เพรโด่แนพู๊ เต๊เห่ 18:6 - ลีเทส่อพ๊าอาเซ เร๊อ เห่ขุทวาลู๊

⁶ หม่าแน๊เรอ แกแยยิวพู๊ เต๊เห่ เคร๊ฉื่อ เป๊อเจ่ออิแช๊ คูเปาโล อาขว่าอาคยา, คูเปาโล ท๊อโพร๊ ตาแก เห่หมื่อ เด๊อ อา เห่อจาลู. อา ท๊อโพร๊ ตาแก เห่หมื่อ ฮู๊เออเนอหม่า อา เด๊อะโลเฮ๊อ เตม๊าเตแด เต๊อเจ่อ เด๊อ อู เคร๊ฉื่อ เหย่ซี ฮู๊เนอ. โทเร๊อ อา เฮ๊ฉื่อ เหย่ซี เน๊อ, “ซี เก่ โต่เด๊อ เตปย๊าเตหลู่ เฮ๊เนอหม่า ซีเร๊อซี หนิดื่อเฮ๊อ เตซื๊อเตปล๊า โอ่ปา เด๊อ แวลู โต่ เฮ๊อ. เป๊อแถ่ กู๊แหน่เออ ตาเป่แฮ เนอ, แว เก่ จว๊า แด๊โฉ่โด่แน เป่ดื่อเฮ๊อ เด๊อ แกแยยิวพู๊ หม่าโต่ เต๊เห่ อาเกลเฮ๊อ.”

Eastern Kayah Shadaw Dialect

⁶ ꤗꤢ꤬ꤔꤢꤧꤚꤣꤧ꤬ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤓꤢꤩꤏꤢꤦ꤬ ꤕꤣꤧ꤬ꤡ꤫ꤣꤧ꤬ꤕꤣꤧ꤬ꤢ ꤋꤢꤨ꤭ꤕꤢꤪꤜꤢꤨ ꤢ꤬ꤋꤝꤢ꤬ꤢ꤬ꤋꤛꤢ꤭, ꤋꤢꤨ꤭ꤕꤢꤪꤜꤢꤨ ꤓꤢꤪꤖꤚꤥ ꤒꤢ꤭ꤊꤢꤧ꤭ ꤟꤢꤩ꤬ꤗꤢꤦ꤬ ꤘꤣ ꤢ꤬ ꤟꤣꤧ꤬ꤡꤢ꤬ꤜꤥ꤬꤯ ꤢ꤬ ꤓꤢꤪꤖꤚꤥ ꤒꤢ꤭ꤊꤢꤧ꤭ ꤟꤢꤩ꤬ꤗꤢꤦ꤬ ꤟꤢꤨꤣꤧ꤭ꤔꤣꤧ꤬ꤗꤢ꤬ ꤢ꤬ ꤘꤣꤧꤜꤥ꤭ꤟꤣꤧ ꤒꤢꤩ꤬ꤗꤢꤒꤢꤩ꤬ꤒꤢꤩ꤭ ꤒꤣ꤬ꤡꤣ꤬ ꤘꤣ ꤢꤨ꤭ ꤓꤢꤩꤏꤢꤦ꤬ ꤛꤢꤩ꤬ꤞꤤ꤭ ꤟꤢꤨꤔꤣꤧ꤬꤯ ꤓꤥ꤭ꤚꤣꤧ꤬ ꤢ꤬ ꤟꤢꤩꤏꤢꤦ꤬ ꤛꤢꤩ꤬ꤞꤤ꤭ ꤔꤢꤧ, “ꤞꤤ꤭ ꤊꤢꤩ꤬ ꤒ꤫ꤥ꤬ꤘꤣ ꤒꤢꤩ꤬ꤕꤛꤢꤒꤢꤩ꤬ꤜ꤫ꤢꤨ꤬ ꤟꤢꤩꤔꤣꤧ꤬ꤗꤢ꤬ ꤞꤤ꤭ꤔꤢꤧꤞꤤ꤭ ꤚꤣꤧꤘꤢꤦ꤬ꤟꤣꤧ꤯ ꤒꤢꤩ꤬ꤞꤢꤦꤒꤢꤩ꤬ꤕꤜꤢ ꤥ꤬ꤕꤢ꤬ ꤘꤣ ꤠꤢꤧ꤭ꤜꤥ꤬ ꤒꤥ꤬ ꤟꤣꤧ꤯ ꤡꤢꤓꤢꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤒꤢ꤭ꤟꤢꤧ꤭ꤑꤢꤩ꤭ ꤔꤣꤧ꤬, ꤠꤢꤧ꤭ ꤊ꤫ꤢꤦ꤬ ꤡꤝꤢ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ꤘꤢꤦ꤬ꤟꤣꤧ ꤘꤣ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ꤟꤣꤧ꤯”

