เพรโด่แนพู๊ เต๊เห่ 2:24 - ลีเทส่อพ๊าอาเซ เร๊อ เห่ขุทวาลู๊24 หม่าแน๊เร๊อ จอแปแหร่ เมเซอเพร กาคยา คยาแซ๊ อา เด๊อ เตเซอ, เร๊อ อา เมแลเปล๊กา ลู เด๊อ เตเซอ อา เตจาเตจื่อ อาเล, เมเตเฮ๊เร๊อ เตเซอ อาโหมะเพ ปื่อกลอหม่าแจ่ ปา ลู โต่ เฮ๊อ. အခန်းကိုကြည့်ပါ။Eastern Kayah Shadaw Dialect24 ꤗꤢ꤬ꤔꤢꤧꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤢ꤬ ꤘꤣ ꤒꤢꤩ꤬ꤞꤣꤧ꤭, ꤚꤣꤧ꤬ ꤢ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤜꤢꤨ꤭ ꤘꤣ ꤒꤢꤩ꤬ꤞꤣꤧ꤭ ꤢ꤬ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤢ꤬ꤜꤢꤩ꤭, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤒꤢꤩ꤬ꤞꤣꤧ꤭ ꤢ꤬ꤗ꤫ꤥ꤬ꤖꤢꤩ꤭ ꤕ꤫ꤢꤦ꤬ꤗꤢ꤬ꤡ꤫ꤢꤧ꤬ ꤕꤢ꤬ ꤜꤢꤨ꤭ ꤒꤥ꤬ ꤟꤣꤧ꤯ အခန်းကိုကြည့်ပါ။ |
เพรโด่แนพู๊ เต๊เห่ 2:24
45 ပူးပေါင်းရင်းမြစ်များ
เบ๊อะซี เจ ซีเหน่ เน๊อ เทอ เบ๊อะเนอ, ซี เหล่โกล มู๊แหม่ เต๊เห่เนอ, ซี โล๊ตา เต่อเกอ โทเฮ๊อ เร๊อ ครี๊ เฮ๊อ. เร๊อ ซี เหน่เหล่โกลเม เต๊เห่เนอ, จอแปแหร่ เมเซอเพร กาคยา เต่อเกอ เฮ๊อ เน๊อ ครี๊ เฮ๊อ. เด๊อ ซี หยื่อเอ่หนิ จอแปแหร่ อา เตโพรเตเตอเรออาฉว่าชอ เด๊อ อา เม ก๊อถ่อเซอเพร กาคยา คยาแซ๊ ครี๊ เด๊อ เตเซอ เออ อาขว่าอาคยา, อา ทวาแถ่ โทลอ เฮ๊อ ฮู๊เนอ เฮ๊อ.
แว เก่ นอเมเซอ อู เร๊อ แวเหน่ โต่ เฮ๊เนอ, อู เมเซอ แจ่ แว เตเพร่ว โต่. แว เด๊อะแลแก แว ซิปล่อ เออเนอหม่า, อู นอตื๊อดื่อ แว เตเพร่ว โต่, แว ซิปล่อ เร๊อ แว ซิปล่อ เด๊อะแล เกอเร๊อดื่อ แพ๊. แว โอ่ เร๊อ แว โพร เตอเรอฉว่าชอ เด๊อ แว ซิหยื่อ เด๊อะแลแก แวซิปล่อ หม่า อา หนิหนิ, แว ซิหยื่อ พย๊าดว้าคยา อา หม่า อา หนิหนิ แพ๊. แวเพ เมแฮหนิ แวโหง่ เร๊อ แว เบ่เม ฮู๊เออ,” อา เฮ๊ เป่ เหย่ซี ฮู๊เนอ.
ฮู๊เนอ อาขว่าอาคยา เบ๊อะเป เจเทอ เบ๊อะเนอ, อา แซ่เฮ๊อ เร๊อ เป เซอ เต่อเกอ เฮ๊อ เร๊อ ครี๊ เฮ๊อ, เร๊อ อู โล๊ ตาเต่อเกอ เฮ๊อ เป เร๊อ ครี๊ เด๊อ โลกู เฮ๊อ. เด๊อ เปเพ จอแปแหร่ อา เตเตอเรอดุทู โพร อาขว่าอาคยา, ฮู๊ อา เมเซอเพร กาคยา คยาแซ๊ ครี๊ เด๊อ เตเซอ อากูเนอ, อา เก่ เด๊อะ โอ่เซอเพร เกอ เป เออเต๊เห่ เร๊อ เตเซอเพร อาเซ ปา.
