เพรโด่แนพู๊ เต๊เห่ 16:19 - ลีเทส่อพ๊าอาเซ เร๊อ เห่ขุทวาลู๊

¹⁹ เบ๊อะเป๊เจ่เพรเหมาะ เออเตเพร อาแบ่เจ่ ซิเงเฮ๊อ เร๊อ อา เหล่หนิเร๊อรือ แกล๊ โอ่ ปาโต่ เบ๊อะเนอ, เหย่ซี ปื่อ คูเปาโล เร๊อ คูสิลาส เร๊อ จุ่ยจว๊า เหย่ซี เด๊อ กู่กล๊อดุ กู๊ฉู่ทู เต๊เห่ อาเหล่โอ่ เด๊อ เกล๊กู เนอ.

Eastern Kayah Shadaw Dialect

¹⁹ ꤙꤣꤧ ꤖꤚꤢꤩ꤬ꤗꤢꤪ꤬ꤖꤢꤨꤡ꤫ꤢꤩ꤬ꤟꤢꤨ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤙꤢꤧ꤬ꤡꤢꤩ꤬ ꤞꤤꤑꤢꤩ꤭ꤟꤣꤧ ꤔꤢꤧ ꤢ꤬ ꤜ꤫ꤢꤩ꤬ꤔ꤫ꤤ꤬ꤙꤢꤩ꤬ꤚꤢꤦ꤭ ꤊꤜꤢꤧ ꤥ꤬ ꤕꤢ꤬ꤒꤥ꤬ ꤢ꤬ꤋꤢꤩ꤭ꤔꤣꤧ꤬, ꤛꤢꤩ꤬ꤞꤤ꤭ ꤕ꤫ꤢꤦ꤬ ꤋꤢꤨ꤭ꤕꤢꤪꤜꤢꤨ ꤔꤢꤧ ꤋꤢꤨ꤭ꤎꤤꤜꤢ꤬ ꤚꤣꤧ꤬ ꤡꤝꤤ꤬ꤡꤝꤢ ꤛꤢꤩ꤬ꤞꤤ꤭ ꤘꤣ ꤊꤢꤨ꤬ꤊꤜꤢꤪꤘꤢꤨ꤬ꤊꤣꤧꤏꤢꤨ꤬ꤓꤢꤨ꤭ ꤒꤣꤧ꤬ꤟꤢꤩ꤬ ꤢ꤬ꤜ꤫ꤢꤩ꤬ꤥ꤬ ꤘꤣ ꤊꤜꤢꤩꤊꤢꤨ꤭ ꤔꤣꤧ꤬꤯

เพรโด่แนพู๊ เต๊เห่ 16:19 ပူးပေါင်းရင်းမြစ်များ

เพรโด่แนพู๊ เต๊เห่ 21:30

เร๊อ อา ซู๊ซ๊าแถ่ ลอปลี เจ๊อ ตีวี เจ๊อ. เร๊อ แกแย เบ๊หมู่ เต๊เห่ แกล่แฮ ปลูลอ เด๊อ คูเปาโล โอ่ เร๊อ อา แฮปื่อ ลู เร๊อ อา จุ่ยเถ่ ลู เด๊อ เตหลู่แตโฮกลอ, เร๊อ โตโพ๊โต อู เมบี๊แก เตหลู่แตโฮ กู่ดาดุ เต๊เห่.

เพรโด่แนพู๊ เต๊เห่ 17:6

หม่าแน๊เรอ เหย่ซี แม๊เถอะ คูเปาโล เร๊อ คูสิลาส โต่ อาขว่าอาคยา, อา จุ่ยเถ่ คูยาโสน เร๊อ อาโป่แหว่ ครี๊พู๊ เด๊อ อาโร เต๊เห่ เร๊อ อา เอ๊จว๊า เหย่ซี เด๊อ แกแย ทวาดุทวาเต เด๊อวีกูเนอ เต๊เห่ อา เป๊เส่เง เร๊อ อา เอ๊โทแถ่ แลแค เน๊อ, “แกแย เออเต๊เห่ หม่า, เพรเม เมตอปลอตือซือ เต เด๊อ เหล่โอ่ ปว๋า โต๊โผ่ เจ๊อ. เร๊อ กู๊แหน่เออ เหย่ซี แฮโต่เฮ๊อ เด๊อ เป วีกู เฮ๊อ.

