เพรโด่แนพู๊ เต๊เห่ 20:21 - ลีเทส่อพ๊าอาเซ เร๊อ เห่ขุทวาลู๊

²¹ แกแยยิวพู๊ เต๊เห่ เบ่เบ่, แกแยยิวพู๊ หม่าโต่ เต๊เห่ เบ่เบ่, แว เฮ๊ตาชอ แหน่เจ๊อ เหย่ซี เนอหมู่ลอ เน๊อ, ถู่แหล่ เต๊เปล่ แลแค ซี ซิปล่อ เร๊อ หยื่อเอ่แหน่ เกอ แลแค แบ่เจ่ เหย่ซู่, แว เฮ๊ เป่ เหย่ซี ฮู๊เนอ เนอ.

Eastern Kayah Shadaw Dialect

²¹ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤠꤢꤧ꤭ ꤟꤢꤩꤒꤢ꤭ꤏꤢꤪ꤭ ꤔꤢꤧ꤬ꤡꤣꤧ ꤛꤢꤩ꤬ꤞꤤ꤭ ꤔꤣꤧ꤭ꤗꤢꤨ꤬ꤜꤢꤪ꤭ ꤔꤢꤧ, ꤛꤢꤧ꤬ ꤚꤣꤧ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬ ꤚꤣꤧ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤊꤣꤧ꤭ ꤜꤢ꤭ꤋꤢꤧ꤭ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ, ꤠꤢꤧ꤭ ꤟꤢꤩ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤟꤢꤨꤔꤣꤧ꤬ ꤔꤣꤧ꤬꤯

เพรโด่แนพู๊ เต๊เห่ 20:21 ပူးပေါင်းရင်းမြစ်များ

เพรโด่แนพู๊ เต๊เห่ 2:38

คูเปโตร เฮ๊ เป่ เหย่ซี เน๊อ, “แซ่ฮู๊ จอแปแหร่ เก่ ปลวาแก ซี เตซื๊อ เต๊เห่เนอ, ถู่แหล่แต๊แกละกา แลแค ซิปล่อ ปว๋า เตเพร เร๊อ เจ แลแค ซีเหน่ เร๊อ เทอ เด๊อ เหย่ซู่ครี๊ อามุย อากูเนอ, ตื๊อหม่า จอแปแหร่ เก่ เด๊อะ ซี เชหยู่ หม่าเฮ๊อ แหย่โยบูโพ๊แบ่เจ่ เออเนอ ปา.

เพรโด่แนพู๊ เต๊เห่ 11:18

เบ๊อะเหย่ซี หนิโฮ เตหรี่เตแก เออ เบ๊อะเนอ, เหย่ซี เป๊อเจ่ออิแช๊ ปา คูเปโตรโต่, เร๊อ อา ถู่เซ๊แถ่ แลแค จอแปแหร่ เน๊อ, “เก่ อา หม่าแหน่ ฮู๊เนอเฮ๊เรอ จอแปแหร่ เด๊อะเป่เกอเฮ๊อ แกแยยิวพู๊ หม่าโต่ เต๊เห่ เตค๊าขิโตแร๊ เด๊อ อา เก่ ถู่แหล่ เต๊เปล่กา แลแค อาซิปล่อ เร๊อ อา เก่ พย๊าหนิ เกอ แลแค แหย่โยบูโพ๊เซอเพร เฮ๊อ.”

เพรโด่แนพู๊ เต๊เห่ 20:24

หม่าแน๊เรอ แซ่ฮู๊ แว เก่ เมโทแก เตเม เด๊อ แบ่เจ่ เหย่ซู่ เด๊อะแลแก แวเออ อาเงเนอ, แว แด่ดุ ซิโล เกอ เร๊อ ปา เจ๊อ แว ซิปล่อ เซอเพร เออเนอ โต่ เฮ๊อ. เตเม เด๊อ อา นอเม แว เออเต๊เห่ เนอหม่า หม่าเฮ๊อ แว เบ่ ข่าเฮ๊โล เน๊อ จอแปแหร่ อาบุ๊ยอาเตอเรอ อา เตซิครือมีลา เออ อาหรี่อาแก เออเนอ เฮ๊อ.

