เพรโด่แนพู๊ เต๊เห่ 18:18 - ลีเทส่อพ๊าอาเซ เร๊อ เห่ขุทวาลู๊

¹⁸ คูเปาโล โอ่เป่แฮ ม๊อเนอม๊อเซ งยากู๋ ลา. โป่ เบ๊อะวีโครินธ์ อากูเนอ. โทเร๊อ อา เถ่จว๊าแก เพรหยื่อเอ่ เบ๊อะเนอ เต๊เห่ อาเหล่. อา แถ่แด๊หนิ ส่อเกลอดุ เร๊อ อา เถ่จว๊า เด๊อ ซีเรียเก่. เร๊อ อา เถ่จว๊า เต่อเร๊อ โหมะปริสสิลลา เร๊อ เพอาควิลลา. เบ๊อะอา แถ่ แถ่แด๊ แต่ล๋า ส่อเกลอดุ โต่ เนอ, อา แบ แลหนิ อาเหน่ เด๊อ จอแปแหร่ อา เป๊เส่เง เบ๊อะวีเคนเครีย อากูเนอ เร๊อ อา จิแก อากู๊โล.

Eastern Kayah Shadaw Dialect

¹⁸ ꤋꤢꤨ꤭ꤕꤢꤪꤜꤢꤨ ꤥ꤬ꤟꤢꤧ꤭ꤑꤢꤩ꤭ ꤗ꤫ꤢꤪ꤬ꤔꤣꤧ꤭ꤗ꤫ꤢꤪ꤬ꤞꤢꤩ꤭ ꤑꤢ꤭ꤊꤢꤨ꤮ ꤜꤥ꤬ ꤕ꤫ꤥ꤬ ꤙꤣꤧ ꤠꤤ꤭ꤊꤢ꤬ꤚꤤ꤬ꤞꤢꤨ꤬ ꤢ꤬ꤊꤢꤨ꤭ꤔꤣꤧ꤬, ꤓꤥ꤭ꤚꤣꤧ꤬ ꤢ꤬ ꤓꤢꤩ꤬ꤡꤝꤢꤊꤢꤧ꤭ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤙꤣꤧꤔꤣꤧ꤬ ꤒꤣꤧ꤬ꤟꤢꤩ꤬ ꤢ꤬ꤜ꤫ꤢꤩ꤬꤯ ꤢ꤬ ꤘꤢꤧꤔ꤫ꤤ꤬ ꤞꤢꤪ꤬ꤊꤜꤣꤧ꤭ꤘꤢꤨ꤬ ꤚꤣꤧ꤬ ꤢ꤬ ꤓꤢꤩ꤬ꤡꤝꤢ ꤘꤣ ꤎꤢꤨ꤬ꤚꤤꤊ꤫ꤢꤩ꤬꤯ ꤚꤣꤧ꤬ ꤢ꤬ ꤓꤢꤩ꤬ꤡꤝꤢ ꤒ꤫ꤣ꤬ꤔꤢꤧ ꤗ꤫ꤥ꤬ꤖꤚꤤ꤬ꤎꤤꤜꤢ꤬ ꤔꤢꤧ ꤖꤢꤩ꤭ꤢ꤬ꤊꤢꤨꤜꤢ꤯ ꤙꤣꤧ ꤢ꤬ ꤓꤢꤧ꤬ꤘꤢꤧ ꤒꤢꤧ꤬ꤜꤢ꤭ꤟꤤ ꤞꤢꤪ꤬ꤊꤜꤣꤧ꤭ꤘꤢꤨ꤬ ꤒꤥ꤬ ꤔꤣꤧ꤬, ꤢ꤬ ꤙꤢꤧ꤭ ꤜꤢꤧ꤬ꤚꤣꤧ ꤢ꤬ꤔ꤫ꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭ ꤙꤣꤧ ꤠꤤ꤭ꤊꤢꤩ꤬ꤊꤢ꤬ꤚꤢꤩ ꤢ꤬ꤊꤢꤨ꤭ꤔꤣꤧ꤬ ꤚꤣꤧ꤬ ꤢ꤬ ꤡꤤ꤬ꤊꤢꤧ꤭ ꤢ꤬ꤊꤢꤨꤜꤥ꤬꤯

เพรโด่แนพู๊ เต๊เห่ 18:18 ပူးပေါင်းရင်းမြစ်များ

เพรโด่แนพู๊ เต๊เห่ 21:24

จว๊า เต่อเกอ เร๊อ เหย่ซี เร๊อ จว๊าเมโพ๊เมแปละ โรเกอ เนเหน่ เร๊อ เหย่ซี เนอ. โทเร๊อ นอกลือเตอเล๊อ เหย่ซี กู่กล๊อ เร๊อ ปล๊า เป่ เหย่ซี อาเก่เนอ. โท๊โต่ อู เก่ ซิเง ลอดื่อ เร๊อ เน เหน่แบ่แจ่ เร๊อดื่อ เร๊อ เน โอ่เซอเพร ครวาเกอ ดื่อ คูโมเสส อา เตซว๊าเตแส่ อาคยาเนอ ปา.

