เพรโด่แนพู๊ เต๊เห่ 18:28 - ลีเทส่อพ๊าอาเซ เร๊อ เห่ขุทวาลู๊

²⁸ เมเตเฮ๊เรอ, อา เตเฮ๊เบ่โด่แน เคร๊แขระ อู เต๊เห่เนอ อา โอ่เร๊อ อาเตอเรออาฉว่าอาชอ, โท๊โต่ อา ยูโลเบ๊ เป่ อู ลีเทส่อพ๊า ข่าเฮ๊โล เต๊เห่ เร๊อ เหย่ซู่ หม่า ครี๊, โท๊โต่ เหย่ซู่ หม่า เพร เด๊อ จอแปแหร่ นว๊าแถ่ ลู เร๊อ อา เก่ เมแลเปล๊กาซี แกแย อาขว่าอาคยา, อา เคร๊แขระ เป่แก ลอ แกแยยิวพู๊ เต๊เห่ เด๊อ แกแย ตูปลูเต๊เผ่ อา เป๊เส่เง.

Eastern Kayah Shadaw Dialect

²⁸ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤢ꤬ ꤒꤢꤩ꤬ꤟꤢꤩꤙꤢꤩ꤬ꤘꤥ꤬ꤔꤢꤧ꤭ ꤋꤚꤢꤩꤋꤚ꤫ꤢꤧ꤬ ꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤥ꤬ꤔꤢꤧ ꤒꤢꤩ꤬ꤖꤚꤥ꤬ꤖꤚꤢꤧ꤬ꤏꤝꤢ꤬ꤏꤢꤪ꤭, ꤓꤥ꤭ꤒꤥ꤬ ꤢ꤬ ꤤ꤬ꤛꤢꤨ꤭ꤜꤥ꤭ꤙꤢꤩ ꤕ꤫ꤢꤩ꤬ ꤢꤨ꤭ ꤜꤤ꤬ꤓꤢꤩ꤭ꤞꤢꤪ꤬ꤖꤢ ꤋꤢꤧꤟꤢꤩꤏꤥ꤬ꤜꤥ꤭ꤒꤢꤩ꤬ ꤒꤣꤧ꤬ꤟꤢꤩ꤬ ꤔꤢꤧ ꤛꤢꤩ꤬ꤏꤛꤢꤨ ꤗꤢ꤬ ꤋꤚꤤ, ꤓꤥ꤭ꤒꤥ꤬ ꤛꤢꤩ꤬ꤏꤛꤢꤨ ꤗꤢ꤬ ꤖꤚꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤓꤢꤧ꤬ ꤜꤢꤨ꤭ ꤔꤢꤧ ꤢ꤬ ꤊ꤫ꤢꤦ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤋꤚꤢꤩ ꤕ꤫ꤢꤩ꤬ꤊꤢꤧ꤭ ꤜꤢꤪ꤭ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤘꤣ ꤊꤣꤧ꤬ꤛꤢꤧ꤭ ꤒꤣ꤬ꤕꤜꤢꤨ꤬ꤒꤣ꤬ꤖꤢꤩ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭꤯

เพรโด่แนพู๊ เต๊เห่ 18:28 ပူးပေါင်းရင်းမြစ်များ

เพรโด่แนพู๊ เต๊เห่ 18:5

เบ๊อะคูสิลาส เร๊อ คูทิโมธี อาโอ่ เด๊อ มาซิโดเนียเก่ เถ่จว๊า เร๊อ อา แฮโต่ เด๊อ คูเปาโล โอ่ เบ๊อะเนอ, คูเปาโล เด๊อะแล ลอปลี อา ม๊อเนอม๊อเซ เด๊อ อา เก่ แด๊โฉ่โด่แน เป่ อู เร๊อ เตซิครือมีลา อาหรี่อาแก. เร๊อ อา ข่าเฮ๊โล เร๊อ แด๊โฉ่โด่แน โล เป่ แกแยยิวพู๊ เต๊เห่ เร๊อ เหย่ซู่ หม่า ครี๊, อา หม่า เพร เด๊อ จอแปแหร่ นว๊าแถ่ ลู เนอ เด๊อ อา เก่ เมแลเปล๊กาซี แกแยเห่ขุพู๊ เนอเตเพร เฮ๊อ, อา เฮ๊ ฮู๊เนอ เด๊อ อู ปว๋า เตเพร อา เป๊เส่เง.

เพรโด่แนพู๊ เต๊เห่ 9:22

คูเซาโล อา เหล่แด๊โฉ่โด่แน เป่ อู เออเนอ, อา เตอเรอฉว่าชอ ดุแถ่ เร๊อ ดุแถ่ เจ๊อ เร๊อ อา ข่าเฮ๊โล ตาเต เป่ อู เร๊อ เหย่ซู่ หม่า ครี๊ หม่าแหน่ เจ๊อ เตเพร อาขว่าอาคยา, โต่ เจ๊อ เด๊อ แกแยยิวพู๊ โอ่ เบ๊อะวีดามัสกัส อากู เนอเต๊เห่ เฮ๊ฉื่อกาคยา แจ่ ปา เจ๊อ ลู เตอเจ๋อ โต่.