ꤜꤢꤨꤊꤢ꤬ 13:3

แว เฮ๊ ซี, เหย่ซี เตซื๊อเตปล๊าโอ่เอ๊เล๊อ เร๊อ ซี หม่าโต่. ซี เบ่เบ่, ซี เก่ ถู่แหล่เต๊เปล่กาคยา เกอ แลแค ซี ซิปล่อ โต่ เฮ๊เนอหม่า, ซี เก่ อาเซอ เกอ ลอ ปว๋า เตเพร ปา.

โครินธ์ เนอบ่า ต๊าบ่า 7:10

เมเตเฮ๊เรอ, เตซิเปลซิหย่อ เด๊อ จอแปแหร่ เด๊อะทวาแถ่ เออเนอหมา, อา นอ ถู่แหล่ เต๊เปล่แก เป ซิปล่อ เด๊อ เป เก่ พย๊าหนิ เมแลเปล๊กา อาเง แพ๊ อาขว่าอาคยา, เป โหล่ เตเนกู่ เปเน๊อ เตซิเปลซิหย่อ เด๊อ จอแปแหร่ เด๊อะทวาแถ่ เออเนอเต๊เห่ โต่. หม่าแน๊เรอ แกแย อาเหล่โกล ซิเปลซิหย่อ เต๊เห่เนอ, อา เด๊อะโอ่แถ่ แพ๊ เตเซอ แพ๊.

ꤚꤥꤗꤢꤩ꤬ 10:9

เก่ เน อ๊อแล เร๊อ เนกู๊อู่ เร๊อ เน เก่ เฮ๊ เร๊อ เหย่ซู่ หม่า แบ่เจ่ เตเพร เร๊อ เน เก่ หยื่อเอ่ เด๊อ เน ซิปล่อกู เน๊อ จอแปแหร่ เมเซอเพร กาคยา เหย่ซู่ เด๊อ เตเซอ เก่เฮ๊เนอ, เน เก่ พย๊าหนิ เตแลเปล๊กา ปา.

เพรโด่แนพู๊ เต๊เห่ 26:18

เน เบ่ บ๊าโมแถ่ เป่ เหย่ซี เต๊เห่ อาเป๊เส่ ปา, โทเร๊อ เน นอตีรี๊ กาคยา คยาแซ๊ เหย่ซี เด๊อ เตคี๊เตตาปา อาเล ปา. เร๊อ เน เก่ ซูจว๊า เหย่ซี เด๊อ เตลี ปา, โท๊โต่ เน เก่ ซูจว๊าโน เหย่ซี เด๊อ อา โอ่ เด๊อ โลเน๊มู๊แหม่รีแจ่ กู่กล๊อ อา เตอเรอฉว่าชอ อาเล เออเนอเต๊เห่ เด๊อ จอแปแหร่ อา เตโพรเตเตอเรอ อาเล ปา. เด๊อ เหย่ซี หยื่อเอ่ แว อาขว่าอาคยา, จอแปแหร่ เก่ ปลวาแก เหย่ซี เตซื๊อ ปา, โท๊โต่ เด๊อ จอแปแหร่ นว๊าแถ่ เกอเร๊อ อาแกแย เนอเต๊เห่อาเหล่โอ่ เออเนอ, เหย่ซี เก่ พย๊าหนิ เกอดื่อ ปา, อา เฮ๊ แว ฮู๊เนอ.’

ꤜꤢꤨꤊꤢ꤬ 24:47

โทเรอ เด๊อ อามุย อากู เร๊อ อู เก่ แด๊โฉ่โด่แน ถู่แหล่แต๊แกละกา ซิปล่อ อาหรี่อาแก เน๊อ เตปลวาแก เตซื๊อเตปล๊า เออเนอเต๊เห่ อาหรี่อาแก ปา. อู เก่ แด๊โฉ่โด่แน อา เด๊อ เก่โร ปวาเต๊อเจ่อ อาเง ปา, เร๊อ อู เก่ เป๊อแถ่ เฮ๊โฉ่เหร่อเล๊อ เด๊อ วีเยรูซาเล็ม อากู เนอปา.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:5

อูเป เตเพร เก่ เมเป่เบ๊ เห่ขุ อาเหล่โกล มู๊แหม่ เออเต๊เห่ เป? ตื๊อแพ๊ แกแย เด๊อ อา หยื่อเอ่ เร๊อ เหย่ซู่ เนอหม่า จอแปแหร่ อาพู๊คู เตเพร เนอเต๊เห่ เก่ เมเป่ ปา.