โครินธ์ อาเหร่อเล๊อ ต๊าบ่า 9:20

แซ่ฮู๊ แกแยยิวพู๊ เต๊เห่ เก่ หยื่อเอ่แหน่ เกอ แบ่เจ่ เหย่ซู่ครี๊ อาเงเนอ, เบ๊อะแว โอ่ เกอ เด๊อ เหย่ซี เกล เบ๊อะเนอ, แว เม แซ่เกอ ฮู๊ แกแยยิวพู๊ เต๊เห่ เม เนอ. แว โอ่ เด๊อ คูโมเสส อา เตซว๊าเตแส่ อาเล หม่าโต่ หม่าแน๊เรอ แซ่ฮู๊ เหย่ซี เก่ หยื่อเอ่แหน่ กา เกอ แบ่เจ่ เหย่ซู่ อาเงเนอ, แว เบ่ ลือครวา เมเกอ เตซว๊าเตแส่ ฮู๊ เหย่ซี เม เนอ แพ๊.

ꤚꤥꤗꤢꤩ꤬ 16:1

แว เก่ แด๊โฉ่โล เป่ ซี เร๊อ เป โป่เพรเหมาะ เหมาะเฟบี อาหรี่อาแก. อา หม่า วีเคนเครีย เพรหยื่อเอ่ตู๊หมู่ตอกล๊อ กู่กล๊อ เตเพร.

เพรโด่แนพู๊ เต๊เห่ 18:2

เร๊อ อา จว๊า แม๊เถอะ ตาฉื่อ เร๊อ แกแยยิวพู๊ เตเพร เด๊อ อามุย เร๊อ เพอาควิลลา เออ เบ๊อะเนอ โต๊โผ่. เพอาควิลลา เออเนอ, อา โอ่ เป๊เจ่เค เด๊อ วีปอนทัส เร๊อ อา เร๊อ อาเม โหมะปริสสิลลา แฮโต่เซ แลแค ปาแพ๊ เบ๊อะเนอ แพ๊. คุ๊ยดุ คูครวาดิอัส เฮ๊ตาอาโหง่ เน๊อ ล๋อ แกแยยิวพู๊ เต๊เห่เนอ, เบ่ เถ่จว๊าแก ลอปลี เบ๊อะวีโรม อากูเออ. เด๊อ คุ๊ย เฮ๊ตา อาโหง่ ฮู๊เออ อาขว่าอาคยา, เร๊อ คูอาควิลลา เออ เร๊อ อาเม โหมะปลิสสิสลา เถ่จว๊าแก เด๊อ อิตาลี เก่กู เร๊อ แฮโต่ แลแค เบ๊อะเออ แพ๊. เร๊อ คูเปาโล จว๊า แม๊เถอะ ตาฉื่อ เร๊อ เหย่ซี.

ꤊꤢ꤬ꤜꤢ꤬ꤒꤤ 1:21

เด๊อคยา เนอ แว จว๊า เด๊อ ซีเรียเก่ เร๊อ เกลิเกีย.

เพรโด่แนพู๊ เต๊เห่ 15:23

เหย่ซี รา ลีเออ เร๊อ อา ราจว๊า เป่ เพรหยื่อเอ่ ตู๊หมู่ตอกล๊อ เด๊อ อา ทวา แกแยยิวพู๊ หม่าโต่ เต๊เห่, เร๊อ อา ซูจว๊า เร๊อ แกแย เออเต๊เห่. เร๊อ เหย่ซี รา แลแค เน๊อ, เป เด๊อ อา หม่าดื่อ ซี โป่แหว่ เพรโด่แนพู๊ เต๊เห่ เออเต๊เห่ เร๊อ เพรหยื่อเอ่ตู๊หมู่ตอกล๊อ โหมะพรูโหมะเผร่ เด๊อ อา ทวา ทวาดุทวาเต เออเต๊เห่ ซูจว๊า เป่ ซี เตเฮ๊โมเฮ๊แร๊เต๊เห่, เป ซูจว๊า เป่ ลอปลี ล๋อ เปโป่เปแหว่ หม่าเฮ๊อ แกแยยิวพู๊ หม่าโต่ เด๊อ อา โอ่ เด๊อ วีอันทิโอก, ซีเรียเก่ เน๊อ ซีลีเซียเก่ เออเต๊เห่ อากู เนอเต๊เห่ อาโอ่.

