เพรโด่แนพู๊ เต๊เห่ 17:30 - ลีเทส่อพ๊าอาเซ เร๊อ เห่ขุทวาลู๊30 เบ๊อะอู ซิเง แล๋ จอแปแหร่ โต่ เบ๊อะเนอ, อา แม๊ เบ๊ขุตาโผ่แก แกแย เห่ขุพู๊ อาเตซื๊อ ฮู๊เนอ เต๊อเจ่อ แพ๊. หม่าแน๊เรอ กู๊แหน่เออเนอ, อา เฮ๊ตาเฮ๊อ อาโหง่ เร๊อ แกแย ปว๋า เตเพร เด๊อ อา โอ่ เด๊อ เหล่โอ่ เบ๊อะเต๋ โต๊โผ่เบ่เบ่ อา โตเบ่ ถู่แหล่เต๊เปล่กา แลแค อาซิปล่อ เร๊อ อา โตเบ่ ตีรี๊แม๊ กาคยาโต คยาแซ๊ เด๊อ จอแปแหร่ อา โอ่ ปว๋า เตเพร อา เฮ๊โท ฮู๊เนอ เฮ๊อ. အခန်းကိုကြည့်ပါ။Eastern Kayah Shadaw Dialect30 ꤙꤣꤧ ꤢꤨ꤭ ꤞꤤꤑꤢꤩ꤭ ꤜꤢ꤭ꤟꤤ ꤡꤢꤪꤗꤣꤧ꤬ꤚꤢꤧ꤬ ꤒꤥ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤗꤢꤧ ꤙꤢꤩ꤬ꤋꤢꤨ꤬ꤒꤢ꤭ꤖꤥ꤬ꤊꤢꤧ꤭ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ꤒꤢꤩ꤬ꤞꤢꤦ ꤟꤢꤨꤔꤣꤧ꤬ ꤒꤣ꤬ꤡꤣ꤬ ꤖꤢꤧ꤯ ꤗꤢ꤬ꤔꤢꤧꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ꤔꤣꤧ꤬, ꤢ꤬ ꤟꤢꤩꤒꤢ꤭ꤟꤣꤧ ꤢ꤬ꤍ꤫ꤥ꤬ ꤔꤢꤧ ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤘꤣ ꤢ꤬ ꤥ꤬ ꤘꤣ ꤜ꤫ꤢꤩ꤬ꤥ꤬ ꤙꤣꤧꤒꤢꤩ꤭꤮ ꤒꤣ꤬ꤖꤥ꤬ꤙꤢꤩ꤬ꤙꤢꤩ꤬ ꤢ꤬ ꤒꤥ꤭ꤙꤢꤩ꤬ ꤛꤢꤧ꤬ ꤚꤣꤧ ꤜꤢ꤭ꤋꤢꤧ꤭ ꤢ꤬ꤔ꤫ꤢꤩ꤬ ꤚꤣꤧ꤬ ꤢ꤬ ꤒꤥ꤭ꤙꤢꤩ꤬ ꤒꤣꤧ꤬ꤚꤤ ꤊꤢ꤬ꤋꤛꤢ꤭ꤒꤥ꤭ ꤋꤛꤢ꤭ꤞꤢꤧ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤢ꤬ ꤟꤢꤩꤓꤥ꤭ ꤟꤢꤨꤔꤣꤧ꤬ ꤟꤣꤧ꤯ အခန်းကိုကြည့်ပါ။ |
เพรโด่แนพู๊ เต๊เห่ 17:30
26 ပူးပေါင်းရင်းမြစ်များ
เด๊อ เหร่อเคเนอ, ฮู๊ แกแย เด๊อ อา ซิเง เกออู จอแปแหร่ โต่ เนอเต๊เห่ เมลอแกเด ม๊อเนอม๊อเซ เนอ ซี เม ลอแกเด โป่ เกอลอ โทเฮ๊อ ฮู๊เนอเฮ๊อ. ซี โอ่เซอเพร แกเด ลอ อาม๊อเนอม๊อเซ แคร๋, เร๊อ อิเต เฮ๊เนอหม่า, ซี เตโอ่ แซแรซิบี แร๊โต่, ซี ซิปล่อ ปาต๊าเปอเตอ, ซี เตเอ่มือโอแพร๊, ซี เมป่วยเมลา เด๊อ อา โอ่เร๊อ เตเอ่ตาลว๊าโอตาแก เต๊เห่, ซี เตจ๊อเบ เตแหย่โยแหย่กี เด๊อ เหล่ซิหย่อซิบี หนิ อา เต๊เห่เนอ เฮ๊อ.