เพรโด่แนพู๊ เต๊เห่ 26:20

แว จว๊าเล แด๊โฉ่โด่แน เหร่อเล๊อ เป่ อู เด๊อ วีดามัสกัส โทเร๊อ เด๊อ วีเยรูซาเล็ม อากู, เด๊อคยาเร๊อ แว จว๊า เด๊อ ยูดาห์เก่ ปว๋า โต๊โผ่, โท๊โต่ แว จว๊า เกอดื่อ เด๊อ แกแยยิวพู๊ หม่าโต่ เต๊เห่ อาเกลเกล. เร๊อ แซ่ฮู๊ เหย่ซี เก่ ถู่แหล่แต๊แกละกาคยา เกอเร๊อ แลแค อา เตซื๊อเตปล๊าเต๊เห่, โทเร๊อ แซ่ฮู๊ เหย่ซี เก่ ตีรี๊ กาคยาโต คยาแซ๊ อาเหน่ เด๊อ จอแปแหร่ อา โอ่, โท๊โต่ แซ่ฮู๊ อา เก่ เด๊อะโลแถ่แลแค อาเตเม เด๊อ อาแร๊ เต๊เห่ เน๊อ อา ถู่แหล่แต๊แกละ กาโทเฮ๊อ อาซิปล่อ เฮ๊อ อาเงเนอ, แว แด๊โฉ่โด่แน เป่เฮ๊อ เหย่ซี เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:1

อูเป๋ เตเพร เบ่เบ่ อา เก่ หยื่อเอ่ เร๊อ เหย่ซู่ หม่า ครี๊ เฮ๊เนอ, อา ทวาเฮ๊อ จอแปแหร่ อาพู๊อาเลอ เตเพรเฮ๊อ, โท๊โต่ อูเป๋ เตเพร เบ่เบ่ อา เก่ โมเร๊อ เพ เนอหม่า, อา โมเร๊อ เกอดื่อเฮ๊อ อาพู๊อาเลอ เต๊เห่ เฮ๊อ.

ฟีเลโมน 1:5

เมเตเฮ๊เรอ, แว หนิโฮ เด๊อ เน หยื่อเอ่ หม่าแหน่ เฮ๊อ แบ่เจ่ เหย่ซู่ โทเรอ เน โมหนิเร๊อ ลอปลี แกแย หยื่อเอ่ หม่าแหน่ จอแปแหร่ เนอเต๊เห่ อาขว่าอาคยา, แว เฮ๊บุ๊ยเฮ๊เตอเรอ แว จอแปแหร่.

เอเฟซัส 1:15

จอแปแหร่ เด๊อะบุ๊ยเด๊อะเตอเรอ เฮ๊อ เป่ ฮู๊เนอ อาขว่าอาคยา, เป๊อแถ่ เบ๊อะแว หนิโฮ เร๊อ ซี หยื่อเอ่ แบ่เจ่ เหย่ซู่ครี๊ เร๊อ ซี โมหนิเร๊อ จอแปแหร่ อาแกแย เบ๊อะเนอ,

ꤊꤢ꤬ꤜꤢ꤬ꤒꤤ 2:20

เออเนอหมา อา แซ่เฮ๊อ เน๊อ แว เซอ เต่อเกอ เร๊อ ครี๊ เด๊อ อี๊ถื่อดีเต่ อาลู เฮ๊อ. แว โอ่เซอเพร หม่าปาโต่ เฮ๊อ หม่าแน๊เรอ ครี๊ โอ่เซอเพร เฮ๊อ เด๊อ แวกู เฮ๊อ. เตโอ่เซอเพร เด๊อ แว โอ่เซอเพร กู๊แหน่ เออเนอหมา หม่าแพ๊ แว โอ่เซอเพร เด๊อ เตหยื่อเอ่ จอแปแหร่ อาพู๊คู เด๊อ อา โมเร๊อ แว เร๊อ อา เด๊อะแลแก อา ซิปล่อเซอเพร เด๊อ แวเง เออเนอ เตเพร อาคยา แพ๊.

