เพรโด่แนพู๊ เต๊เห่ 23:6 - ลีเทส่อพ๊าอาเซ เร๊อ เห่ขุทวาลู๊

⁶ เบ๊อะคูเปาโล แม๊เถอะ เร๊อ แกแย โอ่เบ๊อะเนอ เต๊เห่ หม่า เต๊เห่เห่เร๊อ สะดูสีพู๊, เต๊เห่เห่เร๊อ ฟาริสีพู๊ อาขว่าอาคยา, อา เอ๊โทแถ่โล เป่ แกแยยิวพู๊ เด๊อ อา ทวา กู่กล๊อ เต๊เห่ เน๊อ, “แว โป่แหว่ ซี๋, แว หม่า ฟาริสีพู๊ เตเพร. แว หม่า ฟาริสีพู๊ เต๊เห่ อา พู๊เพรคู หม่า อาหม่าหม่า. แว แม๊ชือ เร๊อ แกแย เด๊อ อา เซอ เต๊เห่เนอ, อา เก่ ก๊อถ่อเซอเพร กาคยา คยาแซ๊ ปา อาขว่าอาคยาเร๊อ, ซี ทื๊อเจ แว.”

Eastern Kayah Shadaw Dialect

⁶ ꤙꤣꤧ ꤋꤢꤨ꤭ꤕꤢꤪꤜꤢꤨ ꤗꤢꤧꤓ꤫ꤣꤧ꤬ ꤔꤢꤧ ꤊꤣꤧ꤬ꤛꤢꤧ꤭ ꤥ꤬ꤙꤣꤧꤔꤣꤧ꤬ ꤒꤣꤧ꤬ꤟꤢꤩ꤬ ꤗꤢ꤬ ꤒꤣꤧ꤬ꤟꤢꤩ꤬ꤟꤢꤩ꤬ꤚꤣꤧ꤬ ꤎꤢ꤬ꤘꤢꤨꤊꤢꤧꤖꤢꤨ, ꤒꤣꤧ꤬ꤟꤢꤩ꤬ꤟꤢꤩ꤬ꤚꤣꤧ꤬ ꤖꤢ꤬ꤚꤤ꤬ꤏꤛꤢꤧꤖꤢꤨ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤢꤩꤓꤥ꤭ꤓꤢꤧ꤬ꤜꤥ꤭ ꤕ꤫ꤢꤩ꤬ ꤛꤢꤨꤘꤢ꤬ꤖꤢꤨ ꤘꤣ ꤢ꤬ ꤓꤝꤢ꤭ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣꤧ꤬ꤟꤢꤩ꤬ ꤔꤢꤧ, “ꤠꤢꤧ꤭ ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤠꤢꤧ꤭ ꤗꤢ꤬ ꤖꤢ꤬ꤚꤤ꤬ꤏꤛꤢꤧꤖꤢꤨ ꤒꤣ꤬ꤖꤚꤢꤩ꤬꤯ ꤠꤢꤧ꤭ ꤗꤢ꤬ ꤖꤢ꤬ꤚꤤ꤬ꤏꤛꤢꤧꤖꤢꤨ ꤒꤣꤧ꤬ꤟꤢꤩ꤬ ꤢ꤬ ꤖꤢꤨꤖꤚꤢꤩ꤬ꤋꤢꤨ꤭ ꤗꤢ꤬ ꤢ꤬ꤗ꤫ꤢ꤬ꤗ꤫ꤢ꤬꤯ ꤠꤢꤧ꤭ ꤗꤢꤧꤏꤢꤦ꤭ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤣꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤞꤣꤧ꤭ꤖꤚꤢꤩ꤬ꤊꤣꤧ꤬ꤓꤢꤪ꤬ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤕꤢ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤞꤤ꤭ ꤓꤢꤦꤡꤢꤩ꤭ ꤠꤢꤧ꤭꤯”

เพรโด่แนพู๊ เต๊เห่ 23:6 ပူးပေါင်းရင်းမြစ်များ

เพรโด่แนพู๊ เต๊เห่ 24:21

แว เตซื๊อ เก่ โอ่ เฮ๊เนอหม่า อา โอ่แพ๊ตื๊อ แว ก๊อถ่อโอ่ เด๊อ เหย่ซี อาเป๊เส่เง เร๊อ แว เอ๊โทแถ่ เน๊อ, ‘ซี แด๊เฮอ เจแม๊ แว เออเตอเนอ เนอหม่า หม่า เด๊อ แว หยื่อเอ่ เร๊อ แกแย เด๊อ อาเซอ เต๊เห่ อาก๊อถ่อ เซอเพร กาคยา ปา, เออตือมือ อาขว่าอาคยา แพ๊,’” คูเปาโล เฮ๊ เป่ ลู ฮู๊เนอ.

