เพรโด่แนพู๊ เต๊เห่ 19:34 - ลีเทส่อพ๊าอาเซ เร๊อ เห่ขุทวาลู๊

³⁴ หม่าแน๊เรอ เบ๊อะเหย่ซี ซิเงเฮ๊อ เร๊อ อา หม่า แกแยยิวพู๊ เตเพรแพ๊ อาเบ๊อะเนอ, เหย่ซี เอ๊โทแถ่ โหร่ลอ ลู เร๊อ อา เฮ๊ แลแค เน๊อ, “เอเฟซัส แบ่เจ่ โหมะ อาเทมิส เนอหม่า อาเตอเรอดุ แหน่เจ๊อ! อา เอ๊โทแถ่ เออเนอ, อา ผือ โอ่งยา เจ๊อ เนอมือเจ๊อ.”

Eastern Kayah Shadaw Dialect

³⁴ ꤗꤢ꤬ꤔꤢꤧꤚꤣꤧ꤬ ꤙꤣꤧ ꤛꤢꤩ꤬ꤞꤤ꤭ ꤞꤤꤑꤢꤩ꤭ꤟꤣꤧ ꤔꤢꤧ ꤢ꤬ ꤗꤢ꤬ ꤛꤢꤨꤘꤢ꤬ꤖꤢꤨ ꤒꤣ꤬ꤖꤚꤢꤩ꤬ꤖꤢꤧ ꤢ꤬ꤋꤢꤩ꤭ꤔꤣꤧ꤬, ꤛꤢꤩ꤬ꤞꤤ꤭ ꤢꤩꤓꤥ꤭ꤓꤢꤧ꤬ ꤚ꤫ꤥ꤬ꤜꤢꤪ꤭ ꤜꤢꤨ꤭ ꤚꤣꤧ꤬ ꤢ꤬ ꤟꤢꤩ ꤜꤢ꤭ꤋꤢꤧ꤭ ꤔꤢꤧ, “ꤢꤩꤖꤢꤩꤎꤢꤨ꤬ ꤙꤢꤧ꤬ꤡꤢꤩ꤬ ꤗ꤫ꤥ꤬ ꤢ꤬ꤚꤢ꤬ꤒꤢꤩ꤬ꤗꤤ꤬ ꤔꤣꤧ꤬ꤗꤢ꤬ ꤢ꤬ꤒꤣꤧ꤬ꤚꤣꤧ꤭ꤘꤢꤨ꤬ ꤔꤢꤧ꤬ꤡꤣꤧ! ꤢ꤬ ꤢꤩꤓꤥ꤭ꤓꤢꤧ꤬ ꤣꤧ꤭ꤔꤣꤧ꤬, ꤢ꤬ꤑꤢ꤭ꤔꤣꤧ꤬ ꤢ꤬ ꤖꤢꤦ꤬꤮ ꤥ꤬ ꤡꤣꤧ ꤔꤣꤧ꤭ꤗꤢꤦ꤭ꤡꤣꤧ꤯”

เพรโด่แนพู๊ เต๊เห่ 19:34 ပူးပေါင်းရင်းမြစ်များ

เพรโด่แนพู๊ เต๊เห่ 19:28

เพรเมเออเนอ เออเต๊เห่ หนิโฮ เตเฮ๊เบ่ เออเต๊เห่ เร๊อ เหย่ซี ซิปล่อดุ โกโน๋ โต่, เร๊อ เหย่ซี เอ๊โทแถ่ ลอ เน๊อ, “เอเฟซัส แบ่เจ่ โหมะ อาเทมิส เออเตเพร หม่า อา เตอเรอดุเตอเรอทู แหน่เจ๊อ!”

เตเด๊อะโลแถ่ 13:4

แปล เนอโตโบ ย๋อ เด๊อะ โทเฮ๊อ อา เตอเรอฉว่าชอ เน๊อ เตมีเตแหม่ เนอโตโด อาขว่าอาคยา, แกแย ปว๋า เตเพร จ๊อบู่จ๊อเบแถ่ ล๊อปลี ลู. เหย่ซี จ๊อบู่จ๊อเบแถ่ หนิเกอ เตมีเตแหม่ เร๊อ อา เฮ๊ แลแค เน๊อ, “แกแย เด๊อ อาแซ่เน๊อ เตมีเตแหม่ เออเนอหม่า อาโอ่ แฮ? หม่าอูเป เตเพร ช๊าฉื่อ บื่อ อา เป?”

เพรโด่แนพู๊ เต๊เห่ 16:20

เหย่ซี เอ๊จว๊า คูเปาโล เร๊อ คูสิลาส เด๊อ โรมัน เพรเฮ๊เบ่ เมจากาคยาเต เต๊เห่ อา เป๊เส่เง เร๊อ อา เฮ๊ เหย่ซี เน๊อ, “แกแย เออเต๊เห่ หม่า แกแยยิวพู๊ เร๊อ อา แฮเม ตอปลอตือซือ ลอปลี เป วีกู.