ꤚꤥꤗꤢꤩ꤬ 5:1

ฮู๊เนอเรอ จอแปแหร่ แด่จ๊อแด่เต เฮ๊อ เป เร๊อ เป เตหยื่อเตแหน่ อาคยา เฮ๊อ. เป โอ่โอ่เพรโอ่ดือ โอ่โครโอ่เกล เต่อ คยาแซ๊ เฮ๊อ เร๊อ จอแปแหร่ เฮ๊อ. เพร เม ทวาแถ่ เป่ เป ฮู๊เออเนอหม่า หม่าเฮ๊อ เป แบ่เจ่ เหย่ซู่ครี๊ เฮ๊อ.

ꤚꤥꤗꤢꤩ꤬ 4:24

เตเฮ๊เบ่ เออตือมือ เนอหม่า, เปเง๋ หม่า อา โอ่โนเต่อ หม่าแหน่ เกอ เจ๊อ. เก่ เป หยื่อเอ่ เร๊อ จอแปแหร่ เด๊อ อา เมเซอเพร กาคยา เป แบ่เจ่ เหย่ซู่ เด๊อ เตเซอ เออเตเพร เฮ๊เนอหม่า, อา เก่ แด่เกอ เป ฮู๊ แกแยจ๊อแกแยเต เต๊เห่ ปา.

ꤚꤥꤗꤢꤩ꤬ 1:16

เด๊อ เตซิครือมีลา เออ อาขว่าอาคยา, แว ซิเตเรโต่, เมเตเฮ๊เรอ, ล๋อ แกแย เด๊อ อา หยื่อเอ่ เตซิครือมีลา เออเต๊เห่เนอ, จอแปแหร่ เมแลเปล๊กา ลอ เหย่ซี เน๊อ อา เตโพรเตเตอเรอ เฮ๊อ. อา เมแลเปล๊กา เหร่อเล๊อ แกแยยิวพู๊ เต๊เห่, โทเรอ อา เมแลเปล๊กา เกอโป่ แกแยยิวพู๊ หม่าโต่ เต๊เห่.

เพรโด่แนพู๊ เต๊เห่ 17:30

เบ๊อะอู ซิเง แล๋ จอแปแหร่ โต่ เบ๊อะเนอ, อา แม๊ เบ๊ขุตาโผ่แก แกแย เห่ขุพู๊ อาเตซื๊อ ฮู๊เนอ เต๊อเจ่อ แพ๊. หม่าแน๊เรอ กู๊แหน่เออเนอ, อา เฮ๊ตาเฮ๊อ อาโหง่ เร๊อ แกแย ปว๋า เตเพร เด๊อ อา โอ่ เด๊อ เหล่โอ่ เบ๊อะเต๋ โต๊โผ่เบ่เบ่ อา โตเบ่ ถู่แหล่เต๊เปล่กา แลแค อาซิปล่อ เร๊อ อา โตเบ่ ตีรี๊แม๊ กาคยาโต คยาแซ๊ เด๊อ จอแปแหร่ อา โอ่ ปว๋า เตเพร อา เฮ๊โท ฮู๊เนอ เฮ๊อ.

ꤗꤢ꤬ꤊꤢꤨ 6:12

อา โคเจ่ เต๊เห่ เถ่จว๊าเล แด๊โฉ่โด่แน เป่ แกแย เต๊เห่ เร๊อ อา โตเบ่ เมเต๊เปล่ แลแค อาซิปล่อ, อา เหล่ แด๊โฉ่ เป่ อู ฮู๊เนอ.

ꤗꤢ꤬ꤊꤢꤨ 1:15

เร๊อ อา เฮ๊ เน๊อ, “เบ๊อะแฮโต่เฮ๊อ. จอแปแหร่ อาเทออาเก่ ผื่อแฮเฮ๊อ เร๊อ เม เต๊เปล่ แลแค ซี ซิปล่อ เร๊อ หยื่อเอ่ แลแค มอ แลแค เตซิครือซิลอมีลา เออ.”

มัทธิว 4:17

ตาเป่แฮ เบ๊อะเนอเรอ เหย่ซู่ เป๊อแถ่ แด๊โฉ่โด่แน เป่ อู เน๊อ, “ถู่แหล่แต๊แกละ แลแค ซีซิปล่อ, เมเตเฮ๊เรอ ม๊อขุ อาเทอ อาเก่ ผื่อแถ่เฮ๊อ.”