แซ่ฮู๊ ซี เก่ เมโตเมเบ่ เป่ดื่อ เตเป เตดวา อา จอแปแหร่ เออเตเพร อาซิปล่อ เนอเรอ, ล๋อ เตแร๊ เด๊อ ซี โหล่เบ่ เต๊เห่เนอ, อา เก่ เด๊อ ลอหล่าตี๊กลิ ดื่อ ซี นี๋. เด๊อ เหย่ซู่ครี๊ อาขว่าอาคยา, จอแปแหร่ เก่ เมดื่อเต เด๊อ เปกู ฮู๊ อา โตดื่อ เน๊อ ลูซิปล่อ เนอเต๊เห่ นี๋. จอแปแหร่ เมเซอเพร กาคยา โทเฮ๊อ เป แบ่เจ่ เหย่ซู่ เด๊อ เตเซอ เฮ๊อ. เร๊อ เด๊อ แบ่เจ่ เหย่ซู่ ข่าเซอ อาซิปล่อ เร๊อ อาสุ่ย เบ่ ทุ๊ยแล อาขว่าอาคยา, อา เมหม่าเมกลอแก โทเฮ๊อ จอแปแหร่ อา เตอ๊อแล อาเซ เด๊อ อา โอ่ ตูจูเพร เออเนอตือมือ เฮ๊อ. เด๊อ อา เมเฮ๊อ ฮู๊เนอ อาขว่าอาคยา, เหย่ซู่ ทวา เฮ๊อ เป เพรเกซิหมิ เด๊อ อาดุเล๊ออู เตเพร เฮ๊อ. เป หม่า เหย่ซีซิหมิ เต๊เห่ เฮ๊อ. อู เก่ แด่ดุแด่ทู ดื่อ เหย่ซู่ครี๊ อา ตูจูเพรเง นี๋.
โทเรอ จอแปแหร่ อาพู๊คู เหย่ซู่ เด๊อ อาเพ เม ก๊อถ่อ เซอเพร กาคยา คยาแซ๊ ลู เด๊อ เตเซอ เออเตเพร เก่ แฮแล คยาแซ๊ เด๊อ ม๊อขุ ปาเนอ, ซี โอ่ป่อแม๊ชือ แลแค ฮู๊เต เนอ เหย่ซี เฮ๊ ลอปลี เป่ เป. เหย่ซู่ หม่า เพร เมแลเปล๊กา เฮ๊อ เป เร๊อ จอแปแหร่ อา เตซิปล่อดุ เด๊อ อา เก่ เมจากาคยา อู ปา เออเนอ เตเพร อา กู๊ยากู เฮ๊อ.
เมเตเฮ๊เรอ, อา แด่หม่าแด่กลอ โทเฮ๊อ ม๊อเนอม๊อเซ เด๊อ อา เก่ เมโตเต จ๊อจ๊อเตเต ลอ เจ๊อ เห่ขุต๊าบ่า ปา. จอแปแหร่ นว๊าแถ่ โทเฮ๊อ เพรเมโตเต เตเพร เฮ๊อ. เร๊อ อา เด๊อะโล เป่ โทเฮ๊อ อูปว๋า เตเพร เร๊อ อาเตข่าเฮ๊โล เฮ๊อ. เร๊อ อา เตข่าเฮ๊โล เออ อาหรี่อาแก หม่า หม่าเฮ๊อ อา เมก๊อถ่อ เซอเพร กาคยา คยาแซ๊ แกแย เนอเตเพร เด๊อ เตเซอ เออเนอเฮ๊อ.”
แว หม่า คูเปาโล, ลีเออต๊าบ่า หม่า แว รา แพ๊. แว หม่า เพรโด่แน เตเพร. แกแย ตู๊หมู่หมู่ นอทวาแถ่ แว เร๊อ เพรโด่แน หม่าโต่. โท๊โต่, แว ทวาแถ่ เพรโด่แน เด๊อ แกแย เตเพรเพร อา กู๊ยากู หม่า โต่โต่. เหย่ซู่ครี๊ เร๊อ เพ จอแปแหร่ เด๊อ อา เมเซอเพร กาคยา เหย่ซู่ครี๊ เด๊อ เตเซอ เนอเตเพร นอทวาแถ่ แว เร๊อ เพรโด่แน เตเพร แพ๊. โทเรอ โป่แหว่ ครี๊พู๊ ล๋อ ปลี เด๊อ อา โอ่ เกอ เร๊อ แว เบ๊อะเออ เต๊เห่, ซูแฮ เป่ อา เตเฮ๊โมเฮ๊แร๊ เออเต๊เห่ เด๊อ กาลาเทียเก่ เพรหยื่อเอ่เออ ตู๊หมู่ตอกล๊อ เต๊เห่ อา โอ่.
