เน เฮ๊เบ่เฮ๊โช เบ่เบ่, เน เมเต อิเตเต๋ เบ่เบ่, เน อิซว๊าอี๊แส่ อู เต๊เห่เนอ เบ่เบ่, รอเกอเร๊อ อา นี๋. โอ่หม่าโอ่กลอ เด๊อ เตเออเต๊เห่ อากู ปว๋า โตโพ๊ นี๋, เมเตเฮ๊เรอ, เน เก่ เมฮู๊เนอ เฮ๊เรอ เน เก่ เมแลเปล๊กา หนิตื๊อดื่อ เนเหน่ หม่าโต่, เน เก่ เมแลเปล๊กา โต่ เป่เกอ แกแย เด๊อ อา หนิโฮเกอ เน เนอเต๊เห่ ปา.
เพรโด่แนพู๊ เต๊เห่ 20:28 - ลีเทส่อพ๊าอาเซ เร๊อ เห่ขุทวาลู๊28 แม๊ตู่ เร๊อ ดื่อ แลแค ซีเหน่ เร๊อ แม๊ตู่ เกอเร๊อ แลแค ล๋อ ซิหมิ เด๊อ แหย่โยบูโพ๊ เด๊อะตาแก เป่ ซี เด๊อ ซี เบ่ แม๊ตู่หนิ เออเนอ เต๊เห่ นี๋. ทวา แลแค เพรเกซิหมิพู๊ เด๊อ อา แม๊ตู่หนิ อาซิหมิ เออเต๊เห่ เนอ เต๊เห่ นี๋ แม๊ตู่หนิ แลแค จอแปแหร่ อา เพรหยื่อเอ่ ตู๊หมู่ตอกล๊อ เด๊อ อาพู๊คู พรีกา โทเฮ๊อ เน๊อ อาสุ่ย เร๊อดื่อ เออเนอ นี๋. အခန်းကိုကြည့်ပါ။Eastern Kayah Shadaw Dialect28 ꤗꤢꤧꤡꤢꤧ꤬ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤞꤤꤔ꤫ꤢꤩ꤬ ꤚꤣꤧ꤬ ꤗꤢꤧꤡꤢꤧ꤬ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤜꤢꤪ꤭ ꤞꤤꤗꤤ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤘꤣꤧꤒꤢ꤭ꤊꤢꤧ꤭ ꤕ꤫ꤢꤩ꤬ ꤞꤤ꤭ ꤘꤣ ꤞꤤ꤭ ꤙꤢꤩ꤬ ꤗꤢꤧꤡꤢꤧ꤬ꤚꤣꤧ ꤣꤧ꤭ꤔꤣꤧ꤬ ꤒꤣꤧ꤬ꤟꤢꤩ꤬ ꤔꤤ꤮꤯ ꤓꤝꤢ꤭ ꤜꤢ꤭ꤋꤢꤧ꤭ ꤖꤚꤢꤩ꤬ꤊꤢꤩ꤭ꤞꤤꤗꤤ꤬ꤖꤢꤨ ꤘꤣ ꤢ꤬ ꤗꤢꤧꤡꤢꤧ꤬ꤚꤣꤧ ꤢ꤬ꤞꤤꤗꤤ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ ꤒꤣꤧ꤬ꤟꤢꤩ꤬ ꤔꤤ꤮꤯ ꤗꤢꤧꤡꤢꤧ꤬ꤚꤣꤧ ꤜꤢ꤭ꤋꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ ꤕꤜꤢꤪꤗꤢꤨ꤬ꤖꤢꤨ ꤘꤣ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤤ꤬ꤖꤚꤤ꤬ꤊꤢ꤬ ꤓꤥ꤭ꤟꤣꤧ ꤔꤢꤧ ꤢ꤬ꤞꤝꤤ꤬ ꤚꤣꤧꤘꤢꤦ꤬ ꤣꤧ꤭ꤔꤣꤧ꤬ ꤔꤤ꤮꤯ အခန်းကိုကြည့်ပါ။ |
เพรโด่แนพู๊ เต๊เห่ 20:28
61 ပူးပေါင်းရင်းမြစ်များ
หนิดา แลแค ซี เตจ๊อบู่จ๊อเบ อา ทวาดุทวาเต เต๊เห่ อาโหง่ เร๊อ ครวาเมเกอ ฮู๊ เหย่ซี เฮ๊ตา เนอ นี๋. เหย่ซี โอ่ป่อ แม๊ตู่หนิ ซี ซิปล่อเซอเพร เร๊อ เต เด๊อ เหย่ซี เม เต๊เห่เนอ, อา เบ่ เฮ๊โล กาคยา คยาแซ๊ จอแปแหร่ ปา. ซี เก่ หนิดา โต่ เฮ๊เร๊อ อา เก่ เม เน๊อ เตซิเปลซิหย่อ ปา. เร๊อ อา ทวาบุ๊ยทวาเตอเรอ เด๊อ ซีเง เตอเจ๋อ โต่.
