เบ๊อะคูอปอลโล ซิหยื่อ จว๊า เด๊อ อาคายาเก่ เบ๊อะเนอ, เพรหยื่อเอ่ เบ๊อะวีเอเฟซัส เนอเต๊เห่ เมจว่า เป่ ลู เร๊อ เหย่ซี อาเตราลี เด๊อ อา เด๊อะฉว่าเด๊อะชอแถ่ เพรหยื่อเอ่ เด๊อ อา โอ่ เด๊อ อาเคนยา เก่กู เนอเต๊เห่. อา ราจว๊าหนิ เป่ เหย่ซี ลี ฮู๊เออ เมเตเฮ๊เรอ แซ่ฮู๊ อู เก่ เอ๊โมฉื่อแร๊ คูอปอลโล อาเงเนอ แพ๊. อา จว๊าโต่ เบ๊อะเนอ เร๊อ อา ทวาบุ๊ยทวาเตอเรอ เป่แหน่ เจ๊อ แกแย เด๊อ อา ทวากาเฮ๊อ เพรหยื่อเอ่ เด๊อ จอแปแหร่ อาบุ๊ยอาเตอเรอ อาขว่าอาคยา, แพ๊ เนอเต๊เห่ อาเง เจ๊อ.
เพรโด่แนพู๊ เต๊เห่ 18:12 - ลีเทส่อพ๊าอาเซ เร๊อ เห่ขุทวาลู๊12 เบ๊อะคูกัลลิโอ ทวา โรมัน คุ๊ยดุ เด๊อ อาคายาเก่ เบ๊อะเนอ, แกแยยิวพู๊ เต๊เห่ เอ๊ปล๊อ เกอเร๊อ ลอ ลู เร๊อ อา จว๊าปื่อ แลแค คูเปาโล เร๊อ อา ซูจว๊า ลู เด๊อ เหล่ แด๊เฮอ เจแม๊ เหล่โอ่. အခန်းကိုကြည့်ပါ။Eastern Kayah Shadaw Dialect12 ꤙꤣꤧ ꤋꤢꤨ꤭ꤊꤢꤜꤤ꤬ꤛꤥ꤬ ꤓꤝꤢ꤭ ꤚꤥꤗꤢꤩ꤬ ꤋꤝꤤꤘꤢꤨ꤬ ꤘꤣ ꤢ꤬ꤋꤢꤩ꤬ꤛꤢ꤬ꤊ꤫ꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤢꤩꤕꤜꤢꤪ ꤚꤣꤧꤘꤢꤦ꤬ ꤜꤢꤪ꤭ ꤜꤢꤨ꤭ ꤚꤣꤧ꤬ ꤢ꤬ ꤡꤝꤢꤕ꤫ꤢꤦ꤬ ꤜꤢ꤭ꤋꤢꤧ꤭ ꤋꤢꤨ꤭ꤕꤢꤪꤜꤢꤨ ꤚꤣꤧ꤬ ꤢ꤬ ꤞꤢꤨ꤭ꤡꤝꤢ ꤜꤢꤨ꤭ ꤘꤣ ꤜ꤫ꤢꤩ꤬ꤡꤢꤧ꤬ꤒꤥ꤭ꤙꤢꤩ꤬ꤒꤢꤩ꤬ ꤜ꤫ꤢꤩ꤬ꤥ꤬꤯ အခန်းကိုကြည့်ပါ။ |
เพรโด่แนพู๊ เต๊เห่ 18:12
27 ပူးပေါင်းရင်းမြစ်များ
หม่าแน๊เรอ แซ่ฮู๊ อู เก่ เมจาเมจือ คูเปาโล เร๊อ คูบารนาบัส เออเนอเร๊อ แกแยยิวพู๊ ซี เต๊เห่เนอ, อา นอฉว่า เฮ๊ชอ เพรเหมาะ เด๊อ อา จ๊อเบ จอแปแหร่ เร๊อ อา ทวา กู่กล๊อ เต๊เห่, เน๊อ เพรคู เด๊อ อา ทวา กู่กล๊อ เด๊อ วีกู เนอเต๊เห่, เร๊อ อา จว๊า เฮ๊ แฉ่ครวา โป่ ลอเหย่ซี. เร๊อ เหย่ซี เหว่เถ่แก คูเปาโล เร๊อ คูบารนาบัส เด๊อ เหย่ซี เก่กู.
