เพรโด่แนพู๊ เต๊เห่ 19:13 - ลีเทส่อพ๊าอาเซ เร๊อ เห่ขุทวาลู๊

¹³ แกแยยิวพู๊ เด๊อ จว๊า เล เหว่เถ่แก โลเน๊โลหน่าเนอ อา โอ่ เต๊เห่. เหย่ซี เหว่เถ่แก เกอ โลเน๊โลหน่า เน๊อ แบ่เจ่เหย่ซู่ อามุย. เหย่ซี เฮ๊ โลเน๊โลหน่า เต๊เห่ เน๊อ, “เหย่ซู่, เด๊อ คูเปาโล เฮ๊โฉ่โด่แนหนิ อามุย เออเตเพร อากูเนอ, แว นอเถ่จว๊าแก ซี,” อา เหว่เถ่ เกอ ฮู๊เนอ.

Eastern Kayah Shadaw Dialect

¹³ ꤛꤢꤨꤘꤢ꤬ꤖꤢꤨ ꤘꤣ ꤢ꤬ ꤜꤢꤩ꤭ꤠ꤫ꤢꤩ꤬ꤓꤢꤩ꤬ꤊꤢꤧ꤭ ꤜꤥ꤭ꤔꤢꤩꤜꤥ꤭ꤔꤢ꤬ꤔꤣꤧ꤬ ꤢ꤬ ꤥ꤬ ꤒꤣꤧ꤬ꤟꤢꤩ꤬꤯ ꤛꤢꤩ꤬ꤞꤤ꤭ ꤗꤢꤧꤕꤢꤨ꤭ ꤠ꤫ꤢꤩ꤬ꤓꤢꤩ꤬ꤊꤢꤧ꤭ ꤊꤣꤧ꤭ ꤜꤥ꤭ꤔꤢꤩꤜꤥ꤭ꤔꤢ꤬ ꤔꤢꤧ ꤛꤢꤩ꤬ꤏꤛꤢꤨ ꤢ꤬ꤗꤝꤤ꤭꤯ ꤛꤢꤩ꤬ꤞꤤ꤭ ꤟꤢꤩ ꤜꤥ꤭ꤔꤢꤩꤜꤥ꤭ꤔꤢ꤬ ꤒꤣꤧ꤬ꤟꤢꤩ꤬ ꤔꤢꤧ, “ꤛꤢꤩ꤬ꤏꤛꤢꤨ, ꤘꤣ ꤋꤢꤨ꤭ꤕꤢꤪꤜꤢꤨ ꤟꤢꤩꤏꤥ꤬ꤘꤥ꤬ꤔꤢꤧ꤭ꤚꤣꤧ ꤜꤢꤨ꤭ꤗꤝꤤ꤭ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤊꤢꤨ꤭ꤔꤣꤧ꤬, ꤠꤢꤧ꤭ ꤔꤢꤪ꤭ꤓꤢꤩ꤬ꤡꤝꤢꤊꤢꤧ꤭ ꤞꤤ꤭,” ꤢ꤬ ꤠ꤫ꤢꤩ꤬ꤓꤢꤩ꤬ ꤊꤣꤧ꤭ ꤟꤢꤨꤔꤣꤧ꤬꤯

เพรโด่แนพู๊ เต๊เห่ 19:13 ပူးပေါင်းရင်းမြစ်များ

มัทธิว 12:27

เก่ แว เหว่เถ่ โลเน๊โลหน่า เนอ เบเอลเซบูล อา เตอเรอฉว่าชอ เก่เฮ๊เรอ, ซี โคเจ่ เต๊เห่ เกอลาติ เรอ อา นอจ่อ หม่าอูเป อา เตอเรอฉว่าชอ เร๊อ อา เหว่เถ่ เป? หม่า อา นอจ่อ โลเน๊มู๊แหม่รีแจ่ กู่กล๊อ อา เตอเรอฉว่าชอ แอ? อา นอจ่อ หม่า น๊อโต่. ฮู๊เนอ อาขว่าอาคยา, ซี โคเจ่ อา เด๊อะโล เกอเร๊อดื่อ ซี เมเต ซื๊อ เนอปา.

ꤗꤢ꤬ꤊꤢꤨ 9:38

คูยอห์น แด๊โฉ่โล เป เหย่ซู่ เน๊อ, “ซ๊าร๋า, เป แม๊เถอะ แกแย เตเพร เด๊อ อา จว๊า เหว่เถ่แก โลเน๊ เต๊เห่ เร๊อ เนมุย อา ย๋อ โอ่เต่อเกอ เด๊อ เปตู๊หมู่ หม่าโต่ เร๊อ เป เฮ๊ ตาตือแก อา.”

