เพรโด่แนพู๊ เต๊เห่ 24:10 - ลีเทส่อพ๊าอาเซ เร๊อ เห่ขุทวาลู๊

¹⁰ เบ๊อะเนออาเค คุ๊ยดุ เออเตเพร บ๊อแถ่โล อากู๊ขุ เด๊อ คูเปาโล เก่ เฮ๊เบ่ เตเร๊อ คูเปาโล เฮ๊ฉื่อ เน๊อ, “เน ทวาดื่อเฮ๊อ เพรเฮ๊เบ่ เมโตเต เด๊อ แกแย เออเตเมว เต๊อเจ่อ อาขุ หม่า อาหน่าอาเล อางยาลาเฮ๊อ เนอหม่า แว ซิเง แพ๊. ฮู๊เนอ อาขว่าอาคยา, แว เตเร เฮ๊เบ่แลเปล๊หนิ แวเหน่ เด๊อ เน เป๊เส่เง ฮู๊เออเนอหม่า, แว ซิครือ แหน่เจ๊อ.

Eastern Kayah Shadaw Dialect

¹⁰ ꤙꤣꤧꤔꤣꤧ꤬ꤢ꤬ꤋꤢꤩ꤭ ꤋꤝꤤꤘꤢꤨ꤬ ꤣꤧ꤭ꤒꤣ꤬ꤖꤚꤢꤩ꤬ ꤙꤢꤪꤓꤢꤧ꤬ꤜꤥ꤭ ꤢ꤬ꤊꤢꤨꤋꤢꤨ꤬ ꤘꤣ ꤋꤢꤨ꤭ꤕꤢꤪꤜꤢꤨ ꤊ꤫ꤢꤦ꤬ ꤟꤢꤩꤙꤢꤩ꤬ ꤒꤢꤩ꤬ ꤚꤣꤧ꤬ ꤋꤢꤨ꤭ꤕꤢꤪꤜꤢꤨ ꤟꤢꤩꤏꤢꤦ꤬ ꤔꤢꤧ, “ꤔꤢꤧ꤬ ꤓꤝꤢ꤭ꤘꤢꤦ꤬ꤟꤣꤧ ꤖꤚꤢꤩ꤬ꤡꤢꤧ꤬ꤒꤥ꤭ꤙꤢꤩ꤬ꤒꤢꤩ꤬ ꤘꤣ ꤊꤣꤧ꤬ꤛꤢꤧ꤭ ꤣꤧ꤭ꤒꤣ꤬ꤗꤤ꤭ꤒꤣ꤬ꤡꤣ꤬ ꤢ꤬ꤋꤢꤨ꤬ ꤗꤢ꤬ ꤢ꤬ꤔꤢ꤬ꤢ꤬ꤜꤢꤩ꤭ ꤑꤢ꤭ꤜꤥ꤬ꤟꤣꤧ ꤔꤣꤧ꤬ꤗꤢ꤬ ꤠꤢꤧ꤭ ꤞꤤꤑꤢꤩ꤭ ꤖꤢꤧ꤯ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤠꤢꤧ꤭ ꤊ꤫ꤢꤦ꤬ꤚꤢꤩ꤭ ꤟꤢꤩꤙꤢꤩ꤬ꤜꤣꤧ꤬ꤕꤜꤢꤩꤚꤣꤧ ꤠꤢꤧ꤭ꤔ꤫ꤢꤩ꤬ ꤘꤣ ꤔꤢꤧ꤬ ꤕꤣꤧꤞꤢꤩ꤬ꤑꤢꤩ꤭ ꤟꤢꤨꤣꤧ꤭ꤔꤣꤧ꤬ꤗꤢ꤬, ꤠꤢꤧ꤭ ꤞꤤꤋꤚꤢꤦ꤭ ꤔꤢꤧ꤬ꤡꤣꤧ꤯