เมเตเฮ๊เรอ ซี ซิปล่อฉว่า เมจว่า เหย่ซี บ๋า เต เนอ, แว ซิเง. แว ถู่เซ๊หนิ เป่ เป โคแบ๊ซว๊า เด๊อ มาซิโดเนีย เก่กู เนอเต๊เห่ เร๊อ ซีหรี่ซีแก เต๊เห่ เฮ๊อ. แว เฮ๊ เป่ เหย่ซี เร๊อ ซี เพรหยื่อเอ่ เออ เด๊อ อาคายา เก่กู เออเต๊เห่เนอ, อา ตี๊หรี่แตแร หนื่ออื่อ รือ เด๊อ หน่าเฮ๊หนื่อ ปา เจ๊อ. ซี เตซิปล่อฉว่า เออเนอ, อา ถู่แรแถ่ เอ๊แหน่เจ๊อ มาซิโดเนีย เก่พู๊ เต๊เห่ อาซิปล่อ เด๊อ อา เก่ เมจว่า เกออู ฮู๊เนอ ปา เฮ๊อ.
แว หม่า คูเปาโล. จอแปแหร่ ซิปล่อ โตดื่อเฮ๊อ เด๊อ อา เก่ นว๊าแถ่เฮ๊อ แว เร๊อ แบ่เจ่ เหย่ซู่ครี๊ อา เพรโด่แนพู๊ เต๊เห่ เตเพร เฮ๊อ. แว เร๊อ เป โป่แหว่ คูทิโมธี ราจว๊าเป่ ลีเออ เด๊อ ซี วีโครินธ์พู๊ เด๊อ อา หยื่อเอ่ จอแปแหร่ เต๊เห่ อาโอ่. โท๊โต่ เป ราจว๊าเต่อ เป่เกอดื่อ แกแย เด๊อ อา หยื่อเอ่ จอแปแหร่ เด๊อ อา โอ่ เด๊อ อาคายา เก่กู เนอเต๊เห่ อาโอ่.
โทเรอ แกแยยิวพู๊ เต๊เห่เนอ, อา โอ่ เด๊อ วีอันทิโอก เร๊อ เด๊อ วีอิโคเนยูม เร๊อ อา แฮ. แซ่ฮู๊ แกแย เบ๊หมู่ เออเต๊เห่ เก่ ซิโตโคแก คูเปาโล เร๊อ คูบารนาบัส, เร๊อ อา เก่ ซิปล่อ โอ่เกอ เหย่ซี ตากยา อาเงเนอ, อา จว๊าอิลอ แกแย เบ๊หมู่ เต๊เห่. โทเรอ เหย่ซี ต่าโทเฮ๊อ คูเปาโล เร๊อ หล่อ เร๊อ อา เตเน แลแค เน๊อ อา เซอเฮ๊อ เร๊อ เหย่ซี จุ่ยเถ่ วีแก แก ลู เด๊อ วีกลอ.
หม่าแน๊เรอ แกแยยิวพู๊ เต๊เห่ ซิค๊าซิเถ่ เหย่ซี เร๊อ อา จว๊าเอ๊ปล๊อ แกแยจา แกแยมู๊แหม่ เด๊อ อา เลจว๊า เด๊อ เกล๊ กู เออเต๊เห่ เร๊อ อา นอ เมตอปลอตือซือ ลอ เจ๊อ อู ตีวี เจ๊อ. แซ่ฮู๊ เหย่ซี เก่ ปื่อจุ่ยตู๊หรู่ เถ่หนิ เร๊อ คูเปาโล เร๊อ คูสิลาส เด๊อ แกแย เบ๊หมู่ เออเต๊เห่ อา เป๊เส่เงเนอ, แกแยยิวพู๊ เออเต๊เห่ เร๊อ แกแย เบ๊หมู่ เออเต๊เห่ จว๊า โนเมโพร๊ คูยาโสน อาหี่ เร๊อ โนแม๊ปู คูเปาโล เร๊อ คูสิลาส.
