เพรโด่แนพู๊ เต๊เห่ 18:14 - ลีเทส่อพ๊าอาเซ เร๊อ เห่ขุทวาลู๊

¹⁴ เบ๊อะคูเปาโล เตเร เฮ๊เบ่เถ่ เบ๊อะเนอ, คุ๊ยดุ กัลลิโอ เฮ๊ แกแยยิวพู๊ ซี๋เต๊เห่ เน๊อ, “แกแยยิวพู๊ ซี, เตหรี่เตแก เออเนอ อา เก่ หม่าแหน่เฮ๊อ เต เด๊อ อา ตาลว๊าตาแก เจ๊อ เทอเก่ อา เตซว๊าเตแส่ เต๊เห่ เจ๊อเบ่เบ่, แว โตเบ่ ซิปล่อทู หนิดา ดื่อ ซี แด๊โฉ่โลแถ่ เออเต๊เห่.

Eastern Kayah Shadaw Dialect

¹⁴ ꤙꤣꤧ ꤋꤢꤨ꤭ꤕꤢꤪꤜꤢꤨ ꤊ꤫ꤢꤦ꤬ꤚꤢꤩ꤭ ꤟꤢꤩꤙꤢꤩ꤬ꤓꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤋꤝꤤꤘꤢꤨ꤬ ꤊꤢꤜꤤ꤬ꤛꤥ꤬ ꤟꤢꤩ ꤛꤢꤨꤘꤢ꤬ꤖꤢꤨ ꤞꤤ꤭ꤒꤣꤧ꤬ꤟꤢꤩ꤬ ꤔꤢꤧ, “ꤛꤢꤨꤘꤢ꤬ꤖꤢꤨ ꤞꤤ꤭꤮, ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ꤔꤣꤧ꤬ ꤢ꤬ ꤊꤢꤩ꤬ ꤗ꤫ꤢ꤬ꤔꤤꤔꤢꤧ꤬ꤟꤣꤧ ꤒꤢꤩ꤬ ꤘꤣ ꤢ꤬ ꤒꤣꤧ꤬ꤜꤝꤢꤒꤣꤧ꤬ꤕꤜꤢꤩ꤬ ꤡꤣꤧ ꤓꤣꤧ꤭ꤊ꤫ꤢꤩ꤬ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤒꤣꤧ꤬ꤟꤢꤩ꤬ ꤡꤣꤧꤙꤢꤩ꤬ꤙꤢꤩ꤬, ꤠꤢꤧ꤭ ꤒꤥ꤭ꤙꤢꤩ꤬ ꤞꤤꤕꤜꤢꤪ꤬ꤓꤢꤨ꤭ ꤔ꤫ꤤ꤬ꤘꤢ꤭ ꤘꤢꤦ꤬ ꤞꤤ꤭ ꤒꤢꤩ꤬ꤘꤢꤧ꤬ꤜꤥ꤭ꤓꤢꤧ꤬ ꤣꤧ꤭ꤒꤣꤧ꤬ꤟꤢꤩ꤬꤯

เพรโด่แนพู๊ เต๊เห่ 18:14 ပူးပေါင်းရင်းမြစ်များ

ꤟꤤꤙꤚꤢꤨ 5:2

เหย่ซี ย๋อ ทวาแพ๊ แกแยเห่ขุพู๊ อาขว่าอาคยา, อา เมซื๊อเมปล๊า แลแค แพ๊. ฮู๊เนอเรอ แกแย เด๊อ อา ซิเง ตาเต เกอ อู เตหมะเตจ๊อ โต่ เร๊อ อา เมซื๊อเมปล๊า เต เต๊เห่ อาเงเนอ, เหย่ซี เตเน ซิยอแจ่ เป่เกออู โต่.

โครินธ์ เนอบ่า ต๊าบ่า 11:4

เมเตเฮ๊เรอ อูเป เตเพร เบ่เบ่, อา ดาแฮโน แด๊โฉ่โด่แน เป่ เฮ๊อ ซี เร๊อ เหย่ซู่ อาหรี่อาแก เด๊อ อา โค๊ดื่อ เร๊อ เป แด๊โฉ่ เป่ ซี เออเนอ เฮ๊เรอ ซี ซิครือซิลอ เอ๊ฉื่อ เจ๊อ ลู. เร๊อ ซี พย๊าฉื่อ ยูงย๊า เจ๊อ แหย่โยบูโพ๊ แบ่เจ่ เด๊อ อา โค๊ดื่อ เร๊อ ซี พย๊าฉื่อ โทเฮ๊อ เนอ เตเพร, โท๊โต่ ซี หยื่อเอ่ยูงย๊า แพ๊ เตซิครือมีลา เด๊อ อา โค๊ดื่อ เร๊อ เป แด๊โฉ่โด่แน เป่ โทเฮ๊อ ซี เนอเต๊เห่ เฮ๊อ.

โครินธ์ เนอบ่า ต๊าบ่า 11:1

แว ราจว๊า เป่ ซี ลี กู๊แหน่เออ เต๊เห่เนอ, แว ราแซ๊เจ๊อเน๊อ แกแย ตีมุย เตเพร อาขว่าอาคยา, แด่ทูซิปล่อ เหร่อ แว นี๋.

