เพรโด่แนพู๊ เต๊เห่ 21:40 - ลีเทส่อพ๊าอาเซ เร๊อ เห่ขุทวาลู๊

⁴⁰ เร๊อ เกลอฮู๊ตีรี๊ อากู่กล๊อ เออเตเพร เด๊อะอา ค๊าขิ อาขว่าอาคยา, คูเปาโล ก๊อถ่อ เบ๊อะกู่โบลู เนอ, เร๊อ อา วื๊อแหว่จว๊า อากู๊ขุ เด๊อ แกแย เบ๊หมู่ เออเต๊เห่ อา โอ่. เบ๊อะเหย่ซี โอ่โส่เฮ๊อ อาเบ๊อะเนอ, คูเปาโล เฮ๊เบ่ตา เหย่ซี เร๊อ ฮีบรูโหง่.

Eastern Kayah Shadaw Dialect

⁴⁰ ꤚꤣꤧ꤬ ꤊꤜꤣꤧ꤭ꤒꤣ꤬ꤚꤤ ꤢ꤬ꤊꤢꤨ꤬ꤊꤜꤢꤪ ꤣꤧ꤭ꤒꤣ꤬ꤖꤚꤢꤩ꤬ ꤘꤣꤧ ꤢ꤬ ꤒꤢꤩ꤬ꤏꤣꤧꤒꤢꤩ꤬ꤋꤢꤩ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤋꤢꤨ꤭ꤕꤢꤪꤜꤢꤨ ꤊꤣꤧ꤬ꤓꤢꤪ꤬ ꤙꤣꤧ ꤋꤢꤧ꤬ꤙꤥ꤭ꤜꤥ꤬ ꤔꤣꤧ꤬, ꤚꤣꤧ꤬ ꤢ꤬ ꤠꤢꤦꤠ꤫ꤢꤧ꤬ꤡꤝꤢ ꤢ꤬ꤊꤢꤨꤋꤢꤨ꤬ ꤘꤣ ꤊꤣꤧ꤬ꤛꤢꤧ꤭ ꤙꤢꤩꤗꤢꤨ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ ꤥ꤬꤯ ꤙꤣꤧ ꤛꤢꤩ꤬ꤞꤤ꤭ ꤥ꤬ꤞꤥ꤬ꤟꤣꤧ ꤢ꤬ꤋꤢꤩ꤭ꤔꤣꤧ꤬, ꤋꤢꤨ꤭ꤕꤢꤪꤜꤢꤨ ꤟꤢꤩꤙꤢꤩ꤬ꤒꤢ꤭ ꤛꤢꤩ꤬ꤞꤤ꤭ ꤔꤢꤧ ꤟꤤꤙꤚꤢꤨꤍ꤫ꤥ꤬꤯

เพรโด่แนพู๊ เต๊เห่ 21:40 ပူးပေါင်းရင်းမြစ်များ

เพรโด่แนพู๊ เต๊เห่ 12:17

คูเปโตร ซิหยื่อ นอโส่โส๋ โอ่ เหย่ซี เร๊อ อา วื๊อแหว่โล เป่ เหย่ซี เร๊อ อากู๊ขุ. เร๊อ อา แด๊โฉ่ เป่ เหย่ซี เน๊อ แบ่เจ่ จอแปแหร่ เมแลเปล๊เถ่ แคร๋ อา เด๊อ ทอกู ฮู๊เต อาหรี่อาแก. เร๊อ อา เฮ๊ เน๊อ, “แด๊โฉ่ เป่เกอ คูยากอบ เร๊อ ล๋อ เพรหยื่อเอ่พู๊ เด๊อ อาโร เนอเต๊เห่ เร๊อ เตหรี่เตแก เออเนอ นี๋,” คูเปโตร เฮ๊โฉ่แก เป่ เหย่ซี ฮู๊เนอ เร๊อ อา เถ่จว๊าแก เด๊อ อาโร โต๊โผ่.

