ฮู๊เนอ อาขว่าอาคยา, ช๊าป่าโรเนอ คูเปาโล จว๊าเต่อเกอ เร๊อ แกแยเนอ ซิลุย เร๊อ อา จว๊าเมโพ๊เมแปละ เต่อโร๊ อาเหน่ เร๊อ เหย่ซี พู๊ แกแยยิวพู๊ เหล่โกลเหล่แบ่ โอ่เนอ. แซ่ฮู๊ อา เก่ แด๊โฉ่โล ซิเง หนื่ออื่อ เหร่อ เป่ แกแยยิวพู๊ อา เพรหลู่แต เต เน๊อ อาจว๊าเมโพ๊เมแปละ อา ม๊อเนอเออ อาตื๊อดื่อ เบ๊อะเกเต ปา, โทเร๊อ เหย่ซีเออ ซิลุย เก่ แฮหลู่แฮแตแถ่ เต เบ๊อะเกเต ปา อาเงเนอ, เหย่ซี จว๊าเมโพ๊เมแปละ โท อาเหน่ เร๊อ คูเปาโล จว๊าแถ่โน เด๊อ แกแยยิวพู๊ เตหลู่แต โฮกู.
เพรโด่แนพู๊ เต๊เห่ 21:24 - ลีเทส่อพ๊าอาเซ เร๊อ เห่ขุทวาลู๊24 จว๊า เต่อเกอ เร๊อ เหย่ซี เร๊อ จว๊าเมโพ๊เมแปละ โรเกอ เนเหน่ เร๊อ เหย่ซี เนอ. โทเร๊อ นอกลือเตอเล๊อ เหย่ซี กู่กล๊อ เร๊อ ปล๊า เป่ เหย่ซี อาเก่เนอ. โท๊โต่ อู เก่ ซิเง ลอดื่อ เร๊อ เน เหน่แบ่แจ่ เร๊อดื่อ เร๊อ เน โอ่เซอเพร ครวาเกอ ดื่อ คูโมเสส อา เตซว๊าเตแส่ อาคยาเนอ ปา. အခန်းကိုကြည့်ပါ။Eastern Kayah Shadaw Dialect24 ꤡꤝꤢ ꤒ꤫ꤣ꤬ꤊꤣꤧ꤭ ꤔꤢꤧ ꤛꤢꤩ꤬ꤞꤤ꤭ ꤚꤣꤧ꤬ ꤡꤝꤢꤗꤢꤩ꤬ꤕꤜꤤ꤭ꤖꤥ ꤚ꤫ꤥ꤬ꤊꤣꤧ꤭ ꤔꤢꤧ꤬ꤔ꤫ꤢꤩ꤬ ꤔꤢꤧ ꤛꤢꤩ꤬ꤞꤤ꤭ ꤔꤣꤧ꤬꤯ ꤓꤥ꤭ꤚꤣꤧ꤬ ꤔꤢꤪ꤭ꤊꤜꤢꤦ꤬ꤒꤣꤧ꤬ꤕꤜꤢꤦ ꤛꤢꤩ꤬ꤞꤤ꤭ ꤊꤢꤨ꤬ꤊꤜꤢꤪ ꤚꤣꤧ꤬ ꤕꤜꤢ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤢ꤬ꤊꤢꤩ꤬ꤔꤣꤧ꤬꤯ ꤔꤢꤧ꤬ ꤊꤢꤩ꤬ ꤗꤢꤩ꤬ꤟꤢꤨꤔꤣꤧ꤬ ꤟꤢꤩꤚꤣꤧ꤬ ꤔꤢꤧ꤬ꤚꤤ꤬ꤔꤢꤧ꤬ꤊꤢꤧ꤭ ꤘꤣ ꤢꤨ꤭ ꤟꤢꤩ ꤒꤣꤧ꤬ꤟꤢꤩ꤬ꤔꤣꤧ꤬ ꤢꤨ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤊ꤫ꤢꤦ꤬ ꤞꤤꤑꤢꤩ꤭ ꤜꤢꤪ꤭ꤘꤢꤦ꤬ ꤔꤢꤧ ꤢ꤬ꤗ꤫ꤢ꤬ ꤒꤣ꤬ꤡꤣ꤬꤮ ꤒꤥ꤬ ꤕꤢ꤭꤯ ꤓꤥ꤭ꤒꤥ꤬ ꤢꤨ꤭ ꤊ꤫ꤢꤦ꤬ ꤞꤤꤑꤢꤩ꤭ ꤜꤢꤪ꤭ꤘꤢꤦ꤬ ꤔꤢꤧ ꤔꤢꤧ꤬ ꤔ꤫ꤢꤩ꤬ꤙꤢꤧ꤬ꤡꤢꤩ꤬ ꤚꤣꤧꤘꤢꤦ꤬ ꤚꤣꤧ꤬ ꤔꤢꤧ꤬ ꤥ꤬ꤞꤣꤧ꤭ꤖꤚꤢꤩ꤬ ꤋꤚꤝꤢ꤭ꤊꤣꤧ꤭ꤘꤢꤦ꤬ ꤋꤢꤨ꤭ꤗꤢꤪꤎꤢꤧ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤋꤛꤢ꤭ꤔꤣꤧ꤬ ꤕꤢ꤭꤯ အခန်းကိုကြည့်ပါ။ |
เพรโด่แนพู๊ เต๊เห่ 21:24
20 ပူးပေါင်းရင်းမြစ်များ
เบ๊อะแว หลู่แตแถ่ เต เด๊อ เตหลู่แต โฮกู เบ๊อะเนอ, เหย่ซี แม๊เถอะ แว. แว เม โทปลื๊อแร๊ เตเมโพ๊แปละ แถ่ แวเหน่ ฮู๊ เตจ๊อบู่จ๊อเบ เหล่โกลเหล่แบ่ โอ่ เนอแพ๊. เร๊อ แว เมโพ๊แปละ โท แวเหน่ เร๊อ, เด๊อเหร่อเนอ แว เม ซู๊ซีซู๊ซ๊า ซิค๊าซิเถ่ อู เตอเจ๋อ โต่. เบ๊อะแว ช๊าเนอ แกแย โอ่แพ๊ ตูกูเตเพร แพ๊, แกแย เบ๊หมู่ โอ่ เน๊อ โต่.