โหมะพรูโหมะเผระ เด๊อ อา ทวา ทวาดุทวาเต เด๊อ อา เมแร๊เต เต๊เห่เนอ, ซี โตเบ่ แด่หยื่อแด่แหน่ เหย่ซี, โท๊โต่ เหย่ซี โตเบ่ พย๊าหนิ โป่เอ่โป่โอ เลคว๊าเลเก่. โหมะพรูโหมะเผระ เด๊อ อา ทวา ทวาดุทวาเต เด๊อ อา ครือเม จอแปแหร่ อาเตเม เต๊เห่, เร๊อ อา แด๊โฉ่โด่แน เป่ อู เน๊อ จอแปแหร่ อาลาอาโหง่ เร๊อ อา อิซว๊าอี๊แส่ เป่ อู เน๊อ จอแปแหร่ อาลาอาโหง่ เต๊เห่เนอ, ซี โตเบ่ แด่หยื่อแด่แหน่ เหย่ซี, เด๊อะโป่เอ่โป่โอ เป่ เหน่เจ๊อ เหย่ซี เลคว๊าเลเก่ เจ๊อ.
เป หม่า คูเปาโล เร๊อ คูทิโมธี. เป หม่า เหย่ซู่ครี๊ อาหลู่ เต๊เห่. เป ราจว๊า เป่ ลี เออต๊าบ่า เนอ จอแปแหร่ อาแกแย เด๊อ อา ทวาแถ่ เฮ๊อ เตเตอเจ๋อ โต เร๊อ เหย่ซู่ครี๊ เร๊อ อา โอ่ แลแค เด๊อ วีฟีลิปปี อากู เนอเต๊เห่ อา โอ่. เป ราจว๊าป่าเต่อ เป่เกอ เร๊อ เพรหยื่อเอ่ตู๊หมู่ตอกล๊อ ทวาดุ ทวาเต เต๊เห่ เร๊อ เพรเมจว่า เพรหยื่อเอ่เต ตู๊หมู่ตอกล๊อพู๊ เต๊เห่.
เหย่ซี อิโร ลีอิโร อาเซ โต๊โต่ เนอ, “เน ต่าดื่อเฮ๊อ เร๊อ เน เก่ พย๊า ลีตูลูเออ เร๊อ อ๊าโมแก เตเมม๊าเมแด เออเต๊เห่. เมเตเฮ๊เรอ อู เมเซอ โทเฮ๊อ เน อาขว่าอาคยา, แซ่ฮู๊ แกแย เต๊เห่ เก่ ทวาแถ่ จอแปแหร่ อาเต เนอ เน อี๊ถ่ากาเฮ๊อ เหย่ซี เร๊อ เนสุ่ย เร๊อ แกแยเห่ขุพู๊ เต๊เห่เห่ เด๊อ อา โอ่ เด๊อ แกแย ปว๊าโต๊โหมะ, โหง่ ปว๊าโต๊โหง่, เมวเจอะ ปว๊า เต๊อเจ่อ เร๊อ เก่ ปว๊าเต๊เก่ อาเกล เต๊เห่เนอ, เน อี๊ถ่ากา เป่ โทเฮ๊อ เร๊อ จอแปแหร่.
แหย่โยบูโพ๊แบ่เจ่ เออเนอ อาแซ่เน๊อ เตอ๊อแล อาหม่าอากลอ เต๊อเจ่อ เด๊อ อา เด๊อะโล เร๊อ ล๋อ จอแปแหร่ อ๊อแล เด๊อ อา เก่ เด๊อ เป ปา เต๊เห่เนอ, เป่ เก่ พย๊าหนิ ปา. ช๊า จอแปแหร่ อา เตอี๊ถ่ากา เป อา เตเอ่เตแร เออ อาปลื๊ออาโท ลอเฮ๊อ ปา เบ๊อะเนอ, อา เก่ เด๊อะ เป อู่เจเต๊เหย่ เนอเต๊เห่ ปา. ฮู๊เนอเรอ อู เก่ ถู่เซ๊แถ่ เกอ จอแปแหร่ อา เตดุเตทู เออเต๊เห่ ปา.
