เพรโด่แนพู๊ เต๊เห่ 20:19 - ลีเทส่อพ๊าอาเซ เร๊อ เห่ขุทวาลู๊

¹⁹ เบ๊อะแว แม๊เถอะเบ่ เจ๊อ เร๊อ เตแป่เตเช เด๊อ แกแยยิวพู๊ เต๊เห่ เครเม มู๊แหม่รีแจ่ เจ๊อ แว อาเบ๊อะเนอ ตื๊อดื่อเรอ แว ย๊อ แรเต เด๊อ จอแปแหร่ อาเง อาขว่าอาคยา, แว เบ่ เป๊เส่เทอ ตา เจ๊อ. โท๊โต่ แว เบ่ แด่ทูซิปล่อ ตื๊อดื่อ เจ๊อ เด๊อแว ซิปล่อ.

Eastern Kayah Shadaw Dialect

¹⁹ ꤙꤣꤧ ꤠꤢꤧ꤭ ꤗꤢꤧꤓ꤫ꤣꤧ꤬ꤙꤢꤩ꤬ ꤡꤣꤧ ꤔꤢꤧ ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤘꤣ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤋꤚꤢꤩ꤬ꤗꤢꤩ꤬ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤡꤣꤧ ꤠꤢꤧ꤭ ꤢ꤬ꤋꤢꤩ꤭ꤔꤣꤧ꤬, ꤒꤣꤧ꤬ꤘꤢꤦꤚꤣꤧ꤬ ꤠꤢꤧ꤭ ꤜꤢ꤭ ꤗꤢꤩ꤬ꤒꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤑꤢꤩ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ ꤠꤢꤧ꤭ ꤙꤢꤩ꤬ ꤕꤣꤧꤞꤢꤩ꤬ꤓꤣꤧ꤭ ꤒꤢ꤭ ꤡꤣꤧ꤯ ꤓꤥ꤭ꤒꤥ꤬ ꤠꤢꤧ꤭ ꤙꤢꤩ꤬ ꤏꤢꤧ꤬ꤜꤢꤧ꤬ ꤒꤣꤧ꤬ꤘꤢꤦ꤬ ꤡꤣꤧ ꤠꤢꤧ꤭ ꤞꤤꤕꤜꤢꤪ꤬꤯

เพรโด่แนพู๊ เต๊เห่ 20:19 ပူးပေါင်းရင်းမြစ်များ

โคโลสี 3:24

เมแร๊ แลแค ซี เตเม นี๋, เมเตเฮ๊เรอ ซี ซิเง เร๊อ แบ่เจ่ เก่ เด๊อ ซี อู่เจเต๊เหย่ ฮู๊ ซี เมเนอ ปา. แบ่เจ่ เด๊อ ซี เม เป่ ลู เออเตเพร เนอหม่า แบ่เจ่ ครี๊ เออเนอเฮ๊อ.

โครินธ์ เนอบ่า ต๊าบ่า 2:4

เบ๊อะแว ราจว๊า เป่ ซี ลี เนอต๊าบ่า เบ๊อะเนอ, แว ซิปล่อโม เจ๊อ ตีกี๋ โต่, อากู่อาแก แหน่เจ๊อ แว. โท๊โต่ แว เป๊เส่เทอ บาตีปี๋ เจ๊อ. หม่าแน๊เรอ แว ซิหยื่อ เมซิเปล ซิหย่อ ซี ฮู๊เนอ หม่าโต่, แว ซิหยื่อ นอซิเง ซี เร๊อ แว โม เจ๊อ ซี บ๋า เต ฮู๊เนอแพ๊.

ꤚꤥꤗꤢꤩ꤬ 12:11

เมครือ แลแค แบ่เจ่ อาเตเม นี๋. เตเกล แลแค แต่เหม่ นี๋. ดา เมเฮ๊อ แบ่เจ่ อาเตเม เฮ๊อ เฮ๊เนอหม่า แด่ชอ แลแค ซี ซิปล่อ นี๋.

เพรโด่แนพู๊ เต๊เห่ 20:3

อา จว๊าโอ่ เบ๊อะเนอ โซเล โทเร๊อ อา โอ่ ตี๊หรี่แตแรเฮ๊อ อาเหน่ เร๊อ อา เก่ เถ่จว๊า เด๊อ ซีเรียเก่ เน๊อ ส่อเกลอดุ ตื๊อดื่อเรอ อา ซิเง เร๊อ แกแยยิวพู๊ เต๊เห่ เคร เมเซอ ลู อาขว่าอาคยา, อา แด่แล คยาแซ๊ อาซิปล่อ เร๊อ อา เก่ กาโน จว๊าตาลว๊า คยาแซ๊ มาซิโดเนียเก่ เร๊อ อากู๊โด่.