โครินธ์ เนอบ่า ต๊าบ่า 6:5

อูมืออูปอ เจ๊อ เป. อู ด๊อตา เป เด๊อ ทอกู. อู เม ตอปลอตือซือ เป เร๊อ อู เหว่เถ่จว๊าแก เป, เป เอ่แร ซิพร๊าแลแด๊ ปวาเนอปวาเซ เจ๊อ, เตเซ๋ เตเซ โอ่เมอน๊อ โต่ เนอ อาโอ่ อาเซ เอ๊ ลา, โทเรอ เอ่น๊อโอน๊อ โต่ เนอหม่า อา โอ่โอ่.

เพรโด่แนพู๊ เต๊เห่ 16:16

เตอเนอเค เบ๊อะเป จว๊า เด๊อ เตกุยจ๊อเบ อาเหล่โอ่ โต๊โผ่ เบ๊อะเนอ, เป แม๊เถอะ ตาฉื่อ เน๊อ หลู่เล๊โหมะ พู๊ เตเพร. เร๊อ หลู่เล๊โหมะพู๊ เออเตเพรเนอ, โลเน๊โลหน่า โอ่ เด๊อ ลูเหน่ เร๊อ อา นอเฮ๊ ลู เน๊อ, ม๊อเนอม๊อเซ เด๊อ อา เก่ แฮทวาแถ่ เด๊อ เง ปา เนอเต๊เห่ อาหรี่อาแก. เด๊อ อา แด๊โฉ่ เป่ อู ฮู๊เนอ อาขว่าอาคยา, อาเมแจ่ เต๊เห่ พย๊าหนิ เอ๊แหน่เจ๊อ รือ เร๊อ อาขุคยา เจ๊อ.

เพรโด่แนพู๊ เต๊เห่ 8:3

คูเซาโล เฮ๊เออ เตเพรเนอ อา เมปย๊า เมหลู่แก ครี๊ อา เพร หยื่อเอ่เต ตู๊หมู่ตอกล๊อ เต๊เห่. อา จว๊าแถ่ โน เด๊อ หี่เตเม โท เตเม อากู, เร๊อ อา จว๊าจุ่ย ตู๊หรู่เถ่ เพรเหมาะหม่อ, เพรคูคู เด๊อ อา หยื่อเอ่แหน่เอ่รี เต๊เห่ เร๊อ ด๊อโน เหย่ซี เด๊อ ทอกู.

เพรโด่แนพู๊ เต๊เห่ 15:26

เหย่ซี หม่า แกแย เด๊อ อา เด๊อะแลบื่อ อาซิปล่อ เด๊อ แบ่เจ่ เหย่ซู่ครี๊ อาเง เต๊เห่.

เพรโด่แนพู๊ เต๊เห่ 14:19

โทเรอ แกแยยิวพู๊ เต๊เห่เนอ, อา โอ่ เด๊อ วีอันทิโอก เร๊อ เด๊อ วีอิโคเนยูม เร๊อ อา แฮ. แซ่ฮู๊ แกแย เบ๊หมู่ เออเต๊เห่ เก่ ซิโตโคแก คูเปาโล เร๊อ คูบารนาบัส, เร๊อ อา เก่ ซิปล่อ โอ่เกอ เหย่ซี ตากยา อาเงเนอ, อา จว๊าอิลอ แกแย เบ๊หมู่ เต๊เห่. โทเรอ เหย่ซี ต่าโทเฮ๊อ คูเปาโล เร๊อ หล่อ เร๊อ อา เตเน แลแค เน๊อ อา เซอเฮ๊อ เร๊อ เหย่ซี จุ่ยเถ่ วีแก แก ลู เด๊อ วีกลอ.