เด๊อ เพรหยื่อเอ่ตู๊หมู่ตอกล๊อ ตู๊หมู่ เร๊อ ตู๊หมู่ อากูเนอ, คูเปาโล เร๊อ คูบารนาบัส นว๊าแถ่ เป่ เหย่ซี โหมะพรูโหมะเผระ เด๊อ อา เบ่ ทวา ทวาดุทวาเต เต๊เห่. เร๊อ อา กุยจ๊อเบ เป่ เหย่ซี, โทเรอ อา โด่เอ่ เหล่เอ่เหล่โอ, อา เมโท ฮู๊เนอเรอ อา เด๊อะตาแก แกแย เออเต๊เห่ เด๊อ แบ่เจ่ เด๊อ เหย่ซี หยื่อเอ่ เกอเร๊อ เออเตเพร อา กู๊ยากู.
หม่าแน๊เรอ ซี หม่าเมวเจอะ เต๊อเจ่อ เด๊อ จอแปแหร่ นว๊าแถ่ อา, เพรหลู่แตเต เด๊อ อาแซ่เน๊อ คุ๊ย เต๊เห่, เมวเจอะ เด๊อ อา บูโพ๊, โท๊โต่ จอแปแหร่ อาแกแย เร๊อดื่อ เจ๊อ เต๊เห่ เฮ๊อ. แซ่ฮู๊ ซี เก่ แด๊โฉ่โล จอแปแหร่ อา เตเมแร๊ โค๊ดื่อ เต๊เห่ อาเงเนอ, จอแปแหร่ นว๊าแถ่ ซี เฮ๊อ. จอแปแหร่ เอ๊เถ่แก ซี เด๊อ เตคี๊ อาเล เร๊อ อา ซูโน ซี เด๊อ อา เตลีเตเค โม อากู เฮ๊อ.
แซ่ฮู๊ อู เก่ ทวา เพรโดแนพู๊ เต๊เห่, อู เก่ ทวา เพรโพร เต๊เห่, อู เก่ ทวา เพรโด่แน เตซิครือมีลา เต๊เห่, อู เก่ ทวา เพรหยื่อเอ่ตู๊หมู่ตอกล๊อ ซ๊าร๊า เต๊เห่, อู เก่ ทวา เพรอิซว๊า ลีเทส่อพ๊า อาซ๊าร๊า เต๊เห่เนอเรอ, เพร เด๊อ อา เด๊อะตา อู เตแจ่เตลีแม เด๊อ อา โค๊คยาดื่อ ลู เต๊เห่ เออเตเพร เนอหม่า หม่าเฮ๊อ ครี๊ เฮ๊อ.
เด๊อ เพรโด่แนพู๊ เต๊เห่ ล๋อ ปลี อาเกลเนอ, แว หม่า แกแย เด๊อ อาต่าเจ๊อ เกออู ฮู๊ เพรโด่แนพู๊ เต๊เห่ เด๊อ อาโร เนอเต๊เห่ ตีกี๋ โต่ เตเพร เฮ๊อ, เมเตเฮ๊เรอ เบ๊อะแว หยื่อเอ่ แต่ลา เหย่ซู่ครี๊ โต่ เบ๊อะเนอ, แว เมจาเมจือ แกแย เด๊อ อา หยื่อเอ่ เหย่ซู่ครี๊ เต๊เห่ อาขว่าอาคยา, อู เก่ เอ๊ เกอ แว เร๊อ เพรโด่แนพู๊ เต๊เห่ เตเพรแพ๊เน๋อ อา ต่าเจ๊อ ตีกี๋ โต่.
เป ราจว๊า เป่ ลีเออ เด๊อ จอแปแหร่ เพรหยื่อเอ่เต ตู๊หมู่ตอกล๊อ โอ่ เด๊อ วีโครินธ์ อากู เต๊เห่ อา โอ่, เน๊อ ล๋อ แกแย เด๊อ อา จ๊อเบแถ่ แบ่เจ่ เหย่ซู่ครี๊ เร๊อ อา โอ่ แลแค เด๊อ เหล่โอ่ ปว๋า โต๊โผ่ เนอเต๊เห่ อาโอ่. เหย่ซู่ เออเนอ, เป แบ่เจ่ หม่า อาหม่าหม่า, เหย่ซี แบ่เจ่ หม่า อาหม่าหม่า. เด๊อ เหย่ซู่ครี๊ อาขว่าอาคยา จอแปแหร่ เมบูโพ๊เฮ๊อ ซี เร๊อ อา เอ๊เฮ๊อ ซี เด๊อ ซี เก่ โอ่เซอเพร บูโพ๊ เอ๊แถ่ โป่ อาเง เฮ๊อ.
