เพรโด่แนพู๊ เต๊เห่ 22:4 - ลีเทส่อพ๊าอาเซ เร๊อ เห่ขุทวาลู๊

⁴ แกแย เด๊อ อา โครครวา แกล๊ เด๊อ เหย่ซู่ครี๊ เด๊อะโล เออเนอ, แว เมจาเมจือ เจ๊อ เหย่ซี บ๋า เต เฮ๊เนอ, แว เมจาเมจือ โต่ เจ๊อ เหย่ซี เด๊อ อา อาเซอ เจ๊อ. โทเร๊อ แว ปื่อ ลอ เพรเหมาะเพรคู เต๊เห่ เร๊อ แว ด๊อตาลอ เหย่ซี เด๊อ ทอกู.

Eastern Kayah Shadaw Dialect

⁴ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤋꤚꤝꤢ꤭ꤊꤣꤧ꤭ ꤊꤜꤢꤧ ꤘꤣ ꤛꤢꤩ꤬ꤏꤛꤢꤨꤋꤚꤤ ꤘꤣꤧꤜꤥ꤭ ꤣꤧ꤭ꤔꤣꤧ꤬, ꤠꤢꤧ꤭ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤡꤣꤧ ꤛꤢꤩ꤬ꤞꤤ꤭ ꤙꤢ꤮ ꤒꤢꤩ꤬ ꤟꤢꤩꤔꤣꤧ꤬, ꤠꤢꤧ꤭ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤒ꤫ꤥ꤬ ꤡꤣꤧ ꤛꤢꤩ꤬ꤞꤤ꤭ ꤘꤣ ꤢ꤬ ꤞꤣꤧ꤭ ꤡꤣꤧ꤯ ꤓꤥ꤭ꤚꤣꤧ꤬ ꤠꤢꤧ꤭ ꤕ꤫ꤢꤦ꤬ ꤜꤢꤪ꤭ ꤖꤚꤢꤩ꤬ꤗꤢꤪ꤬ꤖꤚꤢꤩ꤬ꤋꤢꤨ꤭ ꤒꤣꤧ꤬ꤟꤢꤩ꤬ ꤚꤣꤧ꤬ ꤠꤢꤧ꤭ ꤘꤢꤪꤒꤢ꤭ꤜꤢꤪ꤭ ꤛꤢꤩ꤬ꤞꤤ꤭ ꤘꤣ ꤢ꤬ꤕꤥ꤬ꤊꤢꤨ꤭꤯

เพรโด่แนพู๊ เต๊เห่ 22:4 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 15:9

เด๊อ เพรโด่แนพู๊ เต๊เห่ ล๋อ ปลี อาเกลเนอ, แว หม่า แกแย เด๊อ อาต่าเจ๊อ เกออู ฮู๊ เพรโด่แนพู๊ เต๊เห่ เด๊อ อาโร เนอเต๊เห่ ตีกี๋ โต่ เตเพร เฮ๊อ, เมเตเฮ๊เรอ เบ๊อะแว หยื่อเอ่ แต่ลา เหย่ซู่ครี๊ โต่ เบ๊อะเนอ, แว เมจาเมจือ แกแย เด๊อ อา หยื่อเอ่ เหย่ซู่ครี๊ เต๊เห่ อาขว่าอาคยา, อู เก่ เอ๊ เกอ แว เร๊อ เพรโด่แนพู๊ เต๊เห่ เตเพรแพ๊เน๋อ อา ต่าเจ๊อ ตีกี๋ โต่.

ฟีลิปปี 3:6

เมเตเฮ๊เร๊อ แว ซิปล่อฉว่า แด่ดุแด่ทู แหน่เจ๊อ จอแปแหร่ อาเตเม อาขว่าอาคยา, แว เมจาเมจือ แกแย เด๊อ อา หยื่อเอ่ ครี๊ เต๊เห่. เก่ เฮ๊ เร๊อ จูเอ่ เตซว๊าเตแส่ อาโหง่เฮ๊แก เต๊เห่ ตื๊อเร๊อ ทวาแถ่ เบ๊แพ๊ แกแยจ๊อแกแยเต แพ๊ เก่เฮ๊เรอ, แว ทวา โทเฮ๊อ แกแย เตเพร เด๊อ อู แม๊ปู แด่เจ๊อ แว เตซื๊อ เนอ, อา โอ่เจ๊อโต่ เตเพร เฮ๊อ.

เพรโด่แนพู๊ เต๊เห่ 24:14

หม่าแน๊เรอ, แว อ๊อแล เน๊อ แว จ๊อบู่จ๊อเบแถ่ เป โหมะเพเพอโพ เด๋อ งย๊าเค เต๊เห่ อา จอแปแหร่, เร๊อ หม่า เด๊อ แว โครครวา แกล๊ เด๊อ แบ่เจ่ เด๊อะโล เออเนอ เร๊อ เหย่ซี เฮ๊ แลแค แว เร๊อ แวหยื่อแวแหน่ ซื๊อเฮ๊อ เตเฮ๊อ, อา เฮ๊ แลแค ฮู๊เนอ. ล๋อ คูโมเสส อา เตซว๊าเตแส่ เด๊อ อา ราหนื่ออื่อ เหร่อ เต๊เห่เน๊อ เร๊อ ล๋อ เพรโพร อาลี เต๊เห่เนอ, แว หยื่อเอ่ เกอ ลอ แพ๊แพ๊.

เพรโด่แนพู๊ เต๊เห่ 19:23

เบ๊อะเนอเค, เด๊อ อู หยื่อเอ่ แบ่เจ่ เหย่ซู่ อาแกล๊อาโกล อาขว่าอาคยา, เตแป่เตเช ดู๋ เต๊อเจอะ โอ่แถ่ เด๊อ วีเอเฟซัส อากู.