เพรโด่แนพู๊ เต๊เห่ 26:14

เป แลคื๊อตา ลอ เด๊อ เห่ขุ ปว๋า เตเพร เจ๊อ, เร๊อ แว หนิโฮ โหง่พราแถ่ เร๊อ ฮีบรูโหง่ ตือมื๊อ เร๊อ อา เฮ๊ แว เน๊อ, ‘เก๋อ คูเซาโล๋, คูเซาโล๋, เน เมจาเมจือ แว เมเต? เน ตอพอเช เกอเร๊อ คยาดื่อ เน กู๊โด่ เน๊อ ตอมอ เด๊อ อาแซ่เน๊อ ปู่ เตเป กาคยา เช เกอเร๊อ คยาแซ๊ดื่อ อา เหน่แบ่แจ่ อิปลี๊ เนอแพ๊,’ อา เฮ๊ แว เนอ ฮีบรูโหง่ ฮู๊เนอ.

เพรโด่แนพู๊ เต๊เห่ 22:2

เบ๊อะเหย่ซี หนิโฮ อา เฮ๊เบ่ เหย่ซี เร๊อ ฮีบรูโหง่ เบ๊อะเนอ, เหย่ซี ลื๋อ โอ่ โส่ แร๊เกอเล๊อ ปาปา. เร๊อ คูเปาโล เฮ๊เบ่ แฮเง โป่ เน๊อ,

ꤛꤥ꤭ꤟꤢ꤬ 5:2

เด๊อ วีเยรูซาเล็ม อากูเนอ เทออ่อ โอ่ ต๊ออ่อ. เทออ่อ เนอต๊ออ่อเนอ อา โอ่ผื่อ เร๊อ ซิหมิ เกเร๊ กู่ดากูโอ่ กู่ดากู เร๊อ ฮีบรูโหง่ เนอหม่า อู เอ๊ เร๊อ เบธซาธา. เด๊อ เทออ่อ ตีพรี อาลูเนอ, อู ช๊อ ตาวา เร๊อ เหล่สื่อ แงเม.

เพรโด่แนพู๊ เต๊เห่ 21:35

เบ๊อะคูเปาโล เร๊อ เกลอฮู๊ เต๊เห่ กาโต่ เด๊อ กู่โบ อาช๊า อาเบ๊อะเนอ, แกแย เบ๊หมู่ เต๊เห่ ลื๋อ เมซู๊ซ๊า ฉว่าแฮ อาขว่าอาคยา, เกลอฮู๊ เต๊เห่ จอแถ่ม๊อ กาแก ลู.

เพรโด่แนพู๊ เต๊เห่ 19:33

แกแยยิวพู๊ เต๊เห่เห่เนอ อา นอเถ่ อเล็กซานเดอร์ เด๊อ แกแย เบ๊หมู่ อา เป๊เส่เง, เร๊อ แกแย เบ๊หมู่ เออเต๊เห่ เฮ๊ ลู เร๊อ เฮ๊เบ่ มอ เป. เร๊อ คูอเล็กซานเดอร์ บ๊อแถ่ อากู๊ขุ เร๊อ อา นอโอ่โส่ เหย่ซี. เร๊อ อา เฮ๊โฉ่โปล เป่ แกแย เบ๊หมู่ เออเต๊เห่ เร๊อ เตเมทวาแถ่ อาเหน่ เออเต๊เห่.

เตเด๊อะโลแถ่ 16:16

เบ๊อะเนออาเค ซิปล่อเซอเพร มู๊แหม่ เออโซโด เนอ, อา นอจว๊า โอ่ปล๊อ คุ๊ย เออเต๊เห่ เด๊อ เหล่โอ่ โต๊โผ่ เด๊อ ฮีบรูโหง่ เฮ๊ เน๊อ อาเมเกดโดน.

เตเด๊อะโลแถ่ 9:11

จ๊อแผ่ เด๊อ อา เป๊อ เหย่ซีเนอ อา โอ่เตเพร. อา หม่าเตเน๊วพู๊ เตเพร เด๊อ อา เป๊อ ครอกูดุ ครอกูแย เออตูกู เนอเตเพร เฮ๊อ. ฮีบรู อาโหง่ เนอหม่า อามุย เร๊อ คูอาบัดโดน เร๊อ กรีก อาโหง่ เนอหม่า, อา เฮ๊ เร๊อ อปอลลิโยน.