“รอหนิ แลแค ซีเหน่ นี๋. เบ๊อะซี เอ่มือโอมือ เบ๊อะเนอ, ซี เมบูเมบย่า เต เนอเต๊เห่ เบ่เบ่, ซี เตเนกู่เตเนแก แลแค เร๊อ ซี เตโอ่เซอเพร เด๊อ เห่ขุเออ ตือทือ เต๊เห่เนอ เบ่เบ่, เมลอ แกเด แต่ ซี ม๊อเนอม๊อเซ เนอเต๊เห่ แต่เหม่ นี๋. ปาหม่า แกแยพู๊คู หม่าเฮ๊อ แวเออ อา แฮโต่คย๊า เด๊อ ซี โอ่ เบ๊อะซี เตเนเต่อโต่ เนอเตอเนอ เนอเตเซ ปา.
แซ่ฮู๊ ซี ปว๋า เตเพร เก่ พย๊าหนิ เกอ แลแค จอแปแหร่ อาบุ๊ยอาเตออเรอ เออเนอเร๊อ, รอเร๊อ แลแค ซีเหน่ นี๋. นอทวาแถ่ แต่ แลแค ซีเหน่ ฮู๊ ส่อเหมาะ เด๊อ อู เอ่ อา เร๊อ อา มือเซอแจ่ อู เนอเต๊เห่ เตเพร่ว แต่เหม่ นี๋. แกแย เด๊อ อาแซ่เน๊อ ส่อเหมาะ เด๊อ อา เม มือเซอแจ่ อู เออเต๊เห่เนอ, อา เก่ แด๊แถ่ เด๊อ ซีเกล เร๊อ อา เก่ เมแป่เมเช โหร่เอ๊ อู เน๊อ อา เตมือเซอ เออเนอ ปา.
เมเตเฮ๊เรอ, เพรหยื่อเอ่ตู๊หมู่ตอกล๊อ ทวาดุทวาเต เตเพรเนอ, แรเต ตาเบ่ อา เด๊อ อา โตเบ่ เม จอแปแหร่ อา เหล่เอ่เหล่แร อาขว่าอาคยา, อู เหล่แด่ อา เตซื๊อ หม่า อา โตเบ่ โอ่หนิเกอ โต่. กู่กล๊อเพรอ เร๊อ ซิปล่อ ดุแถ่แพร เต๊เห่เนอ อา โตเบ่ โอ่หนิเกอ โต่, เบ่ เอ่มือโอแพร๊ หนิโต่, เบ่มือเบ่ปอหนิ อูโรโต่, เบ่ เอ่ตือโอตือ หนิ อูขุ โต่.
ซี เอ่ แลแค เด๊อ ซีหี่ โต่หม่า ซีหี่ โอ่ แหน่ โต่ แอ? หม่า ซี ซิหยื่อ เมมุยแลปี จู๊แก่ แหน่ เฮ๊อ ล๋อ เพรหยื่อเอ่ เออ เออเต๊เห่ อามุย แหน่ เฮ๊อ แอ? หม่า ซี ซิหยื่อ เม ซิเตเรแก แกแย โซพ๊าโซแร เนอเต๊เห่ แอ? แว เตเร เฮ๊ ปา ซี ฮู๊เต? แว โตเบ่ ถู่เซ๊ เกอเร๊อ ซี แอ? เหล่ถู่เซ๊ เกอเร๊อ ซี เนอ อาโอ่ เตอเจ๋อ โต่.
“ซี เบ่ รอหนิ แลแค ซีเหน่. เด๊อ แวขว่าแวคยา เร๊อ อู อา ปื่อ ซี ปา, เร๊อ อู เก่ ซูแถ่ ซี เด๊อ เพรเฮ๊เบ่เมโตเต เด๊อ ทวาดุทวาเต เต๊เห่ อา เป๊เส่เง ปา. อู เก่ มือปอ ซี เด๊อ เตจ๊อเบโฮกู ปา. ซี เบ่ ก๊อถ่อโอ่ เด๊อ เพรเป๊อเต เต๊เห่ เร๊อ จ๊อแผ่ เต๊เห่ อาเป๊เส่เง ปา. เร๊อ อา เก่ แด๊เฮอ เจแม๊ ซี ปา เร๊อ ซี เก่ ข่าเฮ๊โล หนิเป่ เหย่ซี เร๊อ เตซิครือมีลา อาหรี่อาแก ปา.
ကြော်ငြာတွေ