เพรโด่แนพู๊ เต๊เห่ 18:27 - ลีเทส่อพ๊าอาเซ เร๊อ เห่ขุทวาลู๊

²⁷ เบ๊อะคูอปอลโล ซิหยื่อ จว๊า เด๊อ อาคายาเก่ เบ๊อะเนอ, เพรหยื่อเอ่ เบ๊อะวีเอเฟซัส เนอเต๊เห่ เมจว่า เป่ ลู เร๊อ เหย่ซี อาเตราลี เด๊อ อา เด๊อะฉว่าเด๊อะชอแถ่ เพรหยื่อเอ่ เด๊อ อา โอ่ เด๊อ อาเคนยา เก่กู เนอเต๊เห่. อา ราจว๊าหนิ เป่ เหย่ซี ลี ฮู๊เออ เมเตเฮ๊เรอ แซ่ฮู๊ อู เก่ เอ๊โมฉื่อแร๊ คูอปอลโล อาเงเนอ แพ๊. อา จว๊าโต่ เบ๊อะเนอ เร๊อ อา ทวาบุ๊ยทวาเตอเรอ เป่แหน่ เจ๊อ แกแย เด๊อ อา ทวากาเฮ๊อ เพรหยื่อเอ่ เด๊อ จอแปแหร่ อาบุ๊ยอาเตอเรอ อาขว่าอาคยา, แพ๊ เนอเต๊เห่ อาเง เจ๊อ.

Eastern Kayah Shadaw Dialect

²⁷ ꤙꤣꤧ ꤋꤢꤨ꤭ꤢ꤬ꤕꤢꤪꤜꤥ꤬ ꤞꤤꤛ꤫ꤢꤦ꤬ ꤡꤝꤢ ꤘꤣ ꤢ꤬ꤋꤢꤩ꤬ꤛꤢ꤬ꤊ꤫ꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤙꤣꤧ ꤠꤤ꤭ꤢꤩꤖꤢꤩꤎꤢꤨ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤗꤢꤩ꤬ꤡꤝ꤫ꤢ꤬ ꤕ꤫ꤢꤩ꤬ ꤜꤢꤨ꤭ ꤔꤢꤧ ꤛꤢꤩ꤬ꤞꤤ꤭ ꤢ꤬ꤒꤢꤩ꤬ꤚꤢ꤭ꤜꤤ꤬ ꤘꤣ ꤢ꤬ ꤘꤣꤧꤏꤝꤢ꤬ꤘꤣꤧꤏꤢꤪ꤭ꤓꤢꤧ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤘꤣ ꤢ꤬ ꤥ꤬ ꤘꤣ ꤢ꤬ꤋꤢꤩ꤬ꤛꤢ꤬ ꤊ꤫ꤢꤩ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬꤯ ꤢ꤬ ꤚꤢ꤭ꤡꤝꤢꤚꤣꤧ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤜꤤ꤬ ꤟꤢꤨꤣꤧ꤭ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤞꤢꤧꤟꤢꤨ ꤢꤨ꤭ ꤊ꤫ꤢꤦ꤬ ꤢꤩꤗꤥ꤬ꤏꤢꤦ꤬ꤚꤢꤧ ꤋꤢꤨ꤭ꤢ꤬ꤕꤢꤪꤜꤥ꤬ ꤢ꤬ꤑꤢꤩ꤭ꤔꤣꤧ꤬ ꤖꤢꤧ꤯ ꤢ꤬ ꤡꤝꤢꤒ꤫ꤥ꤬ ꤙꤣꤧꤔꤣꤧ꤬ ꤚꤣꤧ꤬ ꤢ꤬ ꤓꤝꤢ꤭ꤙꤝꤤꤓꤝꤢ꤭ꤒꤣꤧ꤬ꤚꤣꤧ꤭ ꤕ꤫ꤢꤩ꤬ꤔꤢꤧ꤬ꤡꤣꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤓꤝꤢ꤭ꤊꤢ꤬ꤟꤣꤧ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ ꤖꤢꤧ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤡꤣꤧ꤯

