เพรโด่แนพู๊ เต๊เห่ 17:3 - ลีเทส่อพ๊าอาเซ เร๊อ เห่ขุทวาลู๊

³ เร๊อ อา แด๊โฉ่ เป่ เหย่ซี เร๊อ อู ราหนื่ออื่อ ลีเทส่อพ๊า อาหรี่อาแก เนอเต๊เห่ เร๊อ อา ยูโลโปล เป่ อู เร๊อ ครี๊ อาหรี่อาแก. เร๊อ อา เฮ๊ เน๊อ, ครี๊ เด๊อ จอแปแหร่ นว๊าแถ่ อา เนอ เพรเมแลเปล๊กา อู เออเตเพร เนอหม่า อู เมจาเมจือ ลู โทปาเรอ อา เก่ ก๊อถ่อ เซอเพร กาคยา คยาแซ๊ เด๊อ เตเซอ เนอปา อา เฮ๊โฉ่โปล เป่ อู ฮู๊เนอ. เร๊อ อา เฮ๊ เน๊อ, “เหย่ซู่ เด๊อ แว แด๊โฉ่โล เป่ ซี กู๊แหน่เออ เตเพร เนอหม่า หม่าเฮ๊อ ครี๊ เด๊อ จอแปแหร่ นว๊าแถ่ ลู เด๊อ อา เก่ เมแลเปล๊ อู เออเนอ เตเพร เฮ๊อ.”

Eastern Kayah Shadaw Dialect

³ ꤚꤣꤧ꤬ ꤢ꤬ ꤟꤢꤩꤏꤥ꤬ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ ꤢꤨ꤭ ꤚꤢ꤭ꤥ꤬ꤔꤢꤩ꤬ ꤜꤤ꤬ꤓꤢꤩ꤭ꤞꤢꤪ꤬ꤖꤢ ꤢ꤬ꤚꤤ꤬ꤢ꤬ꤊꤢꤧ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤤ꤬ꤛꤢꤨ꤭ꤜꤥ꤭ꤕꤜꤥ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤋꤚꤤ ꤢ꤬ꤚꤤ꤬ꤢ꤬ꤊꤢꤧ꤭꤯ ꤚꤣꤧ꤬ ꤢ꤬ ꤟꤢꤩ ꤔꤢꤧ, ꤋꤚꤤ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤓꤢꤧ꤬ ꤢ꤬ ꤔꤢꤧ ꤖꤚꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤢꤨ꤭ ꤣꤧ꤭ꤒꤣ꤬ꤖꤚꤢꤩ꤬ ꤔꤣꤧ꤬ꤗꤢ꤬ ꤢꤨ꤭ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤜꤢꤨ꤭ ꤓꤥ꤭ꤕꤢ꤭ꤚꤣꤧ꤬ ꤢ꤬ ꤊ꤫ꤢꤦ꤬ ꤞꤣꤧ꤭ꤖꤚꤢꤩ꤬ꤊꤣꤧ꤬ꤓꤢꤪ꤬ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤘꤣ ꤒꤢꤩ꤬ꤞꤣꤧ꤭ ꤕꤢ꤭ ꤢ꤬ ꤟꤢꤩꤏꤥ꤬ꤕꤜꤥ꤭ ꤕ꤫ꤢꤩ꤬ ꤢꤨ꤭ ꤟꤢꤨꤔꤣꤧ꤬꤯ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤛꤢꤩ꤬ꤏꤛꤢꤨ ꤘꤣ ꤠꤢꤧ꤭ ꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ ꤞꤤ꤭ ꤊꤢꤨꤔ꤫ꤢꤧ꤬ꤣꤧ꤭ ꤒꤣ꤬ꤖꤚꤢꤩ꤬ ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤋꤚꤤ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤓꤢꤧ꤬ ꤜꤢꤨ꤭ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤢꤨ꤭ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬ ꤟꤣꤧ꤯”