เมเตเฮ๊เรอ จอแปแหร่ เด๊อะโล ลีโพ๊ เจ๊อ เร๊อ ครี๊ แฮแล พย๊าแก เป่เฮ๊อ เป เตซื๊อเตปล๊า เด๊อ จอแปแหร่ เตเร เมจากาคยา เปเออ ปา เนอ เฮ๊อ. เด๊อ เป หยื่อเอ่ เหย่ซู่ครี๊ ข่าเซอ อาซิปล่อ เด๊อ อี๊ถื่อดีเต่ลู เร๊อ อาสุ่ย ทุ๊ยตา เด๊อ เปเง อาขว่าอาคยา, จอแปแหร่ แด่จ๊อแด่เต เฮ๊อ เป. แซ่ฮู๊ จอแปแหร่ เก่ เด๊อะ แถ่โล เร๊อ อา เมจ๊อเมเต เต อาเงเนอ, อา นอแฮ เหย่ซู่ครี๊ เฮ๊อ. เด๊อ เหร่อเคเนอ หม่า, อา แด่ทูซิปล่อ เป่ แกแยเห่ขุพู๊ เต๊เห่ อา เตซื๊อ. อา แม๊ ตาลว๊าแก เหย่ซี เม เตซื๊อ เนอเต๊เห่ เร๊อ อา เมจากาคยา เหย่ซี โต่.
เมเตเฮ๊เรอ, เบ๊อะแว จว๊าเล เด๊อ ซี วีกู เนอ เร๊อ แว แม๊ ซี เตจ๊อบู่จ๊อเบ อาเหล่โอ่ เต๊เห่ เบ๊อะเนอ, แว แม๊เถอะ เตหลู่แต เบ๊อะเนอ โต๊โผ่ เด๊อ อู ราโอ่ ลู เน๊อ, ‘จอแปแหร่ เด๊อ อู ซิเง อา โต่ เตเพร อาเง’ ฮู๊เนอ. ฮู๊เนอ อาขว่าอาคยา, จอแปแหร่ เด๊อ ซี ซิเง ลู โต่ เร๊อ ซี จ๊อบู่จ๊อเบแถ่ เกอเร๊อ อา เออเตเพรเนอ, แว เก่ แด๊โฉ่โด่แน เป่ ซี เร๊อ อา อาหรี่อาแก กู๊แหน่.
เบ๊อะเหย่ซี หนิโฮ เตหรี่เตแก เออ เบ๊อะเนอ, เหย่ซี เป๊อเจ่ออิแช๊ ปา คูเปโตรโต่, เร๊อ อา ถู่เซ๊แถ่ แลแค จอแปแหร่ เน๊อ, “เก่ อา หม่าแหน่ ฮู๊เนอเฮ๊เรอ จอแปแหร่ เด๊อะเป่เกอเฮ๊อ แกแยยิวพู๊ หม่าโต่ เต๊เห่ เตค๊าขิโตแร๊ เด๊อ อา เก่ ถู่แหล่ เต๊เปล่กา แลแค อาซิปล่อ เร๊อ อา เก่ พย๊าหนิ เกอ แลแค แหย่โยบูโพ๊เซอเพร เฮ๊อ.”
เมเตเฮ๊เรอ, เตซิเปลซิหย่อ เด๊อ จอแปแหร่ เด๊อะทวาแถ่ เออเนอหมา, อา นอ ถู่แหล่ เต๊เปล่แก เป ซิปล่อ เด๊อ เป เก่ พย๊าหนิ เมแลเปล๊กา อาเง แพ๊ อาขว่าอาคยา, เป โหล่ เตเนกู่ เปเน๊อ เตซิเปลซิหย่อ เด๊อ จอแปแหร่ เด๊อะทวาแถ่ เออเนอเต๊เห่ โต่. หม่าแน๊เรอ แกแย อาเหล่โกล ซิเปลซิหย่อ เต๊เห่เนอ, อา เด๊อะโอ่แถ่ แพ๊ เตเซอ แพ๊.
ကြော်ငြာတွေ