เพรโด่แนพู๊ เต๊เห่ 21:3

เบ๊อะเป แม๊เถอะจว๊าโลเฮ๊อ ไซปรัส กลื๊อ เบ๊อะเนอ, เป จว๊า เด๊อ ชิแล ตากยา เร๊อ เป จว๊า เด๊อ ซีเรียเก่. ส่อเกลอดุ เก่ เถ่แด่ ตาแก ตาหมื่อตาเต เต๊เห่ อาขว่าอาคยา, เป เถ่โอ่โก๊แก เด๊อ เทอทือ เบ๊อะวีไทระเนอ.

เพรโด่แนพู๊ เต๊เห่ 18:26

อา เป๊อแถ่ เฮ๊เบ่บื่อเฮ๊เบ่คือ เด๊อ เตจ๊อเบโฮ อากู เบ๊อะโหมะปลิสสิลลา เร๊อ เพอาควิลลา หนิโฮ อา เตเฮ๊เบ่ เบ๊อะเนอ, อา เอ๊กา ลู เด๊อ อาหี่. แซ่ฮู๊ อา เก่ ซิเงแฮ ตาเต อากลอเล๊อโป่ เร๊อ อา เหล่โกลเล๊อ เออเนอเรอ, โหมะปลิสสิสลา เร๊อ เพอาควิลลา แด๊โฉ่โล เป่ โป่ ลู เนอ จอแปแหร่ อาแกล๊อาโกล เต๊เห่.

เพรโด่แนพู๊ เต๊เห่ 15:41

เร๊อ เหย่ซี เออซิเนอ จว๊าโนเล เด๊อ ซีเรียเก่ เน๊อ ซีลีเซียเก่ เร๊อ เด๊อะฉว่าเด๊อะชอแถ่ คยาแซ๊ เพรหยื่อเอ่ ตู๊หมู่ตอกล๊อ เบ๊อะเนอ เต๊เห่.

มัทธิว 4:24

แบ่เจ่ อามุย โลปีชี จว๊าลอ ซีเรียเก่ เต๊เก๋เล อาขว่าอาคยา, อู เอ๊แฮ แกแย เด๊อ อา เบ่ เตชุ๊ยเตเช ปว๊าเต๊อเจ่อ เด๊อ ลูโอ่. เร๊อ อู เอ๊แฮ แกแย เด๊อ อา เชจาเชจือ ลูเหน่ เต๊เห่, โลเน๊โลหน่า เมเบ่ ลู เต๊เห่, อา ตีมุยแท๊ ซี เต๊เห่, เร๊อ อา เซอชิกยา ซี เต๊เห่ เด๊อ อา โอ่ เร๊อ อา แหย่โอ่เหม่ ลอเป่ อู ปว๋า เตเพร.

ꤗꤢ꤬ꤊꤢꤨ 6:46

โทเรอ เหย่ซู่ เถ่จว๊าแก เร๊อ อา จว๊าแถ่ จ๊อเบ เด๊อ โฉ่ขุ.

เพรโด่แนพู๊ เต๊เห่ 1:15

เตอเนอเคเนอ, เพรหยื่อเอ่เต๊เห่ เด๊อ อา ผื๋อ โอ่โหร่ เพร เตเยเนอเชอ เออเนอ, อา แฮ โอ่กู๊โอ่แก๊ ลู.

เพรโด่แนพู๊ เต๊เห่ 18:27

เบ๊อะคูอปอลโล ซิหยื่อ จว๊า เด๊อ อาคายาเก่ เบ๊อะเนอ, เพรหยื่อเอ่ เบ๊อะวีเอเฟซัส เนอเต๊เห่ เมจว่า เป่ ลู เร๊อ เหย่ซี อาเตราลี เด๊อ อา เด๊อะฉว่าเด๊อะชอแถ่ เพรหยื่อเอ่ เด๊อ อา โอ่ เด๊อ อาเคนยา เก่กู เนอเต๊เห่. อา ราจว๊าหนิ เป่ เหย่ซี ลี ฮู๊เออ เมเตเฮ๊เรอ แซ่ฮู๊ อู เก่ เอ๊โมฉื่อแร๊ คูอปอลโล อาเงเนอ แพ๊. อา จว๊าโต่ เบ๊อะเนอ เร๊อ อา ทวาบุ๊ยทวาเตอเรอ เป่แหน่ เจ๊อ แกแย เด๊อ อา ทวากาเฮ๊อ เพรหยื่อเอ่ เด๊อ จอแปแหร่ อาบุ๊ยอาเตอเรอ อาขว่าอาคยา, แพ๊ เนอเต๊เห่ อาเง เจ๊อ.

เพรโด่แนพู๊ เต๊เห่ 21:23

เร๊อ เมฮู๊ เป แด๊โฉ่ เป่ เน เออเนอ. เบ๊อะเออเนอ แกแย เด๊อ อา แบโทเฮ๊อ อาเหน่ เด๊อ จอแปแหร่ อา เป๊เส่เงเนอ, อา โอ่ ซิลุย.