เพรโด่แนพู๊ เต๊เห่ 18:6 ပူးပေါင်းရင်းမြစ်များ

เพรโด่แนพู๊ เต๊เห่ 13:51

ฮู๊เนอเรอ เพรโด่แนพู๊ เต๊เห่ โซตาแก เห่หมื่อ เด๊อ อา กู่ยาเล. เออ หม่า อา เด๊อะโลซิเงแก วีกู เบ๊อะเนอ เต๊เห่ เนอ เตม๊าเตแด เต๊อเจ่อ เฮ๊อ, เมเตเฮ๊เรอ เหย่ซี วีกู เต๊เห่เนอ, อา เคร๊ฉื่อ เหว่เถ่แก เหย่ซี, เร๊อ เหย่ซี เถ่จว๊าแก เด๊อ วีอิโคเนยูม.

เปโตร อาเหร่อเล๊อ ต๊าบ่า 4:4

ฮู๊เนอเรอ กู๊แหน่เออ ซี แบ๊ซว๊าแบ๊โค เม มีลาปย๊า ปา ซีเหน่ เร๊อ เตเออเต๊เห่ โต่ อาขว่าอาคยา, แกแย เด๊อ อา ซิเง จอแปแหร่ โต่ เออเต๊เห่ คย๊ายื๊อ แลแค เร๊อ อา เป๊อเจ่ออิแช๊ ลอปลี ซี เฮ๊อ.

ꤜꤢꤨꤊꤢ꤬ 9:5

อู เก่ เอ๊โมฉื่อ ซี โตโพ๋ โต่ เฮ๊เนอ, โซตาแก เห่หมื่อ เด๊อ ซี กู๊โด่ลู เนอเต๊เห่ เร๊อ เถ่จว๊าแก เด๊อ เมอเนอ ตีวี อากู นี๋. ซี เก่ เมฮู๊เนอ เฮ๊หม่า อาแซ่เน๊อ ซี เฮ๊โฉ่โทเฮ๊อ เตม๊าเตแด เต๊อเจ่อ เด๊อ จอแปแหร่ เก่ เด๊อะจาเหย่ซี ปา เนอเฮ๊อ.”

มัทธิว 27:25

เร๊อ แกแย ล๋อ ปลี เฮ๊ฉื่อ เน๊อ, “อาสุ่ย เนอ นอแลเบ่ดื่อ เด๊อ เป เร๊อ เป่พู๊เป่เลอ เต๊เห่ อาขุ เนอ.”

เปโตร อาเหร่อเล๊อ ต๊าบ่า 4:14

เก่ ซี ข่าเบ่ เตเป๊อเจ่ออิแช๊ เด๊อ ซี ครวาเกอ ครี๊ อาคยา เก่เฮ๊เรอ ซี พย๊าหนิ เตเด๊อะบุ๊ยเด๊อะเตอเรอ, เมเตเฮ๊เรอ จอแปแหร่ อา แหย่โยบูโพ๊ เด๊อ เตอเรอดุเตอเรอทู เออเนอ, อา โอ่เต่อเกอ เร๊อ ซี เฮ๊อ.