ꤜꤢꤨꤊꤢ꤬ 11:19

เก่ แว เหว่เถ่แก โลเน๊ เต๊เห่ เร๊อ เบ่เอลเซบูล อา เตโพรเตเตอเรอ แพ๊ เฮ๊เรอ, ซี โคเจ่ เต๊เห่ เหว่เถ่แก โลเน๊เต๊เห่ เร๊อ อูเป อา เตโพรเตเตอเรอ เป? ซี เฮ๊เบ่ เออ อาซื๊อ แพ๊ เนอ, ซี โคเจ่ เต๊เห่ เก่ เฮ๊ฉื่อเลอตื่อ ซี ปา.

ꤜꤢꤨꤊꤢ꤬ 9:49

คูยอห์น เฮ๊เถ่ เน๊อ, “แบ่เจ่ เป แม๊เถอะ แกแย เตเพร เด๊อ อา จว๊า เหว่เถ่แก โลเน๊ เต๊เห่ เร๊อ เนมุย. อา ย๋อ โอ่เต่อเกอ เด๊อ เปตู๊หมู่กู หม่าโต่ เร๊อ เป เฮ๊ ตาตือแก ลู.”

ꤗꤢ꤬ꤊꤢꤨ 5:7

เร๊อ อา เอ๊โทแถ่ เร๊อ อา เฮ๊ เน๊อ, “เตดุเตทู ตื๊อดื่อ จอแปแหร่ อาพู๊ เหย่ซู๋, เน เตเร แฮเม แคร๋ แว อิเต? แว กุยซิยอ เจ๊อ เน เด๊อ จอแปแหร่ อา เป๊เส่เง เนอ, เมจาเมจือ แต่ แว แต่เหม่ นี๋.”

มัทธิว 26:63

หม่าแน๊เรอ อา แด๊ต๊ากลว่า แพ๊. เพรหลู่แต กู่กล๊อดุเล๊อ เนอเตเพร เฮ๊ เน๊อ, “แว แบ แวโหง่ เร๊อ จอแปแหร่ เด๊อ อา เซอเพร เออเตเพร เร๊อ แว เก่ แด๊เฮอ เน, เน หม่า เมสิยาห์ หม่าเฮ๊อ จอแปแหร่ อาพู๊ เนอเตเพร หม่าแหน่ ฮ๊อแอเนอ, เฮ๊เป่แม๊เป.”

เห่ขุทวาลู่ 4:14

กู๊แหน่เร๊อ เนเหว่เถ่จว๊า ตาพายา แกเฮ๊อ แว เน๊อ เห่ขุ เด๊อ แว เหล่อิช๊ออิปลือเอ่ เกอเร๊อเออ เน๊อ เด๊อ เนเป๊เส่เง เฮ๊อ. แว เก่ ทวาเฮ๊อ เพรเลโทเลแล โชโดเหล่โอ่โก๊ เด๊อ เห่ขุเออ เฮ๊อ. อูเปเป๋ เบ่เบ่ เด๊อ อา แม๊เถอะ แว เต๊เห่เนอ, อา เก่ เมเซอ แนเฮ๊อ แว ปา.”

เห่ขุทวาลู่ 4:12

ช๋า เนเอ่เนแร อิช๊ออิปลือ เกออู เบ๊อะ เห่ขุ เออ ปาเนอ, อา เก่ เส่เถ่โพเถ่ เป่ เกอ เน โต่ ปา. เนโชโดหี่ โชโดเพร๊ ปา, เน เบ่ แกล่โทแกล่แล เด๊อ เห่ขุเออ ปา,” อา เฮ๊ ลู ฮู๊เนอ.

เพรโด่แนพู๊ เต๊เห่ 19:14

แกแยยิวพู๊ เพรหลู่แต กู่กล๊อ เด๊อ อามุย เด๊อ เพเสวา เฮ๊ เออเตเพรเนอ, อา พู๊เพรคู โอ่ โซซว๊าเตเพร. อาพู๊ เออเต๊เห่ เนอหม่า อา แม๊ปู เหว่เถ่ แลแค โลเน๊โลหน่า ฮู๊เนอ เต๊เห่เฮ๊อ.

โครินธ์ เนอบ่า ต๊าบ่า 11:4

เมเตเฮ๊เรอ อูเป เตเพร เบ่เบ่, อา ดาแฮโน แด๊โฉ่โด่แน เป่ เฮ๊อ ซี เร๊อ เหย่ซู่ อาหรี่อาแก เด๊อ อา โค๊ดื่อ เร๊อ เป แด๊โฉ่ เป่ ซี เออเนอ เฮ๊เรอ ซี ซิครือซิลอ เอ๊ฉื่อ เจ๊อ ลู. เร๊อ ซี พย๊าฉื่อ ยูงย๊า เจ๊อ แหย่โยบูโพ๊ แบ่เจ่ เด๊อ อา โค๊ดื่อ เร๊อ ซี พย๊าฉื่อ โทเฮ๊อ เนอ เตเพร, โท๊โต่ ซี หยื่อเอ่ยูงย๊า แพ๊ เตซิครือมีลา เด๊อ อา โค๊ดื่อ เร๊อ เป แด๊โฉ่โด่แน เป่ โทเฮ๊อ ซี เนอเต๊เห่ เฮ๊อ.