เพรโด่แนพู๊ เต๊เห่ 14:5

แกแยยิวพู๊ หม่าโต่ เต๊เห่ เร๊อ แกแยยิวพู๊ เต๊เห่ จว๊าโอ่เต่อเกอ เร๊อ เหย่ซี กู่กล๊อดุกู๊ฉู่ทู เร๊อ เฮ๊เบ่ ปลื๊อโทแก โหร่ลู โหง่ เน๊อ เก่ เมจาเมจือ เพรโด่แนพู๊ เต๊เห่ เร๊อ เก่ ต่า เหย่ซี เร๊อ หล่อ ปา.

เพรโด่แนพู๊ เต๊เห่ 9:16

ล๋อ เตจาเตจือ เด๊อ อา โตเบ่ ข่าจา เด๊อ แวขว่าแวคยา เต๊เห่เนอ, แว เก่ เด๊อะโล ซิเง เจ๊อดื่อ ลู เร๊อ แวเหน่ ปา.”

ꤗꤢ꤬ꤊꤢꤨ 13:9

“ซี เบ่ รอหนิ แลแค ซีเหน่. เด๊อ แวขว่าแวคยา เร๊อ อู อา ปื่อ ซี ปา, เร๊อ อู เก่ ซูแถ่ ซี เด๊อ เพรเฮ๊เบ่เมโตเต เด๊อ ทวาดุทวาเต เต๊เห่ อา เป๊เส่เง ปา. อู เก่ มือปอ ซี เด๊อ เตจ๊อเบโฮกู ปา. ซี เบ่ ก๊อถ่อโอ่ เด๊อ เพรเป๊อเต เต๊เห่ เร๊อ จ๊อแผ่ เต๊เห่ อาเป๊เส่เง ปา. เร๊อ อา เก่ แด๊เฮอ เจแม๊ ซี ปา เร๊อ ซี เก่ ข่าเฮ๊โล หนิเป่ เหย่ซี เร๊อ เตซิครือมีลา อาหรี่อาแก ปา.

มัทธิว 24:9

“โทเรอ อู เก่ปื่อ เก่จอ ลอ ซี ปา, อู เก่มือ เก่ปอ ลอ ซีปา, โท๊โต่ อูเก่ เมเซอ ซี ปา. เด๊อ ซี จ๊อ เร๊อแว อาขว่าอาคยา, เร๊อ แกแย ปว๋า เตเพร ซิโตโค ซี ปา.

ꤡꤛꤢꤩ꤭ꤗꤢ꤬ꤎꤣ꤬ 2:6

หม่าแน๊เรอ แกแย โซพ๊าโซแรพู๊ เต๊เห่เนอ, ซี แด่หยื่อแด่แหน่ หนิ เกอ เหย่ซี โต่. แกแย เด๊อ อา เป่เอ่เป่โอ เมจาเมจือ ซี เนอหม่า แกแย ดุแหย่แถ่เซฮู๊ เต๊เห่เนอ แพ๊. เพร เด๊อ อา จุ่ยแฮ ซี เด๊อ เพรเฮ๊เบ่เมโตเต เต๊เห่ อา เป๊เส่เง เนอหม่า เหย่ซี เนอเต๊เห่ เฮ๊อ.

เพรโด่แนพู๊ เต๊เห่ 15:22

โทเรอ เพรโด่แนพู๊ เต๊เห่ เร๊อ โหมะพรูโหมะเผระ เด๊อ อา ทวา ทวาดุทวาเต เต๊เห่ เร๊อ เพรหยื่อเอ่ ตู๊หมู่ตอกล๊อ เนอ, เหย่ซี ซิปล่อโต เด๊อ อา เก่ นว๊าแถ่ แกแย เด๊อ เหย่ซีเกล เต๊เห่ เร๊อ นอจว๊าเต่อ เหย่ซี เร๊อ คูเปาโล เร๊อ คูบารนาบัส เด๊อ วีอันทิโอก. เหย่ซี นว๊าแถ่ แกแย เด๊อ เพรหยื่อเอ่ เต๊เห่ เบ่จูลาพย๊าโหง่ เกอเร๊อ แหน่เจ๊อ ลู เออซิเนอ เร๊อ อามุย เร๊อ คูสิลาส เร๊อ คูยูดาส คูยูดาส เออเนอ อู เอ๊โป๊ อามุย เร๊อ คูบารซับบาส.

