เพรโด่แนพู๊ เต๊เห่ 20:27 - ลีเทส่อพ๊าอาเซ เร๊อ เห่ขุทวาลู๊

²⁷ เมเตเฮ๊เรอ ล๋อ เต เด๊อ จอแปแหร่ เซเรหนื่ออื่อ เต๊เห่เนอ, แว ด๊อโอ๊ด๊อบี๊ เร๊อ เตอเจ๋อ โต่. แว เฮ๊โฉ่ซิเง เป่ โทลอเฮ๊อ ซี เฮ๊อ.

Eastern Kayah Shadaw Dialect

²⁷ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤜꤢꤪ꤭ ꤒꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤒꤣꤧ꤬ꤔꤢꤩ꤬ꤥ꤬ꤔꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤠꤢꤧ꤭ ꤘꤢꤪꤥꤘꤢꤪꤙꤤ ꤔꤢꤧ ꤒꤣ꤬ꤡꤣ꤬꤮ ꤒꤥ꤬꤯ ꤠꤢꤧ꤭ ꤟꤢꤩꤏꤥ꤬ꤞꤤꤑꤢꤩ꤭ ꤕ꤫ꤢꤩ꤬ ꤓꤥ꤭ꤜꤢꤪ꤭ꤟꤣꤧ ꤞꤤ꤭ ꤟꤣꤧ꤯

เพรโด่แนพู๊ เต๊เห่ 20:27 ပူးပေါင်းရင်းမြစ်များ

เพรโด่แนพู๊ เต๊เห่ 20:20

ซี ซิเงดื่อเฮ๊อ เน๊อ เตเฮ๊โฉ่โด่แน เต๊อเจ่อเจ่อ เด๊อ อา เก่ ทวาแถ่ เตเมจว่า เด๊อ ซิเง เฮ๊เนอ, แว เมบี๊เมโอ๊แก เร๊อ เตอเจ๋อ โต่. เร๊อ เด๊อ แกแย เบ๊หมู่ อาเกล เบ่เบ่, เด๊อ ซีหี่ซีแพ อากู เบ่เบ่, แว อิซว๊าอี๊แส่ เป่ โทเฮ๊อ ซี เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:4

เป เฮ๊เบ่ แพ๊ ฮู๊ อาโต จอแปแหร่ อาซิปล่อ เนอแพ๊, เมเตเฮ๊เรอ เป แม๊เถอะ เบ่น๊อ โทเฮ๊อ เตจาเตจือ เร๊อ เป ซิปล่อ ปย๊าเป่ โต่ อาขว่าอาคยา, อา หยื่อเอ่ ซิเลหนิ เป เร๊อ อา เด๊อะตาเฮ๊อ เตซิครือมีลา เออ เด๊อ เป กู๊ยากู เฮ๊อ. เป เฮ๊ ฮู๊ อาโต แกแย ซิปล่อ เนอหม่าโต่. เป เฮ๊ ฮู๊ อาโต จอแปแหร่ เด๊อ อา เจแม๊ เป ซิปล่อเออ เตเพร อา เตซิหยื่อ เนอแพ๊.

โครินธ์ เนอบ่า ต๊าบ่า 4:2

เตอิลอ แลโฮเอ่ อู, เตเม ด๊อโอ๊ด๊อบี๊ อิเตเต๋ เต๊เห่ เนอเบ่เบ่, เตเม เด๊อ อา ทวาแถ่ เตซิเตเร อิเตเต๋ เต๊เห่เนอ เบ่เบ่, เป เมปา ตีกี๋ โต่ เฮ๊อ. เบ๊อะเป แด๊โฉ่โด่แน เป่ อู เร๊อ จอแปแหร่ อาลาอาโหง่ เบ๊อะเนอ, เป เฮ๊เบ่ อิลอแลโฮ อู โต่, เป อิซว๊าแลโฮ ป่าโนเต่อ โหง่ เด๊อ อาโรเต๊เห่ โต่. เด๊อ จอแปแหร่ อา เป๊เส่เง, เป เฮ๊เบ่ อิเตเต๋ เบ่เบ่, เป เมเต อิเตเต๋ เบ่เบ่ เนอ, อาโต ลอปลี แพ๊. แซ่ฮู๊ เหย่ซี ปว๋า เตเพร เก่ ซิเง แลแค เร๊อ เหย่ซี หยื่อเอ่หนิ เป อาเงเนอเรอ, เป เฮ๊โฉ่จ๊อ, เป เมจ๊อ เฮ๊อ เต ฮู๊เนอ เฮ๊อ.

ꤊꤢ꤬ꤜꤢ꤬ꤒꤤ 4:16

หม่าแน๊เรอ กู๊แหน่เออ เด๊อ แว แด๊โฉ่ เป่ ซี เตหมะเตจ๊อ อาขว่าอาคยาเร๊อ หม่า, แว จว๊า ทวาแถ่ แซ่เจ๊อ เฮ๊อ ซี เหล่ซิเถ่ซิฮา แว แอ?

เอเฟซัส 1:11

เด๊อ ครี๊ ขว่าคยาเนอ, จอแปแหร่ นว๊าแถ่เฮ๊อ เป เร๊อ เป เก่ ทวาแถ่ อาแกแย เฮ๊อ. อา แด่แล โทเฮ๊อ อาซิปล่อ อาขว่าอาคยา, อา เม เฮ๊อ ฮู๊เนอ เฮ๊อ. อา เมทวาแถ่ ลอเฮ๊อ เตปว๊า เต๊อเจ่อ ฮู๊ อา ซิหยื่อ เมเนอ เฮ๊อ.