ทิโมธี เนอบ่า ต๊าบ่า 2:25

เบ๊อะอา อิซว๊า แร๊ กาคยา แกแย เด๊อ อา เท๊ฉื่อ อา เต๊เห่ เบ๊อะเนอ, อา โต เฮ๊เบ่ ซิโดซิ งา อู. แตแร๋ หม่า, จอแปแหร่ เก่ เด๊อะหนิ เป่ เหย่ซี ค๊าขิ แร๊ เด๊อ อา เก่ ถู่แหล่ เต๊เปล่ อาซิปล่อปา เร๊อ อา เก่ ซิเง แถ่คยา เตหมะเตจ๊อ ปา.

ꤚꤥꤗꤢꤩ꤬ 3:29

จอแปแหร่ เออเนอหมา แกแยยิวพู๊ อา จอแปแหร่ ตื๊อดื่อแพ๊ แอ? หม่า แกแยยิวพู๊ หม่าโต่ เต๊เห่ อา จอแปแหร่ หม่า เต่อเกอดื่อ โต่ แอ? จอแปแหร่ เออเนอหมา แกแยยิวพู๊ หม่าโต่ เต๊เห่ อาเง๋ หม่า อาหม่าหม่า.

เพรโด่แนพู๊ เต๊เห่ 28:28

คูเปาโล เฮ๊ โป่ เน๊อ, ฮู๊เนอ อาขว่าอาคยา, ซี โตเบ่ ซิเง แลแค เน๊อ, จอแปแหร่ อา เตเมแลเปล๊แก อาหรี่อาแก เนอ, อู เก่ ซูจว๊าเฮ๊อ ลู เด๊อ แกแยยิวพู๊ หม่าโต่ เต๊เห่ อา โอ่ เฮ๊อ, เร๊อ แกแยยิวพู๊ หม่าโต่ เต๊เห่ เก่ หนิดา ลู ปา.”

เพรโด่แนพู๊ เต๊เห่ 26:20

แว จว๊าเล แด๊โฉ่โด่แน เหร่อเล๊อ เป่ อู เด๊อ วีดามัสกัส โทเร๊อ เด๊อ วีเยรูซาเล็ม อากู, เด๊อคยาเร๊อ แว จว๊า เด๊อ ยูดาห์เก่ ปว๋า โต๊โผ่, โท๊โต่ แว จว๊า เกอดื่อ เด๊อ แกแยยิวพู๊ หม่าโต่ เต๊เห่ อาเกลเกล. เร๊อ แซ่ฮู๊ เหย่ซี เก่ ถู่แหล่แต๊แกละกาคยา เกอเร๊อ แลแค อา เตซื๊อเตปล๊าเต๊เห่, โทเร๊อ แซ่ฮู๊ เหย่ซี เก่ ตีรี๊ กาคยาโต คยาแซ๊ อาเหน่ เด๊อ จอแปแหร่ อา โอ่, โท๊โต่ แซ่ฮู๊ อา เก่ เด๊อะโลแถ่แลแค อาเตเม เด๊อ อาแร๊ เต๊เห่ เน๊อ อา ถู่แหล่แต๊แกละ กาโทเฮ๊อ อาซิปล่อ เฮ๊อ อาเงเนอ, แว แด๊โฉ่โด่แน เป่เฮ๊อ เหย่ซี เฮ๊อ.

เพรโด่แนพู๊ เต๊เห่ 26:11

แวมือแวปอ, เมจาเมจือ น๊อ เอ๊ลา เหย่ซี เด๊อ เตจ๊อเบโฮ เต๊เห่ อากู, เร๊อ แว เฮ๊ชอ เหย่ซี เร๊อ แว นอเฮ๊ เหย่ซี เน๊อ, ‘แว หยื่อเอ่ ปา เหย่ซู่ โต่’ ฮู๊เนอ, เร๊อ แว ซิปล่อดุ โกโน๋ เหย่ซี โต่. โต่ เจ๊อ เด๊อ แว เก่ เถ่จว๊า เด๊อ เมวเจอะโรพู๊ โอ่ เกอเร๊อ วีเต๊เห่ อากู เร๊อ, แว เก่ จว๊า เมจาเมจือ เจ๊อ เหย่ซี เจ๊อ.”

