เพรโด่แนพู๊ เต๊เห่ 21:18 - ลีเทส่อพ๊าอาเซ เร๊อ เห่ขุทวาลู๊

¹⁸ เตอเนอเนอ, คูเปาโล จว๊าเกอ เร๊อ เป เร๊อ เป จว๊าโอ่เล เฮ๊เบ่เกอ เร๊อ คูยากอบ เร๊อ เพรหยื่อเอ่ตู๊หมู่ตอกล๊อ โหมะพรูโหมะเผร่ เด๊อ อา ทวา ทวาดุทวาเต เบ๊อะเนอเต๊เห่ ปว๋า เตเพร.

Eastern Kayah Shadaw Dialect

¹⁸ ꤕꤣꤧꤚꤥ꤬ ꤒꤣ꤬ꤔꤣꤧ꤭ꤔꤣꤧ꤬, ꤋꤢꤨ꤭ꤕꤢꤪꤜꤢꤨ ꤡꤝꤢꤊꤣꤧ꤭ ꤔꤢꤧ ꤕꤢꤩ꤬ ꤚꤣꤧ꤬ ꤕꤢꤩ꤬ ꤡꤝꤢꤥ꤬ꤜꤢꤩ꤭ ꤟꤢꤩꤙꤢꤩ꤬ꤊꤣꤧ꤭ ꤔꤢꤧ ꤋꤢꤨ꤭ꤡꤛꤢꤩ꤭ꤗꤢ꤬ꤎꤣ꤬ ꤔꤢꤧ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤗ꤫ꤥ꤬ꤖꤚꤢꤨ꤭ꤗ꤫ꤥ꤬ꤖꤚ꤫ꤢꤩ꤬ ꤘꤣ ꤢ꤬ ꤓꤝꤢ꤭ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤙꤣꤧꤔꤣꤧ꤬ꤒꤣꤧ꤬ꤟꤢꤩ꤬ ꤕꤝꤢ꤭꤮ ꤒꤣ꤬ꤖꤚꤢꤩ꤬꤯

เพรโด่แนพู๊ เต๊เห่ 21:18 ပူးပေါင်းရင်းမြစ်များ

ꤊꤢ꤬ꤜꤢ꤬ꤒꤤ 1:19

แว แม๊เถอะ เพรโด่แน เด๊อ อาโร เตเพร่ว โต่. แว แม๊เถอะ ตื๊อแพ๊ แบ่เจ่ อาโป่ คูยากอบ แพ๊.

ꤊꤢ꤬ꤜꤢ꤬ꤒꤤ 2:9

คูยากอบ เร๊อ คูเปโตร เร๊อ คูยอห์น เด๊อ อู แด่ เฮ๊อ เหย่ซี เร๊อ ทวาดุทวาเต เออเต๊เห่เนอ, อา ซิเงโปล แลแค เร๊อ เตบุ๊ยเตเตอเรอ เออเนอหมา จอแปแหร่ เด๊อะ แว แพ๊, อา แม๊เถอะ แลแค ฮู๊เนอ. เด๊อ เตเออ อาขว่าอาคยา, เหย่ซี แม๊เถอะ เร๊อ คูบารนาบัส เน๊อ แว เนอหม่า เพรเมโหร่ลูเต เร๊อ เหย่ซี ฮู๊เนอ แพ๊. เหย่ซี ซิปล่อฉู่โต ฉู่เทอฉู่เบ่ เฮ๊อ เร๊อ เป่ เก่ แรเต เด๊อ แกแยยิวพู๊ หม่าโต่ เต๊เห่ อาเกลเฮ๊อ. เหย่ซี เร๊อ อา เก่ เม เกอลาติ เด๊อ แกแยยิวพู๊ เต๊เห่ อาเกล ฮู๊เนอ แพ๊.

เพรโด่แนพู๊ เต๊เห่ 15:13

เบ๊อะเหย่ซี เฮ๊เบ่โท เบ๊อะเนอ, คูยากอบ เฮ๊ เน๊อ, “โป่แหว่ ซี๋, หนิดา แลแค แว แด๊โฉ่โล เป่ ซี,

เพรโด่แนพู๊ เต๊เห่ 11:30

ฮู๊เนอเรอ อา ซู๊จว๊าหนิ รือเออ เร๊อ คูเซาโล เร๊อ คูบารนาบัส. คูเซาโล เน๊อ คูบารนาบัส พย๊าจว๊าหนิ รือเออ เร๊อ อา จว๊า เด๊อะตา แฮเง เด๊อ เพรหยื่อเอ่ตู๊หมู่ตอกล๊อ โหมะพรูโหมะเผระ เด๊อ อา ทวา ทวาดุทวาเต เต๊เห่ อา กู๊ยากู.

ꤡꤛꤢꤩ꤭ꤗꤢ꤬ꤎꤣ꤬ 1:1

แว หม่า คูยากอบ, แว ทวา จอแปแหร่ เร๊อ แบ่เจ่ เหย่ซู่ครี๊ อาหลู่ เตเพร. แว เฮ๊โมเฮ๊แร๊ จว๊า เป่ จอแปแหร่ อาแกแย กลุยแล เช๊อเนอโหมะ เด๊อ อา จว๊าโอ่ปีชี แลแค เด๊อ เหล่โอ่ ปว๋า โต๊โผ่ เต๊เห่ อาโอ่.

