เพรโด่แนพู๊ เต๊เห่ 2:32 - ลีเทส่อพ๊าอาเซ เร๊อ เห่ขุทวาลู๊32 จอแปแหร่ เมเซอเพร กาคยา โท เหย่ซู่ เออ เด๊อ เตเซอ เร๊อ ล๋อ เป เออเต๊เห่ เนอหม่า เป ทวา เป่ ลู เพรข่าเฮ๊โล เด๊อ เป เก่ ข่าเฮ๊โล เป่ อู เร๊อ อาเตเซอ ก๊อถ่อกาคยา เออ อาหรี่อาแก. အခန်းကိုကြည့်ပါ။Eastern Kayah Shadaw Dialect32 ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤓꤥ꤭ ꤛꤢꤩ꤬ꤏꤛꤢꤨ ꤣꤧ꤭ ꤘꤣ ꤒꤢꤩ꤬ꤞꤣꤧ꤭ ꤚꤣꤧ꤬ ꤜꤢꤪ꤭ ꤕꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤕꤢꤩ꤬ ꤓꤝꤢ꤭ ꤕ꤫ꤢꤩ꤬ ꤜꤢꤨ꤭ ꤖꤚꤢꤩ꤬ꤋꤢꤧꤟꤢꤩꤏꤥ꤬ꤜꤥ꤭ꤒꤢꤩ꤬ ꤘꤣ ꤕꤢꤩ꤬ ꤊ꤫ꤢꤦ꤬ ꤋꤢꤧꤜꤥ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤢ꤬ꤒꤢꤩ꤬ꤞꤣꤧ꤭ ꤊꤣꤧ꤬ꤓꤢꤪ꤬ꤊꤢ꤬ꤋꤛꤢ꤭ ꤣꤧ꤭ ꤢ꤬ꤚꤤ꤬ꤢ꤬ꤊꤢꤧ꤭꤯ အခန်းကိုကြည့်ပါ။ |
เพรโด่แนพู๊ เต๊เห่ 2:32
24 ပူးပေါင်းရင်းမြစ်များ
เร๊อ กู๊แหน่เออ อา เมเล๊อแถ่บาแถ่ เป่เฮ๊อ เป เด๊อ อา หม่า อากลุยอาแล ตากาแล แฮเง เฮ๊อ เป เออเต๊เห่ อา โอ่ เฮ๊อ. เด๊อ จอแปแหร่ เมก๊อถ่อ เซอเพรกา คยาแซ๊ เฮ๊อ เหย่ซู่ เด๊อ เตเซอ อาขว่าอาคยา, อา เมเล๊อบา เป่เฮ๊อ เป เฮ๊อ. ฮู๊ อู ราโอ่ เด๊อ ลีถู่เซ๊แถ่ อามาดุ เนอโต่โต๊โต่ อากูเนอ อา เฮ๊ เน๊อ, ‘เน หม่า แวพู๊คู, เออเต่อเนอเรอ, แว ทวา เฮ๊อ เนเพ เฮ๊อ’
เมเตเฮ๊เรอ, อา แด่หม่าแด่กลอ โทเฮ๊อ ม๊อเนอม๊อเซ เด๊อ อา เก่ เมโตเต จ๊อจ๊อเตเต ลอ เจ๊อ เห่ขุต๊าบ่า ปา. จอแปแหร่ นว๊าแถ่ โทเฮ๊อ เพรเมโตเต เตเพร เฮ๊อ. เร๊อ อา เด๊อะโล เป่ โทเฮ๊อ อูปว๋า เตเพร เร๊อ อาเตข่าเฮ๊โล เฮ๊อ. เร๊อ อา เตข่าเฮ๊โล เออ อาหรี่อาแก หม่า หม่าเฮ๊อ อา เมก๊อถ่อ เซอเพร กาคยา คยาแซ๊ แกแย เนอเตเพร เด๊อ เตเซอ เออเนอเฮ๊อ.”
ล๋อ ซี เออเต๊เห่ เบ่เบ่, อิสราเอล อากลุยอาแล ล๋อ ปลี เบ่เบ่, อา โต ซิเง แลแค เร๊อ แกแย กู๊โด่ด๊าตือรือ เออเตเพร ก๊อถ่อจว๊าแจ่ แร๊กาคยา คยาแซ๊ เด๊อ ซี เป๊เส่เง กู๊แหน่เออ เนอหม่า หม่าเด๊อ วีนาซาเร็ธพู๊ เหย่ซู่ครี๊ อามุย อา เตโพรเตเตอเรอ อาขว่าอาคยา แพ๊. เหย่ซู่ครี๊ หม่า ซี มือเซอแถ่ อา เด๊อ อี๊ถื่อดีเต่ลู เนอเตเพร เฮ๊อ, หม่าแน๊เร๊อ จอแปแหร่ เมเซอเพร กาคยา คยาแซ๊ อา เด๊อ เตเซอ เฮ๊อ.
