เพรโด่แนพู๊ เต๊เห่ 2:23 - ลีเทส่อพ๊าอาเซ เร๊อ เห่ขุทวาลู๊23 ฮู๊ จอแปแหร่ ตี๊หรี่แตแร หนื่ออื่อ เร๊อ อา ซิเงหนื่ออื่อ โทดื่อเฮ๊อ เร๊อ อู เก่ เด๊อะ ตาแก เหย่ซู่ เด๊อ ซี กู๊ยากู ปา เร๊อ ซี นอมือเซอแถ่ อา เร๊อ แกแยจา แกแยมู๊แหม่ เต๊เห่ เด๊ออี๊ถื่อดีเต่ อาลู ปา. အခန်းကိုကြည့်ပါ။Eastern Kayah Shadaw Dialect23 ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤥ꤬ꤔꤢꤩ꤬ ꤚꤣꤧ꤬ ꤢ꤬ ꤞꤤꤑꤢꤩ꤭ꤥ꤬ꤔꤢꤩ꤬ ꤓꤥ꤭ꤘꤢꤦ꤬ꤟꤣꤧ ꤔꤢꤧ ꤢꤨ꤭ ꤊ꤫ꤢꤦ꤬ ꤘꤣꤧ ꤒꤢ꤭ꤊꤢꤧ꤭ ꤛꤢꤩ꤬ꤏꤛꤢꤨ ꤘꤣ ꤞꤤ꤭ ꤊꤢꤨꤛꤢ꤭ꤊꤢꤨ꤭ ꤕꤢ꤭ ꤚꤣꤧ꤬ ꤞꤤ꤭ ꤔꤢꤪ꤭ꤗꤢꤦ꤭ꤞꤣꤧ꤭ꤓꤢꤧ꤬ ꤢ꤬ ꤔꤢꤧ ꤊꤣꤧ꤬ꤛꤢꤧ꤭ꤗꤢꤨꤗ꤫ꤢꤧ꤬ ꤊꤣꤧ꤬ꤛꤢꤧ꤭ꤚꤤ꤬ꤡ꤫ꤢꤧ꤬ ꤒꤣꤧ꤬ꤟꤢꤩ꤬ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ ꤢ꤬ꤜꤥ꤬ ꤕꤢ꤭꤯ အခန်းကိုကြည့်ပါ။ |
เพรโด่แนพู๊ เต๊เห่ 2:23
39 ပူးပေါင်းရင်းမြစ်များ
เหย่ซี เตเพร เร๊อ เตเพร เฮ๊ เกอเร๊อลู เน๊อ, “เป ท๊อเย อา โต่ แฮ๋, อูเป โต พย๊าหนิเป ปาเนอ, เปบ๊อเตแบบุ๊ยโป๊!” อา เฮ๊ เกอเร๊อ ลู ฮู๊เนอ. แซ่ฮู๊ ลีเทส่อพ๊า เก่ อาเล๊อบาแถ่ เร๊อ เตทวา อาเหน่ ฮู๊เออ แพ๊. ลีเทส่อพ๊า เฮ๊ เนอ, “เหย่ซี เบ พย๊า เกอเร๊อ แลแค แวจา เต๊เห่ เฮ๊อ. แซ่ฮู๊ เหย่ซี เก่ พย๊าหนิ แวจา เร๊อ อา บ๊อแลแค เตแบบุ๊ย เฮ๊อ.” เร๊อ เกลอฮู๊ เออเต๊เห่เนอ, อา เม แลแค ฮู๊เนอ เฮ๊อ.
เมเตเฮ๊เรอ วีเยรูซาเล็ม เต๊เห่ เร๊อ เหย่ซี อากู่กล๊อ เต๊เห่เนอ อา ซิเง เกอ ลู เร๊อ อา หม่า เพรเมแลเปล๊กา อา แบ่เจ่ เตเพร ฮู๊เนอโต่. โท๊โต่ เพรโพรเต๊เห่ อาลาอาโหง่ เด๊อ อู แด๊โลแถ่ อา เบ๊อะแกแยยิวพู๊ อา ม๊อเนอโด่ ปว๋า โตโพ๊ เนอเต๊เห่ เบ่เบ่, เหย่ซี ซิเง ตาปลู๊ เกออู อาโหง่แลช๊า โต่. ฮู๊เนอเร๊อ แซ่ฮู๊ เพรโพร เต๊เห่ อาลาอาโหง่ เก่ เล๊อแถ่บาแถ่ อาเงเนอ, อา นอ เมจากาคยา เซอแก เฮ๊อ เหย่ซู่ แพ๊.
อา เฮ๊ เหย่ซี เน๊อ, “เป เฮ๊ตาเฮ๊เต โทเฮ๊อ ซี เร๊อ อิซว๊าอี๊แส่ ปา แต่ อู เร๊อ แกแย เออเตเพร อามุย แต่เหม่ นี๋, เร๊อ กู๊แหน่เออ ซี แม๊แม๊ ซี จว๊า เมแคร๋ เฮ๊อ อิเตเต! ซี อิซว๊า เป่จว๊า ลอปลี เฮ๊อ อู เด๊อ วีเยรูซาเล็ม อากู เออเนอ เฮ๊อ. แกแย เนอเตเพร อาเซอ เนอมา เป เออเต๊เห่ อาคยา เฮ๊อ, ซี ซิหยื่อ แด่ แลแค เป เตซื๊อ ฮู๊เนอ.”
