เพรโด่แนพู๊ เต๊เห่ 20:29 - ลีเทส่อพ๊าอาเซ เร๊อ เห่ขุทวาลู๊

²⁹ แว เถ่จว๊าแก โทเฮ๊อ ปาเนอ, แว ซิเง เร๊อ แกแย เด๊อ อา แซ่ เน๊อ ถุ่ยมี เด๊อ อาฮาอาเฮ เต๊เห่ เก่ แฮโน เด๊อ ซีเกล ปา, เร๊อ อา เก่ โนเมเช ลอ ซิหมิ ตู๊หมู่ เออเต๊เห่ ปา.

Eastern Kayah Shadaw Dialect

²⁹ ꤠꤢꤧ꤭ ꤓꤢꤩ꤬ꤡꤝꤢꤊꤢꤧ꤭ ꤓꤥ꤭ꤟꤣꤧ ꤕꤢ꤭ꤔꤣꤧ꤬, ꤠꤢꤧ꤭ ꤞꤤꤑꤢꤩ꤭ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤢꤧ ꤔꤢꤧ ꤓꤝꤤ꤬ꤗꤤ꤬ ꤘꤣ ꤢ꤬ꤟꤢ꤭ꤗꤢꤨꤗ꤫ꤢꤧ꤬ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤟꤢꤧ꤭ꤔꤥ꤭ ꤘꤣ ꤞꤤ꤭ꤊꤜꤢꤩ꤭ ꤕꤢ꤭, ꤚꤣꤧ꤬ ꤢ꤬ ꤊ꤫ꤢꤦ꤬ ꤔꤥ꤭ꤗꤢꤩ꤬ꤙꤢꤩ꤬ꤏꤢꤩ꤭ ꤜꤢꤪ꤭ ꤞꤤꤗꤤ꤬ ꤗ꤫ꤥ꤬ꤗꤢꤨ꤬ ꤣꤧ꤭ꤒꤣꤧ꤬ꤟꤢꤩ꤬ ꤕꤢ꤭꤯

เพรโด่แนพู๊ เต๊เห่ 20:29 ပူးပေါင်းရင်းမြစ်များ

มัทธิว 7:15

“รอหนิ แลแค ซีเหน่ เร๊อ เพรกลว่า แลโฮ อาเหน่ ฮู๊ เพรโพร เนอเต๊เห่ นี๋. เหย่ซี หม่า แกแย กลว่า แหล่โฮ แซ่เน๊อ ซิหมิ เด๊อ อาซิโดซิงาเนอ หม่าแน๊เรอ เหย่ซี หม่า แกแย มู๊แหม่รีแจ่ แซ่เจ๊อเร๊อ ถุ่ยมี เนอ เจ๊อ.

เปโตร เนอบ่า ต๊าบ่า 2:1

เพรโพร กลว่าแลโฮ อาเหน่ เต๊เห่ โอ่แถ่โล โทเฮ๊อ เด๊อ แกแย เบ๊หมู่ อาเกล เด๊อ เหร่อเคเนอ เฮ๊อ. แซ่ฮู๊เนอเฮ๊อ, ซ๊าร๊า กลว่าแลโฮ อาเหน่ เต๊เห่ เก่ แฮ โอ่แถ่โล เกอ เด๊อ ซีเกล ปา. เหย่ซี เก่ พย๊าแฮโห่หนิ เตอิซว๊าอี๊แส่ซื๊อ เด๊อ อา เมปย๊าเต เต๊เห่ ปา. อา เก่ เท๊ฉื่อแก เจ๊อ แบ่เจ่ เด๊อ อา อี๊ถ่ากา โทเฮ๊อ เหย่ซี เนอเตเพรปา. เด๊อ เหย่ซี เมฮู๊เนอ อาขว่าอาคยา, จอแปแหร่ เมปย๊าแก เหล่แพร เหย่ซี ปา.

เพรโด่แนพู๊ เต๊เห่ 20:28

แม๊ตู่ เร๊อ ดื่อ แลแค ซีเหน่ เร๊อ แม๊ตู่ เกอเร๊อ แลแค ล๋อ ซิหมิ เด๊อ แหย่โยบูโพ๊ เด๊อะตาแก เป่ ซี เด๊อ ซี เบ่ แม๊ตู่หนิ เออเนอ เต๊เห่ นี๋. ทวา แลแค เพรเกซิหมิพู๊ เด๊อ อา แม๊ตู่หนิ อาซิหมิ เออเต๊เห่ เนอ เต๊เห่ นี๋ แม๊ตู่หนิ แลแค จอแปแหร่ อา เพรหยื่อเอ่ ตู๊หมู่ตอกล๊อ เด๊อ อาพู๊คู พรีกา โทเฮ๊อ เน๊อ อาสุ่ย เร๊อดื่อ เออเนอ นี๋.

