เพรโด่แนพู๊ เต๊เห่ 16:22 - ลีเทส่อพ๊าอาเซ เร๊อ เห่ขุทวาลู๊

²² ล๋อ แกแย เบ๊หมู่ เออเต๊เห่เนอ อา เคร๊ฉื่อ เกอ ลอปลี คูเปาโล เน๊อ คูสิลาส. ฮู๊เนอเรอ เพรเฮ๊เบ่ เมจากาคยาเต เต๊เห่เนอ, อา นอท๊อยาแก แกแย เออซิเนอ เห่อจา, เร๊อ อา เฮ๊ตาอาโหง่ เนอ เบ่มือ เหย่ซี เร๊อ อิปลี๊หรี่.

Eastern Kayah Shadaw Dialect

²² ꤜꤢꤪ꤭ ꤊꤣꤧ꤬ꤛꤢꤧ꤭ ꤙꤢꤩꤗꤢꤨ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤓꤢꤩꤏꤢꤦ꤬ ꤊꤣꤧ꤭ ꤜꤢꤪ꤭ꤕꤜꤤ꤭ ꤋꤢꤨ꤭ꤕꤢꤪꤜꤢꤨ ꤔꤢꤧ ꤋꤢꤨ꤭ꤎꤤꤜꤢ꤬꤯ ꤟꤢꤨꤔꤣꤧ꤬ꤚꤣꤧ꤬ ꤖꤚꤢꤩ꤬ꤡꤢꤧ꤬ꤒꤥ꤭ꤙꤢꤩ꤬ꤒꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤔꤢꤪ꤭ꤓꤢꤪꤛꤢ꤭ꤊꤢꤧ꤭ ꤊꤣꤧ꤬ꤛꤢꤧ꤭ ꤣꤧ꤭ꤞꤤꤔꤣꤧ꤭ ꤟꤣꤧ꤬ꤡꤢ꤬, ꤚꤣꤧ꤬ ꤢ꤬ ꤟꤢꤩꤒꤢ꤭ ꤢ꤬ꤍ꤫ꤥ꤬ ꤔꤢꤧ ꤙꤢꤩ꤬ꤗꤢꤦ꤭ ꤛꤢꤩ꤬ꤞꤤ꤭ ꤔꤢꤧ ꤤ꤬ꤕꤜꤤꤚ꤫ꤤ꤬꤯

เพรโด่แนพู๊ เต๊เห่ 16:22 ပူးပေါင်းရင်းမြစ်များ

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:2

ฮู๊ ซี ซิเง โทเฮ๊อเนอเฮ๊อ, เบ๊อะเป แฮ แต่เกอลา เด๊อ ซี โอ่โต่ เบ๊อะเนอ, วีฟีลิปปีพู๊ เต๊เห่ เมจาเมจือ เป, โทเรอ เมซิเตเร ลอ เป. อู เม จู๊แก่ ดู๊แด ตาตือ เจ๊อ เป หม่าแน๊เรอ แซ่ฮู๊ เป เก่ แด๊โฉ่โด่แน หนิเป่ ซี เร๊อ จอแปแหร่ อา เตซิครือมีลา เนอเรอ, เป จอแปแหร่ เด๊อะเฮ๊อ เป เตคือฮา เฮ๊อ.

โครินธ์ เนอบ่า ต๊าบ่า 6:5

อูมืออูปอ เจ๊อ เป. อู ด๊อตา เป เด๊อ ทอกู. อู เม ตอปลอตือซือ เป เร๊อ อู เหว่เถ่จว๊าแก เป, เป เอ่แร ซิพร๊าแลแด๊ ปวาเนอปวาเซ เจ๊อ, เตเซ๋ เตเซ โอ่เมอน๊อ โต่ เนอ อาโอ่ อาเซ เอ๊ ลา, โทเรอ เอ่น๊อโอน๊อ โต่ เนอหม่า อา โอ่โอ่.

ꤟꤤꤙꤚꤢꤨ 11:36

เต๊เห่เห่เนอ, อู เม ซิเตเร ลอปลี เหย่ซี, อู เป๊อเจ่ออิแช๊ ลอปลี เหย่ ซี, เร๊อ อู มือ เหย่ซี เร๊อ สู่เปลออิปลี๊, เต๊เห่เห่เนอ อู จอ เหย่ซี เร๊อ สู่เปลอต่อเท๊, เร๊อ อู ด๊อโน เหย่ซี เด๊อ ทอกู.

เปโตร อาเหร่อเล๊อ ต๊าบ่า 2:24

แซ่ฮู๊ เป เก่ จิจือปา แต่ เร๊อ เตซื๊อเตปล๊า เต๊เห่ แต่เหม่, โท๊โต่ แซ่ฮู๊ เป เก่ โอ่เซอเพรเบ๊ เกอ เด๊อ เตจ๊อเตเต ปา อาเงเนอเรอ, เบ๊อะอู มือเซอแถ่ ครี๊ เด๊อ อี๊ถื่อดีเต่ลู เบ๊อะเนอ, อา พย๊าแถ่แกเฮ๊อ เป เตซื๊อเตปล๊า เออเต๊เห่ เด๊อ อาเหน่ลู เฮ๊อ. เด๊อ อา ข่าเบ่ เตจาเตจือ เออเต๊เห่ อาขว่าอาคยา, อา แหย่โอ่เหม่แก ลอเฮ๊อ ซี เฮ๊อ.