โครินธ์ อาเหร่อเล๊อ ต๊าบ่า 11:23

เมเตเฮ๊เรอ, เต เด๊อ ซี เม เต๊เห่เนอ, อาแซ่เน๊อ ฮู๊ แบ่เจ่ เหย่ซู่ อิซว๊าแก เป่ แว เนอเต๊เห่ โต่. เต เด๊อ อา อิซว๊าแก เป่ แว เต๊เห่เนอหม่า, แว อิซว๊า เป่ เกอ ลอ โทเฮ๊อ ซี เฮ๊อ. แว อิซว๊า เป่ ซี เนอ, เบ๊อะอู อิเชตาแก เฮ๊อ แบ่เจ่ เหย่ซู่ เนอเตเฮ๊ เบ๊อะเนอ, อา พย๊าแถ่ ค๊อมู,

เพรโด่แนพู๊ เต๊เห่ 20:35

แซ่ฮู๊ เป เก่ เมจว่า เบ๊เกอ แกแย เด๊อ อ๊าเจ่เหร่เจ่ เต๊เห่เนอเรอ, แว เม แบ๊บือ ลอ โทเฮ๊อ ซี ปว๋า เต๊อเจ่อ เน๊อ เป โตเบ่ เอครือแรครือ เต, ฮู๊เนอ. เร๊อ ซิเงแถ่เบ่ แลแค แบ่เจ่ เหย่ซู่ อา เตเฮ๊เบ่ เด๊อ อา เฮ๊ เน๊อ, ‘เด๊อะเต เน๊อ อูเนอ พย๊าหนิ เอ๊เล๊อ ปา เจ๊อ เตบุ๊ยเตเตอเรอ เน๊อ อู เด๊อะ เน เนอเจ๊อ,’” คูเปาโล เฮ๊ เป่ เหย่ซี ฮู๊เนอ.

เพรโด่แนพู๊ เต๊เห่ 2:23

ฮู๊ จอแปแหร่ ตี๊หรี่แตแร หนื่ออื่อ เร๊อ อา ซิเงหนื่ออื่อ โทดื่อเฮ๊อ เร๊อ อู เก่ เด๊อะ ตาแก เหย่ซู่ เด๊อ ซี กู๊ยากู ปา เร๊อ ซี นอมือเซอแถ่ อา เร๊อ แกแยจา แกแยมู๊แหม่ เต๊เห่ เด๊ออี๊ถื่อดีเต่ อาลู ปา.

ꤜꤢꤨꤊꤢ꤬ 7:30

หม่าแน๊เรอ จอแปแหร่ ตี๊หรี่หนื่ออื่อ เป่ ฟาริสี เร๊อ เพรอิซว๊า เตซว๊าเตแส่ อาซ๊าร๊า เต๊เห่ อาเง เออเนอ, เหย่ซี จูเอ่ เกออู โต่ เมเตเฮ๊เรอ เหย่ซี เจ เกอ แลแค อาเหน่ เร๊อ เทอ เด๊อ คูยอห์น อา กู่ยากู โต่.

มัทธิว 28:20

โทเรอ อิซว๊าอี๊แส่ แลแค เหย่ซี เน๊อ อา เก่ จูเอ่ ครวาเม ลอฮู๊ แว เฮ๊ แก ซีโหง่ เนอเต๊เห่ นี๋. แว เก่ โอ่เต่อเกอ เร๊อ ซี ปว๊า โพ๊ เจ๊อ ปา, โต่ เจ๊อ เด๊อ เห่ขุ ตื๊อดื่อแก เจ๊อปา เบ่เบ่, แว เก่ โอ่ เกอ เร๊อ ดื่อซีปา.”

ꤛꤥ꤭ꤟꤢ꤬ 15:15

แว เอ๊ ปา ซี เร๊อ หลู่ โต่ เฮ๊อ, เมเตเฮ๊เรอ หลู่ เฮ๊เนอหม่า อา ซิเง เกอเร๊อ เกอ อาแบ่เจ่ อาเตเม อาหรี่อาแก คยา โต่. แว เก่ เอ๊โค๊ เฮ๊อ ซี เน๊อ ซี หม่า แว โคแบ๊ซว๊า เต๊เห่ เฮ๊อ, เมเตเฮ๊เรอ ล๋อ แว หนิโฮ เต เด๊อ แวเพ อา โอ่ เต๊เห่เนอ, แว แด๊โฉ่โล เป่ลอเฮ๊อ ซี เฮ๊อ.

เพรโด่แนพู๊ เต๊เห่ 13:36

“เมเตเฮ๊เรอ จอแปแหร่ เซเรหนื่ออื่อแก เป่ คูดาวิด มู๋ หนู่เค เร๊อ คูดาวิด เมโทแก เบ๊อะอาทือเค เนอ, เร๊อ เด๊อคยาเนอ อา เซอแก. เร๊อ อู โล๊ตาเต่อ ลู เร๊อ อาเพ เด๋อ งย๊าเค เต๊เห่ เร๊อ อาเหน่กล่อ ซอแก เบ๊อะเนอ.