ทิโมธี อาเหร่อเล๊อ ต๊าบ่า 6:10

เมเตเฮ๊เรอ เตซิหยื่อซิลอ รือ เนอหม่า เตมู๊แหม่รีแจ่ ล๋อ ปลี อาหรุ่ยอาถว่า เฮ๊อ. แกแย เต๊เห่เห่ เนอ, อา ซิปล่อฉว่า ซิหยื่อ ตาลว๊าซิลือ รือ ขว่าคยา, เหย่ซี จว๊า ตาพาแก เร๊อ เตหยื่อเตแหน่ เร๊อ เตซิเปล โอ่เอ๊ เออ เมจู่เมแท ล๊อ เหย่ซี ซิปล่อเฮ๊อ.

เพรโด่แนพู๊ เต๊เห่ 15:40

คูเปาโล เร๊อ อา เอ๊หนิ เกอลาติ คูสิลาส. เร๊อ เพรหยื่อเอ่ เต๊เห่เนอ, อา เด๊อะ ตาแก คูเปาโล เร๊อ คูสิลาส เด๊อ จอแปแหร่ อาบุ๊ยอาเตอเรอ อา เตแม๊เตตู่ อากู เร๊อ เหย่ซี เออซิเนอ เถ่จว๊าแก เบ๊อะเนอ.

เพรโด่แนพู๊ เต๊เห่ 16:20

เหย่ซี เอ๊จว๊า คูเปาโล เร๊อ คูสิลาส เด๊อ โรมัน เพรเฮ๊เบ่ เมจากาคยาเต เต๊เห่ อา เป๊เส่เง เร๊อ อา เฮ๊ เหย่ซี เน๊อ, “แกแย เออเต๊เห่ หม่า แกแยยิวพู๊ เร๊อ อา แฮเม ตอปลอตือซือ ลอปลี เป วีกู.

เพรโด่แนพู๊ เต๊เห่ 16:25

เบ๊อะเหมาะเนเคเนอ, คูเปาโล เร๊อ คูสิลาส กุยจ๊อเบ เร๊อ อิโร ถู่เซ๊แถ่ จอแปแหร่ อาเค, แกแย โอ่ เด๊อ ทอกู เต๊เห่ หนิดา แลแค เหย่ซี เตกุยจ๊อเบ เต๊เห่ เร๊อ เหย่ซี เตอิโร เต๊เห่.

เพรโด่แนพู๊ เต๊เห่ 16:29

เพรโอ่ป่อทอ กู่กล๊อ นอพย๊าแฮ อู หมิเคว๊กอ เร๊อ อา แกล่โน แด๊งือตา แตแนตากยา เด๊อ คูเปาโล เร๊อ คูสิลาส อา กู๊โด่ช๊า.

ฟีลิปปี 1:30

เตช๊า เด๊อ ซี ช๊า เออเนอหม่า อาแซ่เน๊อ แว ช๊า โทเฮ๊อ เนอเต๊เห่ แพ๊. แว ข่าเบ่ เต เด๊อ อาเหร่ออาเนอ เนอเต๊เห่หม่า ซี แม๊เถอะ โทดื่อ เฮ๊อ. โทเร๊อ ฮู๊ ซี หนิโฮ เฮ๊อ เนอ, แว ช๊า ตื๊อดื่อ โต่ ปา เจ๊อ กู๊แหน่เออเนอ เจ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:2

ฮู๊ ซี ซิเง โทเฮ๊อเนอเฮ๊อ, เบ๊อะเป แฮ แต่เกอลา เด๊อ ซี โอ่โต่ เบ๊อะเนอ, วีฟีลิปปีพู๊ เต๊เห่ เมจาเมจือ เป, โทเรอ เมซิเตเร ลอ เป. อู เม จู๊แก่ ดู๊แด ตาตือ เจ๊อ เป หม่าแน๊เรอ แซ่ฮู๊ เป เก่ แด๊โฉ่โด่แน หนิเป่ ซี เร๊อ จอแปแหร่ อา เตซิครือมีลา เนอเรอ, เป จอแปแหร่ เด๊อะเฮ๊อ เป เตคือฮา เฮ๊อ.