ꤊꤢ꤬ꤜꤢ꤬ꤒꤤ 3:22

หม่าแน๊เรอ ลีเทส่อพ๊ากู เฮ๊ เนอ, เห่ขุ เออต๊าบ่า ลอเนอ, อา โอ่ ลอ เด๊อ เตซื๊อเตปล๊า อา เตเป๊ออาเล แพ๊. ฮู๊เนอ อาขว่าอาคยา, จอแปแหร่ อา เตเด๊อะบุ๊ยเด๊อะเตอเรอ เออเนอ อา อ๊อแล เน๊อ เป เก่ หยื่อเอ่ เหย่ซู่ ตื๊อหม่า อา เด๊อ เป ปา แพ๊. ซิปล่อเซอเพร ตูจูเพร เออเนอ อา เด๊อะตื๊อแพ๊ แกแย เด๊อ อา หยื่อเอ่ เหย่ซู่ครี๊ เนอเต๊เห่ แพ๊.

ꤊꤢ꤬ꤜꤢ꤬ꤒꤤ 2:16

หม่าแน๊เรอ เป แกแยยิวพู๊ เด๊อ อา หยื่อเอ่ ครี๊ เออเต๊เห่ เนอหม่า, เป ซิเง เร๊อ จอแปแหร่ แด่จ๊อแด่เต แกแย เตเพรเนอหม่า อา แด่จ๊อแด่เต ลู เน๊อ อา ลือครวา เมเกอ เตซว๊าเตแส่ อาคยาเนอ หม่าโต่. หม่าแพ๊ ตื๊อ อา หยื่อเอ่แหน่ เหย่ซู่ครี๊ เออเนอ แพ๊ เป เออเต๊เห่เนอ เบ่เบ่, แซ่ฮู๊ จอแปแหร่ เก่ แด่จ๊อแด่เต เกอ เป เร๊อ เป เตหยื่อเตแหน่ ครี๊ เออ อาคยา เนอเรอ, เป หยื่อเอ่แหน่ เกอเฮ๊อ เหย่ซู่ครี๊ เฮ๊อ. หม่า เด๊อ เป ครวาเมเกอ เตซว๊าเตแส่ อาคยาเนอ หม่าโต่, เมเตเฮ๊เรอ เด๊อ อู ลือครวา เมเบ๊ เตซว๊าเตแส่ อาคยา เร๊อ อู ทวาแถ่เบ๊ แกแยจ๊อแกแยเต เนอ อา โอ่ เตเพร่ว โต่.

โครินธ์ อาเหร่อเล๊อ ต๊าบ่า 1:22

แกแยยิวพู๊ เต๊เห่เนอ, อา เก่ แม๊เถอะ จอแปแหร่ อาเตเม โค๊ตีกลี๊ เต๊เห่ โต่ เฮ๊เรอ, อา หยื่อเอ่ เกอ แลแค เจ๊อ อู เตซิครือมีลา เออเนอ โต่. กรีกเมวเจอะพู๊ เต๊เห่ อาเง เกอลาติ เร๊อ, ครี๊ อา เตซิครือมีลา เออ อา ทวา เตโอ่เล๊อโอ่กลอ เด๊อ เหย่ซีเง แพ๊, เมเตเฮ๊เรอ อา ซิหยื่อ หนิโฮ แลแค แพ๊ แกแย เด๊อ อา โอ่ เน๊อ เตลีแมลีเพ๊ เร๊อ อา เฮ๊เบ่แจ่เฮ๊เบ่โปล เต๊เห่ อา เตเฮ๊เบ่ แพ๊.

ꤚꤥꤗꤢꤩ꤬ 2:4

จอแปแหร่ แร๊ เด๊อ เนขุ บ๋า เต, อา แด่ทูซิปล่อ เป่ เน บ๋า เต, แด่ทูซิปล่อ เป่ เน บ๋า เต เนอ, เน แด่หยื่อโต่ แอ? แซ่ฮู๊ เน เก่ ถู่แหล่เต๊เปล่กา คยา เนซิปล่อ อาเงเนอเรอ, จอแปแหร่ แอ๊จื๊อ เด๊อะโล เป่ เน อาเตโม เตแร๊ เต๊เห่ เด๊อ เนขุ เนอหม่า, เน ซิเง ตาเต โต่ แอ?