เพรโด่แนพู๊ เต๊เห่ 20:17

เบ๊อะคูเปาโล โอ่เบ๊อะวีมิเลทัส เบ๊อะเนอ, อา หม่าแฮ เพรหยื่อเอ่ตู๊หมู่ตอกล๊อ โหมะพรูโหมะเผร่ เด๊อ อา ทวา ทวาดุทวาเต เร๊อ อา โอ่ แลแค เด๊อ วีเอเฟซัส อากู เนอเต๊เห่ เด๊อ อา โอ่. เร๊อ อา เฮ๊ เหย่ซี เน๊อ อา เก่ จว๊า แม๊เถอะ ตาฉื่อ ลู เบ๊อะวีมิเลทัส อากูเออ.

เพรโด่แนพู๊ เต๊เห่ 15:23

เหย่ซี รา ลีเออ เร๊อ อา ราจว๊า เป่ เพรหยื่อเอ่ ตู๊หมู่ตอกล๊อ เด๊อ อา ทวา แกแยยิวพู๊ หม่าโต่ เต๊เห่, เร๊อ อา ซูจว๊า เร๊อ แกแย เออเต๊เห่. เร๊อ เหย่ซี รา แลแค เน๊อ, เป เด๊อ อา หม่าดื่อ ซี โป่แหว่ เพรโด่แนพู๊ เต๊เห่ เออเต๊เห่ เร๊อ เพรหยื่อเอ่ตู๊หมู่ตอกล๊อ โหมะพรูโหมะเผร่ เด๊อ อา ทวา ทวาดุทวาเต เออเต๊เห่ ซูจว๊า เป่ ซี เตเฮ๊โมเฮ๊แร๊เต๊เห่, เป ซูจว๊า เป่ ลอปลี ล๋อ เปโป่เปแหว่ หม่าเฮ๊อ แกแยยิวพู๊ หม่าโต่ เด๊อ อา โอ่ เด๊อ วีอันทิโอก, ซีเรียเก่ เน๊อ ซีลีเซียเก่ เออเต๊เห่ อากู เนอเต๊เห่ อาโอ่.

เพรโด่แนพู๊ เต๊เห่ 15:6

เพรโด่แนพู๊ เต๊เห่ เร๊อ เพร เด๊อ อา ทวา เพรหยื่อเอ่ตู๊หมู่ตอกล๊อ โหมะพรูโหมะเผร่ ทวาดุทวาเต เต๊เห่เนอ, เหย่ซี โอ่ปล๊อเฮ๊เบ่ แคลู เร๊อ เหย่ซี เตเน โหร่แคลู เตหรี่เตแก เออเต๊อเจ่อ.

เพรโด่แนพู๊ เต๊เห่ 15:2

คูเปาโล เร๊อ คูบารนาบัส เคร๊แขะ ชอฉื่อ แหน่เจ๊อ แกแย เออเต๊เห่ เน๊อ เตหรี่เตแก เออเต๊อเจ่อ. ฮู๊เนอเรอ เด๊อ เตหรี่เตแก เออ อาขว่าอาคยา, อู นว๊าแถ่ คูเปาโล เร๊อ คูบารนาบัส เร๊อ แกแย โอ่ เด๊อ วีอันทิโอก อากู เต๊เห่, เร๊อ เหย่ซี โตเบ่ จว๊า แม๊เถอะฉื่อ เร๊อ เพรโด่แนพู๊ เต๊เห่ เร๊อ เพรหยื่อเอ่ตู๊หมู่ตอกล๊อ โหมะพรูโหมะเผร่ อา ทวาดุทวาเต เด๊อ วีเยรูซาเล็ม อากู เนอเต๊เห่.

เพรโด่แนพู๊ เต๊เห่ 12:17

คูเปโตร ซิหยื่อ นอโส่โส๋ โอ่ เหย่ซี เร๊อ อา วื๊อแหว่โล เป่ เหย่ซี เร๊อ อากู๊ขุ. เร๊อ อา แด๊โฉ่ เป่ เหย่ซี เน๊อ แบ่เจ่ จอแปแหร่ เมแลเปล๊เถ่ แคร๋ อา เด๊อ ทอกู ฮู๊เต อาหรี่อาแก. เร๊อ อา เฮ๊ เน๊อ, “แด๊โฉ่ เป่เกอ คูยากอบ เร๊อ ล๋อ เพรหยื่อเอ่พู๊ เด๊อ อาโร เนอเต๊เห่ เร๊อ เตหรี่เตแก เออเนอ นี๋,” คูเปโตร เฮ๊โฉ่แก เป่ เหย่ซี ฮู๊เนอ เร๊อ อา เถ่จว๊าแก เด๊อ อาโร โต๊โผ่.

มัทธิว 10:2

เพรโด่แนพู๊ เต๊เห่ เช๊อซิเนอ อามุย หม่า แคร๋ อูเป เฮ๊เร๊อ, อาเหร่อเล๊อ เตเพร หม่า อามุย เร๊อ คูซีโมน หม่าโต่เรอ อู เอ๊ ลู เร๊อ คูเปโตร เร๊อ อาโป่ คูอันดรูว์, โทเรอ เพเศเบดี อาพู๊เพรคู คูยากอบ เร๊อ อาโป่ คูยอห์น,

เพรโด่แนพู๊ เต๊เห่ 24:11

แว จว๊าจ๊อเบ เด๊อ วีเยรูซาเล็ม เนอหม่า อางยาเล๊อ เร๊อ เช๊อเนอเซ ล๋ายโต่. เน เก่ แม๊ปูซิเง เร๊อ เนเหน่ เฮ๊เนอหม่า อาหนิ แพ๊.