เพรโด่แนพู๊ เต๊เห่ 19:23 - ลีเทส่อพ๊าอาเซ เร๊อ เห่ขุทวาลู๊

²³ เบ๊อะเนอเค, เด๊อ อู หยื่อเอ่ แบ่เจ่ เหย่ซู่ อาแกล๊อาโกล อาขว่าอาคยา, เตแป่เตเช ดู๋ เต๊อเจอะ โอ่แถ่ เด๊อ วีเอเฟซัส อากู.

Eastern Kayah Shadaw Dialect

²³ ꤙꤣꤧꤔꤣꤧ꤬ꤋꤢꤩ꤭, ꤘꤣ ꤢꤨ꤭ ꤛ꤫ꤢꤦ꤬ꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤢ꤬ꤊꤜꤢꤧꤢ꤬ꤊꤜꤥ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤘꤢꤨ꤬꤮ ꤒꤣ꤬ꤡꤣ꤬ ꤥ꤬ꤓꤢꤧ꤬ ꤘꤣ ꤠꤤ꤭ꤢꤩꤖꤢꤩꤎꤢꤨ꤬ ꤢ꤬ꤊꤢꤨ꤭꤯

เพรโด่แนพู๊ เต๊เห่ 19:23 ပူးပေါင်းရင်းမြစ်များ

เพรโด่แนพู๊ เต๊เห่ 24:22

โทเร๊อ คุ๊ยดุ เฟลิกส์ เด๊อ อา ซิเง โท แร๊เฮ๊อ แกล๊ เด๊อ แบ่เจ่ เด๊อะโล เออเนอเนอ, อา แด่ ตื๊อดื่อแก เตแด๊เฮอเจแม๊ เออ เร๊อ อา เฮ๊ เน๊อ, “ช๋า เกลอฮู๊ตีรี๊ กู่กล๊อดุ คูลีเซียส แฮโต่เฮ๊อ อาเคปาเนอ, แว เก่ เฮ๊เบ่ เมโต เป่ ซี เตหรี่เตแก เออเต๊อเจ่อ ปา,” อา เฮ๊ เหย่ซี ฮู๊เนอ.

เพรโด่แนพู๊ เต๊เห่ 19:9

หม่าแน๊เรอ เต๊เห่เห่เนอ อา ซิปล่อชอ เร๊อ หยื่อเอ่ เกออู โต่. เร๊อ อา เป๊อเจ่ออิแช๊ แลแค แบ่เจ่ อาแกล๊อาโกล เด๊อ อู เด๊อะโล เออเนอ เด๊อ แกแย ตูปลูเต๊เผ่ เป๊เส่เง เจ๊อ. ฮู๊เนอ อาขว่าอาคยา, คูเปาโล เถ่จว๊า ตาพาแก เร๊อ เหย่ซี. เร๊อ อา เอ๊หนิ อา โคเจ่ เต๊เห่ เร๊อ ปวาเนอเน๋อ. อา เร๊อ อา โคเจ่ เต๊เห่ จว๊า เฮ๊เบ่โด่แน โหร่ลู เด๊อ อู เอ๊ เน๊อ ซ๊าร๊า ทีรันนัส เหล่อิซว๊าเต เบ๊อะเนอ เนอโต๊โผะ.

เพรโด่แนพู๊ เต๊เห่ 9:2

เร๊อ อา จว๊ากูยซิยอ ลู เร๊อ อา เก่ ราจว๊าหนิ ลี ข่าเฮ๊โล เต๊เห่ เร๊อ อา เก่ ราจว๊า เป่ยูดาห์เต่จ๊อเบโฮ เด๊อ อา โอ่ เด๊อ วีดามัสกัส อากู เนอเต๊เห่ อาโอ่. ลี ข่าเฮ๊โล เออ เต๊เห่ เนอ, อา เฮ๊ จว๊า เหย่ซี เร๊อ เพรเหมาะ เบ่เบ่, เพรคู เบ่เบ่, อูเปเป๋ เบ่เบ่, เบ๊อะคูเซาโล แม๊เถอะ เร๊อ เหย่ซี ครวาเมเกอ แบ่เจ่ เหย่ซู่ อาแกล๊ เต๊เห่ เฮ๊เนอ, อา เก่ ปื่อ เหย่ซี ปา เร๊อ อา เก่ ซูกาแก เหย่ซี เด๊อ วีเยรูซาเล็ม ปา, อา ราจว๊า ฮู๊เนอ.

โครินธ์ เนอบ่า ต๊าบ่า 6:9

แกแย เด๊อ อา เตเนปีตี๊ เป เนอ อา โอ่ เต๊เห่ หม่าแน๊เรอ เปหรี่เปแก เนอ, จอแปแหร่ ซิเง ลอ แพ๊. เป เตเร พื่อเซอ โตโมโม เจ๊อ หม่าแน๊เรอ เป โอ่เซอเพร โต่ปา กู๊แหน่. อูมืออูปอ เจ๊อ เป หม่าแน๊เรอ เป เซอ แต่ล๋ายโต่โต่.

