เพรโด่แนพู๊ เต๊เห่ 17:2 - ลีเทส่อพ๊าอาเซ เร๊อ เห่ขุทวาลู๊

² ฮู๊ คูเปาโล เหล่โกล เม เกอ เร๊อ เนอ, อา จว๊าโน เด๊อ เตจ๊อเบโฮกู แกแยยิวพู๊ อา ม๊อเนอโด่ โซโพ๊ ลอเนอ อา จว๊า เฮ๊เบ่โด่แน เคร๊แขระ เร๊อ แกแย เบ๊หมู่ เบ๊อะเนอ เต๊เห่ เร๊อ อา แด๊โฉ่โล เป่ อู เร๊อ ลีเทส่อพ๊า อาหรี่อาแก.

Eastern Kayah Shadaw Dialect

² ꤟꤢꤨ ꤋꤢꤨ꤭ꤕꤢꤪꤜꤢꤨ ꤜ꤫ꤢꤩ꤬ꤊꤜꤥ꤭ ꤗꤢꤩ꤬ ꤚꤣꤧꤘꤢꤦ꤬ ꤔꤣꤧ꤬, ꤢ꤬ ꤡꤝꤢꤔꤥ꤭ ꤘꤣ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ꤊꤢꤨ꤭꤯ ꤛꤢꤨꤘꤢ꤬ꤖꤢꤨ ꤢ꤬ꤗ꤫ꤢꤪ꤬ꤔꤣꤧ꤭ꤘꤥ꤬ ꤞꤥ꤭ꤖꤥ ꤜꤢꤪ꤭ꤔꤣꤧ꤬ ꤢ꤬ ꤡꤝꤢ ꤟꤢꤩꤙꤢꤩ꤬ꤘꤥ꤬ꤔꤢꤧ꤭ ꤋꤚꤢꤩꤋꤚ꤫ꤢꤧ꤬ ꤔꤢꤧ ꤊꤣꤧ꤬ꤛꤢꤧ꤭ ꤙꤢꤩꤗꤢꤨ꤬ ꤙꤣꤧꤔꤣꤧ꤬ ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤤ꤬ꤛꤢꤨ꤭ꤜꤥ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤜꤤ꤬ꤓꤢꤩ꤭ꤞꤢꤪ꤬ꤖꤢ ꤢ꤬ꤚꤤ꤬ꤢ꤬ꤊꤢꤧ꤭꤯

เพรโด่แนพู๊ เต๊เห่ 17:2 ပူးပေါင်းရင်းမြစ်များ

เพรโด่แนพู๊ เต๊เห่ 9:20

เร๊อ โตโพ๊เรอ คูเซาโล เถ่จว๊า จ๊อจ๊อ เด๊อ ยูดาห์ เตจ๊อเบโฮ เต๊เห่ อากู เร๊อ อา จว๊าแด๊โฉ่โด่แน เป่ อู เร๊อ เหย่ซู่ หม่า จอแปแหร่ อาพู๊ เตเพร อาหรี่อาแก.

เพรโด่แนพู๊ เต๊เห่ 18:4

แกแยยิวพู๊ ม๊อเนอโด่ ปว๋า โผ่โผ๋ เนอ, คูเปาโล โด่แน เคร๊แขะ อู เบ๊อะเตจ๊อเบโฮ อากูเนอ. แซ่ฮู๊ แกแยยิวพู๊ เร๊อ กรีกพู๊ เนอหมู่ลอ เก่ หยื่อเอ่แหน่ เกอ เหย่ซู่ อาเงเนอ, คูเปาโล แอ๊จื๊อ เฮ๊เบ่ จุ่ยหนิท๊อหนิ เหย่ซี ซิปล่อ.

เพรโด่แนพู๊ เต๊เห่ 17:17

ฮู๊เนอ อาขว่าอาคยา, อา เฮ๊เบ่โด่แน เคร๊แขะ เร๊อ แกแยยิวพู๊ เร๊อ แกแยกรีกพู๊ เด๊อ อา เบ่หยื่อเบ่แหน่ จอแปแหร่ เต๊เห่ เบ๊อะเตจ๊อเบโฮ อากู เนอ. โท๊โต่ อา โด่แน เคร๊แขะ โป่เกอ เร๊อ แกแย เด๊อ อา โอ่ แลแค เด๊อ แกล๊กู เนอเต๊เห่ ฮู๊เนอ ปวาเนอเน๋อ เจ๊อ.