ꤚꤥꤗꤢꤩ꤬ 13:3

แกแย เด๊อ อา เมเตแร๊ เต๊เห่เนอ, อา โหล่ ซิอิเช เร๊อ เพรเป๊อเทอเก่ เออเต๊เห่ อาเหล่ โต่. หม่าแน๊เรอ แกแย เด๊อ อา เมเตซื๊อ เต๊เห่เนอ, อา เก่ ซิอิเช เหย่ซี อาเหล่ ปา. ฮู๊เนอเรอ ซี เก่ ซิหยื่อ ซิอิเช เหย่ซีเหล่ โต่ เฮ๊เรอ, เม เตแร๊เนอ, เด๊อ ซี เมฮู๊เนอ อาขว่าอาคยา, เร๊อ เพร เป๊อเต เออเต๊เห่ เก่ ถู่เซ๊ เกอเร๊อ ซี ปา.

เพรโด่แนพู๊ เต๊เห่ 25:26

หม่าแน๊เรอ, เตหรี่เตแก เด๊อ แว เก่ ราโลแถ่ ตาเต เป่ เด๊อ คุ๊ยดุ โอ่เนอ, อา โอ่ เตอเจ๋อ โต่. ฮู๊เนอ อาขว่าอาคยา แว นอเอ๊แฮ อู เร๊อ อา เด๊อ ซี ล๋อ ปลี อา เป๊เส่เง เฮ๊อ. อา โหล่ดุ เหร่อเล๊อหมา เร๊อ แว เก่ นอจว๊า ลู เด๊อ คุ๊ยดุ อากริปปา หม่าเฮ๊อ เนเออ อา เป๊เส่เง เฮ๊อ. ช๋า เป แด๊เฮอ โทเฮ๊อ อา ปา ตื๊อหม่า แว ราแถ่โล ตาเตเนอ เตหรี่เตแก ปา, ฮู๊เนอแพ๊.

เพรโด่แนพู๊ เต๊เห่ 25:11

เก่ แว เมซื๊อ ตาลว๊าตาแก เฮ๊อ แกแยยิวพู๊ เต๊เห่ อา เตซว๊าเตแส่ เด๊อ อา โตเบ่ เร๊อ เตเมจากาคยา เซอ แว เต๊อเจ่อเจ่อ เฮ๊เรอ, แว กุยซิยอ ปา เร๊อ ซี เด๊อ ซี เก่ ปลวาเซอเพร โป่ แว เนอโต่. หม่าแน๊เรอ เหย่ซี อาเตแด่แถ่โลแว แว เตซื๊อ เออเต๊เห่ เนอ, เก่ อา โตโต่ เฮ๊เรอ อู เด๊อะตาแจ่ แว เด๊อ แกแยยิวพู๊ เต๊เห่ อา กู๊ยากู เตเพร่ว โต่. แซ่ฮู๊ อู เก่ เมจากาคยา แว เร๊อ แว กุยจว๊า อู เด๊อ อู เก่ ซูจว๊า แว เด๊อ โรมัน คุ๊ยดุ อา โอ่.”

เพรโด่แนพู๊ เต๊เห่ 21:39

เร๊อ คูเปาโล เฮ๊ฉื่อ ลู เน๊อ, “แว หม่า แกแยยิวพู๊ เตเพร, แว โอ่เป๊เจ่แลเบ๊อะซีลีเซียเก่, วีทาร์ชัส อากู เนอแพ๊. วีเออ ตีวี เนอหม่า วี เด๊อ อามุย โลเทอโลเก่ ตีวี. แว หม่า วีทาร์ซัส พู๊ เตเพร แพ๊. แด่ทูซิปล่อ เร๊อ เด๊อะแว ค๊าขิ เด๊อ แว เก่ เฮ๊เบ่ เร๊อ แกแย เบ๊หมู่ เออเต๊เห่.”

เพรโด่แนพู๊ เต๊เห่ 13:18

เร๊อ อา เบ่ แด่ทูซิปล่อ เหย่ซี เด๊อ เก่เชเทอแก หล่อตาม๊าขุ เนอ อาหน่าลุยเชอ เจ๊อ.

ꤗꤢ꤬ꤊꤢꤨ 9:19

เร๊อ แบ่เจ่ เหย่ซู่ เฮ๊ เหย่ซี เน๊อ, “แกแย โซโด เตหยื่อ ซี๋ หม่า แว เบ่ โอ่งยา โต่เกอปา เร๊อ ซี บ๋า เต ปา? แว โตเบ่ แด่ทูซิปล่อ เร๊อ งยาเป่เกอปา ซี บ๋า เต? เอ๊แฮ อา เด๊อ แว โอ่เออ.”

มัทธิว 5:2

เร๊อ อา เป๊อแถ่ อิซว๊า เหย่ซี เร๊อ อา เฮ๊ เน๊อ,

เพรโด่แนพู๊ เต๊เห่ 13:10

เร๊อ อา เฮ๊ ลู เน๊อ, “เน หม่า เพร เด๊อ อา เม โลเน๊โลหน่า กู่กล๊อ อาเตเม เตเพร. เน หม่า แกแย เด๊อ อา ซิเถ่ ล๋อ เต เด๊อ อาจ๊ออาเต เนอเต๊เห่. เน เล๊อบา เจ๊อ เร๊อ เตแลโฮแลแห่ เร๊อ เตมู๊แหม่รีแจ่ ปว๊าเต๊อเจอะ. เน เมตาปลอตาเปล่ แลโฮ ลอ แบ่เจ่ อา เตหมะเตจ๊อ เออเนอ ปว๋า โตโพ๊ เจ๊อ.