เพรโด่แนพู๊ เต๊เห่ 18:12

เบ๊อะคูกัลลิโอ ทวา โรมัน คุ๊ยดุ เด๊อ อาคายาเก่ เบ๊อะเนอ, แกแยยิวพู๊ เต๊เห่ เอ๊ปล๊อ เกอเร๊อ ลอ ลู เร๊อ อา จว๊าปื่อ แลแค คูเปาโล เร๊อ อา ซูจว๊า ลู เด๊อ เหล่ แด๊เฮอ เจแม๊ เหล่โอ่.

เพรโด่แนพู๊ เต๊เห่ 17:5

หม่าแน๊เรอ แกแยยิวพู๊ เต๊เห่ ซิค๊าซิเถ่ เหย่ซี เร๊อ อา จว๊าเอ๊ปล๊อ แกแยจา แกแยมู๊แหม่ เด๊อ อา เลจว๊า เด๊อ เกล๊ กู เออเต๊เห่ เร๊อ อา นอ เมตอปลอตือซือ ลอ เจ๊อ อู ตีวี เจ๊อ. แซ่ฮู๊ เหย่ซี เก่ ปื่อจุ่ยตู๊หรู่ เถ่หนิ เร๊อ คูเปาโล เร๊อ คูสิลาส เด๊อ แกแย เบ๊หมู่ เออเต๊เห่ อา เป๊เส่เงเนอ, แกแยยิวพู๊ เออเต๊เห่ เร๊อ แกแย เบ๊หมู่ เออเต๊เห่ จว๊า โนเมโพร๊ คูยาโสน อาหี่ เร๊อ โนแม๊ปู คูเปาโล เร๊อ คูสิลาส.

เพรโด่แนพู๊ เต๊เห่ 16:37

หม่าแน๊เรอ คูเปาโล เฮ๊ฉื่อ เกลอฮู๊โอ่ป่อ วีเต๊เห่ เน๊อ, “เป หม่า โรมัน เทอพู๊เก่พู๊ เต๊เห่ แพ๊. เหย่ซี แด๊เฮอเจแม๊ แต๋เป โตโพ๋ โต่. เร๊อ อา จว๊ามือจว๊าปอ ลอปลี เป เด๊อ อู ตูปลูเต๊เผ่ เป๊เส่เง, โท๊โต่ เหย่ซี จว๊าด๊อตา โต่ เป เด๊อ ทอกู เจ๊อ. กู๊แหน่เรอ, เหย่ซี ซิหยื่อ นอเถ่จว๊าโห่เป แอ? เหย่ซี จว๊าเมฮู๊เออ หม่า อาหนิ โต่. โรมัน เพรเฮ๊เบ่ เพร เมโตเต เออเต๊เห่ โตเบ่ แฮ เบ๊อะเออ เรอ เบ่แฮปลวาเถ่ เป เร๊อ อาเหน่.”

เพรโด่แนพู๊ เต๊เห่ 5:40

เพร ทวา แกแยยิวพู๊ กู่กล๊อดุกู๊ฉู่ทู เต๊เห่ จูเอ่ เกอ คูกามาลิเอล อา เตเด๊อะเตเนจว่า เออ เร๊อ อา เอ๊โน คยาแซ๊ เพรโด่แนพู๊ เต๊เห่ เออเต๊เห่. โทเรอ อา มือ เหย่ซี เร๊อ อิปลี๊หรี่ โทเรอ อา เฮ๊ เหย่ซี เน๊อ ซี เบ่ โด่แนแด๊โฉ่หนิ เป่ ปา อู เร๊อ เหย่ซู่ อามุย เออเนอ โต่, อา เฮ๊โท ฮู๊เนอเรอ อา ปลวา กาแก เหย่ซี.

มัทธิว 27:26

เร๊อ อา ปลวาเถ่แก เป่ เหย่ซี คูบารับบัส เร๊อ อา นอ เกลอฮู๊ เต๊เห่ เก่ มือ แบ่เจ่ เหย่ซู่ เร๊อ อิปลี๊ หรี่. โทเรอ อา เด๊อะตา เด๊อ เกลอฮู๊ เต๊เห่ อา กู๊ยากู เด๊อ อา เก่ จว๊า มือเซอแถ่แก แบ่เจ่ เหย่ซู่ เด๊อ อี๊ถื่อดีเต่ลู.

มัทธิว 10:17

รอ หนิ แลแค ซีเหน่, เมเตเฮ๊เรอ อู เก่ ปื่อ ซูจว๊า ซี เด๊อ เตจ๊อเบโฮ กู่กล๊อ เต๊เห่ เหล่โอ่กู๊ แม๊เถอะ ตาฉื่อ ลู อาหี่กู ปา, เร๊อ อา เก่มือเก่ปอ ซี เด๊อ เตจ๊อเบโฮ เต๊เห่ อากู ปา.

ꤜꤢꤨꤊꤢ꤬ 12:11

“ช๋า อู ปื่อซูจว๊า ซี เด๊อ เตจ๊อเบโฮกู ปา เบ๊อะเนอ เบ่เบ่, เด๊อ คุ๊ยดุ เต๊เห่ อาเป๊เส่เง ปาเนอ เบ่เบ่, เร๊อ เด๊อ เพรเป๊อเทอเป๊อเก่ เต๊เห่ อา เป๊เส่เง อาเบ๊อะเนอปาเนอ ปาเบ่เบ่, เน โตเบ่ เฮ๊เบ่ เตเกบี๊ เกอเร๊อ เนเหน่ ฮู๊เต เร๊อ เน โตเบ่ เฮ๊ฉื่อ ฮู๊เตเนอ เบ่กู่เบ่แก แต่เหม่ นี๋.