เพรโด่แนพู๊ เต๊เห่ 2:27 - ลีเทส่อพ๊าอาเซ เร๊อ เห่ขุทวาลู๊

²⁷ แว ซิครือซิลอ แหน่เจ๊อ, เมเตเฮ๊เร๊อ เน วีตาแก แว ซิปล่อเซอเพร เด๊อ โลเก่เน๊ดอโต่. เน นอซอนอหล่อแก เน แกแย บูโพ๊ เออเตเพร เด๊อ โลกู โต่.

Eastern Kayah Shadaw Dialect

²⁷ ꤠꤢꤧ꤭ ꤞꤤꤋꤚꤢꤦ꤭ꤞꤤꤜꤢꤪ꤭ ꤔꤢꤧ꤬ꤡꤣꤧ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤔꤢꤧ꤬ ꤠꤤ꤭ꤒꤢ꤭ꤊꤢꤧ꤭ ꤠꤢꤧ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤜꤥ꤭ꤊ꤫ꤢꤩ꤬ꤔꤢꤩꤘꤢꤪ꤭ ꤒꤥ꤬꤯ ꤔꤢꤧ꤬ ꤔꤢꤪ꤭ꤞꤢꤪ꤭ꤔꤢꤪ꤭ꤜꤢꤪ꤬ꤊꤢꤧ꤭ ꤔꤢꤧ꤬ ꤊꤣꤧ꤬ꤛꤢꤧ꤭ ꤘꤣ ꤔꤢꤧ꤬ꤞꤢꤨ꤭ꤟꤢꤧ꤭ ꤣꤧ꤭ꤒꤣ꤬ꤖꤚꤢꤩ꤬ ꤘꤣ ꤜꤥ꤭ꤊꤢꤨ꤭ ꤒꤥ꤬꤯

เพรโด่แนพู๊ เต๊เห่ 2:27 ပူးပေါင်းရင်းမြစ်များ

เพรโด่แนพู๊ เต๊เห่ 2:31

โพดาวิด แม๊เถอะหนื่ออื่อ เร๊อ จอแปแหร่ เก่ เมเต ปา อาขว่าอาคยา, อา เฮ๊เบ่ หนื่ออื่อ เร๊อ ครี๊ เด๊อ จอแปแหร่ นว๊าแถ่ อา เน๊อ เพรเมแลเปล๊กา อู เออเตเพร อา เตเซอก๊อถ่อ เซอเพร กาคยา อาหรี่อาแก เร๊อ อา เฮ๊ เน๊อ, จอแปแหร่ วีแก แก อา เด๊อ โลเก่เน๊ดอ โต่. โท๊โต่ อา นอซอนอหล่อแก ลู โต่.

เตเด๊อะโลแถ่ 1:18

แว หม่า แกแย เด๊อ อา เซอเพร เตเพร. แว เซอ โทเฮ๊อ หม่าแน๊เรอ กู๊แหน่เออ แว เซอเพร ตูจูเพร แตแลเคร๊. แว โอ่เร๊อ เตอเรอฉว่าชอ เร๊อ เตโพร เร๊อ แว เป๊อะลอ เตเซอ เร๊อ โลเน๊มู๊แหม่รีแจ่ดอ เต๊เห่.

เตเด๊อะโลแถ่ 20:13

โทเรอ เทอดุซาวา เออเนอ อา เด๊อะแถ่เกอ อาแกแย เซอ เด๊อ อา โอ่ เด๊อ อากู เนอ เต๊เห่. เตเซอ อาโหมะเพ เร๊อ โลเน๊มู๊แหม่รีแจ่ดอ เต๊เห่เนอ, อา เด๊อะแถ่เกอ แลแค แกแยเซอ โอ่ เด๊อ เหย่ซีกู เนอเต๊เห่เห่. เร๊อ อู เมจากาคยา ลอ แกแย ปว๋า เตเพร ฮู๊ เหย่ซี เมโทเฮ๊อ เตเนอ.

โครินธ์ อาเหร่อเล๊อ ต๊าบ่า 15:55

“เก๋อ เตเซอ, เน เมเป่แจ่ ปา อู โต่. เน โจ๊โกโจ๊เบ อาฉว่าอาชอ เด๊อ อา เก่ เมหน่าเมจา อู เต๊เห่เนอ อา โอ่โต เบ๊อะเต?”