ตื๊อเออเนอ หม่าโต่, ซี เฮ๊ เร๊อ แกแย เซอโทเนอ อา เซอเพร กาคยา แจ่ปาโต่ เออเนอ อา เก่ หม่าแหน่ เฮ๊เรอ, อา แซ่ เน๊อ ซี เฮ๊ เฮ๊อ เร๊อ จอแปแหร่ เมเซอเพร กาคยา คยาแซ๊ ครี๊ หม่าโต่ ฮู๊เนอ เฮ๊อเนอ อา เก่ หม่าแหน่ ฮู๊เนอ เฮ๊เร๊อ, เป หม่า แกแย เด๊อ อา จว๊า โด่แน แหล่โฮแหล่แห่ เป่ ลอ เฮ๊อ อู เร๊อ จอแปแหร่ อาหรี่อาแก เต๊เห่ เฮ๊อ, เมเตเฮ๊เรอ เป ย๋อ แด๊โฉ่โด่แน เป่ อู เร๊อ จอแปแหร่ เมเซอเพร กาคยา คยาแซ๊ เฮ๊อ ครี๊ ฮู๊เนอ เน๋อ. หม่าแน๊เรอ ซี เฮ๊ เออเต๊เห่ เนอหม่า อาโต เตอเจ๋อ โต่.
ล๋อ ซี เออเต๊เห่ เบ่เบ่, อิสราเอล อากลุยอาแล ล๋อ ปลี เบ่เบ่, อา โต ซิเง แลแค เร๊อ แกแย กู๊โด่ด๊าตือรือ เออเตเพร ก๊อถ่อจว๊าแจ่ แร๊กาคยา คยาแซ๊ เด๊อ ซี เป๊เส่เง กู๊แหน่เออ เนอหม่า หม่าเด๊อ วีนาซาเร็ธพู๊ เหย่ซู่ครี๊ อามุย อา เตโพรเตเตอเรอ อาขว่าอาคยา แพ๊. เหย่ซู่ครี๊ หม่า ซี มือเซอแถ่ อา เด๊อ อี๊ถื่อดีเต่ลู เนอเตเพร เฮ๊อ, หม่าแน๊เร๊อ จอแปแหร่ เมเซอเพร กาคยา คยาแซ๊ อา เด๊อ เตเซอ เฮ๊อ.
ฮู๊เนอเรอ, หม่าอูเป เตเร เมจากาคยา เหย่ซี เป? เตเพร่ว หม่า อู เมจากาคยา แจ่หนิ เหย่ซี โต่. เมเตเฮ๊เนอ, เหย่ซู่ครี๊ หม่า เพร เด๊อ อา เซอ เด๊อ เป เตซื๊อ อาเง เตเพร, โท๊โต่ จอแปแหร่ เมเซอเพร กาคยา ลู เด๊อ เตเซอ เตเพร. เร๊อ จอแปแหร่ เด๊อ ลู เหล่โอ่ เด๊อ อากู๊ขุ จ๊อทว๊า ตากยา. แซ่ฮู๊ จอแปแหร่ เก่ เมจว่า เป เนอ, เหย่ซู่ โน กุยซิยอ เป่ เฮ๊อ เป เง เฮ๊อ.
พู๊เหมาะพู๊คู อา เอ๊ ลู เออเต๊เห่เนอ, อา เน๊อ อาเหน่กล่อ สุ่ยเทอ เด๊อ อา เซอแจ่เออ อาขว่าอาคยา, แบ่เจ่ เหย่ซู่ แฮแล พย๊าหนิ เกอดื่อ แกแย เห่ขุพู๊ อาเหน่กล่อ เด๊อ อา แซ่เกอ ดื่อ เน๊อ เหย่ซีเนอ. อา ทวาแถ่ แซ่เน๊อ แกแยเห่ขุพู๊ อาขว่าอาคยา, อา เซอ แจ่. แซ่ฮู๊ เหย่ซู่ เก่ เมปย๊าแก โลเน๊มู๊แหม่รีแจ่ กู่กล๊อ เด๊อ อู เอ๊ เร๊อ ซาตาน เด๊อ อา โอ่ เร๊อ อา เตโพรเตเตอเรอ ฉว่าชอ เด๊อ อา เก่ เป๊อตี๊หรี่หนิ เตเซอ เออโตโด อาเงเนอ, อา ข่าเซอแก อาซิปล่อ.
ကြော်ငြာတွေ