ꤚꤥꤗꤢꤩ꤬ 1:14

กรีกเมวเจอะพู๊ เต๊เห่ เบ่เบ่, กรีกเมวเจอะพู๊ หม่าโต่ เต๊เห่ เบ่เบ่, แกแย เตลีแมลีเพ๊ โอ่ เบ่เบ่, แกแย เตลีแมลีเพ๊ โอ่โต่ เบ่เบ่, เตแร แลเบ่เฮ๊อ แว เด๊อ แว เก่เบ่ แด๊โฉ่โด่แน เป่ เมวเจอะ ปว๋า เต๊อเจ่อ เร๊อ เตซิครือมีลา เออเฮ๊อ.

เพรโด่แนพู๊ เต๊เห่ 28:23

ฮู๊เนอเรอ เหย่ซี เฮ๊โอ่ ลู ม๊อเนอม๊อเซ เด๊อ อา เก่ แม๊เถอะ ตาฉื่อ คยาแซ๊ เร๊อ คูเปาโล เร๊อ เบ๊อะเหย่ซี เฮ๊โอ่ ลู เนอเตอเนอเนอ, แกแยยิวพู๊ เต๊เห่ แฮ แลแค เบ๊อะคูเปาโล โอ่ เกอเร๊อ หี่ เนอเตเม อากู, เร๊อ เหย่ซี แฮโหร่ เอ๊เล๊อ เจ๊อ เน๊อ เด๊อ อาเหร่อเค เนอตื๊อหื่อ เจ๊อ. เร๊อ คูเปาโล เป๊อแถ่ เฮ๊โฉ่โด่แนโล เป่ เหย่ซี เร๊อ จอแปแหร่ อาเทออาเก่ อาหรี่อาแก เร๊อ อาข่าเฮ๊โล หนิ อาหรี่อาแก เด๊อ เหมาะลี โต่ เจ๊อ เด๊อ เหมาะคี๊ เจ๊อ. แซ่ฮู๊ เหย่ซี เก่ หยื่อเอ่ เหย่ซู่ อาหรี่อาแก เอออาเงเนอเร๊อ, อา แอ๊จื๊อ เฮ๊โฉ่ซิเงโปล เป่ เหย่ซี เร๊อ คูโมเสส อา เตซว๊าเตแส่ เนอเต๊เห่ เน๊อ เพรโพรเฮ๊หนื่ออื่อ เนอเต๊เห่.

เพรโด่แนพู๊ เต๊เห่ 16:31

เร๊อ เหย่ซี เฮ๊ฉื่อ ลู เน๊อ, “หยื่อเอ่แลแค แบ่เจ่ เหย่ซู่ เออเนอ, เร๊อ เน เด๊อ แกแย เด๊อ อา จว๊า โอ่ลอเกอ เร๊อ เน เด๊อ เนหี่กู เต๊เห่เนอ, อา เก่ พย๊าหนิ ดื่อ เตเมแลเปล๊กา ปา.”

เพรโด่แนพู๊ เต๊เห่ 10:43

เพรโพร ปว๋า เตเพร แด๊โฉ่โด่แน หนื่ออื่อ โทเฮ๊อ อา อาหรี่อาแก เร๊อ เหย่ซี เฮ๊ เน๊อ, ‘ล๋อ แกแย เด๊อ อา หยื่อเอ่แลแค ลู เต๊เห่เนอ จอแปแหร่ เก่ ปลวาแก แฮเง เหย่ซี เตซื๊อ เร๊อ เหย่ซู่ อาคยา ปา,’” คูเปโตร เฮ๊ เป่ เหย่ซี ฮู๊เนอ.