มัทธิว 22:10

ฮู๊เนอเรอ อาหลู่ เต๊เห่ เถ่จว๊า เด๊อ แกล๊ดุ เต๊เห่อากู เร๊อ อา จว๊าเอ๊กา ปล๊อลอ ล๋อ แกแย เด๊อ อา แม๊เถอะ เนอเต๊เห่. แกแยแร๊เบ่เบ่, เร๊อ แกแยแร๊โต่ เบ่เบ่, อาเฮ๊ปาโต่. อา เอ๊แฮ ลอปลี เจ๊อ เร๊อ เด๊อป่วย กาฉู่แด่ หี่ดุกูเนอ, ซิเผระ บาตีปี๋ เจ๊อ.

มัทธิว 10:14

แกแย เตเพรเพร เก่ เอ๊ฉื่อ ซี โต่, เก่ หม่าโต่ เรอ อา เก่ หนิดา ซีโหง่ โต่ เก่เฮ๊เรอ, เบ๊อะซี เถ่จว๊าแก เฮ๊อ เร๊อ หี่ เนอเตเม เบ๊อะเนอ, หม่าโต่เรอ ดอเนอตอดอ เบ๊อะเนอ, โซตาแก เห่หมื่อ เด๊อ ซี กู๊โด่ลู เนอเต๊เห่.

ꤜꤢꤨꤊꤢ꤬ 22:65

โทเรอ เหย่ซี เป๊อเจ่ออิแช๊ เฮ๊มู๊แหม่รีแจ่ ลู เร๊อ โหง่ เด๊อ อาโร เต๊เห่ เนอ อา โอ่ เอ๊ลูปา.

มัทธิว 21:43

“ฮู๊เนอเรอ แว เฮ๊ ซี ม๊อขุ เทอเลเก่กู เด๊อ ซี โต พย๊าหนิเนอ จอแปแหร่ พย๊าเผ่แก ซี ปา. เร๊อ อา เก่ เด๊อ เร๊อ แกแย เด๊อ อา จูเอ่ จอแปแหร่ อาโหง่ เนอเต๊เห่ ปา.

มัทธิว 8:11

แว เฮ๊ ซี, แกแย โอ่ เด๊อ เก่ซิเถ่ เก่แบ๊โน เต๊เห่ อา แฮ โร๊ลู ปา. เหย่ซี อา แฮ โอ่แน เอ่เต่อเกอ เร๊อ เปโพ อับราฮัม, โพอิสอัค, โพยาโคบ เด๊อ ม๊อขุ อา เทอเลเก่กู ปา.

ทิโมธี อาเหร่อเล๊อ ต๊าบ่า 5:22

จว๊า แด่แถ่แพรลิ่ว แต่ ซี กู๊ขุ เด๊อ อูโอ่ เตเพรเพร เด๊อ อา เก่ เม จอแปแหร่ อา เตเอ่เตแร อาเงเนอ แต่เหม่ นี๋. จว๊าโน เกอ แต่ เด๊อ อู เม เตซื๊อเตปล๊า อาเกลเนอ แต่เหม่ นี๋, โอ่โพ๊โอ่แปละดื่อ เนเต นี๋.

มัทธิว 21:41

เพรหลู่แต กู่กล๊อ เต๊เห่ เร๊อ แกแยยิวพู๊ เตจ๊อบู่จ๊อเบ โหมะพรู โหมะเผระ เฮ๊ฉื่อ เน๊อ, “อา เก่ เมจาเมจือ, เมเซอแก แกแยมู๊แหม่ รีแจ่ เนอเต๊เห่ ปา. เร๊อ อา เก่ ปลวาเมเอ่ โค๊ลาติ อาเพร เพรเมเอ่โก๊เพร๊ เด๊อ อา เก่ เบ กาคยาเอ่ เป่ ลู ปา เบ๊อะเตเส่เตโพ เถ่เค เนอเต๊เห่ ปา.”