เพรโด่แนพู๊ เต๊เห่ 17:10

เหมาะคี๊เฮ๊อ เบ๊อะเนอ, เพรหยื่อเอ่ เต๊เห่ ซูจว๊าแก คูเปาโล เร๊อ คูสิลาส เด๊อ วีเบโรอา. เบ๊อะอา จว๊าโต่ เด๊อ วีกู เบ๊อะเนอ, อา จว๊าโน จ๊อจื้อ เจ๊อ เด๊อ แกแยยิวพู๊ อา เตจ๊อเบโฮ อากู เจ๊อ.

เพรโด่แนพู๊ เต๊เห่ 14:1

ฮู๊ เหย่ซี เมโทเฮ๊อ เด๊อ วีอันทิโอก อากูเนอ, คูเปาโล เร๊อ คูบารนาบัส จว๊าโน เด๊อ แกแยยิวพู๊ เต๊เห่ เตจ๊อเบโฮกู เด๊อ อา โอ่ เด๊อ วีอิโคเนยูม อากู เนอเตเม. เร๊อ เหย่ซี เฮ๊เบ่อาโปลเพ๊ เป่ แร๊แหน่เจ๊อ อู เร๊อ แบ่เจ่ เหย่ซู่ อาหรี่อาแก อาขว่าอาคยา, แกแยยิวพู๊ เร๊อ แกแยยิวพู๊ หม่าโต่ เต๊เห่ หยื่อเอ่ เอ๊เกอ เหย่ซี โกโน๊ โต่.

เพรโด่แนพู๊ เต๊เห่ 13:5

เบ๊อะเหย่ซี จว๊าโต่ เด๊อ วีซาลามิส เบ๊อะเนอ, อา จว๊า แด๊โฉ่โด่แน เป่ อู เร๊อ จอแปแหร่ อาลาอาโหง่ เด๊อ แกแยยิวพู๊ เตจ๊อเบโฮ เต๊เห่ อากู. คูยอห์น มาระโก จว๊า เต่อเกอ เร๊อ เหย่ซี เร๊อ อา เมจว่าเกอ เหย่ซี.

เพรโด่แนพู๊ เต๊เห่ 28:23

ฮู๊เนอเรอ เหย่ซี เฮ๊โอ่ ลู ม๊อเนอม๊อเซ เด๊อ อา เก่ แม๊เถอะ ตาฉื่อ คยาแซ๊ เร๊อ คูเปาโล เร๊อ เบ๊อะเหย่ซี เฮ๊โอ่ ลู เนอเตอเนอเนอ, แกแยยิวพู๊ เต๊เห่ แฮ แลแค เบ๊อะคูเปาโล โอ่ เกอเร๊อ หี่ เนอเตเม อากู, เร๊อ เหย่ซี แฮโหร่ เอ๊เล๊อ เจ๊อ เน๊อ เด๊อ อาเหร่อเค เนอตื๊อหื่อ เจ๊อ. เร๊อ คูเปาโล เป๊อแถ่ เฮ๊โฉ่โด่แนโล เป่ เหย่ซี เร๊อ จอแปแหร่ อาเทออาเก่ อาหรี่อาแก เร๊อ อาข่าเฮ๊โล หนิ อาหรี่อาแก เด๊อ เหมาะลี โต่ เจ๊อ เด๊อ เหมาะคี๊ เจ๊อ. แซ่ฮู๊ เหย่ซี เก่ หยื่อเอ่ เหย่ซู่ อาหรี่อาแก เอออาเงเนอเร๊อ, อา แอ๊จื๊อ เฮ๊โฉ่ซิเงโปล เป่ เหย่ซี เร๊อ คูโมเสส อา เตซว๊าเตแส่ เนอเต๊เห่ เน๊อ เพรโพรเฮ๊หนื่ออื่อ เนอเต๊เห่.

เพรโด่แนพู๊ เต๊เห่ 8:35

ฮู๊เนอเรอ คูฟีลิป เป๊อแถ่ เฮ๊ เป่ ลู เร๊อ ลีเทส่อพ๊า เออตามา เร๊อ อา เฮ๊โฉ่โลหนิ เป่ ลู เร๊อ เหย่ซู่ อา เตซิครือซิลอมีลา อาหรี่อาแก.