เพรโด่แนพู๊ เต๊เห่ 13:16

คูเปาโล ก๊อถ่อ เร๊อ อา วื๊อแหว่โล อากู๊ขุ. เมเตเฮ๊เนอเรอ อา ซิหยื่อ นอโซโซ๋ โอ่ แกแย เออเต๊เห่ เร๊อ อา เป๊อแถ่ เฮ๊เบ่ เน๊อ, “โป่แหว่ อิสราเอล อากลุยอาแล ซีเต๊เห่ เร๊อ แกแยยิวพู๊ หม่าโต่ เร๊อ อา จ๊อบู่จ๊อเบแถ่ จอแปแหร่ เบ๊อะเนอ ซีเต๊เห่ ล๋อ ปลี ซี๋, หนิดา แลแค.

เพรโด่แนพู๊ เต๊เห่ 6:1

เบ๊อะเนอ เค, เพรหยื่อเอ่ เต๊เห่ โอ่โหร่แถ่ เร๊อ โอ่โหร่แถ่ เร๊อ แกแยยิวพู๊ เด๊อ อา เฮ๊เบ่ กรีกโหง่ เต๊เห่ เร๊อ แกแยยิวพู๊ เด๊อ อา เฮ๊เบ่ หนิเร๊อดื่อ อาโหง่ เต๊เห่ เคร๊แขระคยาลู. แกแยยิวพู๊ เด๊อ อา เฮ๊เบ่ กรีกโหง่ เต๊เห่ เฮ๊ เร๊อ แกแย เด๊อ อา เบเอ่เบโอ เหล่เอ่เหล่โอ เตอเนอ เร๊อ เตอเนอ เต๊เห่เนอ อา แม๊ตาโผ่ เบ๊ขุแก เหย่ซี เพรเหมาะโอ่แคร๊ เต๊เห่, อา เฮ๊ แลแค ฮู๊เนอ.

ꤛꤥ꤭ꤟꤢ꤬ 19:20

อู มือเซอแถ่ เหย่ซู่ เออเนอ, อา โอ่ผื่อ แพ๊ เร๊อ วี อาขว่าอาคยา, แกแยยิวพู๊ เต๊เห่ แด๊แม๊ โร๊ลู ลีเออ. เร๊อ ลีเออเนอ อู ราโอ่ ลอปลี เร๊อ ฮีบรูโหง่ เด๊อ แกแยยิวพู๊ เฮ๊เบ่ เกอเร๊อ เออเนอ, เร๊อ ลาตินโหง่ เร๊อ กรีกพู๊ อาโหง่.

ꤛꤥ꤭ꤟꤢ꤬ 19:17

เร๊อ อา แย๊จว๊า เกอเร๊อดื่อ อา อี๊ถื่อดีเต่ เร๊อ อา เถ่จว๊า เด๊อ กู่กล๊อครุ๊ย อาเหล่โอ่. เหล่โอ่ เออโต๊โผ่ หม่า ฮีบรูโหง่ เฮ๊ เน๊อ, “กลโกธา.”

ꤛꤥ꤭ꤟꤢ꤬ 19:13

เบ๊อะคุ๊ยปีลาต หนิโฮ เหย่ซี เฮ๊ฮู๊เออ เบ๊อะเนอ, อา เอ๊เถ่ เหย่ซู่ เร๊อ อา โอ่แนตา เด๊อ เตเมจากาคยา เหล่โอ่แน เหล่โอ่ เด๊อ อู เอ๊ เน๊อ, อูแบ๊ส่า แกแย เหล่จว๊า เร๊อ หล่อ ฮีบรูโหง่ หม่า อา เฮ๊ เน๊อ, กับบาธา.

ꤜꤢꤨꤊꤢ꤬ 23:38

เด๊อ อา กู่กล๊อเท๊ เนอ, อู ราแถ่ โอ่ เร๊อ, “อา หม่า แกแยยิวพู๊ เต๊เห่ อาคุ๊ย.”

เพรโด่แนพู๊ เต๊เห่ 1:19

แกแย โอ่ เด๊อ วีเยรูซาเล็ม เต๊เห่ หนิโฮ แลแค เตทวาแถ่ เออ เร๊อ อา เอ๊ แลแค เห่ขุ เออโต๊โผ่ อามุย เน๊อ อาโหง่ เร๊อดื่อ. เร๊อ เหย่ซี เอ๊ เน๊อ “อาเคลดามา,” อาโหง่แลช๊า หม่า อา เฮ๊ เร๊อ “เตสุ่ย เห่ขุ.”)