มัทธิว 6:7

ซี กุยจ๊อเบ เบ๊อะเนอ กุย จ๊อเบ แต่ฮู๊ แกแย เด๊อ อา ซิเง เกออู จอแปแหร่โต่ เนอเต๊เห่ กุย จ๊อเบ แต่เหม่. เหย่ซี หม่า อา กุย จ๊อ เบ ทู เร๊อ อาโหง่ แลช๊า โอ่โต่. เก่ กุย จ๊อ เบ ทู ตื๊อ หม่า จอแปแหร่ เด๊อะ เหย่ซี แพ๊ อาเตเน แลแค ฮู๊เนอ.

ꤚꤥꤗꤢꤩ꤬ 2:22

จว๊าซื๊อ แต่ อูพู๊อูเม แต่เหม่ นี๋, เน เฮ๊ ฮู๊เนอ หม่าแน๊เรอ หม่า เน จว๊าซื๊อ เจ๊อ อูพู๊อูเม เจ๊อ แอ? เน ซิรอซิเร เตแหย่โยแหย่กี หม่าแน๊เรอ หม่า เน จว๊าพย๊าเผ่ เจ๊อ แกแยยิวพู๊ หม่าโต่ เต๊เห่ อา เตงูดุงูชอ เด๊อ อา เตหลู่แต โฮกู เนอเต๊เห่ เจ๊อ แอ?

เพรโด่แนพู๊ เต๊เห่ 19:26

คูเปาโล เฮ๊เออ เตเพรเนอ อา เมแคร๋ อิเต เนอหม่า ซี แม๊เถอะหนิโฮ ลอดื่อเฮ๊อ เร๊อ ซิเหน่ เฮ๊อ. อา จว๊า อิลออี๊โหล่ ปย๊า ลอ อู เร๊อ จอแปแหร่ เด๊อ แกแย แบ๊ เร๊อ อากู๊ขุ เต๊เห่เนอ, จอแปแหร่ หม่า ตีกี๋ โต่, อา เฮ๊ ฮู๊เนอ. เร๊อ อา อิลออี๊โหล่ หนิ โหร่แหน่เจ๊อ อู ตื๊อ แกแย โอ่เบ๊อะวีเอเฟซัส อากูเออ เต๊เห่เนอ หม่าโต่, อา ผือ อิลออี๊โหล่ หนิลอ เจ๊อเฮ๊อ เอเอเชีย เต๊เก๋เล เจ๊อเฮ๊อ.

เพรโด่แนพู๊ เต๊เห่ 19:24

เพรดารือ เด๊อ อามุย เร๊อ คูเดเมตริอัส เฮ๊ เออเตเพรเนอ, อาดาเถ่ แบ่เจ่ โหมะ อาเทมิส เตหลู่แตหี่ฮู๊ เด๊อ อา ดา เร๊อ รือ เต๊เห่ เร๊อ เพรเมเตพู๊ เต๊เห่ หนิบุ๊ยหนิเตอเรอ เกอ แหน่เจ๊อ เน๊อ เตเอ่เตแร เออ อาขว่าอาคยา เจ๊อ.

เพรโด่แนพู๊ เต๊เห่ 19:33

แกแยยิวพู๊ เต๊เห่เห่เนอ อา นอเถ่ อเล็กซานเดอร์ เด๊อ แกแย เบ๊หมู่ อา เป๊เส่เง, เร๊อ แกแย เบ๊หมู่ เออเต๊เห่ เฮ๊ ลู เร๊อ เฮ๊เบ่ มอ เป. เร๊อ คูอเล็กซานเดอร์ บ๊อแถ่ อากู๊ขุ เร๊อ อา นอโอ่โส่ เหย่ซี. เร๊อ อา เฮ๊โฉ่โปล เป่ แกแย เบ๊หมู่ เออเต๊เห่ เร๊อ เตเมทวาแถ่ อาเหน่ เออเต๊เห่.

เพรโด่แนพู๊ เต๊เห่ 19:35

เด๊อคยา เร๊อ วี อา เพรราลี เออเตเพร นอโอ่โส่ แกแย เบ๊หมู่ เออเต๊เห่, เร๊อ อา เฮ๊ เหย่ซี เน๊อ, “วีเอเฟซัส ล๋อ ปลี ซี๋, อู ปว๋า เตเพร ซิเง เร๊อ เป วีเอเฟซัส เต๊เห่หม่า เพร เด๊อ อาแม๊อาตู่ แบ่เจ่ คุ๊ยโหมะ อาเทมิส เตหลู่แตโฮ เร๊อ หล่อบูโพ๊ เด๊อ อา โอ่ เด๊อ ม๊อขุ ตาแล เนอเตเม เนอหม่า อู ซิเง แลแค เจ๊อ ปว๋า เตเพร เจ๊อ.