอ, คูเปาโล จว๊าเกอ เร๊อ เป เร๊อ เป จว๊าโอ่เล เฮ๊เบ่เกอ เร๊อ คูยากอบ เร๊อ เพรหยื่อเอ่ตู๊หมู่ตอกล๊อ โหมะพรูโหมะเผร่ เด๊อ อา ทวา ทวาดุทวาเต เบ๊อะเนอเต๊เห่ ปว๋า เตเพร.

เพรโด่แนพู๊ เต๊เห่ 24:17

“แว จว๊าโอ่ตาพา งย๊า เร๊อ วีเยรูซาเล็ม เด๊อ อาหน่า, อาเลกู เจ๊อเฮ๊อ, เร๊อ เด๊อเหร่อเนอ, แซ่ฮู๊ แว เก่ จว๊าซู เป่ แว เมวเจอะพู๊ เร๊อดื่อ เต๊เห่ อารือ, โท๊โต่ แซ่ฮู๊ แว เก่ หลู่แถ่แตแถ่ เต เบ๊อะเนอ อาเง เนอเรอ, แว กาคยา คยาแซ๊ เบ๊อะวีเยรูซาเล็ม เออเนอ แพ๊.

เพรโด่แนพู๊ เต๊เห่ 23:23

ฮู๊เนอ โทเร๊อ, เกลอฮู๊ตีรี๊ กู่กล๊อ เอ๊แฮ เกลอฮู๊เตเย กู่กล๊อ ซิเนอ เร๊อ อา เฮ๊ เหย่ซี เน๊อ, “นอ โอ่ ตี๊หรี่แตแร หนื่ออื่อ เกลอฮู๊ เนอเย, เร๊อ นอจว๊า เต่อเกอ เร๊อ เพรแถ่แด๊ เตซิ อาเพร โซซว๊าเตอเชอ, เน๊อ เพรปื่อ แตแบ อาเพร เนอเยเนอ, เร๊อ เออเตเซ เบ๊อะลุยซว๊าตือมือ เบ่เฮ๊อ ปา เบ๊อะเนอ, นอเถ่จว๊า เหย่ซี เด๊อ วีซารียา ปา นี๋.

เพรโด่แนพู๊ เต๊เห่ 23:11

เบ๊อะเนอเตเซ, แบ่เจ่ แฮ ก๊อถ่อโอ่ เด๊อ คูเปาโล อาช๊า เร๊อ อา เฮ๊ ลู เน๊อ, “แด่ฉว่าแด่ชอ เน ซิปล่อ นี๋. ฮู๊ เน ข่าจา โทเฮ๊อ เนเหน่ เนอ แวหรี่แวแก เบ๊อะวีเยรูซาเล็ม อากู เออเนอ, เน เก่ ข่าหนิเกอ โป่ดื่อ เตหรี่เตแก เออเนอ เด๊อ วีโรม อากู น๊อปา.”

เพรโด่แนพู๊ เต๊เห่ 22:30

แกแยยิวพู๊ เต๊เห่ จว๊าแด่โต่ เตซื๊อ เด๊อ คูเปาโล อาลู เมเตเนอ, เกลอฮู๊ตีรี๊ อากู่กล๊อ เออเตเพร ซิหยื่อ ซิเง ตาเตแร๊ อาขว่าอาคยา, เหมาะลีบูเนอ, อา นอจว๊า ฉิโล๊แก สู่เปลอต่อเท๊ เด๊อ คูเปาโล อาลู. โทเรอ อา เด๊อะตา อาโหง่ เน๊อ อา นอโอ่กู๊โอ่แก๊ ลอ ล๋อ แกแย เด๊อ อา ทวา เพรหลู่แต กู่กล๊อ เต๊เห่ เร๊อ แกแยยิวพู๊ เด๊อ อา ทวา ทวาดุทวาเต เนอเต๊เห่. โทเรอ อา เอ๊ คูเปาโล เร๊อ อา นอก๊อถ่อโอ่ ลู เด๊อ เหย่ซี อาเป๊เส่เง.