เพรโด่แนพู๊ เต๊เห่ 2:9 - ลีเทส่อพ๊าอาเซ เร๊อ เห่ขุทวาลู๊

⁹ เป เออเต๊เห่เนอ, เต๊เห่เห่ หม่า ปารเธียพู๊, มีเดียพู๊, เอลามพู๊, เมโสโปเตเมียพู๊, แกแยยิวพู๊, ดัปปาโดเซียพู๊, ปอนทัสพู๊ เน๊อ เอเชียพู๊,

Eastern Kayah Shadaw Dialect

⁹ ꤕꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤒꤣꤧ꤬ꤟꤢꤩ꤬ꤟꤢꤩ꤬ ꤗꤢ꤬ ꤕꤢ꤬ꤞꤤ꤬ꤛꤢ꤬ꤖꤢꤨ, ꤗꤢ꤬ꤘꤢꤧꤖꤢꤨ, ꤢꤩꤜꤢꤩ꤬ꤖꤢꤨ, ꤗꤢꤧ꤬ꤏꤥ꤬ꤕꤥ꤬ꤒꤢꤩꤗꤤꤛꤢꤖꤢꤨ, ꤛꤢꤨꤘꤢ꤬ꤖꤢꤨ, ꤊꤢ꤬ꤕꤢ꤬ꤘꤢ꤬ꤊꤤꤖꤢꤨ, ꤕꤢꤪ꤬ꤒꤢꤨꤖꤢꤨ, ꤢ꤬ꤏꤛꤢꤖꤢꤨ,

เพรโด่แนพู๊ เต๊เห่ 2:9 ပူးပေါင်းရင်းမြစ်များ

เห่ขุทวาลู่ 10:22

เร๊อ เมวเจ่อ เด๊อ อากลุยอาลุ๊ย ตากาแล แฮเง เน๊อ เพเชม เต๊เห่ เนอหม่า หม่าเฮ๊อ เอลาม เมวเจ่อ, อัสชูร เมวเจ่อ, อารปัคชาด เมวเจ่อ, ลูด เมวเจ่อ เน๊อ อารัม เมวเจ่อ เนอเต๊เห่ เฮ๊อ.

เห่ขุทวาลู่ 14:1

เบ๊อะเนอเค, ชินาร์เก่ คุ๊ยอาราเฟล, เอลลาสาร์เก่ คุ๊ยอารีโอค, เอลามเก่ คุ๊ยเคโดร์ลาโอเมอร์ เน๊อ โกยิมเก่ คุ๊ยทิดาล ซี เต๊เห่,

เห่ขุทวาลู่ 24:10

เร๊อ อาหลู่เล๊ เนอเตเพร จุ่ย หนิ อาแบ่เจ่ ตีซิโบดุ อาโด เช๊อ เร๊อ อา แด่จว๊า หนิ ตาหมื่ตาเต เน๊อ เชหยู่ เด๊อ อาตว่าอาแร๊เล๊อ เนอเต๊เห่ เร๊อ อา เถ่จว๊า ยา เด๊อ เมโสโปเตเมียเก่ ซิโน ซิโท เพนาโฮร์ โอ่ เกอเร๊อ วี เนอตีวี.

เพรโด่แนพู๊ เต๊เห่ 16:6

เบ๊อะเอเชียเก่กู เนอ, แหย่โยบูโพ๊แบ่เจ่ นอจว๊า แด๊โฉ่โด่แน เหย่ซี เร๊อ จอแปแหร่ อาลาอาโหง่ โต่ อาขว่าอาคยา, เหย่ซี จว๊าโค๊ เร๊อ จว๊าล๊อปลู๊เบ๊แก เร๊อ ฟรีเจียเก่ เน๊อ กาลาเทียเก่.