เด๊อ แว จว๊า แกล๊ อาโพ่เอ๊ อากูเนอ แว แม๊เถอะ ป่อชิเต่อเบ่ เอ๊แหน่เจ๊อ เร๊อ เตต๊อหร่อเซ๊ ซิอิเช เต๊เห่. แว แม๊เถอะ ป่อชิเต่อเบ่ น๊อ เทอดุ ตาตือบี๊ แวแกล๊, แว แม๊เถอะ ป่อชิเต่อเบ่ น๊อ เร๊อ เพรปื่อเผ่ พย๊าเพ่ อูเต เต๊เห่, แว แม๊เถอะ ป่อชิเต่อเบ่ น๊อ เร๊อ แวเมวเจอะ แกแยยิวพู๊ เร๊อดื่อ เต๊เห่ เร๊อ แกแยยิวพู๊ หม่าโต่ เต๊เห่ ซิเถ่ซิฮา แม๊ปูเมเซอ แว. เบ๊อะแว จว๊าโน เด๊อ วีดุวีทู อากู เบ่เบ่, เบ๊อะแว จว๊า เด๊อ แกแย โอ่ เตเพร่ว โต่ อาเหล่โอ่ เนอ เบ่เบ่, แว แม๊เถอะ ป่อชิเต่อเบ่ น๊อ เอ๊แหน่เจ๊อ เร๊อ เตต๊อหร่อเซ๊ ซิอิเช เต๊เห่. โท๊โต่ เด๊อ เทอดุซาวา อากู เบ่เบ่, แว แม๊เถอะ ป่อชิเต่อเบ่ เอ๊ลา เตต๊อหร่อเซ๊ ซิอิเช เต๊เห่. โป่แหว่ ครี๊พู๊ เด๊อ อา แลโฮ เต๊เห่ อา เตเมแป่เมเช เนอหม่า แว ป่อชิเต่อเบ่ เอ๊ลาลา. ล๋อ เตต๊อหร่อเซ๊ ซิอิเช เออเต๊เห่เนอ, แว แม๊เถอะเบ่ น๊อ ลอปลี เจ๊อ.
โป่แหว่ ซี, เตจว๊าทวาแถ่ โต่อาเหน่ เร๊อ ซี ฮู๊เออเต๊เห่ เมเตเฮ๊เนอหม่า อา แซ่เฮ๊อ เน๊อ เตเมทวาแถ่ โทเฮ๊อ อาเหน่ เด๊อ จอแปแหร่ อา เพรหยื่อเอ่เต ตู๊หมู่ตอกล๊อ เด๊อ อา โอ่ เด๊อ ยูดาห์เก่กู เนอเต๊เห่ เฮ๊อ. เหย่ซี ย๊อ ทวา เหย่ซู่ครี๊ อาแกแย เต๊เห่ อาขว่าอาคยาเร๊อ, อา ทวาแถ่ แพ๊. ซี แกแยเมวเจอะพู๊ เมจาเมจือ เกอเร๊อ คยาดื่อ ซี เออเนอ อา แซ่เจ๊อเฮ๊อ เร๊อ แกแยยิวพู๊ เต๊เห่ เมจาเมจือ เกอเร๊อ คยาแซ๊ดื่อ เพรหยื่อเอ่ เออ เด๊อ อา โอ่ เด๊อ ยูดาห์เก่กู เนอเต๊เห่ เจ๊อ เฮ๊อ.
แซ่ฮู๊ แกแยยิวพู๊ หม่าโต่ เต๊เห่ เก่ พย๊าหนิ เกอ เตเมแลเปล๊กา อาเงเนอเรอ, เป แด๊โฉ่โด่แน โล เป่เกอ เฮ๊อ เหย่ซี เร๊อ เตซิครือมีลา เฮ๊อ. เบ๊อะเนออาเค แกแยยิวพู๊ เต๊เห่ เมดู๊แด ตาตือ เป. ฮู๊เนอเร๊อ เหย่ซี เมเต เต๊เห่เนอ, อา แด่บาแถ่โจโม เกอเร๊อ ลอปลี เจ๊อ อา เตซื๊อเตโอ่หร่า เนอเต๊เห่ โต่ เจ๊อเด๊อ เหล่แด่แถ่ อาเหล่โอ่ โอ่ปา เจ๊อโต่ เฮ๊อ. กู๊แหน่เออ จอแปแหร่ อา เตซิปล่อดุ อา เตเมจากาคยา เด๊อ คยาเล๊อ เออเนอ อา เก่ แฮโต่เฮ๊อ เด๊อ เหย่ซี โอ่ เฮ๊อ.
ကြော်ငြာတွေ