คูเปาโล โอ่เป่แฮ ม๊อเนอม๊อเซ งยากู๋ ลา. โป่ เบ๊อะวีโครินธ์ อากูเนอ. โทเร๊อ อา เถ่จว๊าแก เพรหยื่อเอ่ เบ๊อะเนอ เต๊เห่ อาเหล่. อา แถ่แด๊หนิ ส่อเกลอดุ เร๊อ อา เถ่จว๊า เด๊อ ซีเรียเก่. เร๊อ อา เถ่จว๊า เต่อเร๊อ โหมะปริสสิลลา เร๊อ เพอาควิลลา. เบ๊อะอา แถ่ แถ่แด๊ แต่ล๋า ส่อเกลอดุ โต่ เนอ, อา แบ แลหนิ อาเหน่ เด๊อ จอแปแหร่ อา เป๊เส่เง เบ๊อะวีเคนเครีย อากูเนอ เร๊อ อา จิแก อากู๊โล.
แซ่ฮู๊ แกแยยิวพู๊ เต๊เห่ เก่ หยื่อเอ่แหน่ เกอ แบ่เจ่ เหย่ซู่ครี๊ อาเงเนอ, เบ๊อะแว โอ่ เกอ เด๊อ เหย่ซี เกล เบ๊อะเนอ, แว เม แซ่เกอ ฮู๊ แกแยยิวพู๊ เต๊เห่ เม เนอ. แว โอ่ เด๊อ คูโมเสส อา เตซว๊าเตแส่ อาเล หม่าโต่ หม่าแน๊เรอ แซ่ฮู๊ เหย่ซี เก่ หยื่อเอ่แหน่ กา เกอ แบ่เจ่ เหย่ซู่ อาเงเนอ, แว เบ่ ลือครวา เมเกอ เตซว๊าเตแส่ ฮู๊ เหย่ซี เม เนอ แพ๊.
เมเตเฮ๊เรอ เบ๊อะคูยากอบ นอแฮ อาแกแยยิวพู๊ เด๊อ อา หยื่อเอ่แหน่เอ่เต เต๊เห่ แฮโต่ แต่ล๋ายโต่ เบ๊อะเนออาเค, คูเปโตร เอ่เต่อโอเต่อเกอ เร๊อ แกแยยิวพู๊ หม่าโต่ เด๊อ อา หยื่อเอ่แหน่ ครี๊ เต๊เห่. อา เอ่เต่อโอเต่อ ฮู๊เออเนอหม่า อาโต แพ๊. หม่าแน๊เรอ เด๊อคยา, เบ๊อะคูยากอบ นอแฮ อาแกแย เออเต๊เห่ แฮโต่เฮ๊อ เบ๊อะเนออาเค, อา ซ๊อซื๊อ ตาพา จว๊าแก เร๊อ อา เอ่เต่อโอเต่อเกอ ปา เน๊อ เหย่ซี เนอเต๊เห่ โต่, เมเตเฮ๊เรอ คูยากอบ อา โคแบ๊ซว๊า แกแยยิวพู๊ เออเต๊เห่เนอ, อา ซิหยื่อ เด๊อ แกแยยิวพู๊ หม่าโต่ เต๊เห่ เก่ ดื๊อตีลี๊ พ๊า อาขว่าอาคยา, อา ชิอิเช เหย่ซีเหล่ เร๊อ อา ซ๊าซื๊อ ตาพา จว๊าแก แพ๊.
แกแยยิวพู๊ ป่วย เด๊อ อู เอ๊ เร๊อ ป่วยเตจว๊า ตา ลว๊า ป่วยดุเออ อา ผื่อแฮเฮ๊อ เนอ, แกแย ดอพู๊โฉ่พู๊ โอ่ตาหวี่ตาวา เบ๊อะเนอ เต๊เห่ แถ่โร๋ ลา แลแค เด๊อ วีเยรูซาเล็ม. เบ๊อะป่วย เบ่แต่ล๋ายโต่ เบ๊อะเนอ, แซ่ฮู๊ เหย่ซี เก่ เม เมโพ๊เมแปละ เหร่อ แลแค อาซิปล่อ ฮู๊ เตจ๊อเบ เหล่โกล โอ่ เนอ เร๊อ อา จว๊า เหร่อ แลแค เด๊อ วีเยรูซาเล็ม แพ๊.
ကြော်ငြာတွေ