ꤜꤢꤨꤊꤢ꤬ 24:44

โทเรอ อา เฮ๊ เป่ เหย่ซี เน๊อ, “เบ๊อะแว โอ่เกอปา เร๊อ ซี เบ๊อะเนอ, ล๋อ อู ราโอ่ โทเฮ๊อ แวหรี่แวแก เด๊อ คูโมเสส อาลีกู เนอเต๊เห่ เบ่เบ่, เพรโพร ราโอ่แก เนอเต๊เห่ เบ่เบ่, เด๊อ ลีถู่เซ๊แถ่ อากู เนอเต๊เห่ เบ่เบ่, อา เบ่ เล๊อบาแถ่ ลอปลี ปว๋า เต๊อเจ่อ ปาเนอ, แว แด๊โฉ่โล เป่ โทลอเฮ๊อ ซี เฮ๊อ.”

เพรโด่แนพู๊ เต๊เห่ 17:3

เร๊อ อา แด๊โฉ่ เป่ เหย่ซี เร๊อ อู ราหนื่ออื่อ ลีเทส่อพ๊า อาหรี่อาแก เนอเต๊เห่ เร๊อ อา ยูโลโปล เป่ อู เร๊อ ครี๊ อาหรี่อาแก. เร๊อ อา เฮ๊ เน๊อ, ครี๊ เด๊อ จอแปแหร่ นว๊าแถ่ อา เนอ เพรเมแลเปล๊กา อู เออเตเพร เนอหม่า อู เมจาเมจือ ลู โทปาเรอ อา เก่ ก๊อถ่อ เซอเพร กาคยา คยาแซ๊ เด๊อ เตเซอ เนอปา อา เฮ๊โฉ่โปล เป่ อู ฮู๊เนอ. เร๊อ อา เฮ๊ เน๊อ, “เหย่ซู่ เด๊อ แว แด๊โฉ่โล เป่ ซี กู๊แหน่เออ เตเพร เนอหม่า หม่าเฮ๊อ ครี๊ เด๊อ จอแปแหร่ นว๊าแถ่ ลู เด๊อ อา เก่ เมแลเปล๊ อู เออเนอ เตเพร เฮ๊อ.”

ꤛꤥ꤭ꤟꤢ꤬ 5:39

ซี แม๊ปูซิเง แลแค ลีเทส่อพ๊า เต๊เห่ เมเตเฮ๊เรอ ซี เตเน เร๊อ ซี เก่ แม๊เถอะ ซิปล่อเซอเพร ตูจูเพร เบ๊อะลี เออเนอเต๊เห่ อากู ปา. ลีเทส่อพ๊า เออเต๊เห่ เนอหม่า อา ข่าเฮ๊โล เป่เฮ๊อ ซิปล่อ เร๊อ แวหรี่แวแก เฮ๊อ.

ꤜꤢꤨꤊꤢ꤬ 24:27

โทเรอ เหย่ซู่ เฮ๊โฉ่โด่แนโปล เป่ เหย่ซี เร๊อ ลีเทส่อพ๊า เฮ๊หนื่ออื่อ โทเฮ๊อ อา อาหรี่อาแก, เป๊อแถ่ เด๊อ คูโมเสส ราแก ลี เนอเต๊เห่ เร๊อ ล๋อ เพรโพร ราแกหนื่ออื่อ เนอเต๊เห่.

เพรโด่แนพู๊ เต๊เห่ 18:25

อู อิซว๊าอี๊แส่ เนอ โทเฮ๊อ อา เร๊อ แบ่เจ่ อาแกล๊อาโกล เต๊เห่ เฮ๊อ. โทเร๊อ อา ซิปล่อฉว่า โด่แนเป่ แหน่เจ๊อ อู, โทเร๊อ อา อิซว๊าอี๊แส่ ตาเต เป่ แหน่เจ๊อ อู เร๊อ เหย่ซู่ อาหรี่อาแก เต๊เห่. หม่าแน๊เรอ อา ซิเง แพ๊ดื่อ คูยอห์น อา เตเจอูเทอ อาหรี่อาแก เต๊อเจ่อโต แพ๊.

ꤜꤢꤨꤊꤢ꤬ 1:80

เบ๊อะคูยอห์น ดุแถ่เฮ๊อ เบ๊อะเนอ, จอแปแหร่ อา แหย่โยบูโพ๊แบ่เจ่ เด๊อ ลู เตเตอเรอ อาฉว่าอาชอ, เบ๊อะอา เป๊อแถ่ อาโอ่โล แต่ลา อาเตเม เด๊อ อิสราเอล เต๊เห่ อา เป๊เส่เง ล๋ายโต่ เบ๊อะเนอ, อา จว๊าโอ่ แพ๊ เด๊อ เก่เชเทอแก อากู แพ๊.

เพรโด่แนพู๊ เต๊เห่ 8:35

ฮู๊เนอเรอ คูฟีลิป เป๊อแถ่ เฮ๊ เป่ ลู เร๊อ ลีเทส่อพ๊า เออตามา เร๊อ อา เฮ๊โฉ่โลหนิ เป่ ลู เร๊อ เหย่ซู่ อา เตซิครือซิลอมีลา อาหรี่อาแก.