เพรโด่แนพู๊ เต๊เห่ 20:31 - ลีเทส่อพ๊าอาเซ เร๊อ เห่ขุทวาลู๊

³¹ ฮู๊เนอ อาขว่าอาคยา, รอเรหนิ แลแค ซิเหน่ นี๋. เร๊อ แว อิซว๊าอี๊แส่ หนิ ซี เหมาะคี๊คี๊ เหมาะเชเกลเกล โซหน่า อากู เจ๊อ. โท๊โต่ ปวา โพโพ๋ แว เป๊เส่เทอตา เด๊อ ซิเง เอ๊แหน่เจ๊อเนอ ซิเงแถ่เบ่ แลแค ดื่อนี๋.

Eastern Kayah Shadaw Dialect

³¹ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤚꤢꤪ꤬ꤚꤢꤩ꤭ꤚꤣꤧ ꤜꤢ꤭ꤋꤢꤧ꤭ ꤞꤤꤔ꤫ꤢꤩ꤬ ꤔꤤ꤮꤯ ꤚꤣꤧ꤬ ꤠꤢꤧ꤭ ꤤ꤬ꤞꤝꤢꤤ꤬ꤞꤢꤧ꤬ꤚꤣꤧ ꤞꤤ꤭ ꤗ꤫ꤢꤪ꤬ꤋꤤꤋꤤ ꤗ꤫ꤢꤪ꤬ꤞꤤ꤭ꤊꤜꤢꤩ꤭ꤊꤜꤢꤩ꤭ ꤞꤥ꤭ꤔꤢ꤬ ꤢ꤬ꤊꤢꤨ꤭ ꤡꤣꤧ꤯ ꤓꤥ꤭ꤒꤥ꤬ ꤕꤝꤢ꤭꤮ ꤖꤥꤖꤥ꤮ ꤠꤢꤧ꤭ ꤕꤣꤧꤞꤢꤩ꤬ꤓꤣꤧ꤭ꤒꤢ꤭ ꤘꤣ ꤞꤤꤑꤢꤩ꤭ ꤢꤩꤔꤢꤧ꤬ꤡꤣꤧꤔꤣꤧ꤬ ꤞꤤꤔ꤫ꤢꤩ꤬ꤓꤢꤧ꤬ꤙꤢꤩ꤬ ꤜꤢ꤭ꤋꤢꤧ꤭ ꤘꤢꤦ꤬ꤔꤤ꤮꤯

เพรโด่แนพู๊ เต๊เห่ 20:31 ပူးပေါင်းရင်းမြစ်များ

เพรโด่แนพู๊ เต๊เห่ 20:19

เบ๊อะแว แม๊เถอะเบ่ เจ๊อ เร๊อ เตแป่เตเช เด๊อ แกแยยิวพู๊ เต๊เห่ เครเม มู๊แหม่รีแจ่ เจ๊อ แว อาเบ๊อะเนอ ตื๊อดื่อเรอ แว ย๊อ แรเต เด๊อ จอแปแหร่ อาเง อาขว่าอาคยา, แว เบ่ เป๊เส่เทอ ตา เจ๊อ. โท๊โต่ แว เบ่ แด่ทูซิปล่อ ตื๊อดื่อ เจ๊อ เด๊อแว ซิปล่อ.

เพรโด่แนพู๊ เต๊เห่ 19:10

เร๊อ อา จว๊า เมโหร่เกอ เตเบ๊อะเนอ เนอหน่า. ฮู๊เนอเรอ ล๋อ แกแยยิวพู๊ เร๊อ แกแยยิวพู๊ หม่าโต่ เต๊เห่ เด๊อ อา โอ่ เด๊อ เอเชียเก่กู เต๊เห่ หนิโฮน๊อ เกอ แบ่เจ่ อาลาอาโหง่.

เพรโด่แนพู๊ เต๊เห่ 19:8

คูเปาโล จว๊าโน เด๊อ เตจ๊อเบโฮกู เร๊อ อา เฮ๊เบ่โด่แน คือฮาบื่อ เจ๊อ เน๊อ แกแย เบ๊หมู่ เบ๊อะเนอ โซเล อากู. คูเปาโล เฮ๊เบ่โด่แน เคร๊แขระ เหย่ซี เน๊อ, จอแปแหร่ อาเทอเก่ อาหรี่อาแก เร๊อ อา ท๊อหนิจุ่ยหนิ ลอ เหย่ซี อาซิปล่อ.