โครินธ์ เนอบ่า ต๊าบ่า 7:5

เบ๊อะเป แฮโต่เฮ๊อ เด๊อ มาซิโดเนียเก่ เบ๊อะเนอ, เตแป่เตเช เออ อา ครวาตื๊อดื่อ เกอปา เร๊อ เป, อา โอ่โก๊โต่, เมเตเฮ๊เรอ เบ๊อะเนอเค แกแย เด๊อ อา ซิเถ่ เป เต๊เห่เนอ อา แฮกย๊าแฮงา เป เร๊อ เป ซิปล่อกู่ ซิปล่อแก แหน่เจ๊อ.

ꤡꤛꤢꤩ꤭ꤗꤢ꤬ꤎꤣ꤬ 1:2

แว โป่แหว่ ซี๋, เบ๊อะซี๋ แม๊เถอะ ป่อชิเต่อเบ่ เร๊อ เตแป่เตเช เตอิลออี๊โหล่ ปว๋า เต๊อเจ่อ กาเบ่ ซี เบ๊อะเนอ, แด่ อา ฮู๊ เตซิครือ อาดุ เต๊อเจ่อ เด๊อ ซิเง เนอ นี๋.

ฟีลิปปี 3:18

เด๊อ อาเหร่อเคเนอ หม่า, แว แด๊โฉ่ โตโมโม เป่ลา เฮ๊อ ซี เฮ๊อ. กู๊แหน่เออ แว เฮ๊ เป่ โป่ คยาแซ๊ ซี เร๊อ เป๊เส่เทอ. แกแย เด๊อ อา แด่ แลแค อา ซิปล่อสู่เทอ เนอ อา ซิเถ่ซิฮา ครี๊ อาเตเซอ อาโหง่แลช๊า เด๊อ อี๊ถื่อดีเต่ลู เต๊เห่เนอ อา โอ่ เอ๊แหน่เจ๊อ.

เอเฟซัส 6:7

เม ฉาเผร่แหน่เจ๊อ เป่ เหย่ซี แซ่เน๊อ ซี เม เป่ ม๊อขุ แบ่เจ่ อาเตเม เนอ นี๋, จว๊า เตเน แต่ เร๊อ ซี เม เป่ เห่ขุ แบ่เจ่ อาเตเม เต๊เห่เนอ แต่เหม่ นี๋.

ꤊꤢ꤬ꤜꤢ꤬ꤒꤤ 1:10

แว เฮ๊ ฮู๊เออ เนอหม่า อาแซ่เน๊อ แว แอ๊จื๊อ ครวาลือ เกอ แกแยเห่ขุพู๊ อาซิปล่อ ฮู๊เนอ แอ? แว ซิหยื่อ ครวาลือ เกอ แกแยเห่ขุพู๊ อาซิปล่อ ฮู๊เนอ หม่าโต่. แว ซิหยื่อ ครวาลือเกอ ฮู๊ จอแปแหร่ อาซิปล่อ เนอแพ๊. แว เก่ แอ๊จื๊อ ครวาลือ เมโม ตื๊อดื่อปา แพ๊ แกแยเห่ขุพู๊ เต๊เห่ อาซิปล่อ แพ๊ เฮ๊เนอหม่า, แว หม่า ครี๊ อาหลู่ เตเพร หม่าโต่.

โครินธ์ เนอบ่า ต๊าบ่า 3:5

เป ซิเลแถ่ เกอเร๊อ เป เตแจ่เตลีแม เต๊เห่เนอ หม่าโต่. เป โอ่ เร๊อ เตแจ่เตลีแม เด๊อ เป เมเบ๊เฮ๊อ เตเม เออเต๊เห่ เนอหม่า อา โอ่ เด๊อ จอแปแหร่ อา โอ่ แฮ แพ๊.