เพรโด่แนพู๊ เต๊เห่ 18:2

เร๊อ อา จว๊า แม๊เถอะ ตาฉื่อ เร๊อ แกแยยิวพู๊ เตเพร เด๊อ อามุย เร๊อ เพอาควิลลา เออ เบ๊อะเนอ โต๊โผ่. เพอาควิลลา เออเนอ, อา โอ่ เป๊เจ่เค เด๊อ วีปอนทัส เร๊อ อา เร๊อ อาเม โหมะปริสสิลลา แฮโต่เซ แลแค ปาแพ๊ เบ๊อะเนอ แพ๊. คุ๊ยดุ คูครวาดิอัส เฮ๊ตาอาโหง่ เน๊อ ล๋อ แกแยยิวพู๊ เต๊เห่เนอ, เบ่ เถ่จว๊าแก ลอปลี เบ๊อะวีโรม อากูเออ. เด๊อ คุ๊ย เฮ๊ตา อาโหง่ ฮู๊เออ อาขว่าอาคยา, เร๊อ คูอาควิลลา เออ เร๊อ อาเม โหมะปลิสสิสลา เถ่จว๊าแก เด๊อ อิตาลี เก่กู เร๊อ แฮโต่ แลแค เบ๊อะเออ แพ๊. เร๊อ คูเปาโล จว๊า แม๊เถอะ ตาฉื่อ เร๊อ เหย่ซี.

เพรโด่แนพู๊ เต๊เห่ 19:10

เร๊อ อา จว๊า เมโหร่เกอ เตเบ๊อะเนอ เนอหน่า. ฮู๊เนอเรอ ล๋อ แกแยยิวพู๊ เร๊อ แกแยยิวพู๊ หม่าโต่ เต๊เห่ เด๊อ อา โอ่ เด๊อ เอเชียเก่กู เต๊เห่ หนิโฮน๊อ เกอ แบ่เจ่ อาลาอาโหง่.

เพรโด่แนพู๊ เต๊เห่ 19:27

ฮู๊เนอเรอ, ซิอิเช เน๊อ เป เตเอ่เตแร เออ ปย๊าแก. โท๊โต่ แว เบ่ยอ เน๊อ ปาหม่า อู แด่ดุหยื่อแหน่ เกอ ปา แบ่เจ่ โหมะ อาเทมิส อา เตจ๊อเบโฮ โต่. เอเชียเก่ เต๊เก่เล เน๊อ เห่ขุต๊าบ่าลอ จ๊อเบแถ่ ลอปลี อาเทมิส. แว เบ่ยอ เร๊อ แบ่เจ่ โหมะ อาเทมิส อามุย โลเทอโลเก่ เออเนอ, ปาหม่า อา อาโอ่เหม่แก เห่.”

เพรโด่แนพู๊ เต๊เห่ 19:31

คูเปาโล อา โคแบ๊ซว๊า เด๊อ อา ทวา เอเชียเก่ ทวาดุทวาเต เนอเต๊เห่ เจ๊อเบ่เบ่, อา นอซูแฮ เตหรี่เตแก เด๊อ ลูโอ่ เร๊อ อา กุยซิยอ ลู เร๊อ นอแฮ เด๊อะโล แต่ อาเหน่ เด๊อ อู เหล่แลหวิแลวอ อาเหล่โอ่ เออเนอ แต่เหม่ อา แด๊โฉ่โล จว๊า เกอ ลู ฮู๊เนอเนอ.

เพรโด่แนพู๊ เต๊เห่ 2:8

หม่าเมเตเรอ ล๋อ เป เออเต๊เห่ จว๊าหนิโฮ โต่ เหย่ซี เฮ๊เบ่ ลอ เร๊อ เป เตเพร เร๊อ เตเพร อาโหง่ ฮู๊เตเต?

