เพรโด่แนพู๊ เต๊เห่ 18:7 - ลีเทส่อพ๊าอาเซ เร๊อ เห่ขุทวาลู๊

⁷ ฮู๊เนอ อาขว่าอาคยา, อา เถ่จว๊าแก เหย่ซี เบ๊อะเนอ เร๊อ อา จว๊า โอ่เกอ เด๊อ แกแยยิวพู๊ หม่าโต่ เด๊อ อามุย เร๊อ คูทิทิอัสยูสทัส เฮ๊ เออเนอ เตเพร อาหี่, เร๊อ อาหี่ โอ่ เบ๊อะเตจ๊อเบโฮ อาช๊าเนอ. อา หม่า แกแย เด๊อ อา จ๊อบู่จ๊อเบแถ่ จอแปแหร่ เตเพร.

Eastern Kayah Shadaw Dialect

⁷ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤓꤢꤩ꤬ꤡꤝꤢꤊꤢꤧ꤭ ꤛꤢꤩ꤬ꤞꤤ꤭ ꤜ꤫ꤢꤩ꤬ ꤚꤣꤧ꤬ ꤢ꤬ ꤡꤝꤢ ꤥ꤬ꤊꤣꤧ꤭ ꤘꤣ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤘꤣ ꤢ꤬ꤗꤝꤤ꤭ ꤔꤢꤧ ꤋꤢꤨ꤭ꤒꤤꤒꤤ꤬ꤛꤣ꤬ ꤡꤛꤢꤧꤎꤣ꤬ꤓꤣ꤬ ꤟꤢꤩ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬ ꤢ꤬ꤟꤤ꤬, ꤚꤣꤧ꤬ ꤢ꤬ꤟꤤ꤬ ꤥ꤬ ꤙꤣꤧ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ ꤊꤢꤧ꤭ꤏꤢꤔꤣꤧ꤬꤯ ꤢ꤬ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤡꤢꤪꤙꤢꤨ꤬ꤡꤢꤪꤙꤢꤩ꤭ꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤒꤣ꤬ꤖꤚꤢꤩ꤬꤯

เพรโด่แนพู๊ เต๊เห่ 18:7 ပူးပေါင်းရင်းမြစ်များ

เพรโด่แนพู๊ เต๊เห่ 16:14

เพรเหมาะ เด๊อ อา หนิดา เป เตเฮ๊เบ่ เออ อาเกล เตเพรเนอ, อามุย เร๊อ เหมาะลิเดีย, อา หม่า วีธิยาทิราพู๊ เตเพร เร๊อ อา อิเช อิเก เต๊เผ่ล๊อซอ งูดุ เต๊เห่. อา หม่า เพรเหมาะ เตเพร เด๊อ อา จ๊อบู่จ๊อเบ จอแปแหร่. เร๊อ แซ่ฮู๊ อา เก่ หยื่อเอ่เกอ คูเปาโล อา เตโด่แนเฮ๊เบ่ เป่ อู เออเต๊เห่ อาเงเนอเร๊อ, จอแปแหร่ บ๊าโม เป่ ลูซิปล่อ.

โคโลสี 4:11

คูเหย่ซู่ เด๊อ อู เอ๊ อา เร๊อ คูยุสทัส เออเตเพร ซูแลเกอ อา เตเฮ๊โมเฮ๊แร๊ เด๊อ ซี โอ่โอ่. แกแยยิวพู๊ เด๊อ อา หยื่อเอ่ ครี๊ เต๊เห่ อาเกลเนอ, เพร เด๊อ อา เมโหร่ เกอ เต เร๊อ แว เด๊อ จอแปแหร่ อาเทออาเก่ อาเงเนอ หม่า อา โอ่แพ๊ ซิโซโซ๋ แพ๊. เหย่ซี หม่า อา เมโม แหน่เจ๊อ แว ซิปล่อ.

เพรโด่แนพู๊ เต๊เห่ 17:4

เด๊อ แกแยยิวพู๊ อาเกล เต๊เห่เห่เนอ, อา หยื่อเอ่เกอ คูเปาโล อา เตเฮ๊เบ่ เร๊อ อาซิปล่อ โนกู เกอเร๊อ คูเปาโล เร๊อ คูสิลาส. กรีกพู๊ เด๊อ อา เบ่หยื่อเบ่แหน่ จอแปแหร่ เต๊เห่เนอ, อา หยื่อเอ่แหน่ โอ่โร๊ เกอลา เหย่ซี เออซิเนอ. โท๊โต่ เพร เหมาะ เด๊อ อา มุยดุมุยทู เต๊เห่เนอ, อาซิ ปล่อ โอ่เกอ เหย่ซี เออซิเนอ เร๊อ อา หยื่อเอ่แหน่ กาโน อาโร๊เกอ ลา เหย่ซี.