เพรโด่แนพู๊ เต๊เห่ 24:10 ပူးပေါင်းရင်းမြစ်များ

เปโตร อาเหร่อเล๊อ ต๊าบ่า 3:15

หม่าแน๊เรอ, แด่หยื่อแด่แหน่ แลแค ครี๊ เด๊อ ซี ซิปล่อกู ฮู๊ ซี แบ่เจ่ เตเพรเนอ นี๋. อูเป เตเพร เบ่เบ่, อา เก่ แด๊เฮอ ซี เร๊อ ซี เตแม๊ชือ อาหรี่อาแก เฮ๊เนอ, แซ่ฮู๊ ซี เก่ เฮ๊ฉื่อแจ่ เป่ เกออู เร๊อ โอ่ตี๊หรี่แตแร หนื่ออื่อ แลแค ซีเหน่ ปว๋า โตโพ๊ นี๋. หม่าแน๊เรอ ตูรู๊ เฮ๊เบ่ ซิโดซิงา ฉื่อ เหย่ซี เร๊อ แด่ซิแหน่ซิเตเร เหย่ซี นี๋.

เพรโด่แนพู๊ เต๊เห่ 26:1

คุ๊ยดุ อากริปปา เฮ๊ คูเปาโล เน๊อ, “เน เก่ ซิเฮ๊เบ่ หม่า อาหนิ แพ๊.” เร๊อ คูเปาโล บ๊อแถ่ อากู๊ขุ เร๊อ อา เฮ๊เบ่แลเปล๊ เกอเร๊อ อาเหน่ ฮู๊เออ:

เพรโด่แนพู๊ เต๊เห่ 23:24

ตี๊หรี่แตแร หนื่ออื่อ เป่ เตซิเต๊เห่ เด๊อ คูเปาโล อาเง ปา นี๋, เร๊อ ซูจว๊าโต่ โมโมแร๊แร๊ อา เด๊อ คุ๊ยดุ เฟลิกส์ อา โอ่ ปา นี๋. เร๊อ ซูแลเปล๊ จว๊ากาแร๊ อา เน๊อ เพร เด๊อ อา ซิเถ่ซิฮา ลู เนอเต๊เห่ อา กู๊ยากู นี๋.”

เพรโด่แนพู๊ เต๊เห่ 21:40

เร๊อ เกลอฮู๊ตีรี๊ อากู่กล๊อ เออเตเพร เด๊อะอา ค๊าขิ อาขว่าอาคยา, คูเปาโล ก๊อถ่อ เบ๊อะกู่โบลู เนอ, เร๊อ อา วื๊อแหว่จว๊า อากู๊ขุ เด๊อ แกแย เบ๊หมู่ เออเต๊เห่ อา โอ่. เบ๊อะเหย่ซี โอ่โส่เฮ๊อ อาเบ๊อะเนอ, คูเปาโล เฮ๊เบ่ตา เหย่ซี เร๊อ ฮีบรูโหง่.

เพรโด่แนพู๊ เต๊เห่ 19:33

แกแยยิวพู๊ เต๊เห่เห่เนอ อา นอเถ่ อเล็กซานเดอร์ เด๊อ แกแย เบ๊หมู่ อา เป๊เส่เง, เร๊อ แกแย เบ๊หมู่ เออเต๊เห่ เฮ๊ ลู เร๊อ เฮ๊เบ่ มอ เป. เร๊อ คูอเล็กซานเดอร์ บ๊อแถ่ อากู๊ขุ เร๊อ อา นอโอ่โส่ เหย่ซี. เร๊อ อา เฮ๊โฉ่โปล เป่ แกแย เบ๊หมู่ เออเต๊เห่ เร๊อ เตเมทวาแถ่ อาเหน่ เออเต๊เห่.

เพรโด่แนพู๊ เต๊เห่ 18:15

หม่าแน๊เรอ เตหรี่เตแก เออเนอหมา อา หม่าแพ๊ เตเฮ๊เบ่ เคร๊แขะ ลู โหง่ เต๊เห่ เร๊อ มุย เต๊เห่, เน๊อ ซี แกแยยิวพู๊ เตซว๊าเตแส่ เร๊อดื่อ เต๊เห่ แพ๊ อาขว่าอาคยา, ซี โตเบ่ แด๊เฮอ เจแม๊ เกอ เร๊อดื่อ ซีเต แพ๊. แว หม่า แกแย เด๊อ อา ทวา เป่ อู เพรเมโตเต อาหรี่เตแก ฮู๊เออเนอ เต๊เห่ อาเงเนอ หม่าโต่.”

