เพรโด่แนพู๊ เต๊เห่ 17:12 - ลีเทส่อพ๊าอาเซ เร๊อ เห่ขุทวาลู๊

¹² เหย่ซี หยื่อเอ่แหน่ โร๊ลู, โทเร๊อ แกแยกรีกพู๊ เพรเหมาะ เด๊อ อา มุยดุมุยทู เต๊เห่ เร๊อ กรีกพู๊ เพรคู เต๊เห่ หยื่อเอ่แหน่ เกอ โร๊ลู.

Eastern Kayah Shadaw Dialect

¹² ꤛꤢꤩ꤬ꤞꤤ꤭ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤢꤩꤜꤥ꤬, ꤓꤥ꤭ꤚꤣꤧ꤬ ꤊꤚꤤꤗꤤ꤭ꤡꤣ꤬ꤖꤢꤨ ꤖꤚꤢꤩ꤬ꤗꤢꤪ꤬ ꤘꤣ ꤢ꤬ꤗꤝꤤ꤭ꤘꤢꤨ꤬ꤗꤝꤤ꤭ꤓꤢꤨ꤭ ꤒꤣꤧ꤬ꤟꤢꤩ꤬ ꤔꤢꤧ ꤊꤚꤤꤖꤢꤨ ꤖꤚꤢꤩ꤬ꤋꤢꤨ꤭ ꤒꤣꤧ꤬ꤟꤢꤩ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤊꤣꤧ꤭ ꤢꤩꤜꤥ꤬꤯

เพรโด่แนพู๊ เต๊เห่ 17:12 ပူးပေါင်းရင်းမြစ်များ

เอเฟซัส 5:14

เต เด๊อ อา เด๊อะ แม๊เถอะโล ซิเง ตาเต แร๊ อู หม่า ตื๊อแพ๊ เตลี แพ๊. ฮู๊เนอเรอ อู เฮ๊ เน๊อ, “เพร โอ่เมอฉว่า, ซิเหน่เกอ เมอ อู, ก๊อถ่อกา เกอเมออู เด๊อ เตเซอ อา เหล่โอ่เออ เนอ. ครี๊ อา เตลีเออ เก่ เตเคตา เด๊อ เนโอ่ ปา.”

เพรโด่แนพู๊ เต๊เห่ 13:50

หม่าแน๊เรอ แซ่ฮู๊ อู เก่ เมจาเมจือ คูเปาโล เร๊อ คูบารนาบัส เออเนอเร๊อ แกแยยิวพู๊ ซี เต๊เห่เนอ, อา นอฉว่า เฮ๊ชอ เพรเหมาะ เด๊อ อา จ๊อเบ จอแปแหร่ เร๊อ อา ทวา กู่กล๊อ เต๊เห่, เน๊อ เพรคู เด๊อ อา ทวา กู่กล๊อ เด๊อ วีกู เนอเต๊เห่, เร๊อ อา จว๊า เฮ๊ แฉ่ครวา โป่ ลอเหย่ซี. เร๊อ เหย่ซี เหว่เถ่แก คูเปาโล เร๊อ คูบารนาบัส เด๊อ เหย่ซี เก่กู.

โครินธ์ อาเหร่อเล๊อ ต๊าบ่า 1:26

โป่แหว่ ซี๋, เตเนแม๊ เกอเร๊อดื่อ เกอ ซีเหน่ เบ๊อะจอแปแหร่ เอ๊ แต่ล๋าย ซี โต่ เบ๊อะเนอ กอกอ. เก่ เฮ๊ เน๊อ แกแยเห่ขุพู๊ อา เตแม๊เถอะ เฮ๊เรอ, เด๊อ ซีเกลเนอ, เพร เด๊อ อาแจ่อาลีแม เต๊เห่ เบ่เบ่, เพร เด๊อ อา โอ่ เน๊อ อา เตอเรอฉว่าชอ เต๊เห่ เบ่เบ่, แกแย เด๊อ อากลุยอาแล ดุแหย่แถ่เซ เต๊เห่เนอ เบ่เบ่, แกแย โอ่ โน เต่อเกอ ปีตี๊ แพ๊.

เพรโด่แนพู๊ เต๊เห่ 14:1

ฮู๊ เหย่ซี เมโทเฮ๊อ เด๊อ วีอันทิโอก อากูเนอ, คูเปาโล เร๊อ คูบารนาบัส จว๊าโน เด๊อ แกแยยิวพู๊ เต๊เห่ เตจ๊อเบโฮกู เด๊อ อา โอ่ เด๊อ วีอิโคเนยูม อากู เนอเตเม. เร๊อ เหย่ซี เฮ๊เบ่อาโปลเพ๊ เป่ แร๊แหน่เจ๊อ อู เร๊อ แบ่เจ่ เหย่ซู่ อาหรี่อาแก อาขว่าอาคยา, แกแยยิวพู๊ เร๊อ แกแยยิวพู๊ หม่าโต่ เต๊เห่ หยื่อเอ่ เอ๊เกอ เหย่ซี โกโน๊ โต่.