เพรโด่แนพู๊ เต๊เห่ 20:31

ฮู๊เนอ อาขว่าอาคยา, รอเรหนิ แลแค ซิเหน่ นี๋. เร๊อ แว อิซว๊าอี๊แส่ หนิ ซี เหมาะคี๊คี๊ เหมาะเชเกลเกล โซหน่า อากู เจ๊อ. โท๊โต่ ปวา โพโพ๋ แว เป๊เส่เทอตา เด๊อ ซิเง เอ๊แหน่เจ๊อเนอ ซิเงแถ่เบ่ แลแค ดื่อนี๋.

เปโตร เนอบ่า ต๊าบ่า 1:1

เป จอแปแหร่ เร๊อ เพรเมแลเปล๊กา เป แบ่เจ่ เหย่ซู่ครี๊ เออเตเพร อา เตจ๊อเตเต อาขว่าอาคยา, ซี หม่า แกแย เต๊เห่ เด๊อ อา พย๊าหนิ เกอดื่อเฮ๊อ เตหยื่อเตแหน่ เด๊อ อาแซ่เน๊อ เป เออเต๊เห่ เฮ๊อ. เร๊อ แว ราจว๊าเป่ ซี ลีเออ. แว หม่า คูซีโมน เปโตร, เร๊อ แว ทวาดื่อ เหย่ซู่ครี๊ อาหลู่ เร๊อ อา เพรโด่แน เตเพร.

เปโตร อาเหร่อเล๊อ ต๊าบ่า 1:6

ฮู๊เนอเร๊อ ซิครือซิลอ แลแค เน๊อ ล๋อ เตเออเต๊เห่ นี๋, หม่าแน๊เรอ กู๊แหน่เออ แตแปล๊เตอเปล๊อ อากูเนอ เตแป่เตเช ปว๊าเต๊อเจ่อ เมกู่เมแก ซี.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:9

เบ๊อะเป แฮ โอ่เล เกอ ซี เบ๊อะเนอ, ซี เอ๊โมฉื่อ แลแค เป ฮู๊เตเนอ, ล๋อ แกแย โอ่ เบ๊อะเนอ เต๊เห่ โด่แน เป่ ลอปลี เฮ๊อ เป. อา โด่แน เป่ เป เร๊อ แซ่ฮู๊ ซี เก่ เมเกอ จอแปแหร่ เด๊อ อา เซอเพร เร๊อ อาจ๊ออาเต หม่าแหน่ เออเตเพร อา เตเมเนอ, ซี วี๊แก แก ลอ เจ๊อ ซี เตจ๊อเบ เตแหย่โย เต๊เห่ เจ๊อ.

ꤚꤥꤗꤢꤩ꤬ 1:9

เบ๊อะแว กุยจ๊อเบแถ่ จอแปแหร่ เบ๊อะเนอ, แว ซิเงแถ่เบ่ ซี ปว๋า โตโพ๊ เจ๊อ. แว เม หม่าแหน่ เจ๊อ ฮู๊เออ เนอหม่า จอแปแหร่ ซิเง แพ๊. แว เม เป่ ลู เตเม เร๊อ แว ซิปล่อซีเม, เร๊อ แว ข่าเฮ๊โล เป่ อาพู๊คู แบ่เจ่ เหย่ซู่ครี๊ อา เตซิครือมีลา อาหรี่อาแก เออ อาคยา เฮ๊อ.

ꤚꤥꤗꤢꤩ꤬ 1:1

แว หม่า คูเปาโล. แว ราจว๊าเป่ ซี ลี เออต๊าบ่า. แว หม่า เหย่ซู่ครี๊ อาหลู่ เตเพร อา เอ๊ แว เร๊อ แว เก่ ทวาแถ่ เพรโด่แนพู๊ เต๊เห่ เตเพร. โทเรอ อา นว๊าแถ่ แว เร๊อ แว เก่ แด๊โฉ่โด่แน เป่ อู เร๊อ จอแปแหร่ อา เตซิครือมีลา.

เพรโด่แนพู๊ เต๊เห่ 27:23

เมเตเฮ๊เรอ, เออเตเซ, จอแปแหร่ เด๊อ แว ทวาเฮ๊อ อาเต เร๊อ แว เมเฮ๊อ อาเตเม เออเตเพร อา เตเน่วม๊อขุ แฮ ก๊อถ่อโอ่ เด๊อ แว ช๊า,

เพรโด่แนพู๊ เต๊เห่ 17:13

เร๊อ เบ๊อะแกแยยิวพู๊ เด๊อ วีเธสะโลนิกา เต๊เห่ หนิโฮเฮ๊อ เร๊อ คูเปาโล แด๊โฉ่โด่แน เป่ โป่ อู เร๊อ จอแปแหร่ อาลาอาโหง่ เด๊อ วีเบโรอา อากู เบ๊อะเนอ, เหย่ซี นอฉว่านอชอ แกแย เบ๊หมู่ เออเต๊เห่ เร๊อ อา นอ เมตอปลอตือซือ อู.