เพรโด่แนพู๊ เต๊เห่ 17:3 ပူးပေါင်းရင်းမြစ်များ

เพรโด่แนพู๊ เต๊เห่ 18:28

เมเตเฮ๊เรอ, อา เตเฮ๊เบ่โด่แน เคร๊แขระ อู เต๊เห่เนอ อา โอ่เร๊อ อาเตอเรออาฉว่าอาชอ, โท๊โต่ อา ยูโลเบ๊ เป่ อู ลีเทส่อพ๊า ข่าเฮ๊โล เต๊เห่ เร๊อ เหย่ซู่ หม่า ครี๊, โท๊โต่ เหย่ซู่ หม่า เพร เด๊อ จอแปแหร่ นว๊าแถ่ ลู เร๊อ อา เก่ เมแลเปล๊กาซี แกแย อาขว่าอาคยา, อา เคร๊แขระ เป่แก ลอ แกแยยิวพู๊ เต๊เห่ เด๊อ แกแย ตูปลูเต๊เผ่ อา เป๊เส่เง.

เพรโด่แนพู๊ เต๊เห่ 9:22

คูเซาโล อา เหล่แด๊โฉ่โด่แน เป่ อู เออเนอ, อา เตอเรอฉว่าชอ ดุแถ่ เร๊อ ดุแถ่ เจ๊อ เร๊อ อา ข่าเฮ๊โล ตาเต เป่ อู เร๊อ เหย่ซู่ หม่า ครี๊ หม่าแหน่ เจ๊อ เตเพร อาขว่าอาคยา, โต่ เจ๊อ เด๊อ แกแยยิวพู๊ โอ่ เบ๊อะวีดามัสกัส อากู เนอเต๊เห่ เฮ๊ฉื่อกาคยา แจ่ ปา เจ๊อ ลู เตอเจ๋อ โต่.

ꤜꤢꤨꤊꤢ꤬ 24:32

เหย่ซี เฮ๊ เกอเร๊อ เป่ลู เน๊อ, “เบ๊อะอา เฮ๊เบ่ เร๊อ เป เด๊อ แกล๊ลู เบ๊อะเนอ เบ่เบ่, เบ๊อะอา เฮ๊โฉ่โด่แนโปล เป่ เป เร๊อ ลีเทส่อพ๊า อา เตเฮ๊โฉ่หนื่ออื่อ ซีเต๊เห่ เบ๊อะเนอ เบ่เบ่, เด๊อ เป ซิปล่อกู เนอ, อา ตือพรือก๊อหย่อ ซิครือซิลอแถ่ เจ๊อ ฮู๊เนอ แวเฮ๊แต๋?”

เพรโด่แนพู๊ เต๊เห่ 3:18

จอแปแหร่ เฮ๊หนื่ออื่อโทลอเฮ๊อ อาโหง่ เน๊อ เพรโพร เต๊เห่ ล๋อ ปลี เฮ๊อ. เร๊อ อา เฮ๊หนื่ออื่อ เป่ เหย่ซี เน๊อ ครี๊ เบ่ ข่าเซอแหน่ เตจาเตจือ ปา. เร๊อ อา เล๊อแถ่บาแถ่ เฮ๊อ ฮู๊ อา เฮ๊ เออเนอ เฮ๊อ.

ꤜꤢꤨꤊꤢ꤬ 24:46

เร๊อ อา เฮ๊ เป่ เหย่ซี เน๊อ, “ลีเทส่อพ๊า เฮ๊หนื่ออื่อ เนอ, ครี๊ เก่ ข่าเบ่ เตจาเตจือ ปา, โทเร๊อ โซเนอ เตอเนอ ปาเนอ, อา เก่ ก๊อถ่อเซอเพร กาคยา เด๊อ เตเซอ ปา.