ตื๊อเออเนอ หม่าโต่, ซี เฮ๊ เร๊อ แกแย เซอโทเนอ อา เซอเพร กาคยา แจ่ปาโต่ เออเนอ อา เก่ หม่าแหน่ เฮ๊เรอ, อา แซ่ เน๊อ ซี เฮ๊ เฮ๊อ เร๊อ จอแปแหร่ เมเซอเพร กาคยา คยาแซ๊ ครี๊ หม่าโต่ ฮู๊เนอ เฮ๊อเนอ อา เก่ หม่าแหน่ ฮู๊เนอ เฮ๊เร๊อ, เป หม่า แกแย เด๊อ อา จว๊า โด่แน แหล่โฮแหล่แห่ เป่ ลอ เฮ๊อ อู เร๊อ จอแปแหร่ อาหรี่อาแก เต๊เห่ เฮ๊อ, เมเตเฮ๊เรอ เป ย๋อ แด๊โฉ่โด่แน เป่ อู เร๊อ จอแปแหร่ เมเซอเพร กาคยา คยาแซ๊ เฮ๊อ ครี๊ ฮู๊เนอ เน๋อ. หม่าแน๊เรอ ซี เฮ๊ เออเต๊เห่ เนอหม่า อาโต เตอเจ๋อ โต่.
แว หม่า คูเปาโล, ลีเออต๊าบ่า หม่า แว รา แพ๊. แว หม่า เพรโด่แน เตเพร. แกแย ตู๊หมู่หมู่ นอทวาแถ่ แว เร๊อ เพรโด่แน หม่าโต่. โท๊โต่, แว ทวาแถ่ เพรโด่แน เด๊อ แกแย เตเพรเพร อา กู๊ยากู หม่า โต่โต่. เหย่ซู่ครี๊ เร๊อ เพ จอแปแหร่ เด๊อ อา เมเซอเพร กาคยา เหย่ซู่ครี๊ เด๊อ เตเซอ เนอเตเพร นอทวาแถ่ แว เร๊อ เพรโด่แน เตเพร แพ๊. โทเรอ โป่แหว่ ครี๊พู๊ ล๋อ ปลี เด๊อ อา โอ่ เกอ เร๊อ แว เบ๊อะเออ เต๊เห่, ซูแฮ เป่ อา เตเฮ๊โมเฮ๊แร๊ เออเต๊เห่ เด๊อ กาลาเทียเก่ เพรหยื่อเอ่เออ ตู๊หมู่ตอกล๊อ เต๊เห่ อา โอ่.
เบ๊อะซี เจ ซีเหน่ เน๊อ เทอ เบ๊อะเนอ, ซี เหล่โกล มู๊แหม่ เต๊เห่เนอ, ซี โล๊ตา เต่อเกอ โทเฮ๊อ เร๊อ ครี๊ เฮ๊อ. เร๊อ ซี เหน่เหล่โกลเม เต๊เห่เนอ, จอแปแหร่ เมเซอเพร กาคยา เต่อเกอ เฮ๊อ เน๊อ ครี๊ เฮ๊อ. เด๊อ ซี หยื่อเอ่หนิ จอแปแหร่ อา เตโพรเตเตอเรออาฉว่าชอ เด๊อ อา เม ก๊อถ่อเซอเพร กาคยา คยาแซ๊ ครี๊ เด๊อ เตเซอ เออ อาขว่าอาคยา, อา ทวาแถ่ โทลอ เฮ๊อ ฮู๊เนอ เฮ๊อ.
แซ่ฮู๊ ซี เก่ เมโตเมเบ่ เป่ดื่อ เตเป เตดวา อา จอแปแหร่ เออเตเพร อาซิปล่อ เนอเรอ, ล๋อ เตแร๊ เด๊อ ซี โหล่เบ่ เต๊เห่เนอ, อา เก่ เด๊อ ลอหล่าตี๊กลิ ดื่อ ซี นี๋. เด๊อ เหย่ซู่ครี๊ อาขว่าอาคยา, จอแปแหร่ เก่ เมดื่อเต เด๊อ เปกู ฮู๊ อา โตดื่อ เน๊อ ลูซิปล่อ เนอเต๊เห่ นี๋. จอแปแหร่ เมเซอเพร กาคยา โทเฮ๊อ เป แบ่เจ่ เหย่ซู่ เด๊อ เตเซอ เฮ๊อ. เร๊อ เด๊อ แบ่เจ่ เหย่ซู่ ข่าเซอ อาซิปล่อ เร๊อ อาสุ่ย เบ่ ทุ๊ยแล อาขว่าอาคยา, อา เมหม่าเมกลอแก โทเฮ๊อ จอแปแหร่ อา เตอ๊อแล อาเซ เด๊อ อา โอ่ ตูจูเพร เออเนอตือมือ เฮ๊อ. เด๊อ อา เมเฮ๊อ ฮู๊เนอ อาขว่าอาคยา, เหย่ซู่ ทวา เฮ๊อ เป เพรเกซิหมิ เด๊อ อาดุเล๊ออู เตเพร เฮ๊อ. เป หม่า เหย่ซีซิหมิ เต๊เห่ เฮ๊อ. อู เก่ แด่ดุแด่ทู ดื่อ เหย่ซู่ครี๊ อา ตูจูเพรเง นี๋.
ကြော်ငြာတွေ