เพรโด่แนพู๊ เต๊เห่ 19:9

หม่าแน๊เรอ เต๊เห่เห่เนอ อา ซิปล่อชอ เร๊อ หยื่อเอ่ เกออู โต่. เร๊อ อา เป๊อเจ่ออิแช๊ แลแค แบ่เจ่ อาแกล๊อาโกล เด๊อ อู เด๊อะโล เออเนอ เด๊อ แกแย ตูปลูเต๊เผ่ เป๊เส่เง เจ๊อ. ฮู๊เนอ อาขว่าอาคยา, คูเปาโล เถ่จว๊า ตาพาแก เร๊อ เหย่ซี. เร๊อ อา เอ๊หนิ อา โคเจ่ เต๊เห่ เร๊อ ปวาเนอเน๋อ. อา เร๊อ อา โคเจ่ เต๊เห่ จว๊า เฮ๊เบ่โด่แน โหร่ลู เด๊อ อู เอ๊ เน๊อ ซ๊าร๊า ทีรันนัส เหล่อิซว๊าเต เบ๊อะเนอ เนอโต๊โผะ.

เพรโด่แนพู๊ เต๊เห่ 18:26

อา เป๊อแถ่ เฮ๊เบ่บื่อเฮ๊เบ่คือ เด๊อ เตจ๊อเบโฮ อากู เบ๊อะโหมะปลิสสิลลา เร๊อ เพอาควิลลา หนิโฮ อา เตเฮ๊เบ่ เบ๊อะเนอ, อา เอ๊กา ลู เด๊อ อาหี่. แซ่ฮู๊ อา เก่ ซิเงแฮ ตาเต อากลอเล๊อโป่ เร๊อ อา เหล่โกลเล๊อ เออเนอเรอ, โหมะปลิสสิสลา เร๊อ เพอาควิลลา แด๊โฉ่โล เป่ โป่ ลู เนอ จอแปแหร่ อาแกล๊อาโกล เต๊เห่.

เพรโด่แนพู๊ เต๊เห่ 16:17

อา ครวาจว๊าเกอ คูเปาโล เร๊อ เป เต๊เห่ เด๊อคยา เร๊อ, อา เอ๊โทแถ่ เน๊อ, “เพรคู เออเต๊เห่ หม่า จอแปแหร่ เด๊อ อาดุอาทู ตื๊อดื่อ เออเตเพร อาหลู่ เต๊เห่ เฮ๊อ. อา แด๊โฉ่โด่แน โล เป่ ซี เน๊อ จอแปแหร่ เมแลเปล๊ กา ซี อาหรี่อาแก เฮ๊อ.”

เพรโด่แนพู๊ เต๊เห่ 9:21

ล๋อ แกแย เด๊อ อา หนิโฮ ลู เฮ๊เบ่ เต๊เห่เนอ, อา เถ่ตาปา ลอปลี เหย่ซี เร๊อ อา เฮ๊ แลแค เน๊อ, “อา หม่า แกแย เด๊อ อา จว๊าลือ เมเซอ แกแย เด๊อ อา จ๊อเบ เหย่ซู่ เด๊อ วีเยรูซาเล็ม อากู เนอเต๊เห่ เตเพร หม่าโต่ แอ? อา แฮ เบ๊อะเออ เร๊อ อา เก่ แฮปื่อ แกแย เพรหยื่อเอ่ เต๊เห่ เร๊อ อา เตเร ซูกา อู เด๊อ เพรหลู่แต ทวาดุทวาเต เต๊เห่ อา โอ่, แวเฮ๊โต่?”

เพรโด่แนพู๊ เต๊เห่ 7:58

เร๊อ เหย่ซี จุ่ยเถ่จว๊าแก คูสเทเฟน เด๊อ วีกลอ เร๊อ ต่า ลู เร๊อ หล่อ. เพรข่าเฮ๊โล ซีเต๊เห่ แด่โอ่แก เหย่ซี อาจากลอ เต๊เห่ เด๊อ เพรคูพู๊เส่ เด๊อ อามุย เร๊อ คูเซาโล เออเตเพร อา โอ่ เร๊อ อา นอโอ่ป่อแม๊หนิ ลู.

ꤊꤢ꤬ꤜꤢ꤬ꤒꤤ 1:13

เบ๊อะแว ลือครวาเกอ แกแยยิวพู๊ เต๊เห่ อา เตจ๊อบู่จ๊อเบ เบ๊อะเนออาเค, แว โอ่เซอเพร ฮู๊เต เนอหม่า ซี ซิเง โทดื่อเฮ๊อ. แว เมจาเมจือ แกแย เด๊อ อา หยื่อเอ่ เหย่ซู่ครี๊ เต๊เห่, เร๊อ แว แอ๊จื๊อ แม๊ปู เมปย๊าเมหลู่ เจ๊อ เหย่ซี เจ๊อ.

เปโตร เนอบ่า ต๊าบ่า 2:2

เร๊อ แกแย เก่ ครวาเอ๊เกอ แหน่เจ๊อ เหย่ซี แกล๊ เด๊อ อา ลือ สุ่ยเทอพ๊าหย่า อา เตซิหยื่อซิลอ มู๊แหม่รีแจ่ เออเนอ เต๊เห่ ปา. เด๊อ เหย่ซี เมฮู๊เนอ อาขว่าอาคยา, แกแย เด๊อ อาโร เต๊เห่ เฮ๊เบ่ เป๊อเจ่ออิแช๊ เจ๊อ เตหมะเตจ๊อ อาแกล๊ ปา.