เพรโด่แนพู๊ เต๊เห่ 16:26 - ลีเทส่อพ๊าอาเซ เร๊อ เห่ขุทวาลู๊

²⁶ เออโตโพ๊เรอ เตเน่วท๊อดี แถ่คย๊า เร๊อ อา ท๊อ ฉว่าแหน่เจ๊อ เร๊อ เหล่ด๊อ โอ่อาทอ แก่ช๊า เออเนอ อา โกโยโต่ ลอ เจ๊อ. เบ๊อะเนอ โตโพ๊โต, ทอ กู่ดาดุ เต๊เห่ ลูโมแถ่ หนิเร๊อ ลอดื่อ อาเหน่. โท๊โต่ ล๋อ สู่เปลอต่อเท๊ เด๊อ อู จอหม่า เร๊อ อู ด๊อโอ่ แกแย เต๊เห่เนอ, อา แลโล๊ เถ่แก หนิ เร๊อดื่อ ลอ อาเหน่.

Eastern Kayah Shadaw Dialect

²⁶ ꤣꤧ꤭ꤒꤣ꤬ꤖꤥꤚꤣꤧ꤬ ꤒꤣꤧ꤬ꤔꤢꤩꤓꤢꤪꤘꤤ꤭ ꤓꤢꤧ꤬ꤖꤚꤢꤦ ꤚꤣꤧ꤬ ꤢ꤬ ꤓꤢꤪ ꤏꤝꤢ꤬ꤔꤢꤧ꤬ꤡꤣꤧ ꤚꤣꤧ꤬ ꤜ꤫ꤢꤩ꤬ꤘꤢꤪ ꤥ꤬ꤢ꤬ꤕꤥ꤬ ꤊꤢꤧ꤭ꤏꤢ ꤣꤧ꤭ꤔꤣꤧ꤬ ꤢ꤬ ꤊꤣꤧ꤬ꤛꤥ꤭ꤒ꤫ꤥ꤬ ꤜꤢꤪ꤭ ꤡꤣꤧ꤯ ꤙꤣꤧꤔꤣꤧ꤬ ꤒꤣ꤬ꤖꤥꤒꤥ꤬ ꤜ꤫ꤢꤩ꤬ꤘꤢꤪ ꤥ꤬ꤢ꤬ꤕꤥ꤬ ꤊꤣꤧ꤬ꤘꤢ꤭ꤘꤢꤨ꤬ ꤒꤣꤧ꤬ꤟꤢꤩ꤬ ꤜꤢꤨ꤬ꤗꤥ꤭ꤓꤢꤧ꤬ ꤚꤣꤧꤘꤢꤦ꤬ ꤜꤢꤪ꤭ ꤢ꤬ꤔ꤫ꤢꤩ꤬꤯ ꤓꤥ꤭ꤒꤥ꤬ ꤜꤢꤪ꤭ ꤞꤢꤨꤕꤜꤣꤧ꤬ꤒ꤫ꤢꤪ꤬ꤓꤢꤩ ꤘꤣ ꤢꤨ꤭ ꤡꤢꤪ꤭ꤗꤢ꤬ ꤔꤢꤧ ꤢꤨ꤭ ꤘꤢꤪꤥ꤬ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤜꤣꤧ꤬ꤜꤥ ꤓꤢꤩ꤬ꤊꤢꤧ꤭ ꤚꤣꤧꤘꤢꤦ꤬ ꤜꤢꤪ꤭ ꤢ꤬ꤔ꤫ꤢꤩ꤬꤯

เพรโด่แนพู๊ เต๊เห่ 16:26 ပူးပေါင်းရင်းမြစ်များ

เพรโด่แนพู๊ เต๊เห่ 4:31

เบ๊อะเหย่ซี กุยจ๊อเบ โทเฮ๊อ เบ๊อะเนอ, เหล่โอ่ เบ๊อะเหย่ซี เหล่โอ่ปล๊อ เต่อลู เนอโต๊โผะ อา อาว๊าหรี่รือเจ๊อ เร๊อ เหย่ซี เล๊อบา ลอปลี เร๊อ แหย่โยบูโพ๊แบ่เจ่ ปว๋า เตเพร เร๊อ เหย่ซี ปว๋า เตเพร แด๊โฉ่โด่แน คือฮา เป่ แลแค อู เร๊อ จอแปแหร่ อาหรี่อาแก.