เพรโด่แนพู๊ เต๊เห่ 20:16

แซ่ฮู๊ ม๊อเนอม๊อเซ เก่ ลอแกเดเตเบ๊อะเอเชียเก่กู เออ แต่เหม่เนอ, คูเปาโล แด่แล อาซิปล่อ เน๊อ อา เก่ จว๊า ตาลว๊าแก วีเอเฟซัส. เก่ อาแร๊หนิ เร๊อ คูเปาโล ซิหยื่อ จว๊าโต่ แพรเล๊ เกอ ป่วยเพ็นเทคศเต เบ๊อะวีเยรูซาเล็ม อากูเนอ.

เพรโด่แนพู๊ เต๊เห่ 20:18

เบ๊อะเหย่ซี แฮโต่เฮ๊อ อาเบ๊อะเนอ, คูเปาโล เฮ๊ เหย่ซี เน๊อ, “เป๊อแถ่ เบ๊อะแว แฮโต่ลู่ เด๊อ เอเชียเก่ เนอเตอเนอ ตาเป่แฮเนอ, แว ก๊อถ่อโอ่แน เตอเน๊อ ซี ฮู๊เตฮู๊เตเนอ ซี ซิเง โทดื่อเฮ๊อ.

เพรโด่แนพู๊ เต๊เห่ 20:4

วีเบโรอาพู๊ เพโสปาเทอร์ อาพู๊คู คูปีรัส เร๊อ วีเธสะโลนิกาพู๊ คูอาริสทารคัส เร๊อ คูเสคุนดัส, โทเร๊อ วีเดอร์บีพู๊ คูกายอัส, เร๊อ คูทิโมธี, เร๊อ เอเชียเก่พู๊ คูทีคิกัส เร๊อ คูโตฟีมัส เต๊เห่ ครวาจว๊า เกอเร๊อ ลู.

เพรโด่แนพู๊ เต๊เห่ 21:27

เบ๊อะเตเมโพ๊เมแปละ ลี อาม๊อเนอ โซซว๊าเตอเนอ ผื่อโทเฮ๊อ อาเบ๊อะเนอ, แกแยยิวพู๊ โอ่ เด๊อ เเอเชียเก่ เต๊เห่ แม๊เถอะ คูเปาโล เด๊อ เตหลู่แต โฮกู, เร๊อ อาจว๊า นอฉว่านอชอ แกแย เบ๊หมู่ เต๊เห่ เร๊อ อา นอปื่อ อู เร๊อ คูเปาโล.

เพรโด่แนพู๊ เต๊เห่ 24:18

เบ๊อะแว หลู่แตแถ่ เต เด๊อ เตหลู่แต โฮกู เบ๊อะเนอ, เหย่ซี แม๊เถอะ แว. แว เม โทปลื๊อแร๊ เตเมโพ๊แปละ แถ่ แวเหน่ ฮู๊ เตจ๊อบู่จ๊อเบ เหล่โกลเหล่แบ่ โอ่ เนอแพ๊. เร๊อ แว เมโพ๊แปละ โท แวเหน่ เร๊อ, เด๊อเหร่อเนอ แว เม ซู๊ซีซู๊ซ๊า ซิค๊าซิเถ่ อู เตอเจ๋อ โต่. เบ๊อะแว ช๊าเนอ แกแย โอ่แพ๊ ตูกูเตเพร แพ๊, แกแย เบ๊หมู่ โอ่ เน๊อ โต่.

เพรโด่แนพู๊ เต๊เห่ 27:2

ส่อเกลอดุ เต๊เบ่ อา โอ่ เด๊อ วีอาดรามิททิยุม เร๊อ อา แฮ เร๊อ อา เตเร เถ่จว๊า เด๊อ วี เด๊อ อา โอ่รว๊า เทอดุซาวาทือ เด๊อ เอเชียเก่ เต๊เห่ เร๊อ เป แถ่ แถ่แด๊หนิ ลู. แกแย มุย เร๊อ คูอาริสทารคัส เด๊อ อา โอ่ เด๊อ วีเธสะโลนิกา, เด๊อ มาซิโดเนียเก่ อา เตเป๊ออาเล โอ่เตเพร เร๊อ อา จว๊า เต่อเกอ เร๊อ เป.