เพรโด่แนพู๊ เต๊เห่ 18:27 ပူးပေါင်းရင်းမြစ်များ

โคโลสี 4:10

คูอาริสทารคัส เด๊อ อู ด๊อตา เต่อเกอ อา เร๊อ แว เออเตเพร ซูแฮ เป่เกอ ซี อาเตเฮ๊โมเฮ๊แร๊, โทเรอ คูบารนาบัส โต๊โป่บู คูมาระโก ซูแฮ เป่เกอ ซี อาเตเฮ๊โมเฮ๊แร๊ เด๊อ ซี โอ่โอ๋. (ซี พย๊าหนิ โทเฮ๊อ ลี เด๊อ อู ราโล เป่ ซี เน๊อ คูมาระโก อาหรี่อาแก เออเนอเฮ๊อ. อา เก่ แฮโตเกอ เด๊อ ซี โอ่ ปา เร๊อ เอ๊โมฉื่อแร๊ ลู นี๋.)

โคโลสี 2:12

เบ๊อะซี เจ ซีเหน่ เน๊อ เทอ เบ๊อะเนอ, ซี เหล่โกล มู๊แหม่ เต๊เห่เนอ, ซี โล๊ตา เต่อเกอ โทเฮ๊อ เร๊อ ครี๊ เฮ๊อ. เร๊อ ซี เหน่เหล่โกลเม เต๊เห่เนอ, จอแปแหร่ เมเซอเพร กาคยา เต่อเกอ เฮ๊อ เน๊อ ครี๊ เฮ๊อ. เด๊อ ซี หยื่อเอ่หนิ จอแปแหร่ อา เตโพรเตเตอเรออาฉว่าชอ เด๊อ อา เม ก๊อถ่อเซอเพร กาคยา คยาแซ๊ ครี๊ เด๊อ เตเซอ เออ อาขว่าอาคยา, อา ทวาแถ่ โทลอ เฮ๊อ ฮู๊เนอ เฮ๊อ.

ฟีลิปปี 1:29

เมเตเฮ๊เรอ, จอแปแหร่ เด๊อ ตื๊อแพ๊ ซี เตเด๊อะบุ๊ยเด๊อะเตอเรอ เด๊อ ซี เก่ หยื่อเอ่ ครี๊ เออเนอ หม่าโต่, อา ซิปล่อโอ่ เกอดื่อ เร๊อ ซี เก่ ข่าเกอ เตเมจาเมจือ เด๊อ ครี๊ อาเงเง.

ฟีลิปปี 1:25

แว ซิเง ตาเต เฮ๊อ เร๊อ แว โตเบ่ โอ่เซอเพร เป่ เกอปา เด๊อ ซีเง เร๊อ แว เก่ โอ่เต่อเกอ เร๊อ ซี ปา. แซ่ฮู๊ ซี เตหยื่อเตแหน่ เก่ฉว่าเก่ชอ แฮโต่, โท๊โต่ เด๊อ ซี หยื่อเอ่ ครี๊ ขว่าคยา, เร๊อ ซี เก่ ซิครือซิลอ แฮฉว่า โต่โป่ ปา เนอ เร๊อ, แว เก่ เมจว่า ซี ปา.

โครินธ์ เนอบ่า ต๊าบ่า 1:24

เป ซิหยื่อ เมตาตือ เร๊อ ซี เตหยื่อ โต่. ซี เตหยื่อเตแหน่ ชอเกอเด๊อ เจ๊อ เนอหม่า เป ซิเง เฮ๊อ. แซ่ฮู๊ ซี เก่ ซิครือซิลอ เอ๊แถ่โป่ อาเงเนอ, เป ซิหยื่อ แฮ เมจว่า เกอ ซี ฮู๊เนอ แพ๊.

