เพรโด่แนพู๊ เต๊เห่ 21:19 - ลีเทส่อพ๊าอาเซ เร๊อ เห่ขุทวาลู๊

¹⁹ คูเปาโล เฮ๊โมเฮ๊แร๊ โท เหย่ซี เร๊อ, อา แด๊โฉ่ โลปวาโลดวา เป่ ลอ เหย่ซี เร๊อ เตหรี่เตแก เด๊อ จอแปแหร่ เมโท เป่ ลอแคร๋ เฮ๊อ ลู เตเอ่เตแร เด๊อ แกแยยิวพู๊ หม่าโต่ เต๊เห่ อาเกล ฮู๊เต เนอเต๊เห่.

Eastern Kayah Shadaw Dialect

¹⁹ ꤋꤢꤨ꤭ꤕꤢꤪꤜꤢꤨ ꤟꤢꤩꤗꤥ꤬ꤟꤢꤩꤚꤢꤧ ꤓꤥ꤭ ꤛꤢꤩ꤬ꤞꤤ꤭ ꤚꤣꤧ꤬, ꤢ꤬ ꤟꤢꤩꤏꤥ꤬ ꤜꤥ꤭ꤕꤝꤢ꤭ꤜꤥ꤭ꤘꤝꤢ꤭ ꤕ꤫ꤢꤩ꤬ ꤜꤢꤪ꤭ ꤛꤢꤩ꤬ꤞꤤ꤭ ꤔꤢꤧ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤓꤥ꤭ ꤕ꤫ꤢꤩ꤬ ꤜꤢꤪ꤭ꤋꤚꤢꤧ꤮ ꤟꤣꤧ ꤜꤢꤨ꤭ ꤒꤢꤩ꤬ꤖꤛꤢꤒꤢꤩ꤬ꤗꤢꤩ꤬ ꤘꤣ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ ꤟꤢꤨꤒꤢꤩ꤭ ꤔꤣꤧ꤬ꤒꤣꤧ꤬ꤟꤢꤩ꤬꤯

เพรโด่แนพู๊ เต๊เห่ 21:19 ပူးပေါင်းရင်းမြစ်များ

เพรโด่แนพู๊ เต๊เห่ 14:27

เบ๊อะเหย่ซี กาโต่ เด๊อ วีอันทิโอก เบ๊อะเนอ, เหย่ซี เอ๊ปล๊อ เพรหยื่อเอ่เต ตู๊หมู่ตอกล๊อ เต๊เห่ เร๊อ อา แด๊โฉ่โด่แน ลอ เหย่ซี เร๊อ ล๋อ จอแปแหร่ เมเต่อเกอเต เร๊อ เหย่ซี เนอเต๊เห่ เร๊อ แกแยยิวพู๊ หม่าโต่ เต๊เห่ เก่ หยื่อเอ่แลแค เกอ อาเง เนอ, จอแปแหร่ บ๊าโมแถ่ เป่ เหย่ซี กู่ดา.

เพรโด่แนพู๊ เต๊เห่ 1:17

อา หม่า อา โนโอ่เต่อเกอ เด๊อ เป ตู๊หมู่ตอกล๊อกู เตเพร เร๊อ อู นว๊าแถ่ เกอ อา เด๊อ อา เก่ เมเต่อเกอเตเร๊อ เป.”

โครินธ์ อาเหร่อเล๊อ ต๊าบ่า 15:10

หม่าแน๊เรอ, เด๊อ แบ่เจ่ อาบุ๊ยอาเตอเรอ อาขว่าอาคยา, กู๊แหน่เรอ แว ทวาแถ่เฮ๊อ เพรโด่แนพู๊ เต๊เห่ เตเพรเฮ๊อ. เตบุ๊ยเตเตอเรอ เด๊อ จอแปแหร่ เด๊อะตา แว เออเนอ อา แกเด โต่. เมเตเฮ๊เรอ แว แอ๊จื๊อ จ่าเพรอจ่าหร่อ เม เล๊อ เจ๊อ เร๊อ เพรโด่แนพู๊ เต๊เห่ เด๊อ อาโร เต๊เห่ เจ๊อ. แว เมเบ๊ ฮู๊เออ เนอหม่า แวอ๊าแวเหร่ เร๊อดื่อ หม่าโต่. จอแปแหร่ อาบุ๊ยอาเตอเรอ เม เต่อเกอ เร๊อ แว อาขว่าอาคยา, แว เมเบ๊ ฮู๊เออ เนอแพ๊.