ꤛꤥ꤭ꤟꤢ꤬ 10:12

เก่ แด่เก่เกเอ่ ซิหมิ เร๊อ อู เฮ๊เนอหม่า, ซิหมิ เออเต๊เห่เนอ อาเต หม่าโต่. อาขว่าอาคยา, เบ๊อะอา แม๊เถอะ ถุ่ยมี แฮ เบ๊อะเนอ, อา แด่แก ซิหมิ เร๊อ อา เถ่แกล่แก แพ๊. เร๊อ ถุ่ยมีเออ เก่ แฮ อ่าเซอ ปื่อเอ่แก ซิหมิ ปา, เร๊อ อา แฮ เม แกล่โพร๊ แกล่แพรแก ลอ ซิหมิ ปา.

ꤜꤢꤨꤊꤢ꤬ 10:3

จว๊ามอ! แว ปลวาจว๊าแก เฮ๊อ ซี ฮู๊อู ปลวาจว๊าแก ซิหมิ เต๊เห่ เด๊อ ถุ่ยมี เต๊เห่ อาเกล เนอ เฮ๊อ.

มัทธิว 10:16

“แว นอจว๊า ซี แซ่เน๊อ แว ปลวาจว๊า ซิหมิ เด๊อ ถุ่ยมี อาเกล เนอ. เมฮู๊เนอเรอ ลีแม เกอ แลแค ฮู๊ หรู่เต๊เห่เนอ, เร๊อ ซิปล่อ โพ๊แปละอาโพ๊อาแปละ เกอ แลแค ฮู๊ ถู่หลุ่ย เนอ นี๋.

ꤜꤢꤨꤊꤢ꤬ 12:32

“เก๋อ ซิหมิเป๊หมู่ ปีตี๊ ซี๋, ซิอิเช แต่เหม่ นี๋, เมเตเฮ๊เรอ ซีเพ ซิปล่อโอ่ เด๊อ อาเก่ เด๊อ ซี เร๊อ อาเทออาเก่ เฮ๊อ.

ꤛꤥ꤭ꤟꤢ꤬ 21:15

เหย่ซี เอ่ โทเรอ, แบ่เจ่ เหย่ซู่ แด๊เฮอ คูซีโมน เปโตร เน๊อ, “เพยอห์น อาพู๊คู คูซีโมน, เน โมเล๊อ หม่าแหน่ แว เร๊อ แกแย เออเต๊เห่ โม แว เนอ แอ?” อา แด๊เฮอ ลู เนอ, คูซีโมน เฮ๊ฉื่อ ลู เน๊อ, “อ่อ, แบ่เจ่, แว โม เน เนอหม่า เน ซิเงดื่อ เฮ๊อ,” อา เฮ๊ ลู ฮู๊เนอ. แบ่เจ่ เหย่ซู่ เฮ๊ ลู เน๊อ, “แม๊ โบ่เอ่หนิ แว ซิหมิพู๊ เนอเต๊เห่ นี๋.”

เปโตร อาเหร่อเล๊อ ต๊าบ่า 5:2

ซี เด๊อ อา ทวา เพรหยื่อเอ่ตู๊หมู่ตอกล๊อ กู่กล๊อดุกู๊ฉู่ทู เด๊อ อาแซ่เน๊อ เพรเกซิหมิ ซี เต๊เห่เนอ, แม๊ตู่หนิ แลแค จอแปแหร่ อาซิหมิหมู่ เด๊อ อา เด๊อะ ซี เออเนอตู๊หมู่, เร๊อ โอ่ป่อแม๊แร๊ แลแค เพรหยื่อเอ่ เออ เนอเต๊เห่. เร๊อ ซิปล่อ โอ่ แม๊แร๊ แลแค เหย่ซี ฮู๊ จอแปแหร่ ซิหยื่อ นอแม๊ ซี เนอ นี๋. เม แต่ ฮู๊ อู นอตือดื๊อ ซี เร๊อ ซี เมแพ๊เนอ แต่เหม่นี๋. แม๊ดุ แลแค คว๊าเก่ เร๊อ เม แลแค แต่เหม่ นี๋. หม่าแน๊เรอ, ซี เก่ ทวา โค๊ดื่อ แกแย เด๊อ อา ซิปล่อฉว่า เม จอแปแหร่ อา เตเอ่เตแร เต๊เห่ นี๋.

ꤛꤢꤨꤘꤢ꤬ 1:18

เหย่ซี เฮ๊ เป่ ซี เน๊อ, “ช๋า ม๊อเนอม๊อเซ เด๊อ คยา ตื๊อดื่อ ปา เต๊เห่เนอ, แกแย เด๊อ อา เก่ เป๊อเจ่ออิแช๊ งยาโคร ซี เต๊เห่ เก่ โอ่แถ่ ปา. เหย่ซี เนอเต๊เห่ หม่า อา ครวาเม โชชื่อ แพ๊ ฮู๊ อา เตซิหยื่อ มู๊แหม่ เด๊อ อา โตเกอ เร๊อ จอแปแหร่ อาซิปล่อ โต่ เนอเต๊เห่ แพ๊.”