ꤟꤤꤙꤚꤢꤨ 13:17

หนิดา แลแค ซี เตจ๊อบู่จ๊อเบ อา ทวาดุทวาเต เต๊เห่ อาโหง่ เร๊อ ครวาเมเกอ ฮู๊ เหย่ซี เฮ๊ตา เนอ นี๋. เหย่ซี โอ่ป่อ แม๊ตู่หนิ ซี ซิปล่อเซอเพร เร๊อ เต เด๊อ เหย่ซี เม เต๊เห่เนอ, อา เบ่ เฮ๊โล กาคยา คยาแซ๊ จอแปแหร่ ปา. ซี เก่ หนิดา โต่ เฮ๊เร๊อ อา เก่ เม เน๊อ เตซิเปลซิหย่อ ปา. เร๊อ อา ทวาบุ๊ยทวาเตอเรอ เด๊อ ซีเง เตอเจ๋อ โต่.

โคโลสี 1:28

แซ่ฮู๊ เป เก่ ซูโน แกแย ปว๋า เตเพร เด๊อ จอแปแหร่ เป๊เส่เง ฮู๊ แกแย เด๊อ อา ทวาแถ่ เฮ๊อ เตเต๊อเจ๋อ โต เน๊อ ครี๊ เร๊อ อา ดุเผร่ ตาเต เฮ๊อ เด๊อ แหย่โย ตากยา เต๊เห่ อาเงเนอ, เป แด๊โฉ่โด่แน เป่ เฮ๊อ อู ปว๋า เตเพร เน๊อ ครี๊ อาหรี่อาแก เฮ๊อ. โท๊โต่ เป เด๊อะรอเด๊อะเร เฮ๊อ อู ปว๋า เตเพร, เร๊อ เป อิซว๊าอี๊แส่ เป่ เฮ๊อ อู ปว๋า เตเพร เน๊อ ล๋อ ลีแมลีเพ๊ เออเนอเต๊เห่ เฮ๊อ.

ทิโมธี เนอบ่า ต๊าบ่า 4:5

หม่าแน๊เรอ เน ลาติเรอ, เป๊อตี๊หรี่ เนเหน่ เด๊อ เตปว๋า เต๊อเจ่อ อากูเนอ นี๋, แด่ทูซิปล่อ เตจาเตจือ เร๊อ เมแพ๊ เพรโด่แน เตซิครือมีลา อา เตเอ่เตแร เร๊อ เมเล๊อบา ลอ ล๋อ เตเอ่เตแร เด๊อ จอแปแหร่ นอเม เน เออเนอ แพ๊ นี๋.

ꤜꤢꤨꤊꤢ꤬ 21:36

แซ่ฮู๊ ซี เก่ แลเปล๊ แร๊แร๊แจ่ เน๊อ เต เตเร ทวาแถ่ เออเต๊เห่ ปา. โท๊โต่ แซ่ฮู๊ ซี เก่ ก๊อถ่อ เด๊อ แกแยพู๊คู หม่าเฮ๊อ แวเออ เป๊เส่เง ปา เนอเรอ, ส่าเซ เร๊อ กุยจ๊อเบ แลแค ปว๋า โตโพ นี๋.”

มัทธิว 13:25

อา เว๊อตา โทเรอ เบ๊อะเหย่ซี กา โอ่เมอหนิ ตาปา ลอ ปว๋าเตเพร เบ๊อะเนอ, เพร ซิค๊าซิเถ่ แฮ เว๊อตาเกอ โร๊ย กลุย เต๊เห่ เบ๊อะเหย่ซี โบ๊กูลา อาเกลเนอ, เร๊อ เถ่จว๊าแก.

เตเด๊อะโลแถ่ 16:15

เหย่ซู่ครี๊ เฮ๊ เน๊อ, “หนิดา แลแค, แว เก่ แฮ แซ๊เร๊อ เพรเอ่โห่ แฮ เนอ ปา. แกแย เตเพรเพร เด๊อ อา โอ่ ส่าเซ เร๊อ อา โอ่ ตี๊หรี่แตแร หนื่ออื่อ อา เตกือเตแซ๊ เต๊เห่เนอ, อา เก่ พย๊าหนิ เตเด๊อะบุ๊ยเด๊อะเตอเรอ ปา. เหย่ซี เก่ โอ่ตี๊หรี่แตแร หนื่ออื่อ อา เตกือเตแซ๊ ปา เฮ๊เร๊อ, เหย่ซี เก่ จว๊า กะโกล โต่, โท๊โต่ เหย่ซี เก่ ซิเตเร เด๊อ อูเกล โต่.”

เธสะโลนิกา เนอบ่า ต๊าบ่า 3:8

อู ลอแก เป่น๊อ เร๊อ เป เหล่เอ่เหล่โอ อาเง โต่. หม่าแน๊เรอ, แซ่ฮู๊ อา เก่ ทวาแถ่ แต่ ดู๊ดี๊ดู๊แด เด๊อ ซีเง เตเพร่ว แต่เหม่ เนอ, เป แอ๊จื๊อเอ่ แอ๊จื๊อแร โกโน๋ โต่.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:14

โป่แหว่ ซี, เป กุยซิยอ คยาแซ๊ โป่ ซี เนอ, เด๊อะรอเด๊อะเร เร๊อดื่อ แกแย เตเกลแลแบ๊ เนอเต๊เห่ นี๋. โทเรอ เด๊อะอ๊าเด๊อะเหร่ เป่ แกแย เด๊อ อา โต๊โหร่ ดื่อเง เนอเต๊เห่ เร๊อ เมจว่า เป่เกอ แกแย เด๊อ อา อ๊าเจ่เหร่เจ่ เนอเต๊เห่. โทเร๊อ เย๊อ แด่ทูซิปล่อ เป่ อู ปว๋า เตเพร นี๋.