ꤡꤛꤢꤩ꤭ꤗꤢ꤬ꤎꤣ꤬ 1:21

ฮู๊เนอเร๊อ วีแก ลอปลี เตซิหย่อซิบี เด๊อ ซี เม โตโมโม อาเนอเต๊เห่ เร๊อ ล๋อ ซี เหล่โกล เด๊อ อา มู๊แหม่รีแจ่ เนอเต๊เห่. เร๊อ ถู่แหล่ เต๊เปล่ แลแค ซี ซิปล่อ เน๊อ หนิดา หยื่อเอ่ เกอ แลแค จอแปแหร่ อาลาอาโหง่ เด๊อ อา อิช๊ออิปลือตา เด๊อ ซี ซิปล่อกู เออเนอเต๊เห่. อาลาอาโหง่ เออเนอหมา อา เมแลเปล๊กา เบ๊แจ่ ซี.

ꤡꤛꤢꤩ꤭ꤗꤢ꤬ꤎꤣ꤬ 1:10

แกแย ดุแหย่แถ่เซ เด๊อ จอแปแหร่ แฉ่ตา อา เตเพรเนอ, อา โตเบ่ ซิครือซิลอ แพ๊, เมเตเฮ๊เรอ แกแย ดุแหย่แถ่เซ เต๊เห่เนอ, อา เก่ ลูโก แลโซแก แซ่เน๊อ มีออเส่โพ เนอเต๊เห่ ปา.

เพรโด่แนพู๊ เต๊เห่ 13:46

โทเร๊อ คูเปาโล เร๊อ คูบารนาบัส ลื๋อ เฮ๊เบ่ คือเฮ๊เบ่บื่อ โป่โป่ เจ๊อ, เร๊อ อา เฮ๊ เน๊อ, “เป โตเบ่ แด๊โฉ่โด่แน เหร่อเล๊อ เป่ ซี เร๊อ จอแปแหร่ อาลาอาโหง่. หม่าแน๊เรอ ซี หยื่อเอ่แลแค เป เตโด่แน เออเนอ โต่ อาขว่าอาคยา, ซี เมจากาคยาแล เกอ เร๊อดื่อ เฮ๊อ ซิเหน่ ฮู๊ แกแย เด๊อ อาต่า พย๊าหนิ เกออู แหย่โยบูโพ๊เซอเพร ตูจูเพร โต่ เนอเต๊เห่ เฮ๊อ. ฮู๊เนอเรอ เป เก่ แด่แก ซี เร๊อ เป เก่ จว๊า เด๊อ แกแยยิวพู๊ หม่าโต่ เต๊เห่ อา โอ่.

ꤛꤥ꤭ꤟꤢ꤬ 7:17

แกแย เตเพรเพร เก่ ซิหยื่อ ลือเมโต จอแปแหร่ อาซิปล่อ เฮ๊เนอ, เตอิซว๊าอี๊แส่ เออเต๊เห่ เนอหม่า อา โอ่ เด๊อ จอแปแหร่ อา โอ่แฮ แอ? หม่าโต่เรอ แว เฮ๊เบ่ เกอเร๊อดื่อ เน๊อ แว เตอเรอฉว่าชอ แอ, เนอ อาเกล๊ ซิเง แหน่ แพ๊.

ꤗꤢ꤬ꤊꤢꤨ 15:43

เบ๊อะเหมาะเฮ๊แลเฮ๊อ เบ๊อะเนอ, คูโยเซฟ เด๊อวี อาริมาเธีย เออเตเพร อา แด่คือ อาซิ ปล่อ เร๊อ อา จว๊ากูย เหย่ซู่ โล เออ เด๊อ คุ๊ยปีลาต อา โอ่. อา หม่า อา โอ่เตอเกอ เด๊อ แกแย ทวาดุ ตู๊หมู่ตอกล๊อ เด๊อ อู เบ่หยื่อเบ่แหน่ หนิเกอ เออเนอตู๊หมู่ อาเกล เตเพร. อา หม่า แกแย เด๊อ อา โอ่ป่อแม๊ชือ เกอ จอแปแหร่ อาเทออาเก่ เตเพร เฮ๊อ.

เพรโด่แนพู๊ เต๊เห่ 2:47

เหย่ซี ถู่เซ๊แถ่ จอแปแหร่ เร๊อ อูปว๋า เพร ซิปล่อ โอ่เกอ เหย่ซี. แบ่เจ่ แด่โนปล๊อ เอ๊แถ่ เป่ เหย่ซี แกแย เด๊อ อา พย๊าหนิ เตเหล่แลเปล๊เนอ เต๊เห่ เด๊อ เหย่ซี เพรหยื่อเอ่ตู๊หมู่ตอปล๊อ อากู ปว๋า เตอเนอ เจ๊อ.