เพรโด่แนพู๊ เต๊เห่ 20:24

หม่าแน๊เรอ แซ่ฮู๊ แว เก่ เมโทแก เตเม เด๊อ แบ่เจ่ เหย่ซู่ เด๊อะแลแก แวเออ อาเงเนอ, แว แด่ดุ ซิโล เกอ เร๊อ ปา เจ๊อ แว ซิปล่อ เซอเพร เออเนอ โต่ เฮ๊อ. เตเม เด๊อ อา นอเม แว เออเต๊เห่ เนอหม่า หม่าเฮ๊อ แว เบ่ ข่าเฮ๊โล เน๊อ จอแปแหร่ อาบุ๊ยอาเตอเรอ อา เตซิครือมีลา เออ อาหรี่อาแก เออเนอ เฮ๊อ.

โคโลสี 1:29

ครี๊ อา เตโพรเตเตอเรอ เออ อา เมฉว่าเมชอ แหน่เจ๊อ เด๊อ แวกู แว ซิเล แถ่หนิ อา เตโพรเตเตอเรอ ฉว่าชอ เออ เร๊อ แว จ่าเพรอแอ๊จื๊อ เร๊อ แว ซิครือเมเฮ๊อ จอแปแหร่ อาเตแร เออเต๊เห่ เฮ๊อ.

โครินธ์ เนอบ่า ต๊าบ่า 12:12

เบ๊อะแว โอ่เต่อเกอ เร๊อ ซี เบ๊อะเนอ, ซี แม๊เถอะ ตาเต ลอดื่อ เฮ๊อ เร๊อ แว หม่า เพรโด่แนพู๊ เต๊เห่ หม่าแหน่ เตเพร เฮ๊อ, เมเตเฮ๊เรอ เต เด๊อ แว เมโทเฮ๊อ เต๊เห่เนอ, แว แด่ทูซิปล่อ เม แหน่เจ๊อ, โท๊โต่ แว เด๊อะโล เป่ โทเฮ๊อ ซี เตม๊าเตแด เต๊เห่ เร๊อ เตโค๊ตีกลี๊ เต๊เห่ เฮ๊อ, เร๊อ แว เมโอ่โล เป่ โท เอ๊ลู เฮ๊อ ซี เตตาปา คย๊ายื๊อ เต๊เห่ เฮ๊อ.

โครินธ์ เนอบ่า ต๊าบ่า 6:1

เป หม่า เพรเมโหร่เต เร๊อ จอแปแหร่ เต๊เห่ อาขว่าอาคยา, เป กุย ซิยอ ฉว่า ซี เร๊อ ซี เก่ โอ่เซอเพร ฮู๊ จอแปแหร่ ซิหยื่อ นอโอ่เซอเพร ซีเนอ. ซี หม่า แกแย เด๊อ อา พย๊าหนิ โทเฮ๊อ จอแปแหร่ อาบุ๊ยอาเตอเรอ เต๊เห่ เฮ๊อ อาขว่าอาคยา, ซี เบ่ โอ่เซอเพร แลแค ฮู๊เนอ.

เพรโด่แนพู๊ เต๊เห่ 15:12

เบ๊อะคูเปาโล เร๊อ คูบารนาบัส อาโอ่ เด๊อ แกแยยิวพู๊ หม่าโต่ เต๊เห่ อาเกล เบ๊อะเนอ, จอแปแหร่ เม เมป่าเหย่ซีซิเนอ เตโค๊ตีกลี๊คยา อา เตเมม๊าเมแด เร๊อ เตเม อาตาปา คย๊ายื๊อ เต๊เห่. เบ๊อะคูเปาโล เร๊อ คูบารนาบัส แด๊โฉ่โล เป่ แกแย แฮโอ่กู๊โอ่แก๊ เออเต๊เห่ เร๊อ เตหรี่เตแก เออ เบ๊อะเนอ, โส่โส๋ อา หนิดา แลแค เจ๊อ.

เพรโด่แนพู๊ เต๊เห่ 15:4

เบ๊อะเหย่ซี จว๊าโต่ เด๊อ วีเยรูซาเล็ม เบ๊อะเนอ, เพรหยื่อเอ่ ตู๊หมู่ตอกล๊อ เต๊เห่ เร๊อ เพรโด่แนพู๊ เต๊เห่ เร๊อ เพรหยื่อเอ่ตู๊หมู่ตอกล๊อ โหมะพรูโหมะเผร่ เด๊อ อา ทวา ทวาดุทวาเต เต๊เห่ เอ๊โมฉื่อ เหย่ซี เร๊อ แด๊โฉ่ เป่ อู เร๊อ เตหรี่เตแก เด๊อ จอแปแหร่ เม แฮเง เต เด๊อ เหย่ซีกู เต๊เห่ อาหรี่อาแก.

มัทธิว 23:7

เด๊อ เกล๊กู แกแย โอ่ปลู่โอ่เผ่ อาเกล เฮ๊เนอ, อา ซิหยื่อ นอเฮ๊เบ่ เบ่หยื่อ อู เร๊อ อาเหน่, เร๊อ อา ซิหยื่อ นอเอ๊ ‘ซ๊าร๊า’ อู เร๊อ อาเหน่เหน่.