เพรโด่แนพู๊ เต๊เห่ 8:25

เบ๊อะคูเปโตร เร๊อ คูยอห์น แด๊โฉ่โล เป่ อู เร๊อ เต เด๊อ อา ซิเง แม๊เถอะน๊อ โทเฮ๊อ เหย่ซู่ครี๊ อาหรี่อาแก เนอเต๊เห่ เร๊อ โด่แนโล เป่ โท อู เร๊อ แบ่เจ่ อาลาอาโหง่ เบ๊อะเนอ, เหย่ซี กาคยา คยาแซ๊ เด๊อ วีเยรูซาเล็ม. เบ๊อะเหย่ซี กา เด๊อ แกล๊ลู เบ๊อะเนอ, อา เลกา เด๊อ สะมาเรีย ดอโอ่เอ๊ลู เร๊อ อา โน ตอดอ เถ่ ตอดอ เร๊อ อา เล แด๊โฉ่โด่แน โล กา เป่ อู เตซิครือมีลา.

เพรโด่แนพู๊ เต๊เห่ 3:19

แซ่ฮู๊ จอแปแหร่ เก่ ปลวาแก ซีเตซื๊อ เนอเร๊อ, ถู่แหล่แต๊แกละกา แลแค ซี ซิปล่อ เร๊อ กี่กย๊า กาคยา คยาแซ๊ แลแค เด๊อ จอแปแหร่ อา โอ่. ซี เก่ เมฮู๊เนอ เฮ๊เรอ ช๋า ม๊อเนอโตม๊อเนอเบ่ เฮ๊อ ปาเนอ แบ่เจ่ จอแปแหร่ อา เด๊อะอ๊าเด๊อะเหร่ คยา ซี ปา.

เพรโด่แนพู๊ เต๊เห่ 2:40

คูเปโตร เฮ๊รอเฮ๊เร หนื่ออื่อ เอ๊ลา เหย่ซี, โท๊โต่ อา เด๊อะอ๊าเด๊อะเหร่ เหย่ซี เน๊อ, “เมแลเปล๊กา แลแค ซีเหน่ เร๊อ เตเมจากาคยา เด๊อ อา เตเร แฮเบ่ แกแย มู๊แหม่รีแจ่ เออตือทือ เนอเต๊เห่ นี่!”

ꤛꤥ꤭ꤟꤢ꤬ 20:31

หม่าแน๊เรอ อู ราโอ่ ลี เออต๊าบ่า หม่า แซ่ฮู๊ ซี เก่ หยื่อเอ่ เร๊อ เหย่ซู่ หม่า เพรเมแลเปล๊กา เมสิยาห์, อา หม่า จอแปแหร่ อาพู๊คู เตเพร, เร๊อ เด๊อ ซี หยื่อเอ่ ลู อาขว่าอาคยา, เร๊อ ซี เก่ พย๊าหนิ ซิปล่อเซอเพร อาเงเนอ, อู รา เป่ ซี แพ๊.

ꤛꤥ꤭ꤟꤢ꤬ 3:36

แกแย เด๊อ อา หยื่อเอ่แหน่ พู๊คู เออเตเพร เต๊เห่เนอ, อา พย๊าหนิ ซิปล่อเซอเพร ตูจูเพร. เร๊อ แกแย เด๊อ อา หนิดา เกออู โต่ เร๊อ อา หยื่อเอ่แหน่ เกออู พู๊คูเออ โต่ เต๊เห่เนอ, อา พย๊าหนิ เกออู ซิปล่อเซอเพรโต่. จอแปแหร่ อาเต เมจากาคยา ตาโอ่ เด๊อ แกแย เนอเต๊เห่ อาลู.”

ꤜꤢꤨꤊꤢ꤬ 15:10

ฮู๊เนอเฮ๊อ, แว เฮ๊ ซี๋, เพรเตเหล่ซื๊อโอ่ เตเพร ถู่แหล่แต๊แกละกาคยาแซ๊ อาซิปล่อ อาขว่าอาคยา, จอแปแหร่ อา เตเน่วม๊อขุพู๊ เต๊เห่ ซิครือซิลอ แหน่เจ๊อ.”

ꤜꤢꤨꤊꤢ꤬ 15:7

อา แซ่ เกอดื่อ ฮู๊เนอเฮ๊อ, แว เฮ๊ ซี, เพรเตซื๊อพู๊ เตเพร ถู่แหล่เต๊เปล่กา คยาแซ๊ อาซิปล่อ อาขว่าอาคยา, เด๊อ ม๊อขุเนอ อู เก่ ซิครือซิลอ เล๊อเล๊อ ปา เจ๊อ เร๊อ แกแยจ๊อ แกแยเต่ ลุยซว๊าเตอเชอ เร๊อ ลุยซว๊าเตเพร เด๊อ อา โหล่ ถู่แหล่เต๊เปล่กาเกอ อาซิปล่อ โต่ เออเนอ เต๊เห่ เจ๊อ.