ꤛꤥ꤭ꤟꤢ꤬ 18:20

แบ่เจ่ เหย่ซู่ เฮ๊ฉื่อ ลู เน๊อ, “แว อิซว๊าโห่ อิซว๊าเซ๊น๊อ เน๊อ อู โต่, แว อิซว๊าหล่าอิซว๊าลี อู เด๊อ แกแย ปว๋า เตเพร อาเป๊เส่เง แพ๊. ล๋อ แกแยยิวพู๊ เต๊เห่ เหล่แฮ แม๊เถอะ ตาฉื่อ หนิเกอ ลู อาเหล่โอ่ เด๊อ เตจ๊อเบ โฮกู เนอ เบ่เบ่, เด๊อ เตหลู่แต โฮกูเนอ เบ่เบ่ แว อิซว๊า อู ปว๋า โตโพ๊ เจ๊อ.

ꤜꤢꤨꤊꤢ꤬ 4:16

แบ่เจ่ เหย่ซู่ กาคยา เด๊อ วีนาซาเร็ธ เบ๊อะอา อาหน่าดุแถ่เฮ๊อ เกอเร๊อ เนอตีวี. เบ๊อะแกแยยิวพู๊ ม๊อเนอโด่ เบ๊อะเนอ, ฮู๊ อาเหล่โกล โอ่เนอ, อา จว๊าโน เด๊อ เตจ๊อเบโฮกู. เบ๊อะอา เตเร ก๊อถ่อแด๊ จอแปแหร่ อาลาอาโหง่ เบ๊อะเนอ,

เพรโด่แนพู๊ เต๊เห่ 24:25

เร๊อ เบ๊อะคูเปาโล เฮ๊เบ่ เป่ โป่ ลู เร๊อ เตจ๊อเต, เตเป๊อแลหนิ เหน่ เร๊อ เตเมจากาคยาม๊อเนอ เด๊อ อา เก่ แฮ ปา อาหรี่อาแก เออ เบ๊อะเนอ, คุ๊ยดุ เฟลิกส์ ซิอิเช เร๊อ อา เฮ๊ ลู เน๊อ, “เออตื๊อหื่อ เร๊อ เน กาหนิ เฮ๊อ. แว ค๊าขิ เก่ โอ่ ปา เฮ๊เรอ, แว เก่ เอ๊แฮโป่ คยา เน ปา.”

เพรโด่แนพู๊ เต๊เห่ 19:8

คูเปาโล จว๊าโน เด๊อ เตจ๊อเบโฮกู เร๊อ อา เฮ๊เบ่โด่แน คือฮาบื่อ เจ๊อ เน๊อ แกแย เบ๊หมู่ เบ๊อะเนอ โซเล อากู. คูเปาโล เฮ๊เบ่โด่แน เคร๊แขระ เหย่ซี เน๊อ, จอแปแหร่ อาเทอเก่ อาหรี่อาแก เร๊อ อา ท๊อหนิจุ่ยหนิ ลอ เหย่ซี อาซิปล่อ.

เพรโด่แนพู๊ เต๊เห่ 13:14

เหย่ซี โอ่เด๊อ วีเปอร์กา เร๊อ เถ่จว๊า แลแค เด๊อ วีอันทิโอก โอ่ เด๊อ ปิสิเดีย เก่กูเนอ ตีวี. เร๊อ เบ๊อะแกแยยิวพู๊ ม๊อเนอโด่ เบ่ เบ๊อะเนอ, เหย่ซี จว๊าโน โอ่แนโอ่ เด๊อ เตจ๊อเบโฮกู.

มัทธิว 26:24

ฮู๊ ลีเทส่อพ๊า ราม๊าหนื่ออื่อ เร๊อ แกแย อาพู๊ หม่าเฮ๊อ แวเออ อา เบ่ เซอ แหน่ปา ตื๊อดื่อเรอ เตปย๊า เตหลู่ โอ่ เกอ ดื่อ แกแย เด๊อ อา เก่ อิเชตาแก แกแยพู๊คู เออเตเพรเนอ, จอแปแหร่ เก่เมจากาคยาลู ปา. อา เก่ โอ่เป๊เจ่แล โต่ เฮ๊เนอหม่า อาแร๊เล๊อ ปา เจ๊อ เด๊อ ลูเง เจ๊อ.”

โครินธ์ อาเหร่อเล๊อ ต๊าบ่า 15:3

เตหรี่เตแก เด๊อ อา โหล่ดุเล๊อ อู เด๊อ แว พย๊าหนิ เร๊อ แว เด๊อะตา แฮเง เป่ ซี เออเนอหมา หม่าเฮ๊อ, แซ่ฮู๊ เป เก่ แลเปล๊ เร๊อ เตเมจากาคยา เป เตซื๊อ เออเนอเร๊อ, ครี๊ ข่าเซอ เฮ๊อ อาซิปล่อ เฮ๊อ, ลีเทส่อพ๊ากู เฮ๊ ฮู๊เนอ.