โครินธ์ อาเหร่อเล๊อ ต๊าบ่า 16:3

ช๋า แว แฮโต่ ปา เนอ, ซี โตเบ่ นว๊าแถ่ แกแย เต๊เห่ เด๊อ อา เก่ เบ่ จว๊าซู เป่ อู รือ เด๊อ วีเยรูซาเล็ม ปา. เร๊อ แซ่ฮู๊ แกแย เด๊อ อา เก่ พย๊าฉื่อ รือเออ ปา เต๊เห่ เก่ ซิเง เร๊อ อู เด๊อ รือ เออเนอ เร๊อ เตหรี่เตแก อิเต อาเงเนอ, แว เก่ ราจว๊าหนิ เป่ เพรพย๊าฉื่อ รือ เนอเต๊เห่ ลี ต๊าบ่า ปา, เร๊อ แว นอพย๊าจว๊าหนิ เร๊อ เหย่ซี ปา.

โครินธ์ อาเหร่อเล๊อ ต๊าบ่า 15:10

หม่าแน๊เรอ, เด๊อ แบ่เจ่ อาบุ๊ยอาเตอเรอ อาขว่าอาคยา, กู๊แหน่เรอ แว ทวาแถ่เฮ๊อ เพรโด่แนพู๊ เต๊เห่ เตเพรเฮ๊อ. เตบุ๊ยเตเตอเรอ เด๊อ จอแปแหร่ เด๊อะตา แว เออเนอ อา แกเด โต่. เมเตเฮ๊เรอ แว แอ๊จื๊อ จ่าเพรอจ่าหร่อ เม เล๊อ เจ๊อ เร๊อ เพรโด่แนพู๊ เต๊เห่ เด๊อ อาโร เต๊เห่ เจ๊อ. แว เมเบ๊ ฮู๊เออ เนอหม่า แวอ๊าแวเหร่ เร๊อดื่อ หม่าโต่. จอแปแหร่ อาบุ๊ยอาเตอเรอ เม เต่อเกอ เร๊อ แว อาขว่าอาคยา, แว เมเบ๊ ฮู๊เออ เนอแพ๊.

ꤚꤥꤗꤢꤩ꤬ 1:5

เด๊อ ครี๊ อาขว่าอาคยาเร๊อ, จอแปแหร่ เด๊อะตา เป อา เตบุ๊ยเตเตอเรอ เร๊อ ม๊อเนอม๊อเซโตแร๊ เด๊อ เป เก่ ทวาแถ่ เพรโด่แนพู๊ เต๊เห่ เด๊อ ครี๊ อาเง. แซ่ฮู๊ ล๋อ แกแยยิวพู๊ หม่าโต่ เต๊เห่ เก่ หยื่อเอ่แหน่ เกออู เหย่ซู่, เร๊อ เหย่ซี เก่ หนิดา เกอ จอแปแหร่ โหง่ อาเงเนอเรอ, อา นอทวาแถ่ เป แพ๊.

เพรโด่แนพู๊ เต๊เห่ 19:1

เบ๊อะคูอปอลโล โอ่เบ๊อะวีโครินธ์ อากู เบ๊อะเนอ, คูเปาโล จว๊าตาลว๊าแก ฟรีเจียเก่, เร๊อ อา จว๊าโต่ เด๊อ วีเอเฟซัส อากู. อา แม๊เถอะ เร๊อ เพรหยื่อเอ่ เต๊เห่ เบ๊อะวีเอเฟซัส อากูเนอ.

เพรโด่แนพู๊ เต๊เห่ 18:18

คูเปาโล โอ่เป่แฮ ม๊อเนอม๊อเซ งยากู๋ ลา. โป่ เบ๊อะวีโครินธ์ อากูเนอ. โทเร๊อ อา เถ่จว๊าแก เพรหยื่อเอ่ เบ๊อะเนอ เต๊เห่ อาเหล่. อา แถ่แด๊หนิ ส่อเกลอดุ เร๊อ อา เถ่จว๊า เด๊อ ซีเรียเก่. เร๊อ อา เถ่จว๊า เต่อเร๊อ โหมะปริสสิลลา เร๊อ เพอาควิลลา. เบ๊อะอา แถ่ แถ่แด๊ แต่ล๋า ส่อเกลอดุ โต่ เนอ, อา แบ แลหนิ อาเหน่ เด๊อ จอแปแหร่ อา เป๊เส่เง เบ๊อะวีเคนเครีย อากูเนอ เร๊อ อา จิแก อากู๊โล.

