เพรโด่แนพู๊ เต๊เห่ 17:7 - ลีเทส่อพ๊าอาเซ เร๊อ เห่ขุทวาลู๊

⁷ เพร เอ๊โหมะฉื่อ เหย่ซี เด๊อ อาหี่กู หม่า คูยาโสน เฮ๊อ. เหย่ซี เฮ๊ แลแค เน๊อ คุ๊ยดุ โอ่ เด๊อ อาโร เตเพร, เร๊อ อามุย เร๊อ เหย่ซู่ อาขว่าอาคยา, เหย่ซี เฮ๊เบ่ ตาลว๊าตาแก เฮ๊อ คุ๊ยดุ ซีซาร์ อา เตซว๊าเตแส่ เต๊เห่ เฮ๊อ.”

Eastern Kayah Shadaw Dialect

⁷ ꤖꤚꤢꤩ꤬ ꤢꤩꤗꤥ꤬ꤏꤢꤦ꤬ ꤛꤢꤩ꤬ꤞꤤ꤭ ꤘꤣ ꤢ꤬ꤟꤤ꤬ꤊꤢꤨ꤭ ꤗꤢ꤬ ꤋꤢꤨ꤭ꤡꤛꤢꤩ꤭ꤎꤣ꤬ ꤟꤣꤧ꤯ ꤛꤢꤩ꤬ꤞꤤ꤭ ꤟꤢꤩ ꤜꤢ꤭ꤋꤢꤧ꤭ ꤔꤢꤧ ꤋꤝꤤꤘꤢꤨ꤬ ꤥ꤬ ꤘꤣ ꤢ꤬ꤚꤥ꤬ ꤒꤣ꤬ꤖꤚꤢꤩ꤬, ꤚꤣꤧ꤬ ꤢ꤬ꤗꤝꤤ꤭ ꤔꤢꤧ ꤛꤢꤩ꤬ꤏꤛꤢꤨ ꤢ꤬ꤋꤝꤢ꤬ꤢ꤬ꤋꤛꤢ꤭, ꤛꤢꤩ꤬ꤞꤤ꤭ ꤟꤢꤩꤙꤢꤩ꤬ ꤒꤣꤧ꤬ꤜꤝꤢꤒꤢ꤭ꤊꤢꤧ꤭ ꤟꤣꤧ ꤋꤝꤤꤘꤢꤨ꤬ ꤊꤢꤧꤎꤢ꤬ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤒꤣꤧ꤬ꤟꤢꤩ꤬ ꤟꤣꤧ꤯”

เพรโด่แนพู๊ เต๊เห่ 17:7 ပူးပေါင်းရင်းမြစ်များ

ꤜꤢꤨꤊꤢ꤬ 23:2

เหย่ซี แด่ แลแค เตซื๊อ เด๊อ เหย่ซู่ อาลู เร๊อ อา เฮ๊ เน๊อ, “เป ปื่อหนิ แกแย เออเตเพร, เมเตเฮ๊เรอ อา อี๊หล่าเมซื๊อ เอ๊ลา เป แกแย เต๊เห่ อาแกล๊, เร๊อ อา เฮ๊ เร๊อ โหล่เด๊อะ เร๊อ โรมัน คุ๊ยซีซาร์ อาหมู่อาร๊า โต่, โท๊โต่ อา เฮ๊แลหนิ โป่ อาเหน่ เน๊อ แว หม่า ครี๊ เด๊อ อา หม่าดื่อ คุ๊ย เตเพร, อา เฮ๊ ฮู๊เนอ.”

เพรโด่แนพู๊ เต๊เห่ 16:21

เหย่ซี อิซว๊าอี๊แส่ ตา โหง่ เด๊อ อา โค๊ดื่อ เร๊อ เป เตซว๊าเตแส่ อาเหล่โกล เต๊เห่. เป หม่า โรมัน เทอพู๊เก่พู๊ เต๊เห่ อาขว่าอาคยา, เป จูเอ่, ครวาเมเบ๊ แจ่เกอ เหย่ซี อาเหล่โกล เออเต๊เห่ โต่,” เหย่ซี เฮ๊ แลแค ฮู๊เนอ.