เพรโด่แนพู๊ เต๊เห่ 13:42

เบ๊อะคูเปาโล เร๊อ คูบารนาบัส เถ่จว๊าแก เด๊อ เตจ๊อเบโฮกู เบ๊อะเนอ, แกแย เบ๊หมู่ เต๊เห่ นอแฮโป่ เหย่ซี ช๋า แกแยยิวพู๊ อา ม๊อเนอโด่ เบ่ คยาแซ๊ เด๊อคยา โซซว๊าเตอเนอ ปา. เร๊อ อา นอแด๊โฉ่โด่แน โอ่เอ๊แถ่ โป่ เหย่ซี เร๊อ เตหรี่เตแก ซีเต๊เห่.

เพรโด่แนพู๊ เต๊เห่ 10:22

เร๊อ เหย่ซี เฮ๊ฉื่อ เน๊อ, “เกลอฮู๊ทวาดุ เพโครเนลิอัส นอแฮ เป. อา หม่า แกแยจ๊อแกแยเต เตเพร, โท๊โต่ แกแย เด๊อ อา เบ่หยื่อเบ่แหน่เกอ จอแปแหร่ เตเพร. แกแยยิวพู๊ เต๊เห่ เบ่หยื่อแหน่หนิ ลอปลี เจ๊อ ลู ปว๋า เตเพร เจ๊อ. แซ่ฮู๊ อา เก่ หนิโฮน๊อ เกอ เน เตเฮ๊เบ่อี๊โช เต๊เห่เนอ เร๊อ, จอแปแหร่ อา เตเน่วม๊อขุพู๊ แฮ เฮ๊ ลู เร๊อ เบ่ จว๊า เอ๊แฮ เน เด๊อ อาหี่.”

เพรโด่แนพู๊ เต๊เห่ 10:2

อา หม่า แกแยยิวพู๊ หม่า โต่, เร๊อ อา หม่า แกแย เด๊อ อา โมหนิเกอ เร๊อ จอแปแหร่ เตเพร. โท๊โต่ อา เร๊อ ล๋อ อา ตี๊หี่แตแพ เต๊เห่เนอ อา แด่ดุหยื่อแหน่ แหน่เจ๊อ จอแปแหร่. อา เมจว่า เอ๊แหน่เจ๊อ แกแยยิวพู๊ เด๊อ อา โซพ๊าโซแร เต๊เห่. เร๊อ เบ๊อะค๊าขิ ดาโต กุยจ๊อเบ เฮ๊อ เฮ๊เนอ, อา กุยจ๊อเบ ปว๋า โตโพ๊ เจ๊อ.

ꤛꤥ꤭ꤟꤢ꤬ 9:31

เพรเตซื๊อพู๊ กุย เตเมจว่า เนอ, จอแปแหร่ หนิดา โต่ เนอหม่า เป ซิเง. อา หนิดา แพ๊ ตื๊อ แกแย เด๊อ อา หยื่อเอ่ ลู เร๊อ อา เมโต ลูซิปล่อ เนอเต๊เห่ แพ๊.

เพรโด่แนพู๊ เต๊เห่ 13:43

เร๊อ เบ๊อะอู จ๊อเบ โทเฮ๊อ เด๊อ เตจ๊อเบโฮกู เบ๊อะเนอ, แกแยยิวพู๊ เต๊เห่ เร๊อ แกแยยิวพู๊ หม่าโต่ เด๊อ อา หยื่อเอ่ เกอ แกแยยิวพู๊ อาเตจ๊อบู่จ๊อเบ เต๊เห่เนอ, อา ครวาปลูครวาเผ่ เกอลอ คูเปาโล เร๊อ คูบารนาบัส อาคยา. เร๊อ เหย่ซี เฮ๊เบ่ เด๊อะอ๊าเด๊อะเหร่ ฉว่าชอแถ่ แกแย เด๊อ อา ครวาเกอ ลูคยา เนอเต๊เห่ เน๊อ อา เก่ โอ่เซอเพร ชีเหน่ เป่แฮ หนิเกอ แลแค อาเหน่ เด๊อ จอแปแหร่ อาบุ๊ยอาเตอเรอ อากู.

เพรโด่แนพู๊ เต๊เห่ 13:50

หม่าแน๊เรอ แซ่ฮู๊ อู เก่ เมจาเมจือ คูเปาโล เร๊อ คูบารนาบัส เออเนอเร๊อ แกแยยิวพู๊ ซี เต๊เห่เนอ, อา นอฉว่า เฮ๊ชอ เพรเหมาะ เด๊อ อา จ๊อเบ จอแปแหร่ เร๊อ อา ทวา กู่กล๊อ เต๊เห่, เน๊อ เพรคู เด๊อ อา ทวา กู่กล๊อ เด๊อ วีกู เนอเต๊เห่, เร๊อ อา จว๊า เฮ๊ แฉ่ครวา โป่ ลอเหย่ซี. เร๊อ เหย่ซี เหว่เถ่แก คูเปาโล เร๊อ คูบารนาบัส เด๊อ เหย่ซี เก่กู.