โครินธ์ อาเหร่อเล๊อ ต๊าบ่า 15:52

ช๋า อา ทวาแถ่ เฮ๊อ ปาเนอ, อาแพร แหน่เจ๊อ ปา, อา เก่ แพรเล๊อ ปา เจ๋อ เร๊อ เป บ่อเกล๊ เปเป๊เส่ เนอ ปา เจ๊อ. ม๊อเนอเด๊อคยา ตื๊อดื่อเฮ๊อ ปา เตอเนอเนอ, เป เก่ หนิโฮ กวา พราแถ่ ปา. เบ๊อะกวา พราแถ่ เบ๊อะเนอ, แซ่ฮู๊ แกแย เด๊อ อา เซอ เต๊เห่ เก่ เซอเพร กาคยา แลแค ตูจูเพร ปา อาเงเนอเรอ, เหย่ซี ก๊อถ่อกา เด๊อ เตเซอ ปา. หม่าแน๊เรอ แกแย เด๊อ อา โอ่เซอเพร โต่ปา เบ๊อะเนอเตอเนอ ปา เต๊เห่เนอ, อาเหน่กล่อ เต๊เห่ เก่ ถู่แหล่ เต๊เปล่ กาลอ ปา.

ꤛꤥ꤭ꤟꤢ꤬ 11:39

เร๊อ อา เฮ๊ อู เน๊อ, “ถู่ลอ ตาพาแก หล่อดุ เออเนอ.” หม่าแน๊เรอ แกแยเซอ เออเตเพร อา แหม่เพรเหมาะ เหมาะมารธา เฮ๊ฉื่อ ลู เน๊อ, “แบ่เจ่, โต่กู๊แหน่ เออเนอ, อา เซอ บาเฮ๊อ ลุยเนอเฮ๊อ. อา เก่ โนซอโนแหม่ ลอเฮ๊อ,” อา เฮ๊ ลู ฮู๊เนอ.

เตเด๊อะโลแถ่ 3:7

“ราจว๊า ลีเออ เด๊อ วีฟีลาเดลเฟีย เพรหยื่อเอ่ตู๊หมู่ตอกล๊อ อา เตเน่วพู๊ อาโอ่ เนอ,” อา เฮ๊ แว ฮู๊เนอ. เร๊อ อา เฮ๊ เน๊อ, “เตหรี่เตแก เออเนอหม่า อา แฮ เด๊อ เพร เด๊อ อาบูโพ๊ อาจ๊ออาเต เออเตเพร อาโอ่. อา ปื่อหม่าโอ่ หนิ คุ๊ยดาวิด อาชอถิ. เบ๊อะอา บ๊าโม กู่ดา เบ๊อะเนอ, อู เมบี๊แจ่ เตเพร่ว โต่. เร๊อ เบ๊อะอา เมบี๊ เบ๊อะเนอ, อู บ๊าโมแจ่ เตเพร่ว โต่.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:20

หม่าแน๊เรอ เหย่ซู่ครี๊ เด๊อะแล แหย่โยบูโพ๊ แบ่เจ่ เด๊อ ซีโหล่ อาขว่าอาคยา, ล๋อ ซี เออเต๊เห่ เนอหม่า ซีซิเงเฮ๊อ เตหมะเตจ๊อ เฮ๊อ.

ꤜꤢꤨꤊꤢ꤬ 4:34

“เก๋อวีนาซาเร็ธ อาพู๊ เหย่ซู๋, เน ซิหยื่อ เม เป ฮู๊เต? เน เซเร แฮ เมปย๊าเมหลู่แก เมเซอเมเหม่ แกลอเฮ๊อ เป ปาแอ? เน หม่า อูเป เนอหม่า แว ซิเง แพ๊, เน หม่า จอแปแหร่ อาพู๊คู โพ๊แปละบูโพ๊ เตเพร.”

ꤜꤢꤨꤊꤢ꤬ 1:35

เร๊อ เตเน่วม๊อขุ เฮ๊ฉื่อ อา เน๊อ, “แหย่โยบูโพ๊แบ่เจ่ เก่ แฮแล ดื่อ เด๊อ เนลู ปา. เร๊อ เตดุเตทู ตื๊อดื่อ จอแปแหร่ อา เตโพรเตเตอเรอ เก่โอ่เกอดื่อเนปา. เร๊อ เป๊เจ่พู๊เด๊ออาเกเรโอ่ เป๊เจ่ ปา เออเตเพรเนอ อาโพ๊แปละบูโพ๊ปา. เร๊อ อู เก่ เอ๊ ลู เร๊อ จอแปแหร่ อาพู๊คู ปา.

ꤗꤢ꤬ꤊꤢꤨ 1:24

เร๊อ อา เอ๊โทแถ่ เน๊อ, “เก๋อ แกแย วีนาซาเร็ธพู๊ เหย่ซู๋, เน ซิหยื่อ เม เป ฮู๊เต? เน เตเร แฮ เมปย๊าเมหลู่ เมเซอเมเหม่ แกลอเฮ๊อ เป ปาแอ? เน หม่า อูเป เนอ หม่า แว ซิเง แพ๊, เน หม่า จอแปแหร่ อาพู๊คู บูโพ๊ เตเพร.”