ꤛꤥ꤭ꤟꤢ꤬ 19:12

เป๊อแถ่ เบ๊อะอา เฮ๊โท ฮู๊เนอ เนอ, คุ๊ยปีลาต แอ๊จื๊อ แม๊ปู แกล๊ เด๊อ อา เก่ ปลวาเถ่แก เหย่ซู่. หม่าแน๊เรอ แกแยยิวพู๊ เต๊เห่ เอ๊โท เป่แฮ ตือดื๊อโป่ เน๊อ, “เน เก่ ปลวาเถ่แก แกแย เนอเตเพร เฮ๊หม่า, เน หม่า จ๊อแผ่ ซีซาร์ อาโคแบ๊ซว๊า หม่าโต่. แกแย เตเพรเพร เด๊อ อา ดี๊กว๊า แล เกอเร๊อ อาเหน่ เร๊อ จ๊อแผ่ เนอ, หม่าเฮ๊อ แกแย เด๊อ อา เท๊ฉื่อ คุ๊ยซีซาร์ เฮ๊อ.”

เปโตร อาเหร่อเล๊อ ต๊าบ่า 2:15

จอแปแหร่ ซิหยื่อ นอเม ซี เตแร๊, เมเตเฮ๊เรอ อา ซิหยื่อ เด๊อ ซี เก่ เม โอ่โส่โอ่เครแก แกแย เด๊อ อา เฮ๊เบ่บอ เฮ๊เบ่บย่า เร๊อ เตเน กาคยา แฮเง เป่ เกออู โต่ เนอเต๊เห่.

ꤜꤢꤨꤊꤢ꤬ 10:38

เบ๊อะเหย่ซู่ เร๊อ อา โคเจ่ เต๊เห่ จว๊า แฮเง โป่ แกล๊ เด๊อ เง เบ๊อะเนอ, เหย่ซี จว๊าโน เด๊อ ดอตอดอ เร๊อ เพรเหมาะ เด๊อ อามุย เร๊อ เหมาะมารธา เฮ๊เออ เตเพรเนอ อา เอ๊โมฉื่อ ลู เด๊อ อา หี่ด๊อกู.

เพรโด่แนพู๊ เต๊เห่ 17:5

หม่าแน๊เรอ แกแยยิวพู๊ เต๊เห่ ซิค๊าซิเถ่ เหย่ซี เร๊อ อา จว๊าเอ๊ปล๊อ แกแยจา แกแยมู๊แหม่ เด๊อ อา เลจว๊า เด๊อ เกล๊ กู เออเต๊เห่ เร๊อ อา นอ เมตอปลอตือซือ ลอ เจ๊อ อู ตีวี เจ๊อ. แซ่ฮู๊ เหย่ซี เก่ ปื่อจุ่ยตู๊หรู่ เถ่หนิ เร๊อ คูเปาโล เร๊อ คูสิลาส เด๊อ แกแย เบ๊หมู่ เออเต๊เห่ อา เป๊เส่เงเนอ, แกแยยิวพู๊ เออเต๊เห่ เร๊อ แกแย เบ๊หมู่ เออเต๊เห่ จว๊า โนเมโพร๊ คูยาโสน อาหี่ เร๊อ โนแม๊ปู คูเปาโล เร๊อ คูสิลาส.

เพรโด่แนพู๊ เต๊เห่ 17:8

เด๊อ เหย่ซี เฮ๊เบ่ แลแค ฮู๊เออ อาขว่าอาคยา, อา เมมู๊แหม่ เมตอปลอตือซือ แถ่ลอ แกแย เบ๊หมู่ เร๊อ แกแย เด๊อ อา ทวาดุทวาเต เด๊อ วีกูเนอ เต๊เห่ เฮ๊อ.

ꤡꤛꤢꤩ꤭ꤗꤢ꤬ꤎꤣ꤬ 2:25

แม๊เผ่โหมะ โหมะราหับ เนอหม่า อา แซ่ฮู๊เนอ เฮ๊อ. แซ่ฮู๊ อิสราเอลพู๊ เด๊อ อา โน ทื๊อแม๊ โห่ เต เนอเต๊เห่ เก่ เถ่จว๊าแลเปล๊ เบ๊แก เร๊อ แกล๊ เด๊อ อาโร โตโบ อาเงเนอ, อา เอ๊โมฉื่อ เหย่ซี เร๊อ อา เมจว่า เป่ เหย่ซี อาขว่าอาคยา, จอแปแหร่ แด่จ๊อแด่เต ลู เน๊อ อา เตเอ่เตแร เอออาคยาเฮ๊อ.