เพรโด่แนพู๊ เต๊เห่ 24:15

แว เตแม๊ชือ เด๊อ จอแปแหร่ อากู เนอหม่า อาแซ่เน๊อ เหย่ซี เนอแพ๊แพ๊. แว หยื่อเอ่ แม๊ชือ เร๊อ แกแยแร๊ เบ่เบ่, แกแยจา เบ่เบ่, อา เก่ ก๊อถ่อ เซอเพร กาคยา แลแค ปา.

ฟีลิปปี 3:5

เบ๊อะแว โอ่เป๊เจ่แล บาแถ่ เฮ๊อ เนอลุยซว๊า เบ๊อะเนอ, อู ดื๊อตีลี๊ เป่ แวพ๊า. แว ทวา อิสราเอลพู๊ เด๊อ แว โอ่เป๊เจ่แล เคเนอ ปา เจ๊อ. แวกลุยแวแล ตา เด๊อ คูเบนยามิน โต๊โหมะเต๊อเจ่อ, แว หม่า ฮีบรูพู๊ หม่าแหน่ เตเพร. แว หม่า ฟาริสีพู๊ เด๊อ อา หนิดา ครวาเมเกอ แกแยยิวพู๊ อา เตซว๊าเตแส่ เตเพร.

เพรโด่แนพู๊ เต๊เห่ 28:20

เด๊อ เตหรี่เตแก เออ อาขว่าอาคยาเร๊อ, แว กุย เกอ เหย่ซี เด๊อ อา เก่ เด๊อะแม๊เถอะ เฮ๊เบ่เกอ เต เน๊อ ซี. เก่เฮ๊เนอหม่า เด๊อ ซี หม่าเฮ๊อ แกแยยิวพู๊ เออเต๊เห่ อา เตแม๊ชือ อาขว่าอาคยาเร๊อ, อู เบ่ จอกลอหม่าแก แว เน๊อ สู่เปลอต่อเท๊ เออ เฮ๊อ.”

มัทธิว 22:23

เบ๊อะเนอ เตอเนอเฮ๊อ, สะดูสีพู๊ เด๊อ เหย่ซี หยื่อเอ่ดื่อเง เน๊อ ช๋า เซอโทปา เนอ เร๊อ เตเซอเพร กาคยา โอ่ ปา โต่ ตูหมู่เนอ, เหย่ซี แฮ เด๊อ แบ่เจ่ อา โอ่ เร๊อ อา แฮ แด๊เฮอ ลู โหง่ ตือมือ.

เพรโด่แนพู๊ เต๊เห่ 22:5

แว เฮ๊เบ่จ๊อเฮ๊เบ่เต แพ๊ เนอหม่า, เพรหลู่แต กู่กล๊อดุเล๊อ เออเนอ เด๊อ แกแยยิวพู๊ เน๊อ อา ทวา ทวาดุทวาเต ล๋อ ปลี เต๊เห่ เย๊อเบ๊ อาซิปล่อสู่เทอ เด๊อ แวเง แพ๊. เมเตเฮ๊เรอ, แซ่ฮู๊ แว เก่ จว๊าปื่อ แกแย เด๊อ อา โครครวา เกอ เหย่ซู่ครี๊ อาคยา เนอเต๊เห่ เร๊อ แว เก่ จอกลอ เหย่ซี เร๊อ สู่เปลอต่อเท๊, โทปาเรอ แว เก่ เอ๊กาแด๊เฮอ เจแม๊ เหย่ซี เด๊อ วีเยรูซาเล็ม ปา เนอเรอ, เหย่ซี ทวา ทวาดุทวาเต เนอเต๊เห่ ราจว๊าหนิ ลีเต๊เห่ เร๊อ อา เด๊อะจว๊า เร๊อ แว. ลี เออเต๊เห่เนอ, อา ราจว๊า เป่ อาโป่แหว่ แกแยยิวพู๊ เด๊อ อา ทวา ทวาดุทวาเต เร๊อ อา โอ่ แลแค เด๊อ วีดามัสกัส เด๊อ แว เตเร จว๊า วีเออ ตีวี อากู เนอเต๊เห่ อา โอ่.”