มัทธิว 11:23

เก๋อ วีคาเปอรนาอูมพู๊ ซี๋, ซี เตเน แลแค เร๊อ จอแปแหร่ อา แด่แถ่โล โต่ เจ๊อ เน เด๊อ ม๊อขุ ปา เน เตเน ฮู๊เนอ แอ? อา เก่ วีตาแก เน เด๊อ หง่าหร่าปอรากยากู ปา. เตโค๊ ตีกลี๊ เด๊อ แว เด๊อะโล เด๊อ เนกู เออเต๊เห่เนอ, แว เก่ เด๊อะโล บย่า เด๊อ วีโสโดม กู เฮ๊เนอหม่า วีเนอตีวีอา โอ่ โต่ปา โต่กู๊แหน่ เจ๊อ.

เพรโด่แนพู๊ เต๊เห่ 4:27

กู๊แหน่เร๊อ เด๊อ วีกู เออเนอ อา ทวาแถ่เฮ๊อ อาเหน่ ฮู๊เนอ เฮ๊อ! เมเตเฮ๊เร๊อ คุ๊ยเฮโรด เร๊อ ปอนทัสปีลาต โอ่กู๊โอ่แก๊ ตาฉื่อ เร๊อ แกแยยิวพู๊ หม่าโต่ เต๊เห่ เร๊อ แกแยยิวพู๊ เต๊เห่ เบ๊อะวีกูเออ. เร๊อ อา เตเน เมเซอ โหร่ลู เหย่ซู่ หม่าดื่อ เน หลู่เล๊บูโพ๊ เด๊อ เน เด๊อะทวา อา เร๊อ ครี๊ เออเนอ เตเพร.

เพรโด่แนพู๊ เต๊เห่ 3:14

อา หม่า แกแยบูโพ๊, แกแยจ๊อแกแยเต เตเพร ตื๊อดื่อเร๊อ ซี วีแก อา. ซี กุย คุ๊ยปีลาต เน๊อ, ‘แด่ทูซิปล่อ เร๊อ ปลวาเถ่ เป่ เป แกแย เด๊อ อา เมเซอ อู เนอเตเพร.’

ꤜꤢꤨꤊꤢ꤬ 16:23

เบ๊อะแกแย ดุแหย่ ข่าเบ่ แหน่เจ๊อ เตจา เด๊อ ปอรากยากู เบ๊อะเนอ, อา แม๊แถ่ เด๊อ ม๊อขุ เร๊อ อา แม๊เถอะ แถ่จว๊าโล เพอับราฮัม, เร๊อ คูลาซารัส โอ่เกอ เด๊อ ลู ช๊า.

ꤜꤢꤨꤊꤢ꤬ 24:44

โทเรอ อา เฮ๊ เป่ เหย่ซี เน๊อ, “เบ๊อะแว โอ่เกอปา เร๊อ ซี เบ๊อะเนอ, ล๋อ อู ราโอ่ โทเฮ๊อ แวหรี่แวแก เด๊อ คูโมเสส อาลีกู เนอเต๊เห่ เบ่เบ่, เพรโพร ราโอ่แก เนอเต๊เห่ เบ่เบ่, เด๊อ ลีถู่เซ๊แถ่ อากู เนอเต๊เห่ เบ่เบ่, อา เบ่ เล๊อบาแถ่ ลอปลี ปว๋า เต๊อเจ่อ ปาเนอ, แว แด๊โฉ่โล เป่ โทลอเฮ๊อ ซี เฮ๊อ.”

เพรโด่แนพู๊ เต๊เห่ 2:26

ฮู๊เนอเรอ แว ซิปล่อโม ปว๋า โตโพ๊ เจ๊อ, เร๊อ เบ๊อะแว เฮ๊เบ่ เบ๊อะเนอ แว เฮ๊เบ่ โชชื่อ เจ๊อ เน๊อ เตซิครือซิลอ เจ๊อ. โท๊โต่ แว เหน่กล่อ เออเนอเบ่เบ่, แว โอ่เซอเพร เด๊อ เตแม๊ฉือ อากู ปา.

เพรโด่แนพู๊ เต๊เห่ 2:28

เน เด๊อะโล โทเฮ๊อ แว แกล๊ เด๊อ อา ซูจว๊า แว เด๊อ เตเซอเพร เนอโตโบ เฮ๊อ. เน โอ่เกอ เร๊อ แว อาขว่าอาคยา, แว ซิครือซิลอ แหน่เจ๊อ,’ โพดาวิด เฮ๊ ฮู๊เนอ.”