เพรโด่แนพู๊ เต๊เห่ 2:20 - ลีเทส่อพ๊าอาเซ เร๊อ เห่ขุทวาลู๊

²⁰ เบ๊อะแบ่เจ่ อา ม๊อเนอดุ เด๊อ อา เล๊อบา เร๊อ เตเตอเรอดุ เตอเรอทู เออ แฮโต่ แต่ล๋ายโต่ เบ๊อะเนอ, ต๊อเหมาะ อา คี๊ตือรือแก ปา, เร๊อ เล เก่ ลีกีซุ๊ยแก ฮู๊ สู่ย เนอ ปา.

Eastern Kayah Shadaw Dialect

²⁰ ꤙꤣꤧ ꤙꤢꤧ꤬ꤡꤢꤩ꤬ ꤢ꤬ ꤗ꤫ꤢꤪ꤬ꤔꤣꤧ꤭ꤘꤢꤨ꤬ ꤘꤣ ꤢ꤬ ꤜꤣꤙꤢ꤭ ꤔꤢꤧ ꤒꤢꤩ꤬ꤒꤣꤧ꤬ꤚꤣꤧ꤭ꤘꤢꤨ꤬ ꤒꤣꤧ꤬ꤚꤣꤧ꤭ꤓꤢꤨ꤭ ꤟꤢꤧ꤭ꤒ꤫ꤥ꤬ ꤒꤢꤧ꤬ꤜꤢ꤭ꤟꤤꤒꤥ꤬ ꤢ꤬ꤋꤢꤩ꤭ꤔꤣꤧ꤬, ꤒꤣꤧꤗ꤫ꤢꤪ꤬ ꤊ꤫ꤢꤦ꤬ ꤋꤤꤒꤣꤧ꤬ꤚꤢꤦ꤬ꤊꤢꤧ꤭ ꤕꤢ꤭, ꤚꤣꤧ꤬ ꤜꤢꤩ꤭ ꤊ꤫ꤢꤦ꤬ ꤜꤤ꤬ꤊꤣꤧ꤬ꤞꤝꤤꤊꤢꤧ꤭ ꤟꤢꤨ ꤞꤝꤤ꤬ꤔꤣꤧ꤬ ꤕꤢ꤭꤯

เพรโด่แนพู๊ เต๊เห่ 2:20 ပူးပေါင်းရင်းမြစ်များ

เปโตร เนอบ่า ต๊าบ่า 3:10

หม่าแน๊เรอ แบ่เจ่ อาม๊อเนอ เออเนอ, อา เก่ แฮโต่คย๊า แซ่เน๊อ เพรเอ่โห่ เตเพร แฮเนอ ปา. เบ๊อะเนอ เตอเนอ ปาเนอ, ม๊อ เก่ ครอ ตอปลอแลยอแถ่ ปา เร๊อ อา เก่ โอ่เหม่แก ปา. หมิ เก่ อือปย๊า หล่าตี๊กลิแก ลอ ต๊อเหมาะ, เล, เฉ่ เด๊อ อา โอ่ เด๊อ ม๊อเล ซีเต๊เห่ ปา. เร๊อ อา เก่ อือปย๊า หล่าตี๊กลิแก ลอ เห่ขุ เร๊อ เต เด๊อ อา โอ่ เด๊อ ลูเหน่ลู เนอเต๊เห่ ล๋อ ปลี ปา.

มัทธิว 24:29

“เบ๊อะเตจาเตจือ, เตแป่เตเช ม๊อเนอ ม๊อเซ โอ่ทวาแถ่ ตาลว๊า โทเฮ๊อ ปาเนอ, โตโพ๊โต ‘จอแปแหร่ เก่ เมคี๊แก ต๊อเหมาะ ปา เล เก่ ลี ปาโต่เฮ๊อ เฉ่ เด๊อ ม๊อเล เต๊เห่ อา แลตาพรอ แก ลอปา. เร๊อ จอแปแหร่ เก่ เม โกโยลอ ม๊อเล อาเตโพรเตเตอเรอ ล๋อปลี เต๊เห่ปา.’

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:2

เมเตเฮ๊เรอ ซี ซิเง ตาเต โทดื่อเฮ๊อ เร๊อ แบ่เจ่ แฮ อาม๊อเนอ ปาเนอ, อาแซ่เน๊อ เพรเอ่โห่ แฮ เด๊อ เหมาะคี๊เค เนอ ปา.

เปโตร เนอบ่า ต๊าบ่า 3:7

หม่าแน๊เรอ เด๊อ จอแปแหร่ เฮ๊ตา แซ่เกอคยา อา โหง่ ฮู๊ อา แบ๊แลลู่ ม๊อเล เร๊อ เห่ขุ เบ๊อะเนอ เนอเฮ๊อ อาขว่าอาคยา, ม๊อเล เร๊อ เห่ขุ เด๊อ เป แม๊เถอะ อา กู๊แหน่ เออเต๊เห่เนอ, จอแปแหร่ ปื่อหม่า โอ่โก๊ เหย่ซี เร๊อ อา เก่ เมปย๊าแก เหย่ซี เร๊อ หมิ ปา. จอแปแหร่ เก่ ปื่อหม่าโอ่โก๊ โต่ เหย่ซี เด๊อ ม๊อเนอ เบ๊อะอา เก่ เมจากาคยา เมปย๊าแก เฮ๊อ แกแย เด๊อ อา แด่หยื่อแหน่เกอ ลู โต่ เนอเต๊เห่ ปา.