เพรโด่แนพู๊ เต๊เห่ 5:19

หม่าแน๊เร๊อ เบ๊อะเบ๊อะเนอเตเซเนอ, แบ่เจ่ เตเน่วม๊อขุพู๊ เตเพร แฮบ๊าโม กู่ดา เร๊อ อา ปลวาเถ่แก เพรโด่แนพู๊ เต๊เห่ เออเต๊เห่ เร๊อ อา เฮ๊ เหย่ซี เน๊อ,

เพรโด่แนพู๊ เต๊เห่ 12:10

เหย่ซี จว๊า ตาลว๊า เบ๊แกโท เพรโอ่ป่อกู่ดา อาเหร่อเล๊อ โต๊โต่ โทเรอ อา จว๊า ตาลว๊าเบ๊ โป่ เนอโต่โต๊โต่. เด๊ออาโน่เล๊อ เร๊อ อา จว๊าโต่ เด๊อ กู่ดา เด๊อ อู เม อา เร๊อ ต่อเท๊ เนอตูกู. กู่ดากู เออตูกูเนอ หม่า อา จว๊าล๊อปลู๊ โนโต เจ๊อ เด๊อ วีกู เร๊อ อา ลูโมเถ่ เป่ หนิเร๊อดื่อ เหย่ซี แพ๊, เร๊อ เหย่ซี เถ่จว๊าแก เบ๊อะกู่ดา เออเนอตูกู. เร๊อ เหย่ซี ครวาจว๊ารว๊า แพ๊ แกล๊เด๊อวีกู เออโตโบ เร๊อ เตเน่วม๊อขุพู๊ โอ่เหม่คย๊าแก เป่ คูเปโตร.

เพรโด่แนพู๊ เต๊เห่ 12:7

แบ่เจ่ อา เตเน่วม๊อขุพู๊ เตเพร จว๊า ก๊อถ่อ โอ่โลคย๊า เบ๊อะเนอ เร๊อ อา ลีเตเคแถ่ ลอ เบ๊อะคูเปโตร โอ่ เด๊อะ ทอกูเนอ. เตเน่วม๊อขุพู๊ แปล่ คูเปโตร รอเกล เร๊อ อา ถู่แรก๊อถ่อ ลู เร๊อ อา เฮ๊ ลู เน๊อ, “ก๊อถ่อแพรมอ” โตโพ๊เรอ สู่เปลอต่อเท๊ อาโอ่ เด๊อ คูเปโตร อากู๊ขุ เนอโค๊ลอ อากู เออเนอ อา แลปลื๊อตา ลอ หนิ เร๊อดื่อ อาเหน่.

มัทธิว 28:2

เร๊อ เตเน่วท๊อดี ฉว่าแหน่เจ๊อ, เมเตเฮ๊เรอ แบ่เจ่ อา เตเน่ว เตเพร โอ่ เด๊อ ม๊อขุ แฮแล ถู่ลอ ตาพาแก หล่อกู่ดา เนอ เตเม เร๊อ อา แฮ โอ่แนโอ่ เด๊อ หล่อ เนอเตเม อาขุ.

เตเด๊อะโลแถ่ 11:13

อา กา กี๊แถ่แถ่ เร๊อ เตเน่วท๊อดีฉว่าแหน่เจ๊อ. วี แลตาพรอแก อา ปุ๊ยเช๊อตีปุ๊ย เร๊อ แกแยเซอแก อาเพร โซซว๊าตีรี๊. แกแย เด๊อ อา โอ่แก เต๊เห่เนอ, อา เถ่ตาปา ซิอิเช ลอ แลแค เร๊อ ถู่เซ๊แถ่ ม๊อขุ อา จอแปแหร่ดุ อา เตโพรฉว่าชอ.

เตเด๊อะโลแถ่ 6:12

แว แม๊ เร๊อ, แว แม๊เถอะ ซิหมิพู๊ เนอโตโด ปาอ๊าโมแถ่ เตม๊าเตแด อาโก่ โซซว๊า เออโต๊โก่. เออโตโพ๊เรอ, เตเน่วท๊อดี ฉว่าแหน่เจ๊อ, ต๊อเหมาะ คี๊แก แซ่เร๊อ อิเก อาตูพรู๊ ลอกี ตือปือ เนอ, โทเรอ เล เร๊อ อาลี กาซุ๊ยแก แซ่เร๊อ สุ่ย เนอ เจ๊อ.