เพรโด่แนพู๊ เต๊เห่ 16:17 - ลีเทส่อพ๊าอาเซ เร๊อ เห่ขุทวาลู๊

¹⁷ อา ครวาจว๊าเกอ คูเปาโล เร๊อ เป เต๊เห่ เด๊อคยา เร๊อ, อา เอ๊โทแถ่ เน๊อ, “เพรคู เออเต๊เห่ หม่า จอแปแหร่ เด๊อ อาดุอาทู ตื๊อดื่อ เออเตเพร อาหลู่ เต๊เห่ เฮ๊อ. อา แด๊โฉ่โด่แน โล เป่ ซี เน๊อ จอแปแหร่ เมแลเปล๊ กา ซี อาหรี่อาแก เฮ๊อ.”

Eastern Kayah Shadaw Dialect

¹⁷ ꤢ꤬ ꤋꤚꤝꤢ꤭ꤡꤝꤢꤊꤣꤧ꤭ ꤋꤢꤨ꤭ꤕꤢꤪꤜꤢꤨ ꤔꤢꤧ ꤕꤢꤩ꤬ ꤒꤣꤧ꤬ꤟꤢꤩ꤬ ꤢ꤬ꤋꤛꤢ꤭ ꤚꤣꤧ꤬, ꤢ꤬ ꤢꤩꤓꤥ꤭ꤓꤢꤧ꤬ ꤔꤢꤧ, “ꤖꤚꤢꤩ꤬ꤋꤢꤨ꤭ ꤣꤧ꤭ꤒꤣꤧ꤬ꤟꤢꤩ꤬ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ꤘꤢꤨ꤬ꤢ꤬ꤓꤢꤨ꤭ ꤒꤣꤧ꤬ꤘꤢꤦ꤬ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤜꤢꤨ꤬ꤜꤢꤩ ꤒꤣꤧ꤬ꤟꤢꤩ꤬ ꤟꤣꤧ꤯ ꤢ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤜꤥ꤭ ꤕ꤫ꤢꤩ꤬ ꤞꤤ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤞꤤ꤭ ꤢ꤬ꤚꤤ꤬ꤢ꤬ꤊꤢꤧ꤭ ꤟꤣꤧ꤯”

เพรโด่แนพู๊ เต๊เห่ 16:17 ပူးပေါင်းရင်းမြစ်များ

ꤛꤥ꤭ꤟꤢ꤬ 14:6

เร๊อ แบ่เจ่ เหย่ซู่ เฮ๊ฉื่อ ลู เน๊อ, “แว หม่า แกล๊ เน๊อ เตหม่า เตจ๊อ เร๊อ เตเซอเพร เฮ๊อ. แว ทวา เป่เฮ๊อ อู แกล๊จว๊า เด๊อ เพ อา โอ่ อาขว่าอาคยา, อูเปเป๋ เบ่เบ่, อา เก่ จว๊า เต่อ เร๊อ แว โต่ เฮ๊เนอ, อา จว๊าโต่ แจ่ เด๊อ เพ อา โอ่ เตเพร่ว โต่.

เปโตร อาเหร่อเล๊อ ต๊าบ่า 2:16

โอ่เซอเพร แลแค ฮู๊ แกแย หนิ เตปาลา เนอเต๊เห่ นี๋. หม่าแน๊เรอ นอเอ่ แต่ ซี เตปาลา เออเนอ เร๊อ อา เก่ เมโอ๊เมบี๊แก แต่ ซี เตซื๊อเนอ แต่เหม่. หม่าแน๊เรอ โอ่เซอเพร แซ่ แลแค เร๊อ จอแปแหร่ อาหลู่ เต๊เห่เนอ.

ꤗꤢ꤬ꤊꤢꤨ 5:7

เร๊อ อา เอ๊โทแถ่ เร๊อ อา เฮ๊ เน๊อ, “เตดุเตทู ตื๊อดื่อ จอแปแหร่ อาพู๊ เหย่ซู๋, เน เตเร แฮเม แคร๋ แว อิเต? แว กุยซิยอ เจ๊อ เน เด๊อ จอแปแหร่ อา เป๊เส่เง เนอ, เมจาเมจือ แต่ แว แต่เหม่ นี๋.”