ꤜꤢꤨꤊꤢ꤬ 13:5

อาหม่าโต่, แว เฮ๊ ซี, ซี เออเต๊เห่ เบ่เบ่, ซี เก่ ถู่แหล่แต๊แกละแลแค ซีซิปล่อ โต่ เฮ๊เนอหม่า, ซี เก่ เซอเกอ ลอ ปว๋า เตเพร ปา.”

มัทธิว 3:2

เร๊อ อา เฮ๊ เน๊อ, “ถู่แหล่แต๊แกละ แลแค ซีซิปล่อ, เมเตเฮ๊เรอ ม๊อขุ อาเทออาเก่ ผื่อแถ่เฮ๊อ.”

โคโลสี 2:5

เมเตเฮ๊เรอ, แว เหน่กล่อ โอ่เต่อเกอ เน๊อ ซี โต่ ตื๊อดื่อเรอ แว ซิปล่อ จิจือ เน๊อ ซี เร๊อ แว หนิโฮ เด๊อ ซี โอ่ลู เร๊อ ซิปล่อ เตเม๊วโต, โท๊โต่ ซี ปื่อหม่าปื่อกลอ เตหยื่อเตแหน่ เด๊อ ครี๊ อากู อาขว่าอาคยา, แว ซิครือซิลอ แหน่เจ๊อ.

เพรโด่แนพู๊ เต๊เห่ 24:24

เด๊อคยา โซลุยแงเนอเนอ, คุ๊ยดุ เฟลิกส์ เร๊อ อาเม โหมะดรูสิลลา หม่าดื่อ ยูดาโหมะ เออเตเพร แฮ เร๊อ อา นอจว๊าเอ๊ อู เร๊อ คูเปาโล เร๊อ อา หนิดา แม๊ คูเปาโล เฮ๊เบ่ เป่ ลู เน๊อ เตหยื่อเตแหน่เหย่ซู่ครี๊ อาหรี่อาแก.

เพรโด่แนพู๊ เต๊เห่ 19:17

ล๋อ แกแยยิวพู๊ เร๊อ เมวเจอะ โร กรีก เมวเจอะพู๊ เร๊อ อา โอ่ เบ๊อะวีเอเฟซัส อากู เนอเต๊เห่ หนิโฮ ลอปลี เตเม ทวาแถ่ อาเหน่ เออเต๊อเจ่อ. เร๊อ เหย่ซี ซิอิเช ลอปลี เจ๊อ เร๊อ เหย่ซี แด่ดุหยื่อแหน่, เร๊อ ถู่เซ๊แถ่หนิ แลแค แบ่เจ่ เหย่ซู่ อามุย.

ꤜꤢꤨꤊꤢ꤬ 16:28

แว โป่แหว่ เพรคู โอ่แก ปา เจ๊อ ซิแง เจ๊อ. แซ่ฮู๊ อา เก่ แฮโตเกอ แต่ เบ๊อะเตจาเตจือ อาเหล่โอ่ เออโต๊โผ่ แต่เม เนอ, ปลวากา เหร่อเป่ แว คูลาซารัส เนอ. เร๊อ นอกา เด๊อ แด๊โฉ่ เด๊อะรอเด๊อะเร เร๊อเป่ เน๊อ เหย่ซี เนอเต๊เห่.’

เพรโด่แนพู๊ เต๊เห่ 20:23

แว ซิเง แพ๊ เต๊อเจ่อเจ๋อ แพ๊ เน๊อ, เด๊อ วี ปว๊าตีวี อากูเนอ, แหย่โยบูโพ๊แบ่เจ่ เด๊อะรอ แว เน๊อ อู เบ่ จอกลอ หม่า แว ปา. เร๊อ เพร เมแป่เมเชแว เต๊เห่เนอ, อา โอ่ป่อ หนื่ออื่อเฮ๊อ แวแกล๊ เฮ๊อ.