เพรโด่แนพู๊ เต๊เห่ 9:27

เออโตโพ๊เรอ คูบารนาบัส เมจว่า ลู เร๊อ อา เอ๊จว๊า ลู เด๊อ เพรโด่แนพู๊ เต๊เห่ อา โอ่. เร๊อ อา แด๊โฉ่โล ซิเง เป่ เหย่ซี เร๊อ คูเซาโล แม๊เถอะเฮ๊อ แบ่เจ่ เหย่ซู่ เบ๊อะอา จว๊า เด๊อ วีดามัสกัส เบ๊อะเนอ, โทเรอ แบ่เจ่ แด๊โฉ่โล เป่ โทเฮ๊อ ลู เร๊อ อา อาหรี่อาแก เต๊เห่. โท๊โต่ คูบารนาบัส แด๊โฉ่โล เป่ โป่ เหย่ซี เร๊อ คูเซาโล แด๊โฉ่โด่แน บื่อคือฮา เป่ เจ๊อ วีดามัสกัสพู๊ เต๊เห่ เร๊อ เหย่ซู่ อาหรี่อาแก.

โครินธ์ อาเหร่อเล๊อ ต๊าบ่า 3:6

แว หม่า เพรโหล่ตา เตกลุย คูอปอลโล หม่า เพรยือเทอ. หม่าแน๊เรอ เพร เด๊อ อา นอเพ๊แถ่ดุแถ่ เตกลุยเตลุ๊ย เนอหม่า จอแปแหร่ แพ๊.

เพรโด่แนพู๊ เต๊เห่ 18:12

เบ๊อะคูกัลลิโอ ทวา โรมัน คุ๊ยดุ เด๊อ อาคายาเก่ เบ๊อะเนอ, แกแยยิวพู๊ เต๊เห่ เอ๊ปล๊อ เกอเร๊อ ลอ ลู เร๊อ อา จว๊าปื่อ แลแค คูเปาโล เร๊อ อา ซูจว๊า ลู เด๊อ เหล่ แด๊เฮอ เจแม๊ เหล่โอ่.

เพรโด่แนพู๊ เต๊เห่ 1:15

เตอเนอเคเนอ, เพรหยื่อเอ่เต๊เห่ เด๊อ อา ผื๋อ โอ่โหร่ เพร เตเยเนอเชอ เออเนอ, อา แฮ โอ่กู๊โอ่แก๊ ลู.

เพรโด่แนพู๊ เต๊เห่ 11:26

เบ๊อะอา แม๊เถอะ ลู เบ๊อะเนอ, อา เอ๊กาหนิ ลู เด๊อ วีอันทิโอก. เร๊อ เหย่ซี เออซิเนอ กาโอ่กู๊ แม๊เถอะ ตาฉื่อ เร๊อ เพรหยื่อเอ่ ตู๊หมู่ตอกล๊อ เบ๊อะเนอ เต๊เห่ ต๊าน๋า กู เจ๊อ. เร๊อ อา อิซว๊าอี๊แส่ ตา หนิเอ๊ เป่ลา แกแย โอ่เบ๊อะเนอ เต๊เห่. อู เอ๊ เหร่อเล๊อ เพรหยื่อเอ่ เต๊เห่ เร๊อ ครี๊พู๊ หม่า เบ๊อะวีอันทิโอก เออเนอ เฮ๊อ.

เพรโด่แนพู๊ เต๊เห่ 15:34

หม่าแน๊เรอ คูสิลาส แด่แล อาซิปล่อ เน๊อ อา เก่ โอ่แก เบ๊อะเนอ.