เพรโด่แนพู๊ เต๊เห่ 24:14

หม่าแน๊เรอ, แว อ๊อแล เน๊อ แว จ๊อบู่จ๊อเบแถ่ เป โหมะเพเพอโพ เด๋อ งย๊าเค เต๊เห่ อา จอแปแหร่, เร๊อ หม่า เด๊อ แว โครครวา แกล๊ เด๊อ แบ่เจ่ เด๊อะโล เออเนอ เร๊อ เหย่ซี เฮ๊ แลแค แว เร๊อ แวหยื่อแวแหน่ ซื๊อเฮ๊อ เตเฮ๊อ, อา เฮ๊ แลแค ฮู๊เนอ. ล๋อ คูโมเสส อา เตซว๊าเตแส่ เด๊อ อา ราหนื่ออื่อ เหร่อ เต๊เห่เน๊อ เร๊อ ล๋อ เพรโพร อาลี เต๊เห่เนอ, แว หยื่อเอ่ เกอ ลอ แพ๊แพ๊.

เพรโด่แนพู๊ เต๊เห่ 22:4

แกแย เด๊อ อา โครครวา แกล๊ เด๊อ เหย่ซู่ครี๊ เด๊อะโล เออเนอ, แว เมจาเมจือ เจ๊อ เหย่ซี บ๋า เต เฮ๊เนอ, แว เมจาเมจือ โต่ เจ๊อ เหย่ซี เด๊อ อา อาเซอ เจ๊อ. โทเร๊อ แว ปื่อ ลอ เพรเหมาะเพรคู เต๊เห่ เร๊อ แว ด๊อตาลอ เหย่ซี เด๊อ ทอกู.

เพรโด่แนพู๊ เต๊เห่ 18:26

อา เป๊อแถ่ เฮ๊เบ่บื่อเฮ๊เบ่คือ เด๊อ เตจ๊อเบโฮ อากู เบ๊อะโหมะปลิสสิลลา เร๊อ เพอาควิลลา หนิโฮ อา เตเฮ๊เบ่ เบ๊อะเนอ, อา เอ๊กา ลู เด๊อ อาหี่. แซ่ฮู๊ อา เก่ ซิเงแฮ ตาเต อากลอเล๊อโป่ เร๊อ อา เหล่โกลเล๊อ เออเนอเรอ, โหมะปลิสสิสลา เร๊อ เพอาควิลลา แด๊โฉ่โล เป่ โป่ ลู เนอ จอแปแหร่ อาแกล๊อาโกล เต๊เห่.

โครินธ์ เนอบ่า ต๊าบ่า 6:5

อูมืออูปอ เจ๊อ เป. อู ด๊อตา เป เด๊อ ทอกู. อู เม ตอปลอตือซือ เป เร๊อ อู เหว่เถ่จว๊าแก เป, เป เอ่แร ซิพร๊าแลแด๊ ปวาเนอปวาเซ เจ๊อ, เตเซ๋ เตเซ โอ่เมอน๊อ โต่ เนอ อาโอ่ อาเซ เอ๊ ลา, โทเรอ เอ่น๊อโอน๊อ โต่ เนอหม่า อา โอ่โอ่.

โครินธ์ เนอบ่า ต๊าบ่า 11:26

เด๊อ แว จว๊า แกล๊ อาโพ่เอ๊ อากูเนอ แว แม๊เถอะ ป่อชิเต่อเบ่ เอ๊แหน่เจ๊อ เร๊อ เตต๊อหร่อเซ๊ ซิอิเช เต๊เห่. แว แม๊เถอะ ป่อชิเต่อเบ่ น๊อ เทอดุ ตาตือบี๊ แวแกล๊, แว แม๊เถอะ ป่อชิเต่อเบ่ น๊อ เร๊อ เพรปื่อเผ่ พย๊าเพ่ อูเต เต๊เห่, แว แม๊เถอะ ป่อชิเต่อเบ่ น๊อ เร๊อ แวเมวเจอะ แกแยยิวพู๊ เร๊อดื่อ เต๊เห่ เร๊อ แกแยยิวพู๊ หม่าโต่ เต๊เห่ ซิเถ่ซิฮา แม๊ปูเมเซอ แว. เบ๊อะแว จว๊าโน เด๊อ วีดุวีทู อากู เบ่เบ่, เบ๊อะแว จว๊า เด๊อ แกแย โอ่ เตเพร่ว โต่ อาเหล่โอ่ เนอ เบ่เบ่, แว แม๊เถอะ ป่อชิเต่อเบ่ น๊อ เอ๊แหน่เจ๊อ เร๊อ เตต๊อหร่อเซ๊ ซิอิเช เต๊เห่. โท๊โต่ เด๊อ เทอดุซาวา อากู เบ่เบ่, แว แม๊เถอะ ป่อชิเต่อเบ่ เอ๊ลา เตต๊อหร่อเซ๊ ซิอิเช เต๊เห่. โป่แหว่ ครี๊พู๊ เด๊อ อา แลโฮ เต๊เห่ อา เตเมแป่เมเช เนอหม่า แว ป่อชิเต่อเบ่ เอ๊ลาลา. ล๋อ เตต๊อหร่อเซ๊ ซิอิเช เออเต๊เห่เนอ, แว แม๊เถอะเบ่ น๊อ ลอปลี เจ๊อ.