ซี โหมะเพเพอโพ เด๋อ งย๊าเค เต๊เห่เนอ, อา เมจาเมจือ ลอ เพรโพร เต๊เห่ ปว๋า โตโพ๊ เจ๊อ. จอแปแหร่ อาแกแย เด๊อ อา แฮ เฮ๊โฉ่หนื่ออื่อ เป่ อู เร๊อ จอแปแหร่ อาหลู่เล๊ จ๊อเต เด๊อ อา เตเร แฮ ปา เออเตเพร อาหรี่อาแก เต๊เห่เนอ, ซี โหมะเพเพอโพ เต๊เห่ เมเซอแก โท เหย่ซี เฮ๊อ. กู๊แหน่เร๊อ ซี อิเชตาแก จอแปแหร่ อาหลู่เล๊ จ๊อเต เออเตเพร เฮ๊อ, โท๊โต่ ซี เมเซอแก เฮ๊อ ลู เฮ๊อ.
เตซว๊าเตแส่ เด๊อ จอแปแหร่ นอราม๊าโอ่ คูโมเสส เต๊เห่เนอ แกแยยิวพู๊ หม่าโต่ เต๊เห่ อาเต โอ่ เกออู โต่ หม่าแน๊เรอ จอแปแหร่ เก่ เมจากาคยา เหย่ซี เตซื๊อ ปา. แกแยยิวพู๊ เด๊อ อา โอ่ เร๊อ เตซว๊าเตแส่ เออเต๊เห่เนอ เบ่เบ่, อา ย๋อ หนิดา แลแค จอแปแหร่ อา เตซว๊าเตแส่ โต่ เร๊อ อา เมซื๊อ แลแค เต อาขว่าอาคยา, จอแปแหร่ เก่ เมจากาคยา เหย่ซี ปาปา.
ลีเทส่อพ๊ากู เฮ๊หนื่ออื่อ เน๊อ, “แว นอทวาแถ่ เฮ๊อ เน เร๊อ เมวเจอะ ตูปลูเต๊เผ่ อาเพ เฮ๊อ.” อา ทวา เป่ เปเพ เด๊อ จอแปแหร่ อาเป๊เส่เง. จอแปแหร่ เออเตเพร เนอหม่า, อา หม่าเฮ๊อ เปเพ เพอับราฮัม หยื่อเอ่เกอเร๊อ เนอเตเพร เฮ๊อ. อา หม่า จอแปแหร่ เด๊อ อา เมเซอเพร กาคยา แกแยเซอ, โท๊โต่ อา เฮ๊ตา แพ๊ อาโหง่ ตือมือ แพ๊ เร๊อ เต เด๊อ อา โอ่ ล๋ายโต่ เต๊เห่เนอ อา ทวาแถ่ ลอปลี เจ๊อ.
เมเตเฮ๊เรอ, แกแย เด๊อ อา แด่ดุหยื่อแหน่ จอแปแหร่ โต่ เต๊เห่เนอ, อา แฮโนโห่ เฮ๊อ เด๊อ ซีเกล เฮ๊อ. แซ่ฮู๊ เหย่ซี เก่ เฮ๊เบ่ แลเปล๊ อาเหน่ เร๊อ อา เตโอ่เซอเพร แลโพร๊แลแพร เต๊เห่ อาเงเนอเรอ, อา ถู่แหล่ เต๊เปล่ ปย๊าแก เป แบ่เจ่ จอแปแหร่ อาบุ๊ยอาเตอเรอ เออเนอเต๊เห่ อาหรี่อาแก เฮ๊อ. โท๊โต่ เหย่ซี เออเต๊เห่เนอ อา หยื่อเอ่ เกออู เป ทวาดุทวาเต แบ่เจ่ เหย่ซู่ครี๊ เออเนอ โต่. ฮู๊ ลีเทส่อพ๊า แด๊โฉ่ หนื่ออื่อ เฮ๊อ เตเมจากาคยา เต๊เห่เนอ เหย่ซี เก่ พย๊าหนิ ลอปลี เจ๊อ ปา.
ล๋อ แกแย เด๊อ อา โอ่ เด๊อ เห่ขุเออ ปว๋า เตเพร เนอ, อา เก่ จ๊อบู่จ๊อเบแถ่ ลอ ลู ปา. เป๊อะแถ่ เด๊อ อู แบ๊แลลู่ เห่ขุ อาเคปา, แกแย เด๊อ อา โอ่เซอเพร เด๊อ เห่ขุ เออเต๊เห่ เร๊อ อู ราโอ่เต่อเกอ ลา เหย่ซีมุย เด๊อ ซิหมิพู๊ เนอโตโด อา ลีเซอเพร อากู ล๋ายโต่ เต๊เห่เนอ, อา เก่ จ๊อบู่จ๊อเบแถ่ ลอ แลแค เตมีเตแหม่ เออโตโด. ซิหมิพู๊ เนอโตโด หม่า หม่าเฮ๊อ อู เมเซอ อาเนอ เตเพร เฮ๊อ.
ကြော်ငြာတွေ