มัทธิว 10:16

“แว นอจว๊า ซี แซ่เน๊อ แว ปลวาจว๊า ซิหมิ เด๊อ ถุ่ยมี อาเกล เนอ. เมฮู๊เนอเรอ ลีแม เกอ แลแค ฮู๊ หรู่เต๊เห่เนอ, เร๊อ ซิปล่อ โพ๊แปละอาโพ๊อาแปละ เกอ แลแค ฮู๊ ถู่หลุ่ย เนอ นี๋.

มัทธิว 3:7

หม่าแน๊เรอ เบ๊อะคูยอห์น แม๊เถอะ ฟาริสี เร๊อ สะดูสี เต๊เห่ แฮปลูแฮเผ่ เด๊อ อา เก่ แฮเจ เกอ อาเหน่ เร๊อ เทอ เบ๊อะเนอ, อา เฮ๊ เหย่ซี เน๊อ, “หรู่ซิ ซี๋! หม่าอูเป เตเพร เด๊อะรอเด๊อะเร ซี เนอ ซี อา เหล่แลเปล๊ เร๊อ จอแปแหร่ อา เตเมจากาคยา เด๊อ อา เก่ แฮปา เออเนอ เป?

เพรโด่แนพู๊ เต๊เห่ 22:3

“แว หม่า แกแยยิวพู๊ เตเพร, แว กาโอ่เป๊เจ่แล เด๊อ วีทาร์ชัส, เด๊อ ชิลีเซียเก่ อา เตเป๊ออาเล, หม่าแน๊เรอ แว ดุแถ่ เด๊อ วีเยรูซาเล็ม. คูกามาลิเอล หม่า แว ซ๊าร๊า เร๊อ อา อิซว๊า ตาเต แหน่เจ๊อ แว เร๊อ เตซว๊าเตแส่ เด๊อ โหมะเพเพอโพ เด๋อ งย๊าเค เต๊เห่ ครวาเมเกอ โทเฮ๊อ เนอเต๊เห่. แว ซิปล่อฉว่า เมลอซิปล่อชีเม แหน่ ลอ เจ๊อ จอแปแหร่ อา เตเอ่เตแร แซ่เน๊อ ซี เด๊อ อา โอ่ เบ๊อะเออ เต๊เห่ ปวาเพร ซิปล่อฉว่า แหน่เจ๊อ กู๊แหน่ เออเนอเฮ๊อ.

เพรโด่แนพู๊ เต๊เห่ 22:30

แกแยยิวพู๊ เต๊เห่ จว๊าแด่โต่ เตซื๊อ เด๊อ คูเปาโล อาลู เมเตเนอ, เกลอฮู๊ตีรี๊ อากู่กล๊อ เออเตเพร ซิหยื่อ ซิเง ตาเตแร๊ อาขว่าอาคยา, เหมาะลีบูเนอ, อา นอจว๊า ฉิโล๊แก สู่เปลอต่อเท๊ เด๊อ คูเปาโล อาลู. โทเรอ อา เด๊อะตา อาโหง่ เน๊อ อา นอโอ่กู๊โอ่แก๊ ลอ ล๋อ แกแย เด๊อ อา ทวา เพรหลู่แต กู่กล๊อ เต๊เห่ เร๊อ แกแยยิวพู๊ เด๊อ อา ทวา ทวาดุทวาเต เนอเต๊เห่. โทเรอ อา เอ๊ คูเปาโล เร๊อ อา นอก๊อถ่อโอ่ ลู เด๊อ เหย่ซี อาเป๊เส่เง.

เพรโด่แนพู๊ เต๊เห่ 23:1

คูเปาโล แม๊จว๊าโต แกแยยิวพู๊ เด๊อ อา ทวาดุทวาเต เออเต๊เห่ เร๊อ อา เฮ๊ เหย่ซี เน๊อ, “แว โป่แหว่ ซี๋, เด๊อ แว ซิปล่อกูเนอ อา เด๊อะโล แว เร๊อ แว เตโอ่เซอเพร เด๊อ จอแปแหร่ อา เป๊เส่เงเออ, โต่กู๊แหน่เนอ, อาโพ๊อาแปละ เล๊อบา ลอปลี แพ๊.”