โครินธ์ อาเหร่อเล๊อ ต๊าบ่า 4:14

แว ซิหยื่อ นอซิเตเร ซี เร๊อ แว รา จว๊า เป่ ซี ลี เออเนอ หม่าโต่. แว โมเร๊อ ซี ฮู๊ แวพู๊ เร๊อ แวเหน่ เนอ เร๊อ แว อิซว๊าอี๊แส่ จว๊า เกอเร๊อ ซี แพ๊.

เพรโด่แนพู๊ เต๊เห่ 24:17

“แว จว๊าโอ่ตาพา งย๊า เร๊อ วีเยรูซาเล็ม เด๊อ อาหน่า, อาเลกู เจ๊อเฮ๊อ, เร๊อ เด๊อเหร่อเนอ, แซ่ฮู๊ แว เก่ จว๊าซู เป่ แว เมวเจอะพู๊ เร๊อดื่อ เต๊เห่ อารือ, โท๊โต่ แซ่ฮู๊ แว เก่ หลู่แถ่แตแถ่ เต เบ๊อะเนอ อาเง เนอเรอ, แว กาคยา คยาแซ๊ เบ๊อะวีเยรูซาเล็ม เออเนอ แพ๊.

เพรโด่แนพู๊ เต๊เห่ 20:11

โทเร๊อ อา แก๊แถ่ คยาแซ๊ เด๊อ หี่ด๊อกู เร๊อ อา แถ่บิกยา ค๊อมู เร๊อ อา เก่ เอ่เต่อโอเต่อเกอ เต เน๊อ เพรหยื่อเอ่ เต๊เห่. อา เฮ๊เบ่งยา เต่อเกอ เร๊อ เหย่ซี โต่เด๊อ เหมาะลีบู เร๊อ อา เถ่จว๊าแก เนอ แพ๊.

เพรโด่แนพู๊ เต๊เห่ 20:7

เบ๊อะม๊อก่อต่อ เหมาะเฮ๊ อาเบ๊อะเนอ, เป โอ่ปล๊อโอ่เต่อ คยาแซ๊ลู เด๊อ เก่ บิกยา ค๊อมู อาเง. ป่าโรปา เนอ คูเปาโล เตเร เถ่จว๊าเฮ๊อ อาขว่าอาคยา, อา เฮ๊เบ่ โต่ เจ๊อ แกแย เบ๊หมู่ เออเต๊เห่เนอ เด๊อ เหมาะเนเค เจ๊อ.

มัทธิว 3:7

หม่าแน๊เรอ เบ๊อะคูยอห์น แม๊เถอะ ฟาริสี เร๊อ สะดูสี เต๊เห่ แฮปลูแฮเผ่ เด๊อ อา เก่ แฮเจ เกอ อาเหน่ เร๊อ เทอ เบ๊อะเนอ, อา เฮ๊ เหย่ซี เน๊อ, “หรู่ซิ ซี๋! หม่าอูเป เตเพร เด๊อะรอเด๊อะเร ซี เนอ ซี อา เหล่แลเปล๊ เร๊อ จอแปแหร่ อา เตเมจากาคยา เด๊อ อา เก่ แฮปา เออเนอ เป?

ฟีลิปปี 3:18

เด๊อ อาเหร่อเคเนอ หม่า, แว แด๊โฉ่ โตโมโม เป่ลา เฮ๊อ ซี เฮ๊อ. กู๊แหน่เออ แว เฮ๊ เป่ โป่ คยาแซ๊ ซี เร๊อ เป๊เส่เทอ. แกแย เด๊อ อา แด่ แลแค อา ซิปล่อสู่เทอ เนอ อา ซิเถ่ซิฮา ครี๊ อาเตเซอ อาโหง่แลช๊า เด๊อ อี๊ถื่อดีเต่ลู เต๊เห่เนอ อา โอ่ เอ๊แหน่เจ๊อ.

เธสะโลนิกา เนอบ่า ต๊าบ่า 2:5

หม่า ซี โตม๊า ปาแหน่ โต่ แอ? เบ๊อะแว โอ่ เกอปา เร๊อ ซี เบ๊อะเนอ, แว แด๊โฉ่โด่แน โล ลอ โทเฮ๊อ ซี เฮ๊อ, แวเฮ๊โต่?