เพรโด่แนพู๊ เต๊เห่ 13:16

คูเปาโล ก๊อถ่อ เร๊อ อา วื๊อแหว่โล อากู๊ขุ. เมเตเฮ๊เนอเรอ อา ซิหยื่อ นอโซโซ๋ โอ่ แกแย เออเต๊เห่ เร๊อ อา เป๊อแถ่ เฮ๊เบ่ เน๊อ, “โป่แหว่ อิสราเอล อากลุยอาแล ซีเต๊เห่ เร๊อ แกแยยิวพู๊ หม่าโต่ เร๊อ อา จ๊อบู่จ๊อเบแถ่ จอแปแหร่ เบ๊อะเนอ ซีเต๊เห่ ล๋อ ปลี ซี๋, หนิดา แลแค.

เพรโด่แนพู๊ เต๊เห่ 12:17

คูเปโตร ซิหยื่อ นอโส่โส๋ โอ่ เหย่ซี เร๊อ อา วื๊อแหว่โล เป่ เหย่ซี เร๊อ อากู๊ขุ. เร๊อ อา แด๊โฉ่ เป่ เหย่ซี เน๊อ แบ่เจ่ จอแปแหร่ เมแลเปล๊เถ่ แคร๋ อา เด๊อ ทอกู ฮู๊เต อาหรี่อาแก. เร๊อ อา เฮ๊ เน๊อ, “แด๊โฉ่ เป่เกอ คูยากอบ เร๊อ ล๋อ เพรหยื่อเอ่พู๊ เด๊อ อาโร เนอเต๊เห่ เร๊อ เตหรี่เตแก เออเนอ นี๋,” คูเปโตร เฮ๊โฉ่แก เป่ เหย่ซี ฮู๊เนอ เร๊อ อา เถ่จว๊าแก เด๊อ อาโร โต๊โผ่.

ꤜꤢꤨꤊꤢ꤬ 18:2

เหย่ซู่ เฮ๊เบ่ เป่ เหย่ซี ฮู๊เต เฮ๊เรอ, “เด๊อ เมอตีวี อากูเนอ, เพรเฮ๊เบ่เมโตเต โอ่ เตเพร. แกแย เตเพรเนอ อา ซิอิเช เบ่หยื่อเบ่แหน่ เกออู จอแปแหร่ โต่โต่, เบ่หยื่อเบ่แหน่ เกออู แกแย โต่โต่.

ꤜꤢꤨꤊꤢ꤬ 12:14

เร๊อ เหย่ซู่ เฮ๊ฉื่อ อา เน๊อ, “หม่า อูเป แด่แถ่ แว เร๊อ แว ทวา เป่ ซี เพรเฮ๊เบ่เมโตเต, หม่าโต่เรอ เพร เฮ๊เบ่ เป่ ซี อู่เจเต๊เหย่ เด๊อ ซี ซิเนอ อาเปล่กู เนอ เป.”

ꤜꤢꤨꤊꤢ꤬ 12:11

“ช๋า อู ปื่อซูจว๊า ซี เด๊อ เตจ๊อเบโฮกู ปา เบ๊อะเนอ เบ่เบ่, เด๊อ คุ๊ยดุ เต๊เห่ อาเป๊เส่เง ปาเนอ เบ่เบ่, เร๊อ เด๊อ เพรเป๊อเทอเป๊อเก่ เต๊เห่ อา เป๊เส่เง อาเบ๊อะเนอปาเนอ ปาเบ่เบ่, เน โตเบ่ เฮ๊เบ่ เตเกบี๊ เกอเร๊อ เนเหน่ ฮู๊เต เร๊อ เน โตเบ่ เฮ๊ฉื่อ ฮู๊เตเนอ เบ่กู่เบ่แก แต่เหม่ นี๋.