ꤊꤢ꤬ꤜꤢ꤬ꤒꤤ 3:1

กาลาเทียพู๊ เด๊อ อา บี่ซิปล่อสู่เทอ ซี๋ แซ่ฮู๊ ซี ซิหยื่อ หนิดา ครวาเมเกอ คยาแซ๊ คูโมเสส อา เตซว๊าเตแส่ เออเนอ เร๊อ อูเป แฮ อี๊ลอแลโฮ ซี เป? แว โด่แนโปลเพ๊ เป่โทเฮ๊อ ซี เร๊อ เหย่ซู๊ครี๊ข่าเซอ อาเหน่เด๊อ อี๊ถื่อดีเต่ลู เนอเฮ๊อ แวเฮ๋.

เพรโด่แนพู๊ เต๊เห่ 1:4

โตโพ๊เค เบ๊อะอา เอ่โอ เต่อเกอ เร๊อ อา โคเจ่ เออเต๊เห่ เบ๊อะเนอ, อา เฮ๊แก เหย่ซี เน๊อ, “เถ่จว๊าแก แต่ แลแค เด๊อ เยรูซาเล็ม วีเออ อากูเนอ แต่ แลเหม่. โอ่ป่อตื๊อดื่อ แลแค เบ๊อะเนอ โต่เด๊อ ซี พย๊าหนิ เชหยู่ เด๊อ แว แด๊โฉ่หนื่ออื่อ โทเฮ๊อ ซี เร๊อ แวเพ อ๊อแล เด๊อ อา เก่ เด๊อะ ซี ปาเนอ นี๋.”

ꤛꤥ꤭ꤟꤢ꤬ 20:9

ลีเทส่อพ๊า เฮ๊หนื่ออื่อ เจ๊อเฮ๊อ เนอ, แบ่เจ่ เหย่ซู่ เก่ เซอ ก๊อถ่อกาคยา ปา ตื๊อดื่อเรอ, โต่ เจ๊อเฮ๊อ เบ๊อะเนอเคเนอ, ฮู๊ ลีเทส่อพ๊า เฮ๊หนื่ออื่อ เออเนอ, อา โคเจ่ เต๊เห่ ซิเงโปล ล๋ายโต่.

ꤜꤢꤨꤊꤢ꤬ 24:44

โทเรอ อา เฮ๊ เป่ เหย่ซี เน๊อ, “เบ๊อะแว โอ่เกอปา เร๊อ ซี เบ๊อะเนอ, ล๋อ อู ราโอ่ โทเฮ๊อ แวหรี่แวแก เด๊อ คูโมเสส อาลีกู เนอเต๊เห่ เบ่เบ่, เพรโพร ราโอ่แก เนอเต๊เห่ เบ่เบ่, เด๊อ ลีถู่เซ๊แถ่ อากู เนอเต๊เห่ เบ่เบ่, อา เบ่ เล๊อบาแถ่ ลอปลี ปว๋า เต๊อเจ่อ ปาเนอ, แว แด๊โฉ่โล เป่ โทลอเฮ๊อ ซี เฮ๊อ.”

เพรโด่แนพู๊ เต๊เห่ 18:5

เบ๊อะคูสิลาส เร๊อ คูทิโมธี อาโอ่ เด๊อ มาซิโดเนียเก่ เถ่จว๊า เร๊อ อา แฮโต่ เด๊อ คูเปาโล โอ่ เบ๊อะเนอ, คูเปาโล เด๊อะแล ลอปลี อา ม๊อเนอม๊อเซ เด๊อ อา เก่ แด๊โฉ่โด่แน เป่ อู เร๊อ เตซิครือมีลา อาหรี่อาแก. เร๊อ อา ข่าเฮ๊โล เร๊อ แด๊โฉ่โด่แน โล เป่ แกแยยิวพู๊ เต๊เห่ เร๊อ เหย่ซู่ หม่า ครี๊, อา หม่า เพร เด๊อ จอแปแหร่ นว๊าแถ่ ลู เนอ เด๊อ อา เก่ เมแลเปล๊กาซี แกแยเห่ขุพู๊ เนอเตเพร เฮ๊อ, อา เฮ๊ ฮู๊เนอ เด๊อ อู ปว๋า เตเพร อา เป๊เส่เง.