เพรโด่แนพู๊ เต๊เห่ 23:7

เด๊อ อา เฮ๊โลแถ่ เต ฮู๊เออ อาขว่าอาคยา, ฟาริสีพู๊ เร๊อ สะดูสีพู๊ เต๊เห่ เคร๊แขระ แคลู เร๊อ เหย่ซี ลูโพร๊แก ลู เนอหมู่.

เพรโด่แนพู๊ เต๊เห่ 23:15

ฮู๊เนอ อาขว่าอาคยา, ซี เร๊อ แกแยยิวพู๊ เด๊อ อา ทวา ทวาดุทวาเต เต๊เห่ ราจว๊า ลี ต๊าบ่า เด๊อ โรมัน เกลอฮู๊ตีรี๊ อากู่กล๊อ เนอเตเพร อา โอ่ เร๊อ เฮ๊ ลู เน๊อ, นอซูกาคยา คยาแซ๊ คูเปาโล เด๊อ ซี โอ่เนอ. เร๊อ จว๊าเม แลแค ฮู๊ ซี ซิหยื่อ ซิเง ตาเต เอ๊แถ่โป่ เตหรี่เตแก เออเนอ. เร๊อ เบ๊อะอู ซูกาคยาเฮ๊อ ลู เด๊อ แกล๊ลู อาเค ปาเนอ, เป โอ่ตี๊หรี่แตแร หนื่ออื่อดื่อ เปเหน่ ปา เร๊อ เป เก่ เมเซอฉื่อ อา ปา.”

เพรโด่แนพู๊ เต๊เห่ 23:20

เร๊อ อา แด๊โฉ่ เป่ ลู เน๊อ, “แกแยยิวพู๊ เต๊เห่ ซิปล่อ โนกู โหร่ลอ ลู เร๊อ ช๊าป๊าโร ปาเนอ, เหย่ซี เก่ จว๊าเม อาเหน่ ฮู๊ยูดาห์แกแย ทวาดุ เต๊เห่ ซิหยื่อ ซิเง ตาเต คูเปาโล อาหรี่อาแก ปา เร๊อ อา นอซูแฮ เน เด๊อ คูเปาโล เออ เด๊อยูดาห์แกแย ทวาดุ เนอเต๊เห่ อา โอ่ ปา.

โคโลสี 1:5

เบ๊อะซี หนิโฮ ลู่ เตซิครือมีลา เด๊อ อาหม่า อาจ๊อ เออ เบ๊อะเนออาเค, ซี หนิโฮ โทดื่อเฮ๊อ เตแม๊ชือ เด๊อ เตซิครือมีลา เด๊อะ ซี เออเนอ เฮ๊อ. เด๊อ เตแม๊ชือ เออ อาขว่าอาคยา, ซี หยื่อเอ่ จอแปแหร่, โทเรอ ซี โมหนิเร๊อ อูโร. จอแปแหร่ แด่ดว๊าแด่ปล๊อ เป่ เฮ๊อ ซี เตแม๊ชือ เออเนอ เด๊อ ม๊อขุ เฮ๊อ.

ꤟꤤꤙꤚꤢꤨ 6:19

เป เตแม๊ชือ เออเนอ อาแซ่เน๊อ หล่อดุ เด๊อ อา จุ่ย โอ่โก๊หม่า ส่อเกลอดุ เด๊อ เป ซิปล่อเซอเพร อาเง เออเตเม เนอเฮ๊อ. ฮู๊ เพรหลู่แต กู่กล๊อดุเล๊อ เนอเตเพร โนจว๊า ตาลว๊าเบ๊ เร๊อ อิเก บ่าดุ เด๊อ อู จอตาตือบี๊ อา เด๊อ เตหลู่แต โฮกู เนอต๊าบ่า, เร๊อ ฮู๊ อา โน โต่เฮ๊อ เด๊อ เตเหล่โอ่ บูโพ๊ อากู เออเนอ, เป เตแม๊ชือ เออ อาหม่ากลอ, อา ตาเต, เร๊อ อา ซูโน เต่อเกอดื่อเฮ๊อ เป เด๊อ จอแปแหร่ อาเป๊เส่เง ฮู๊เนอเฮ๊อ.