เพรโด่แนพู๊ เต๊เห่ 6:9

หม่าแน๊เร๊อ แกแย เด๊อ อา เคร๊ฉื่อ ลู เนอ อา โอ่ เต๊เห่. เหย่ซี หม่า แกแย ตู๊หมู่ เด๊อ อา โน โอ่เตอเกอ เด๊อ (ฮู๊ อู เอ๊ เหย่ซี เร๊อ) แกแยยิวพู๊ เด๊อ อา พย๊าหนิ เตปาลา เต๊เห่ อา เตจ๊อเบโฮ ตู๊หมู่ตอกล๊อ. เหย่ซี หม่า อา โอ่ เด๊อ วีไซรีน เร๊อ วีอเล็กซานเดรีย อากู. เหย่ซี เออเต๊เห่ เร๊อ แกแยยิวพู๊ เด๊อ อาโรเต๊เห่ เด๊อ อา โอ่ เด๊อ ซีลีเซียเก่ เร๊อ เอเชียเก่ ซี เต๊เห่เนอ, อา เป๊อแถ่ เคร๊แขระฉื่อ คูสเทเฟน.

เพรโด่แนพู๊ เต๊เห่ 7:2

เร๊อ คูสเทเฟน แด๊ เป่ เหย่ซี เน๊อ, “โป่แหว่โหมะเพ ซี๋, หนิดา แลแค แว เฮ๊ เป่ ซี เออ! เบ๊อะเปเพ เพอับราฮับ จว๊าโอ่ แต่ล๋าย เด๊อ วีฮาราน ล๋ายโต่, เร๊อ อา โอ่ปา แพ๊ เบ๊อะเมโสโปเตเมีย เบ๊อะเนอ, จอแปแหร่ เด๊อ อา เล๊อบา เร๊อ เตเตอเรอดุ เตอเรอทู เออเตเพร โอ่โลแถ่ เป่ ลู เด๊อ อา เป๊เส่เง.

ꤚꤥꤗꤢꤩ꤬ 16:5

เฮ๊โมเฮ๊แร๊ เป่เกอ แว เพรหยื่อเอ่เต ตู๊หมู่ตอกล๊อ เด๊อ อา แฮ จ๊อบู่จ๊อเบ เกอ เด๊อ ลู หี่ เนอเต๊เห่ นี๋. เฮ๊โมเฮ๊แร๊ หนิเป่ เกอ แว โคแบ๊ซว๊าโม คูเอเปเนทัสนี๋. แกแย เด๊อ อา หยื่อกา เหร่อเล๊อ อู ครี๊ เด๊อ เอเซียเก่กู เนอหม่า อา เฮ๊อ.

โครินธ์ อาเหร่อเล๊อ ต๊าบ่า 16:19

เพรหยื่อเอ่เต ตู๊หมู่ตอกล๊อ เด๊อ อา โอ่ เด๊อ เอเซียเก่กู เออเต๊เห่ ซูแฮ เป่ ซี อาเตเฮ๊โมเฮ๊แร๊ เต๊เห่. เพอาควิลลา เร๊อ อาเม โหมะปริสสิลลา เร๊อ เพรหยื่อเอ่เต ตู๊หมู่ตอกล๊อ เด๊อ อา แฮจ๊อเบ เด๊อ อาหี่ เต๊เห่ ซูแฮ เป่เกอ ซี เหย่ซี อาเต เฮ๊โมเฮ๊แร๊ เด๊อ ครี๊ อากู.