ꤛꤥ꤭ꤟꤢ꤬ 12:26

อูเปเป๋ เบ่เบ่, เด๊อ อา ทวา แว หลู่เล๊ เนอ, อา เบ่ครวา เกอ แว. ตื๊อหม่า, แว โอ่เบ๊อะเต๋ โต๊โผ่ เบ่เบ่, อา เก่ โอ่เกอ เบ๊อะเนอ ปา. แวเพ เก่ แด่ดุแด่ทู แกแย เด๊อ อา ทวา แว หลู่เล๊ เนอเตเพร ปา.

ꤜꤢꤨꤊꤢ꤬ 19:41

เบ๊อะอา แฮผื่อเฮ๊อ เด๊อ วีเยรูซาเล็ม เร๊อ อา แม๊เถอะ เมอเออ เบ๊อะเนอ, อา เป๊เส่เทอตา.

เตเด๊อะโลแถ่ 7:15

ฮู๊เนอ อาขว่าอาคยา, เหย่ซี ก๊อถ่อโอ่ หนิเบ๊เฮ๊อ เด๊อ จอแปแหร่ อาจ๊อแผ่ กู่แกล๊เท แถ่โล อาเป๊เส่เง เฮ๊อ เร๊อ เหย่ซี เม เฮ๊อ ลู เตเม เหมาะคี๊คี๊, เหมาะเชเกลเกล เด๊อ เตหลู่แต โฮกู เนอ เฮ๊อ. เพร เด๊อะ อา โอ่แนโอ่ เด๊อ จ๊อแผ่ อา กู่แกล๊เท แถ่โล อาโอ่ เออเตเพรเนอ, อา เก่ โอ่เกอ เร๊อ เหย่ซี เร๊อ อา เก่ ตอกอเตเก เกอเร๊อ เหย่ซี ปา.

ทิโมธี เนอบ่า ต๊าบ่า 1:4

เบ๊อะแว ซิเงแถ่เบ่ เน เป๊เส่เทอแล เบ๊อะเนอ, แว ซิหยื่อ แม๊เถอะ แหน่เจ๊อ เน, เมเตเฮ๊เรอ แซ่ฮู๊ แว เก่ ซิครือ เล๊อเล๊อบาบา อาเงเนอเรอ, แว ซิหยื่อ แม๊เถอะ เน แพ๊.

เพรโด่แนพู๊ เต๊เห่ 17:5

หม่าแน๊เรอ แกแยยิวพู๊ เต๊เห่ ซิค๊าซิเถ่ เหย่ซี เร๊อ อา จว๊าเอ๊ปล๊อ แกแยจา แกแยมู๊แหม่ เด๊อ อา เลจว๊า เด๊อ เกล๊ กู เออเต๊เห่ เร๊อ อา นอ เมตอปลอตือซือ ลอ เจ๊อ อู ตีวี เจ๊อ. แซ่ฮู๊ เหย่ซี เก่ ปื่อจุ่ยตู๊หรู่ เถ่หนิ เร๊อ คูเปาโล เร๊อ คูสิลาส เด๊อ แกแย เบ๊หมู่ เออเต๊เห่ อา เป๊เส่เงเนอ, แกแยยิวพู๊ เออเต๊เห่ เร๊อ แกแย เบ๊หมู่ เออเต๊เห่ จว๊า โนเมโพร๊ คูยาโสน อาหี่ เร๊อ โนแม๊ปู คูเปาโล เร๊อ คูสิลาส.

เพรโด่แนพู๊ เต๊เห่ 21:27

เบ๊อะเตเมโพ๊เมแปละ ลี อาม๊อเนอ โซซว๊าเตอเนอ ผื่อโทเฮ๊อ อาเบ๊อะเนอ, แกแยยิวพู๊ โอ่ เด๊อ เเอเชียเก่ เต๊เห่ แม๊เถอะ คูเปาโล เด๊อ เตหลู่แต โฮกู, เร๊อ อาจว๊า นอฉว่านอชอ แกแย เบ๊หมู่ เต๊เห่ เร๊อ อา นอปื่อ อู เร๊อ คูเปาโล.