ꤜꤢꤨꤊꤢ꤬ 4:41

เบ๊อะเหย่ซี เอ๊แฮ แกแย เออเต๊เห่ อาเกลเนอ, โลเน๊ เมเบ่ ลู เต๊เห่เนอ อา โอ่ป่าเต่อเกอ โร๊ลู. เร๊อ อา เถ่จว๊าแก เด๊อ แกแย เนอเต๊เห่ อากู เร๊อ อา เอ๊โทแถ่ เน๊อ, “เน หม่า จอแปแหร่ อาพู๊เพรคู” ฮู๊เนอ. เหย่ซี ย๋อ ซิเง แลแค เร๊อ เหย่ซู่ หม่า ครี๊ เด๊อ จอแปแหร่ นว๊าเถ่ ลู เร๊อ อา เก่ เตเมแลเปล๊กา แกแยเห่ขุพู๊ เนอเตเพร อาขว่าอาคยา, เหย่ซู่ ซิพรวา เหย่ซี เร๊อ อา นอเฮ๊เบ่ เหย่ซี ตือมื๋อโต่.

ꤜꤢꤨꤊꤢ꤬ 4:34

“เก๋อวีนาซาเร็ธ อาพู๊ เหย่ซู๋, เน ซิหยื่อ เม เป ฮู๊เต? เน เซเร แฮ เมปย๊าเมหลู่แก เมเซอเมเหม่ แกลอเฮ๊อ เป ปาแอ? เน หม่า อูเป เนอหม่า แว ซิเง แพ๊, เน หม่า จอแปแหร่ อาพู๊คู โพ๊แปละบูโพ๊ เตเพร.”

ꤜꤢꤨꤊꤢ꤬ 1:79

เร๊อ ต๊อเหมาะเออ อา แถ่ เด๊อ ม๊อเล เร๊อ อา เก่ ลีเตเคตา เป่ แกแย โอ่ เด๊อ เตคี๊เต่ลอ, เตเซอ อาแหย่โย อาโอ่อากู เนอเต๊เห่ ล๋อ ปลี ปา, เร๊อ อา เก่ ยูแกล๊ยูโกล จว๊า หนิเป่ดื่อ เป เตโอ่เซอเพร เด๊อ เตตู๊จุเตอเจ๊อ อาแกล๊กู ปา.”

เพรโด่แนพู๊ เต๊เห่ 19:13

แกแยยิวพู๊ เด๊อ จว๊า เล เหว่เถ่แก โลเน๊โลหน่าเนอ อา โอ่ เต๊เห่. เหย่ซี เหว่เถ่แก เกอ โลเน๊โลหน่า เน๊อ แบ่เจ่เหย่ซู่ อามุย. เหย่ซี เฮ๊ โลเน๊โลหน่า เต๊เห่ เน๊อ, “เหย่ซู่, เด๊อ คูเปาโล เฮ๊โฉ่โด่แนหนิ อามุย เออเตเพร อากูเนอ, แว นอเถ่จว๊าแก ซี,” อา เหว่เถ่ เกอ ฮู๊เนอ.

เพรโด่แนพู๊ เต๊เห่ 18:26

อา เป๊อแถ่ เฮ๊เบ่บื่อเฮ๊เบ่คือ เด๊อ เตจ๊อเบโฮ อากู เบ๊อะโหมะปลิสสิลลา เร๊อ เพอาควิลลา หนิโฮ อา เตเฮ๊เบ่ เบ๊อะเนอ, อา เอ๊กา ลู เด๊อ อาหี่. แซ่ฮู๊ อา เก่ ซิเงแฮ ตาเต อากลอเล๊อโป่ เร๊อ อา เหล่โกลเล๊อ เออเนอเรอ, โหมะปลิสสิสลา เร๊อ เพอาควิลลา แด๊โฉ่โล เป่ โป่ ลู เนอ จอแปแหร่ อาแกล๊อาโกล เต๊เห่.

ꤜꤢꤨꤊꤢ꤬ 20:21

แกแย เพรทื๊อแม๊ เออเต๊เห่ แด๊เฮอ เหย่ซู่ เน๊อ, “ซ๊าร๋า, เป ซิเง เร๊อ เน เตเฮ๊เบ่อี๊โช เต๊เห่ เน๊อ เน เตอิซว๊าอี๊แส่ เต๊เห่ เนอหม่า อาจ๊ออาเต, โท๊โต่ เน แม๊ดุแม๊ปีตี๊ เกออูโต่. เน อิซว๊าอี๊แส่ อู ฮู๊ อาโต เด๊อ จอแปแหร่ อาแกล๊อาโกล อา จ๊ออาเต เนอเต๊เห่ แพ๊.