โครินธ์ เนอบ่า ต๊าบ่า 1:8

โป่แหว่ ซี๋, เป ซิหยื่อ เด๊อะ ซิเงโล เป่เกอ ซี เร๊อ เบ๊อะเป โอ่ เด๊อ เอเซียเก่ ดุกู เบ๊อะเนอ, เป ข่าเบ่ แหน่เจ๊อ เตจาเตจือ เต๊เห่ อาหรี่อาแก. เตจาเตจือ เด๊อ เป ข่าเบ่ เออเนอ, อาจาอาจือ ตาลว๊าซิลือ เจ๊อ อาขว่าอาคยา, เป เซอเจ๊อเฮ๊อ ปาก๋อ เป เตเน เจ๊อ ฮู๊เนอ.

ทิโมธี เนอบ่า ต๊าบ่า 1:15

เน ซิเง เร๊อ ล๋อ แกแย โอ่ เด๊อ เอเซียเก่กู เต๊เห่เนอ เหย่ซี ตีรี๊ จว๊าโค๊แก ลอปลีเฮ๊อ แว เหล่ เฮ๊อ เร๊อ เด๊อ เหย่ซี เนอเต๊เห่ อาเกลเนอหม่า, คูฟีเจลัส เน๊อ คูเฮอร์โมเกเนส โอ่เต่อเกอดื่อ เบ๊อะเนอ.

เปโตร อาเหร่อเล๊อ ต๊าบ่า 1:1

แว ราจว๊าเป่ ลีเออ เด๊อ แกแย เด๊อ จอแปแหร่ นว๊าแถ่ ลู เร๊อ อา จว๊า โอ่โก๊ แตแปล๊เตอเปล๊อ, อา จว๊า ทวา ซิเผระ เด๊อ อูเทออูเก่, เร๊อ อา โอ่ จว๊าปีชี ลอ เด๊อ อาเหล่โอ่ ปว๋า โต๊โผ่ เด๊อ ปอนทัสเก่, กาลาเทียเก่, คัปปาโดเซียเก่, กาลาเทียเก่, คัปปาโดเซียเก่, เอเซียเก่ เร๊อ บิธีเนียเก่กู เนอเต๊เห่ อา โอ่. แว หม่า คูเปโตร, แว หม่า เหย่ซู่ครี๊ อา เพรโด่แน เตเพร.

เตเด๊อะโลแถ่ 1:11

โหง่พราแถ่ เร๊อ อา เฮ๊ เน๊อ, “ราม๊าราแด เตเด๊อ เน แม๊เถอะ เนอเต๊เห่. โทเรอ ซูจว๊าเป่ ลีเออ เด๊อ เพรหยื่อเอ่ตู๊หมู่ตอกล๊อ โซซว๊าตู๊หมู่ เด๊อ อา หม่าดื่อ วีเอเฟซัส, วีสเมอร์นา, วีเปอร์กามัน, วีธิยาทิรา, วีซาร์ดิส, วีฟีลาเดลเฟีย, วีเลาดีเซีย เด๊อ อา โอ่ แลแค เด๊อ วี โซซว๊าเตอวี เออเต๊เห่ อากูเนอ.”

เตเด๊อะโลแถ่ 1:4

แว หม่า คูยอห์น. แว ราจว๊า เป่ ลีเออ เด๊อ เพรหยื่อเอ่ตู๊หมู่ตอกล๊อ โซซว๊าตู๊หมู่ เด๊อ อา โอ่ เด๊อ เอเซียเก่กู เนอเต๊เห่ อาโอ่. จอแปแหร่ เด๊อ อา เซอเพร มู๋ หนู่เค, โท๊โต่ กู๊แหน่เค๋ หม่า อา เซอเพรเพร, เนอปา หม่า อา เก่ เซอเพรเพร เออเตเพร เร๊อ ซิปล่อเซอเพร โซซว๊าเตเม เด๊อ อา โอ่ เด๊อ ลู กู่แกล๊แถ่โล อาเป๊เส่เง เออเต๊เห่ อาบุ๊ยอาเตอเรอ เร๊อ อา เตโส่เตเคร เออเนอ, ซี เก่ พย๊าหนิดื่อ นี๋.