ꤜꤢꤨꤊꤢ꤬ 21:25

“เตม๊าเตแดโค๊ตีกลี๊ คยา เต๊เห่ อา โอ่โล แถ่โล เด๊อ ต๊อเหมาะกู, เลกู, เฉ่ซี เต๊เห่ อากู ปา. เด๊อ เห่ขุ เออเนอ, เทอ เด๊อ เทอดุซาวา อากู เต๊เห่ อา ฮ๊าโฮ๊ พรา ตอว๊อตือซือ ฉว่าแหน่เจ๊อ อาขว่าอาคยา, เทอเก่ ปว๋าเต่เก่ เก่ต๊อหร่อเซ๊ ซิอิเช ลอ เร๊อ อา เก่ เถ่ตาปา ลอปลี เจ๊อ เหย่ซี ปา.

ꤗꤢ꤬ꤊꤢꤨ 13:24

เร๊อ เหย่ซู่ เฮ๊ เป่แฮ โป่ เร๊อเด๊อเง, “เบ๊อะเตจาเตจือ อาม๊อเนอม๊อเซ เต๊เห่ จว๊า ตาลว๊าโทเฮ๊อ ปา เนอ, ‘จอแปแหร่ เก่ เม คี๊แก ต๊อเหมาะ ปา. เลเก่ ลี ปาโต่เฮ๊อ.

เตเด๊อะโลแถ่ 16:8

เออโตโพ๊ ลาติ เร๊อ เตเน่วพู๊ ลุยเพร เตเพร จว๊า กลอตา ลาติ อา เบหล่อดุ เด๊อ ต๊อเหมาะลู เร๊อ จอแปแหร่ นอกู่ช๊าแฮ ต๊อเหมาะ เร๊อ อากู่ลว๊า ลอปลี แกแยเห่ขุพู๊ เออเต๊เห่.

เตเด๊อะโลแถ่ 6:12

แว แม๊ เร๊อ, แว แม๊เถอะ ซิหมิพู๊ เนอโตโด ปาอ๊าโมแถ่ เตม๊าเตแด อาโก่ โซซว๊า เออโต๊โก่. เออโตโพ๊เรอ, เตเน่วท๊อดี ฉว่าแหน่เจ๊อ, ต๊อเหมาะ คี๊แก แซ่เร๊อ อิเก อาตูพรู๊ ลอกี ตือปือ เนอ, โทเรอ เล เร๊อ อาลี กาซุ๊ยแก แซ่เร๊อ สุ่ย เนอ เจ๊อ.

โครินธ์ อาเหร่อเล๊อ ต๊าบ่า 5:5

แซ่ฮู๊ อู เก่ เมปย๊าแก แกแย เออเตเพร อา สุ่ยเทอพ๊าหย่า อา เตซิหยื่อซิลอ อาเงเนอ, ซี เบ่ เด๊อะตาแก แกแย เออเตเพร เด๊อ โลเน๊มู๊แหม่รีแจ่ กู่กล๊อ อา กู๊ยากู. แซ่ฮู๊ แกแย เออเตเพร อา ซิปล่อเซอเพร เก่ พย๊าหนิ เตเมแลเปล๊กา ช๋า แบ่เจ่ อา ม๊อเนอ ปา อาเงเนอ, ซี เบ่ เม ฮู๊เนอ. เมเตเฮ๊เรอ ซี พย๊าหนิเฮ๊อ แบ่เจ่ อา เตอเรอฉว่าชอ เร๊อ อา เตโพรเตเตอเรอ เฮ๊อ อาขว่าอาคยา เม แลแค ฮู๊เนอ.

มัทธิว 27:45

เป๊อแถ่ เบ๊อะเหมาะโถ่ จ๊อเรเน๊ เนอ เร๊อ อา โต่แฮ เด๊อ เหมาะกุ่ยตาแล โซมือ อากูเนอ, เก่ คี๊ตือรือ ตาลอ เจ๊อ เต๊เก่เล เจ๊อ.

เพรโด่แนพู๊ เต๊เห่ 2:19

แว เก่ เด๊อะโล เตเม อาตาปา อาคย๊าอายื๊อ เต๊เห่ เด๊อ ม๊อเล ปา. โท๊โต่ แว เก่ เด๊อะโลแถ่ เมโค๊ตีกลี๊ อา เมม๊าเมแด เต๊เห่ เด๊อ เห่ขุ เออ ปาปา, สุ่ย เร๊อ หมิ, เน๊อ หมิโข่ ตูอูแถ่ เก่ โอ่แถ่ เด๊อ เห่ขุเออเนอ ปา.

เพรโด่แนพู๊ เต๊เห่ 2:21

เร๊อ เบ๊อะเนออาเค ปาเนอ แกแย เด๊อ อา เอ๊โทแถ่ เด๊อ แบ่เจ่ อา โอ่ เตเพรเพรเนอ. อา เก่ พย๊าหนิดื่อ เตเหล่แลเปล๊ ปา,’ เพรโพร โยเอล เฮ๊ ฮู๊เนอ.”