ꤜꤢꤨꤊꤢ꤬ 1:77

เน เก่ แด๊โฉ่โลเอ๊ เป่ แบ่เจ่ อาแกแย เร๊อ จอแปแหร่ เก่ ปลวาแก เหย่ซี เตซื๊อเตพี๊ ปา, เร๊อ เหย่ซี เก่ พย๊าหนิ เตเมแลเปล๊กา ปา,

ꤗꤢ꤬ꤊꤢꤨ 12:14

เหย่ซี จว๊า เด๊อ เหย่ซู่ อา โอ่ เร๊อ อา เฮ๊ แลแค ลู เน๊อ, “ซ๊าร๊าดู๋ เป ซิเง เร๊อ เน หม่า แกแยจ๊อแกแยเตเร๊อ อา เฮ๊เบ่จ๊อแพ๊ โหง่ เตเพร. เน ซิอิเช เกออูเหล่ เตเพร่ว โต่, เน แม๊ดุแม๊ปีตี๊ เกออู เตเพร่ว โต่โต่. เน เก่ อิซว๊าอี๊แส่เฮ๊อ อู เตหมะเตจ๊อ เฮ๊เนอหม่า, เน อิซว๊า เป เจ๊อ อู ฮู๊ จอแปแหร่ ซิหยื่อ นออิซว๊า เน เนอ เจ๊อ. ฮู๊เนอเรอ เป เด๊อ อาหมู่อาร๊า เด๊อ คุ๊ยซีซาร์ อา โอ่ เนอหมา อาโต แอ? หม่า อาซื๊อ แอ?

ꤗꤢ꤬ꤊꤢꤨ 1:24

เร๊อ อา เอ๊โทแถ่ เน๊อ, “เก๋อ แกแย วีนาซาเร็ธพู๊ เหย่ซู๋, เน ซิหยื่อ เม เป ฮู๊เต? เน เตเร แฮ เมปย๊าเมหลู่ เมเซอเมเหม่ แกลอเฮ๊อ เป ปาแอ? เน หม่า อูเป เนอ หม่า แว ซิเง แพ๊, เน หม่า จอแปแหร่ อาพู๊คู บูโพ๊ เตเพร.”

มัทธิว 22:16

เหย่ซี นอจว๊า เต่อเกอ อา โคเจ่ เต๊เห่ เนอ คุ๊ยเฮโรด ตู๊หมู่ตอกล๊อ เต๊เห่ เด๊อ แบ่เจ่ อา โอ่ เร๊อ เหย่ซี จว๊าเฮ๊ แบ่เจ่ เน๊อ, “ซ๊าร๊าดุ, เป ซิเง เร๊อ เน หม่า แกแย จ๊อจื้อเจ๊อ เตเพร. เน อิซว๊า เจ๊อ อู ฮู๊ จอแปแหร่ ซิหยื่อ นอ โอ่ เซอเพร อู เนอเต๊เห่เจ๊อ. เน ด๋า อิซว๊าอี๊แส่ อู เฮ๊ เร๊อหม่า เน อิซว๊า เป่แพ๊ อู เตจ๊ออาเต แพ๊. แกแย เห่ขุพู๊ เต๊เห่ เตเน เจ๊อ เน ฮู๊ เต๋ เบ่เบ่, เน ซิอิเช เกอ อู เตอเจ๋อ โต่. เน แม๊ดุ แม๊ปีตี๊ เกออู โต่โต่.

มัทธิว 8:29

เหย่ซี เอ๊โท เน๊อ, “จอแปแหร่ อาพู๊คู, เร๊อ ซิหยื่อ เม เป ฮู๊เต? จอแปแหร่ อาม๊อเนอ เมจากาคยา อู เออ โต่ แต่ล๋ายโต่ เบ๊อะเนอ, เน เตเร แฮเม แคร๋ เป อิเต?”

ꤜꤢꤨꤊꤢ꤬ 8:28

เบ๊อะอา แม๊เถอะ เหย่ซู่ เบ๊อะเนอ, อา จ่าเพรอ เอ๊โท เร๊อ อา จว๊า แด๊งือแล เด๊อ เหย่ซู่ แบ๊เส่เง เร๊อ อา จ่าเพรอ เอ๊โทเฮ๊เบ่ เน๊อ, “เตดุเตทู ตื๊อดื่อ จอแปแหร่ อาพู๊คู เหย่ซู่, เน เตเร แฮเม แคร๋ แว อิเต? แว กุยซิยอ เน, เมจาเมจือ แต่ แว แต่เหม่ นี๋.”

เปโตร เนอบ่า ต๊าบ่า 2:2

เร๊อ แกแย เก่ ครวาเอ๊เกอ แหน่เจ๊อ เหย่ซี แกล๊ เด๊อ อา ลือ สุ่ยเทอพ๊าหย่า อา เตซิหยื่อซิลอ มู๊แหม่รีแจ่ เออเนอ เต๊เห่ ปา. เด๊อ เหย่ซี เมฮู๊เนอ อาขว่าอาคยา, แกแย เด๊อ อาโร เต๊เห่ เฮ๊เบ่ เป๊อเจ่ออิแช๊ เจ๊อ เตหมะเตจ๊อ อาแกล๊ ปา.